珍珍串燒 (已結業)

细细间。门面简陋唔吸引价钱中下。合理唔算贵谂住佢唔落足料嘅泰式叫咗三道菜点知。。。好食。好食。好食每道菜都用发泡胶盒上见隔离枱嘅汤面同系用发泡胶碗唔环保但又方便唔驶洗通菜感觉够镬气。味唔太偏咸。够辣但唔会盖咗菜嘅味道木瓜沙律木瓜味唔太重。甜酸辣好平均。少少冻食嘅温度刚刚好。生菜包肉碎表面干身。咬落好重肉so味。慢慢渗出辣椰汁罐罐嘅卖相都唔差。较清唔会好甜。都有椰子味仲有小小椰肉粒。会再去试其他菜式…查看更多

真系估唔到，呢间细细间铺头仔d野食一流!!!果日经过叫咗个海南鸡饭食，简直系比得上文华酒店咁好食。鸡好滑，饭味香浓。我老公叫咗串烧，串烧啖啖肉，好好食。一定会再帮衬!…查看更多

同朋友2人一起吃泰国餐。铺面较细，只有台仔2.3张。多数做外卖。没有冷气，幸好当日不太热。食物很快上台，味道唔错，冇中伏。串烧就温的，是烧定，不过交酱料味道几好，所以都可以。其他味道略重，饮料的冰都有d甜。总体唔错，抵食。…查看更多

之前朋友去过珍珍串烧到食，觉得几好就带我去试。铺头既地点都算易揾，又邻近新世纪。果次去到咁岩有位所以唔洗等就有得食我同朋友嗌左4串串烧(一串12蚊，4串10蚊，嗌4串好抵食)，龙眼冰，菠萝炒饭同埋喇唦。首先讲下个串烧先，四串分别系牛猪鸡同鸡翼。我个朋友就中意佢个猪既，而我就中意佢个鸡翼。烧得好香再配埋个沙嗲汁真系好好食。不过如果再热啲就好啦。再讲讲佢个沙嗲汁，食得出有啲花生酱味，同调味适中。果然好既酱汁系可以为食物加分接住落黎就系讲下我叫既喇唦。我本身都系中意食喇唦既人黎既，而呢个喇唦既汤底我好中意，都好推介。味道几浓，食完碗面都要饮多几啖个汤底同埋佢真系好抵食，30蚊但有好多配料例如鸡丝，鱼片，豆卜，鱼蛋之类。成碗都好正惟独个米粉冧左小小，但整体我都觉得好好！又一样好抵既就系呢杯龙眼冰。跟餐都只系加5蚊，原价都只系8蚊，真系好抵。价性比又高，因为真系好好饮。呢杯龙眼冰啲甜度刚刚好，唔太甜又好天然既味道，所以对呢杯龙眼冰既印象最深刻。最后就系朋友既菠萝炒饭啦。我都食左几啖觉得都唔错。个饭有好多配料，同埋啲菠萝好甜。又唔会炒到一旧旧，啲饭一粒粒几好咬口。…查看更多

好耐之前系ig到见到推介已经谂住黎试下，琴日终于去试左。店舖环境比较细，去到要等位，不过好快就等到。叫左4串沙嗲汁嘅串烧，鸡猪牛鸡翼各一串，个人最喜欢食鸡翼，计番$5一只，抵食！串烧最吸引都系个沙嗲汁。不过认为串烧可以烧热啲。之后仲叫左个龙眼冰，真系真材实料！味道天然不太甜，当水饮都得！最后就叫左个泰式干炒牛河医肚。本身以为泰式同中式嘅干炒牛河会好大分别，但系原来食落味道都系差唔多。但系系呢碟干炒牛河入面加入左新鲜嘅菜，而且有大大块嘅牛肉，都系比以前食过嘅干炒牛河优胜嘅地方！…查看更多