影片
本身SeeFood 闺都几钟意去买呢间小店嘅花胶汤，有时会顺便买佢啲水饺食，因为啲饺都算皮薄馅多，$40有8只，而且有好几款可以拣，当中韮菜猪肉饺啲韭菜都好香吓。佢仲会附上鸡汤，同一杯菊花水，虽然杯菊花水有啲苦，又无甜味，应该唔系人人钟意😂😂仲有最可惜嘅系堂食环境亦比较差，座位唔够，又唔好坐，遇过天花滴水，冷气太冻同埋有蚊滋飞来飞去，好困扰。后期SeeFood 闺决定唔堂食转买外卖，点知都有蚊滋喺袋度飞出嚟，吓得Seefood闺唯有放弃唔食🥺🥺
继续阅读
今日lunch 第一次试呢间嘢，外卖自取 用whatsapp 早九个字落单，都覆得几快，同埋都有耐性，问有咩汤又有图，问有咩饮又录埋音预返时间，去到就有得拎外卖 叫咗葱油鲜鸡饭（$68）加鲍鱼响螺鸡汤($20) 有鸡胸两嚿、鸡翼尖一只、鸡翼一只、鸡槌一嚿，份量黎讲都可以接受嘅，多返一至两嚿鸡会再好啲啦。 啲鸡系真系有鸡味，食得出唔系冰鲜嘢，鸡胸就鞋，其他都ok 滑，块皮充满鸡油味，啲葱油亦都好香！ 将葱油+鸡肉（一定要连皮）+鸡油拎黎捞饭，我觉得系幸福的。 纯计饭、唔计加埋汤，份量黎讲，食完都会七成饱嘅，不过如果佢有菜饭呀、糙米饭拣下就感觉无咁空虚。 至于个汤，无鲍鱼鲜味，都唔重鸡味，得些少响螺味，但都唔系鲜甜，汤里面都无任何汤料嘅。我觉得大家可以唔洗嘥钱试。好彩佢啲汤唔好饮，如果唔系，作为一个汤人，以后嗌鸡饭都要加汤就实在太重皮 一个70蚊有找嘅鸡饭，喺写字楼区都还可以接受，不过下次再食我会叫手撕鸡类嘅饭啦，$48蚊就抵食啲，价钱贴地返少少 另外，如果可以将鸡同饭放埋一齐，我会觉得无咁浪费，而家鸡饭分开就嘥咗两个胶盒，唔知呢间嘢会否考虑一下呢？ 简单黎讲：1. 落单服务2. 葱油鸡3. 份量🆗4. 价钱偏贵 5. 汤
继续阅读
知道佢地开分店，有同事已经话饭嘅味道唔错，开业头几日经过，员工极力推介杯装汤，对于无饭家庭人士系非常方便！即场试饮「花胶鸡汤」，鸡味好香浓，亦饮到花胶果种「浆住个咀」嘅感觉，饮得出真材实料！所以之后都买过两次，亦有介绍同事买！今日突然汤瘾起，食饱Lunch大约2点，同样买花胶鸡汤，返到公司打开杯盖已觉得冇香味，质感非常稀，饮一啖更系淡而无味，好似沟咗水咁，完全唔系之前饮开嘅味道！真系极度失望！以后都唔会再买！
继续阅读