影片
港铁湾仔站 B1 出口, 步行约3分钟
继续阅读
电话号码
26882968
营业时间
今日营业
全日休息
星期一至六
07:00 - 19:00
星期日
全日休息
公众假期
全日休息
以上资料只供参考，请与餐厅确认详情
招牌菜
玖零冰室有好多款唔同嘅早餐，我最钟意就系饱肚粉面系列。有时挨近十一点半先叫，个份量直头可以做埋午餐。所以粉面啲汤都系另上，个汤底每次都系keep到热辣辣，粉面份量都系非常足够。我最钟意系仿鲍片通粉，啱晒懒人方便食，但汤底就略嫌盐左啲。蕃茄通粉试过一次，但就觉得酸左少少，纯粹唔啱我口味。跟餐会有炒蛋，另外仲有丹麦多士。但如果卖晒，就会自动转牛油多士。另外觉得呢度鸳鸯唔错，叫冻饮的话直头饮唔晒...总结呢讲，湾仔呢头高质的早餐，好多女同事都钟意食。
继续阅读
见佢门面尚算企理，谂住入去试一试，我自问对食物要求不高，当时下午约3点时间食下午茶时间，首先因为我刚完成工作已经好攰，用手指住餐牌位置，个侍应仍不停大声咁问我食咩，我再指，佢再问，态度已经有问题，食物刚刚到，已经要急住埋单，当时约3点15分，原来间野收4点，我话可唔可以收左其他客人先，我系个背囊中攞银包，个侍应个样好唔耐烦地企定定系度等，食物质素一般，睇d皮只鸡脾一定是翻叮，重要唔够热。我不推介该餐厅
继续阅读
我同班同事每日最紧张就系食乜嘢午餐，为咗食，我哋今日坐电车由中环去到湾仔，就系想食依间冰室。呢间冰室好干净，座位宽敞，最重要系啲侍应真系好好。我见到有个韩式辛辣面餐，乜嘢都有好鬼正，可惜我唔食辣，侍应提议帮我辣粉另上，等我可以自由落。真系唔好讲笑，成个套餐加埋嘢饮都只系$61 ，但系就有齐我最钟意食嘅丹麦方包、煎双蛋、煎猪扒、仲有韩式拉面。虽然我只系落咗好少辣粉，但系个汤加埋芝士都已经好好味，食到我好满足。仲有杯冻柠茶，我叫走甜少冰，侍应真系帮我加好少冰，同埋啲柠茶好香浓，最后我哋带着开开心心嘅心情继续返中环返工。
继续阅读
想系湾仔快食又坐得舒服，都系会选择黎喱间冰室，职员好好，差一个人都破例能入座，入座后点了以下午市套餐：-古早羊腩饭：预佢一大煲煮好晒，所以落单5分钟内上到菜是预料之内，上枱热辣辣又大碟饭𩠌均多，有6-7旧羊腩，腐竹算是完整，不是烂溶溶，羊腩够腍够入味，肉质唔干冇渣几好食，个汁捞饭一流。-配热柠茶：茶底唔苦已经唔错用新鲜柠檬。店内装修新颖，食饱周围进下装饰都冇咁眼训，整体服务唔错，上餐速度快又有礼貌，赞赞赞!!!
继续阅读
去得茶餐厅其实都唔会预期有好周到嘅服务态度或者高水准嘅食物质素，但系呢一间茶餐厅真系近年嚟食过最差嘅……👍🏼茶餐厅入面嘅环境干净，装修亦都好企理，枱同枱之间又有适当嘅距离👎🏼叫咗一份全日常餐，沙嗲牛肉汤意粉加煎双蛋同丹麦多士，餐饮叫咗热奶茶。（$50） 呢一份常餐中规中矩，系丹麦多士上枱嘅时候已经五马分尸，我仲以为俾人偷食咗。另外一份叫咗番茄猪扒汤意粉， 加一份3.6牛乳炒蛋，+$9 叫咗冻咖啡 。（$69）佢准备嘅过程中听到微波炉「叮」一声已经心知不妙，但系估唔到佢系用微波炉翻热个番茄汤，所以𠮶碗汤得中间系热嘅，出面系冻。炒蛋亦唔系我哋认知嘅炒滑蛋，叫佢做奄列会合理啲。女侍应嘅态度亦都唔系特别好，坐低咗冇几耐就问我哋会唔会叫炒饭或者炒面，因为师傅要洗镬。比完钱即刻讲拜拜，如果多一句多谢大家都会开心啲（将心比心，落单同俾钱嘅过程中，我都有唔该前唔该后），总结就系以后唔会再去呢一间茶餐厅
继续阅读
您可能会有兴趣的...