珍一料理 (麗灣大廈) (已結業)

我想讚下呢一間店舖，我係第一次去入咗去完全唔清楚環境底下問收銀個姐姐有咩好食 佢好有耐性咁介紹之後我就買咗我喜愛嘅東坡肉飯食$60竟然有意外驚喜好好食個姐姐仲好有禮貌咁介紹我有其他小食我就買咗三款小食共$60估唔到呢間嘢都幾好食 最重要係畀我第一個印象好好 員工態度非常之好下次一定試下姐姐介紹個個酸菜魚先

🌃 店鋪為外賣店，有一個擺放川麻涼伴小食既透明玻璃大櫃，各款小食一目了然，店面乾淨企理。.👨‍👩‍👧‍👧以下為2人份參考（💲人均$7x) (午餐).🐔 椒麻手撕雞飯套餐💲 60/ 份 👉 手撕雞份量好多，雖然唔係撕得好碎，但依然見到唔少雞肉，椒麻汁幾夠味，另外一邊為川麻椰菜，幾爽口，配料有芫荽、脆炸花生、脆炸黄豆等。.👉套餐附送是日葷素小食各一款，包括土豆絲，麻辣豬肚條，2個都係爽麻既涼伴小食。.👉 套餐附送酸梅湯一罐.🥘 小食杯三拼💲 32👉 爽脆豬耳絲， 秘製泡椒鳳爪， 秘鹵豬爽肉，配料有芫荽、脆炸花生、脆炸黄豆，加上秘制既川麻汁加芝麻，麻香味十足。 🍲 酸辣粉💲 26👉 呢個湯底幾有驚喜，叫了中辣， 麻香味好重，而辣度比較迎合大眾口味，薯粉好索湯，感覺好滿足。.🦑 冰火魷魚(細)💲 35👉 店舖既新產品，雖然叫了細份量，但都有唔少魷魚，口感幾彈牙，冰火既意思係冰凍既魷魚配上火辣既辣椒油，呢種衝擊感好正。.🍸 冰紅茶一罐 +$5.🤠 通粉 foodie 食評總結 :👉 以川麻涼伴小食連鎖店黎講， 呢間仲keep住中等水準， 以廉價既價錢取勝，住在附近不妨一試。.🕍珍一料理 (

川式特色外賣店有一人餐,包飯有主食,包飲品,配菜一款,60蚊起加料半隻椒麻雞68蚊,超抵食仲有拌麵,酸辣湯麵等等選擇~多款涼拌菜式,包括夫妻肺片,鳳爪,涼麵,爽脆豬耳絲,牛筋凍,可辣可唔辣岩曬而家無堂食要買外賣返屋企開飯最近仲加推即食包,加熱就食得,有排骨,牛腩等選擇~小食也不少選擇!豆乾,土豆絲,麻醬秋葵,豬耳,高麗菜,金錢肚,豬手等等十幾廿種選擇,單係每次食2款都要食十次先試得曬仲有加推4人/十人餐,都係$100一位左右! 已經有飲品,主食非常抵,包送貨一辣一唔辣 秋葵健康之選,養胃滋味,牛肉滷得入味有口感雞絲+東坡腩肉,肥瘦平均,口感豐富不膩,醬香夠濃,雞絲嫩滑,麵身煙韌彈牙$150就可以足2-3人享用,非常抵食珍一料理 (麗灣大廈) 西灣河筲箕灣道33-55號麗灣大廈地下J1號舖

又禁堂食 我第一諗就想食佢 「珍一料理」之前食過，知道哩間係做外賣，今次即刻再幫親！！！味道好懷念、當然好好味、好多選擇，有埋嘢飲同手信可以一次過買🤗仲有員工超nice 有禮貌，熱心講解所有嘢🤓愛上咗⋯⋯我襯今次禁堂食，我嚟咗最近嘅筲箕灣分店。take a way咗🍗豬手酸辣程度超合適，同店員講有小小咳唔太辣得佢哋會超細心幫你揀啱口味又唔辣嘅配菜，哩份豬手一咬🤓就感受到廚師嗰份心機同用心，因為哩d要醃製一定時間、份量、比例好有講究😀 食得出👍🍗牛筋凍好似啫喱咁但又好爽口，凍食可以擺耐小小。我嗌多份可以等陣睇波時慢慢當小食🤗🤗套餐份量一直冇令我失望，啱超大胃嘅人都夠飽😋😀😂繼續支持！！

Omicron 來襲政府又禁晚市堂食本身諗住去太安樓買外賣手撕雞返屋企食就算但太安樓人山人海，間間都咁多人，排隊排到出馬路。嬲嬲地就走，一行過對面馬路見到呢間珍一料理。間舖頭好乾淨，唔似得太安樓嗰邊好似黐立立咁。對佢幾有信心，價錢又唔貴，所以就走入去試一試。店長好好人，慢慢講解點叫，同點樣好味。最後我叫咗個手撕雞飯，配五香汁。店長話本身可以凍食，如果返到屋企有時間，可以蒸返熱，會更好味。另外，叫咗兩盒三拼。分別係藕片，豬爽肉搭牛腱，中辣金錢肚，土豆絲搭腐竹，小辣我本身食到辣，覺得小辣未夠過癮，中辣咁咁好😋！個人最推薦個牛腱同藕片👍🏾👍🏾👍🏾真係食過返尋味，呢排無堂食之後，應該都會keep住嚟買外賣

中午搭叮叮車過來買外賣，遠離擁擠的人潮，其實很舒服，天氣也是陽光明媚的，適合“郊遊”。珍一料理主打川菜，且超級地道。特別適合買了之後回公司慢慢享受。 麻辣豬肚條 45超級鮮美入味，麻辣味道剛剛好，因為我最近不能吃辣，所以 小辣就已經很夠味。主要是 很香，麻度調整到可以接受但是很入味的程度。 三拼 土豆絲+藕片+芹菜豆干 40蔬菜三拼，吃起來會很健康，又不會很飽肚子。保證了下午的精神又補充了一整天的營養。脆爽豬耳 35我的最愛，每次都喜歡豬兒，小小的脆骨可以補充骨膠原。感謝上天給我們豐富的食物雞絲涼拌面 30沒想到這個也那麼好吃，面很勁道，爽爽的涼麵配上雞絲，麻辣入味。

今晚10點30左右喺貴店買牛腱，蓮藕片同豬耳，落單時已經要求走荽茜，收銀都已經提執料個人走荽茜，但買到返屋企打開，唉，提咗走荽茜都要加，咁我仲使乜走呢，本身諗住買俾老婆做宵夜，而家唔使食嚕，但又要我再落街買，其實都唔係第一次，只不過第一次見你新開，俾次機會，但今次真係唔可以接受。。。仲有個電話號碼都唔知堅定流，10點搭9打去，響咗勁耐都冇人聽。。。

今日無聊冇嘢做，走咗落去周圍行吓街搵吓好嘢食，本身以為西灣河都係比較簡單，冇乜特別新嘅食物，點知完全錯晒！見到一間好吸引嘅川菜外賣，就係呢一間珍一料理啦！呢一間外賣店喺馬路旁邊，非常方便同埋好易搵到！同埋望到入面嘅菜式非常豐富，有超級多款唔同部位嘅肉類可以選擇！真係好少見得到咁齊全！我自己就揀咗呢一份牛腱！呢個牛肉嘅味道好香，雖然冇食到酸辣嘅風味，但係呢個醬汁依然好香濃！食落去好吸引嘅味道！而且重點要講下嘅係呢度嘅份量好多，可以話係性價比好高嘅外賣！相信下次如果食埋佢哋嘅川辣風味嘅菜式，可以再買返屋企加送！

仲記得以前細個嘅時候成日都好想食辣野，大個之後就好少有機會搵到一間好食嘅辣嘢食！今日比我搵到一間好正嘅外賣小店！雖然係外賣嘅舖頭，不過一啲都唔會做得馬虎！食得出以前係用心同埋認真去處理😍😍食咗一個好好食嘅夫妻肺片，呢度嘅外賣款式有好多，其中一個自己最鍾意嘅就係夫妻肺片！真係好吸引，首先呢一度嘅川辣汁好香濃，而且味道豐富，夠晒辣！同埋非常入味，食到啲配料嘅時候都覺得好正！而且呢個辣嘅味道係會令人越食越上癮嘅辣！下次都要過嚟再試吓唔同嘅款式先得！❤️我見到有好多款式可以嘗試同埋比較新穎，而且價錢合理！

今日經過見到呢一間珍一料理，自己都唔算好肚餓，所以就淨係叫咗一個餸試吓！係咁多種選擇裏面，要揀嘅話真係花多眼亂！而且自己都有選擇困難症，但係最後經過店員介紹之後，就是在呢一份秘製泡椒鳳爪❤️❤️真係好啱我心水，本身我自己都好鍾意食鳳爪，而且再加埋泡椒嘅味道！呢個泡椒嘅味道非常濃郁，一擺入口就已經好強烈食得出係嗰個辣椒！好有特色，而且呢個鳳爪都好好食，估唔到份量咁多！而且呢個鳳爪做得好入味，相信對於鍾意食呢個辣味嘅人來講，一定會好鍾意！😍而且，我見到呢間餐廳仲有好多唔同嘅菜式，仲要有煮食，我諗如果買返屋企加送嘅話，屋企人都會好鍾意！

嗰度食川菜嘅話，我朋友介紹咗我去呢一間珍一料理！呢間餐廳真係好特別，全部都係做緊外賣嘅川菜！喺香港地真係好少可以搵到，原來呢間餐廳都有好多分店！咁啱我喺西灣河嘅時候就見到呢間野🤤🤤所以就可以走咗入去試吓！首先，我叫咗一份香麻牛蹄筯，呢個香麻嘅味道好好食！可以話係超級香濃嘅辣味！而且唔會話太辣，呢個辣味都來得好快！我個人都幾喜歡！而且呢個部位嘅咬口好特別！好有口感！另外仲叫咗一份夫妻肺片，呢個份量好多，而且入面嘅菜式亦都好好食！唔同種類都好好可以試到！個人來講，對呢間餐廳都幾高評價！而且價錢合理，所以都幾推薦人哋去試吓！

講到食川菜，本身都好鍾意！對於鍾意食川菜嘅我來講，對於呢個辣到嘅要求真係好高！唔可以淨係得個辣字！😊今次去咗食呢一間珍一料理！呢間餐廳雖然係外賣小店，不過絕對係性價比好高！首先，呢間餐廳嘅價錢非常貼地，可以用幾十蚊就可以試到唔同款式嘅食物！😊我自己今次叫咗一個秘製滷水豬爽肉！本身都好鍾意食豬肉，而且加埋呢個秘製醬汁，簡直係天衣無縫！而且呢個川味嘅辣味真係好啱我！唔會淨係好辣，而且唔會有太多味精！所以食完之後都唔使驚會好頸渴！😊😊同埋呢間餐廳有好多唔同其他嘅款式，下次可以同朋友過嚟試晒其他唔同嘅款式先得！

本身今日可以同朋友去食飯，不過佢放咗我飛機😅不過都唔緊要，我都可以享受一下屬於自己嘅時間，搵一間啱心水嘅餐廳！食我鍾意食嘅！搵咗好耐，終於都搵咗呢一間珍一料理，雖然係外賣嘅小店，不過服務質素同埋食物質素絕對係一啲都唔馬虎！我今次叫咗一份香麻牛蹄筯！見到咁多個菜式之中，呢一個係最令我surprise嘅！本身都好少會食得到呢一個部位！而且呢一度嘅香麻醬汁真係超級吸引！食到好上癮同埋食得好過癮！而且唔算太辣，相信就算唔係好食得辣嘅人都食得到！整體來講，呢一間餐廳真係幾特別，好好食嘅川菜！而且款式重要好多，下次都可以介紹朋友試吓其他唔同嘅部位同埋菜式先得！

我嘅好朋友知道我好鍾意食撈麵，然後今日佢就介紹咗我去呢一間喺西灣河嘅珍一料理，呢間餐廳出名食川菜，一入到去就見到有好多唔同款式嘅肉類可以選擇，望到都非常吸引！然後喺間舖出面就已經聞到好香嘅麻辣味道，真係流晒口水！🤤我自己今次就叫咗呢度其中一個特色嘅粉面系列，就係呢一款乾拌麵！然後仲叫多種一款喺川菜入面好出名嘅四喜烤麩！❤️❤️首先想講一講呢個撈麵，呢個名真係好正，好香嘅問吓味道，而且呢個面好彈牙！係好好食嘅撈麵！而且呢度醬汁十足，加埋花生同埋芫荽一齊食真係好爽！而且重點嘅係可以用到呢個價錢食得到咁高質同埋份量咁十足嘅食物真係好開心！👏🏻👏🏻下次都要過嚟試吓其他唔同特色嘅川味菜先得！

今日去咗西灣河，真係好難得先會去得到西灣河！咁啱去見客，而且可以抽倒有少少空檔嘅時間，梗係要喺呢個地方周圍搵吓嘢食啦🤤🤤搵吓搵吓，見咗呢一間喺路邊嘅珍一料理！一眼望落去就望得到呢度有我好鍾意食嘅泡椒鳳爪，而且呢個鳳爪望落去非常吸引，所以我都忍唔住走咗去試吓！我而且最重點嘅係呢一度嘅份量好多，價錢又好平，絕對係一間好好食嘅良心小店！而且呢個真係佢哋特製嘅泡椒鳳爪味道好香，而且夠晒辣！食得出有好香嘅泡椒味道，而且呢個辣味留咗喺個口到好耐！超正超爽👍🏻👍🏻好食到流晒口水！非常值得推介一試！