珍寶坊 (已搬遷)

朋友話我知佐敦有間小食店，就晚餐前去幫襯下小店！好得意好有創意既黑白丸！所以就同朋友兩個人share啦，少食多滋味嘛細細間店，但見老闆係我地order即炸，真係有點窩心！不少地方放題個啲都會見到有黑色既墨汁墨丸，但甘大粒真係好少見，有啲似長洲大魚蛋既變奏版。黑白丸 $20勁大甩勿演！仲有兩種色，原味同埋墨汁！淋上蜜糖芝士汁，一咬入面有好彈牙又幾大粒既墨魚粒！但本身粒丸係有點淋...吾夠彈！有啲扣分，亦同彈牙既墨魚粒好大對比！價錢方面，20蚊4粒確實有點貴！但欣賞佢地既創意同埋即製～…查看更多

面對要求愈來愈高的食客，即使是街頭小食也要講創意，才能突圍而出。日前在廟街轉入一橫街後，發現一間叫珍寶坊的小店，看到一些有趣的小食。點了個芝士汁黑白墨魚丸，丸内真的咬到一梳梳的墨魚肉，頗足料，黑丸則是加入墨魚汁的玩意兒，如放在餐廳或許不是甚麼新鮮事，但放在街頭小食卻挺吸引人注視。最特別還是個芝士汁上加了一點點蜜糖的做法，初時覺得又鹹又甜有點怪，但配上墨丸食落又幾配合喎。另外，亦試過一些白魚蛋，配合其辣油感覺也不俗。…查看更多

早前電視介紹過，見到黑白丸就覺得好吸引，加上我返學地點係附近，特登行黎試下……芝士汁黑白丸其實$20得4粒真係有d貴，除返1粒要5蚊，下次都係吃返白魚蛋……黑白丸其實係炸墨魚丸同埋墨汁墨魚丸，即場炸到熱辣辣，之後再加芝士汁同蜜糖，我本身係芝士狂，我覺得芝士汁唔夠多………查看更多

生日冇食湯圓食魚蛋都係一樣姐，圓碌碌😂珍寶坊白魚蛋都可以加蜜糖，芝士架。老闆問我食過呢度既流心丸未，我話未，其實我都係第一次黎~ 老闆請左食粒流心丸，最正既食法係流心丸表面上唧一層沙律醬，然後再咬爆流心丸裡面既沙律醬，內外湧出冇得輸。 黑白丸我諗起太極既黑白，互相輝映。芝士愛好者一定要黎試下，珍寶坊會滿足到你，落足芝士醬同蜜糖，再加上墨魚丸輕輕炸過表面，平時食芝心丸由內向外流，黑白丸則由外流向內😜癲倒黑白，哈哈。…查看更多

上次第一次食評終於上到，比返D動力我繼續寫！最鍾意就係小店，食嘅隨咗係味道，仲有人情！話說嗰日星期日，返完晨早工，嚟咗個新界，九龍食會到盡。喺沙田圍食完德美壽司，好想食甜品，就無啦啦去咗佐敦，好想食熊貓甜品，但去到摸門釘….. 最後去松記坐咗2個鐘！食完甜品，好想有啲咸點小食到肚搵搵吓，見到有間食魚蛋+黑白珍珠，仲有芝士汁嘅小食店，睇牌面已經吸引咗我！行咗一陣去到，經過好多野食嘅吳松街，見坐落角落頭嘅鋪頭好「企理」，因為同朋友想坐低食，好無理咁問老細有無得坐，當然係無啦……哈哈，小店只有一個叔叔坐陣，小店小食唔多，有魚餅、白魚蛋、黑白珍珠 (黑白墨丸) 、咖哩角同撈麵等，最多選擇係有多種醬汁！叫咗HK20有4粒嘅黑白珍珠，當然係食芝士蜜糖汁，見叔叔喺炸爐拎墨丸出嚟放入一個圓嘅盒，我諗係一個「手動飛油器」，轉咗幾下，放入小碗，加芝士汁，神來之筆係最後吱上去嘅蜜糖！可能因為「手動飛油器」飛咗油，芝士汁可以好舒服咁同4粒黑白珍珠融合埋，完全唔覺好油，而丸裡面，真係有一塊塊墨魚！我本人就鍾意黑珍珠多啲，其實佢係加咗墨魚汁嘅墨丸，我覺得味道比較香，而白珍珠，Ok啦！芝士汁可以話係不得不食，同黑白珍珠夾到無論，再加上少少寫蜜糖，中和芝士嘅滯，我地3個人分，我就食到黑白珍珠，每食一口都點點汁！好唔捨得咁就食完咗，準備返屋企，行到街尾，都忍唔住，行返去！起初覺得佢叔叔cool cool地，因為我一去到時超級Hyper話好似好好食 bla bla bla但叔叔都無乜反應，但見我都返去，我話好想再食，叔叔原來唔cool，可能見我地幾個5分鐘後又出現，今次食白魚蛋，嘩！20蚊有20粒！今次我去想試下所有醬汁，叔叔好好咁幫我地分開，比我地試到5汁，有沙嗲+咖哩、麻辣+香辣、最後當然有最愛芝士蜜糖啦，我地放棄咗泰式酸甜汁！白魚蛋非常有彈牙，但魚味唔大，可能我主要食汁，估佢唔到，沙嗲+白魚蛋竟然最夾，咖哩就ok la，而麻辣都非常唔錯，但可以再麻啲啲，反而白魚蛋+芝士汁就無咗嘩一聲嘅感覺！整體嚟講，去到佐敦都真係要試下，問過叔叔，好似開到夜晚12點，飲完野食返碗都唔錯！但溫提芝士最好加墨丸，哈哈哈！…查看更多

估唔到鋪仔細細魚蛋咁好食，又彈牙，味道又好，絕唔係一般街邊魚蛋可比。香辣醬好味，唔算好辣，仲有其他醬可試。10蚊6粒真係唔算貴。仲可以試埋芝士汁"黑白"(墨魚丸拼墨汁丸)…查看更多

一直將珍寶坊收藏在WISH LIST之內，皆因其黑白丸的相片和介紹令人垂涎，今天在附近下班，終於可以一嚐了！:)$20一份黑白丸，原來是2大粒白色的「墨魚丸」+2大粒黑色的「墨汁丸」，每份即叫即炸，製作需時，要點點耐心等候。看著店員由炸爐取出幾粒墨丸，再在另一端加入香濃的芝士醬汁，最後塗上少許蜜糖，非常精緻。吃下一口，墨魚丸熱烘烘的，和芝士汁出奇地配搭得宜，而且加入蜜糖後令食品更添惹味！墨魚丸相當彈牙，當中的墨魚粒比例亦比一般的多。自小喜愛芝士的我更將最後的幾啖芝士醬汁全部喝下，腹子滿滿的步上巴士回家去！店內還有售賣$10/7粒的白魚旦，聽說還可選擇咖喱汁或香辣汁，嗜辣的朋友不容錯過！…查看更多

看到雜誌的佐敦美食地圖，經過來試下。小舖光鮮整潔，感覺良好，感到也有用心經營，也加點心思賣一些平凡，但再加點心思的小食。是次來一試白色魚旦，驚喜的有芝士汁可選。就來一客芝士汁配辣魚旦，細份。白魚旦，其他小食店較少提供，爽爽的，芝士味雖不算用上什麼講究芝士，稠身，味不算濃，但也惹味。看到其他咖哩角泰式魚餅即炸，下次可再一試。:)…查看更多

買左$20/16粒 本身淨係諗住加蜜糖店員哥哥問加唔加芝士咁緊係加啦打算外賣番家先食。但又引唔到，食左一粒，好彈牙，芝士汁好正又抵食又好味，下次一定會再幫襯…查看更多

佐敦發現一間魚蛋專門店！開頭覺得只賣魚蛋會好齋，但食後先知咩叫只要有料到，單賣一樣已足夠，白魚蛋，魚味重而且好彈牙，配上唔同醬汁更有唔同效果，而將２種醬料再混合一齊，味道又完全唔同，簡直就係魔法魚蛋！…查看更多

行過見到新開，金光閃閃以為賣涼茶！咦？賣魚蛋？仲咁大間淨係賣魚丸，咁把炮？試下先。嘩！魚蛋加辣醬，好好食呀～～～個辣好正好香，魚蛋係彈是常識吧！再嚟個黑白丸，癡線！個芝士汁竟然加蜜糖上去？點知無諗過咁夾！同平時打邊爐嗰啲芝心丸係兩回事，個墨汁丸仲好多墨魚粒！癡線的好食。希望唔好咁快咁多人知好食啦，唔想排隊呀 ！利申：唔是打手！真心覺得好食到抵我寫第一次食評俾佢！…查看更多

平時好少食魚蛋的我:(今日出佐敦買野經過一間金碧輝煌的鋪頭，開頭以為金鋪，望多幾眼原來係賣魚蛋門口有人派魚蛋免費試食心諗試下無妨，點知就中招了 普通一粒白魚蛋，非常彈牙，魚味非常買了$20食，魚蛋配上惹味辣椒油，令人食指大動辣味令到魚味更一步提升，香辣油微辣中帶香，又唔會感覺到嗆喉，非常之正臨走前買多樽佢地自家製的辣椒油($80)返屋企孝敬媽媽…查看更多

聽聞係某間中菜館的行政總廚經營的小食店，當然要試試啦！這小食店主打白魚蛋，好味道的食物條件包括，色香味！眼見平平無奇的白魚蛋，外觀純白色，外層有少少油反光，十足一顆顆白珍珠一樣，跟珍寶坊這店名互相呼應，香味，經過高溫油瞬間把魚蛋迫至高溫，令到內在的魚香散發出來，與一般見到的黃魚蛋相比簡直天與地獄，一般黃魚蛋基本是沒有味道，但這白魚蛋，入口時已啖啖魚味，有種令人食完想再食的感覺！非常之彈牙，魚味濃郁，一碗２０粒，簡直香港小食救星！…查看更多

下午經過見到，買左一份魚蛋，竟然可以選芝士汁，真係幾特別，值得一試佢地隻魚蛋係白色個種，真係吾同普通個d,好香魚味，下次再試埋其他汁先~~~~~見到佢地個自家辣汁都幾吸引，可惜自己食吾到辣=[…查看更多