珍寶坊 (已搬遷)

朋友话我知佐敦有间小食店，就晚餐前去帮衬下小店！好得意好有创意既黑白丸！所以就同朋友两个人share啦，少食多滋味嘛细细间店，但见老板系我地order即炸，真系有点窝心！不少地方放题个啲都会见到有黑色既墨汁墨丸，但甘大粒真系好少见，有啲似长洲大鱼蛋既变奏版。黑白丸 $20劲大甩勿演！仲有两种色，原味同埋墨汁！淋上蜜糖芝士汁，一咬入面有好弹牙又几大粒既墨鱼粒！但本身粒丸系有点淋...吾够弹！有啲扣分，亦同弹牙既墨鱼粒好大对比！价钱方面，20蚊4粒确实有点贵！但欣赏佢地既创意同埋即制～…查看更多

面对要求愈来愈高的食客，即使是街头小食也要讲创意，才能突围而出。日前在庙街转入一横街后，发现一间叫珍宝坊的小店，看到一些有趣的小食。点了个芝士汁黑白墨鱼丸，丸内真的咬到一梳梳的墨鱼肉，颇足料，黑丸则是加入墨鱼汁的玩意儿，如放在餐厅或许不是甚么新鲜事，但放在街头小食却挺吸引人注视。最特别还是个芝士汁上加了一点点蜜糖的做法，初时觉得又咸又甜有点怪，但配上墨丸食落又几配合㖞。另外，亦试过一些白鱼蛋，配合其辣油感觉也不俗。…查看更多

早前电视介绍过，见到黑白丸就觉得好吸引，加上我返学地点系附近，特登行黎试下……芝士汁黑白丸其实$20得4粒真系有d贵，除返1粒要5蚊，下次都系吃返白鱼蛋……黑白丸其实系炸墨鱼丸同埋墨汁墨鱼丸，即场炸到热辣辣，之后再加芝士汁同蜜糖，我本身系芝士狂，我觉得芝士汁唔够多………查看更多

生日冇食汤圆食鱼蛋都系一样姐，圆碌碌😂珍宝坊白鱼蛋都可以加蜜糖，芝士架。老板问我食过呢度既流心丸未，我话未，其实我都系第一次黎~ 老板请左食粒流心丸，最正既食法系流心丸表面上唧一层沙律酱，然后再咬爆流心丸里面既沙律酱，内外涌出冇得输。 黑白丸我谂起太极既黑白，互相辉映。芝士爱好者一定要黎试下，珍宝坊会满足到你，落足芝士酱同蜜糖，再加上墨鱼丸轻轻炸过表面，平时食芝心丸由内向外流，黑白丸则由外流向内😜癫倒黑白，哈哈。…查看更多

上次第一次食评终于上到，比返D动力我继续写！最钟意就系小店，食嘅随咗系味道，仲有人情！话说𠮶日星期日，返完晨早工，嚟咗个新界，九龙食会到尽。喺沙田围食完德美寿司，好想食甜品，就无啦啦去咗佐敦，好想食熊猫甜品，但去到摸门钉….. 最后去松记坐咗2个钟！食完甜品，好想有啲咸点小食到肚揾揾吓，见到有间食鱼蛋+黑白珍珠，仲有芝士汁嘅小食店，睇牌面已经吸引咗我！行咗一阵去到，经过好多野食嘅吴松街，见坐落角落头嘅铺头好「企理」，因为同朋友想坐低食，好无理咁问老细有无得坐，当然系无啦……哈哈，小店只有一个叔叔坐阵，小店小食唔多，有鱼饼、白鱼蛋、黑白珍珠 (黑白墨丸) 、咖哩角同捞面等，最多选择系有多种酱汁！叫咗HK20有4粒嘅黑白珍珠，当然系食芝士蜜糖汁，见叔叔喺炸炉拎墨丸出嚟放入一个圆嘅盒，我谂系一个「手动飞油器」，转咗几下，放入小碗，加芝士汁，神来之笔系最后吱上去嘅蜜糖！可能因为「手动飞油器」飞咗油，芝士汁可以好舒服咁同4粒黑白珍珠融合埋，完全唔觉好油，而丸里面，真系有一块块墨鱼！我本人就钟意黑珍珠多啲，其实佢系加咗墨鱼汁嘅墨丸，我觉得味道比较香，而白珍珠，Ok啦！芝士汁可以话系不得不食，同黑白珍珠夹到无论，再加上少少写蜜糖，中和芝士嘅滞，我地3个人分，我就食到黑白珍珠，每食一口都点点汁！好唔舍得咁就食完咗，准备返屋企，行到街尾，都忍唔住，行返去！起初觉得佢叔叔cool cool地，因为我一去到时超级Hyper话好似好好食 bla bla bla但叔叔都无乜反应，但见我都返去，我话好想再食，叔叔原来唔cool，可能见我地几个5分钟后又出现，今次食白鱼蛋，哗！20蚊有20粒！今次我去想试下所有酱汁，叔叔好好咁帮我地分开，比我地试到5汁，有沙嗲+咖哩、麻辣+香辣、最后当然有最爱芝士蜜糖啦，我地放弃咗泰式酸甜汁！白鱼蛋非常有弹牙，但鱼味唔大，可能我主要食汁，估佢唔到，沙嗲+白鱼蛋竟然最夹，咖哩就ok la，而麻辣都非常唔错，但可以再麻啲啲，反而白鱼蛋+芝士汁就无咗哗一声嘅感觉！整体嚟讲，去到佐敦都真系要试下，问过叔叔，好似开到夜晚12点，饮完野食返碗都唔错！但温提芝士最好加墨丸，哈哈哈！…查看更多