王牌·圍一叉燒

营业中

休息中

今日去大圍踩單車🚴🏻‍♀️出發前先喺大圍站附近食嗰早餐先😁行經呢間金牌見門口企滿人等位，本住「有人排隊就一定好食嘅宗旨」，我哋又排吓隊試吓先😛🍝 王牌叉燒忌廉雞湯意粉 ($40)🍜 金牌沙嗲牛肉麵 ($40)兩份早餐都配咗香煎雙蛋/炒滑蛋🍳仲有牛油吐司🧈炒蛋夠哂滑😙吐司係厚多士🍞冇話烘得香脆但勝在夠軟熟😌配牛油都好好食😋而飲品除咗一般常見嘅咖啡/茶之外，仲包咗較少見嘅薑蜜奶茶同蘋果肉紅茶☕️蘋果肉紅茶蘋果肉都幾多，寒冬飲真係夠哂滋潤🥰叉燒應該係餐廳嘅王牌，因為見每枱都會叫😆不過可能浸住喺湯意粉度，所以冇咗平時叉燒邊嘅焦脆，但肉質軟臑，味道都唔錯🙂

今日因為踩單車，所以就去咗大圍一轉。喺踩之前想搵啲嘢醫下肚，於是就睇吓附近有啲乜嘢餐廳值得試吓。一出大圍站，就見到呢間王牌唯一叉燒好多人排緊隊，有拎外賣嘅亦都有堂食嘅。見佢出名嘅係叉燒，於是就嗌咗一個雙拼燒味飯，我就揀咗叉燒同埋油雞。一埋位就會有碗老火湯，口味比較濃郁。講返個飯，個叉燒佢話係蜂蜜醃製，食落真係比起出邊嘅冇咁鹹之餘，亦都唔會過分甜，味道平衡。至於肉質方面，我會覺得瘦嘅部份比肥嘅多，大概七比三左右，好彩我比較鍾意食瘦嘅叉燒，所以就好啱我口味。而油雞方面，啲雞皮又薄又爽口，都入味。而肉質方面未至於好嫩滑，但仍然合格。配菜有三條菜心，都新鮮清甜。而飯嘅質地都乾身粒粒分明，唔會又淋又爛。整體嚟講，我會幾推介呢間嘅叉燒，下次有機會想試吓佢另外推介嘅滑蛋蝦仁自家製XO醬飯，因為見到好多人都嗌。

每次同 👧🏽 返到大圍都見到有間食燒味既茶記，而且有不少人出post推介呢間燒味飯，所以就試一試佢 。行到門口玻璃櫃入邊啲燒鵝好吸引，👦🏻 就決定要會一會啲🪿。餐廳有兩層，我哋被安排到二樓，即使有吉檯，侍應亦偏向搭滿一檯先，個人不太鍾意 。先上兩碗例湯，原本對例湯冇太大期望，但出奇意料地足料同好飲，亦唔太覺有味精 。▫️原隻燒鵝髀拼肥叉飯鵝髀皮脆，肥瘦適中有油香，肉味濃郁亦尚算嫩滑。👦🏻 特意落單標明要肥叉，叉燒色水十分靚仔，仲要真係肥叉❗️只有部份表皮有燶邊，入口香濃油脂香，醃味適中同有蜜汁香，十分滿足！⚠️ 重口味 👦🏻 都覺得超肥，平時唔食肥肉人仕請三思 。▪️秘製蔥油雞扒煎蛋飯秘製蔥油就真係蔥同油嘅混合體 ，香味欠奉，亦淡得離譜 😅 雞扒唔入味，亦較嚡口 。叫得秘製蔥油，心諗應該有返啲水準，最後卻令人失望 。兩個飯嘅飯底亦有少少爛 。整體呢間嘅燒鵝叉燒不俗，下次可以再試其他燒味 ；至於其他就不敢恭維 😅

呢間餐廳位於大圍入面有好多座位既好似冰室咁,仲有好多唔同種類既食物,其中比較出名既應該係燒味,呢度餐廳有好大個招牌響門面好易認同搵到,我地叫左一份下午茶係燒腩仔飯,燒腩仔皮脆肉軟,燒腩仔層仔勁平均仲要唔係好油同肥,個皮仲要好香脆,下午茶仲送飲品我叫左一杯好特別既熱奶茶加薑,薑絲好多既一杯熱奶茶比平時更暖胃,飲落好舒服,奶茶口感香滑,小編推介,另一份係叉燒飯,呢度燒味出名所以我地就買左兩款唔同既燒味,叉燒勁厚肉,而且肥瘦適中,黎呢度除左下午茶都可以食其他唔同既茶餐同飯類。

一般食呢啲茶餐廳都唔會有好大期望行過見到有人排隊見有時間就排咗陣入去食睇Menu覺得嘢食望落都好吸引尤其是叉燒立立令其他燒味都唔錯於是叫咗個招牌叉燒滑蛋飯.一上嚟個賣相已經好得份量又大份不過我個人會鍾意個蛋再滑啲而家就煎香嘅狀態都好香口同好食嘅👍🏻叉燒肥瘦相間不過我會鍾意切細舊啲同埋佢連啲豉油都好味總之夾埋就好好食👍🏻👍🏻抵佢咁full嚟過四五次，都係要等位.我胃口都唔細但都食淨三份一反而另一次食下午茶餐個份量就覺得啱啱好如果女仔嚟食，可以考慮share

朋友在附近返工，這天約了他吃晚餐，他一直推薦這間餐廳，果然沒有介紹錯！餐廳有兩層，我們被安排在上層就座，茶餐廳沒有辦法一定要搭枱，但是味道絕對讓我值得搭枱！我點了XO醬滑蛋蝦仁拼叉燒飯，叉燒超級好味，雖然看上去很瘦，但是咬下去肉質鮮嫩，和豉油汁的味道十分夾！蝦仁也不錯，有大概六隻，而且大大隻，當然不能與新鮮蝦相提並論。至於蛋汁亦都非常滑嫩香口。XO醬應該是自製的，有點辣但是很有海鮮的味道！雖然晚餐要搭枱，也不能吃太久，但這間絕對是美味搭救，而且價錢相宜！

🔸 原隻油雞髀配米粉 $ 64 餐飲轉凍飲另加$4油雞髀較細，雖然落較重玫瑰粉鹵這個燒味，仍較淡口，不會太油膩，適合需要瘦身嘅朋友，湯米粉湯底則稍咸，還好另外要了一杯凍飲解渴。味道：6/10性價比：5/10🔸 澳門街賭城豬扒包  $40呢個下午茶餐只喺輕食，就係一個豬扒包，豬扒煎得好靚，火候剛剛好，豬扒唔會太乾，食落都好香口，澳式豬扒包沒有放任何醬料，只喺放咗啲洋蔥絲在麵包下層，嗰包就唔係大，唔好想$40就可以食飽。味道：6/10性價比：6/10

平時好多人排隊，一般黎講都要等位，環境幾舒適。今日下午茶時間去食個港式西多士，味道唔錯，但比其他餐廳略厚，而且用左粗粒花生醬，所以我覺得口感唔係咁好，應該用幼滑果款花生醬會口感好啲。

燒味飯嚟講，環境好舒適，冷氣夠凍一嚟就放低兩碗湯足料冇味精叫左個燒鵝五寶飯$80同叉鵝飯$64見到真係嚇親，勁多肉味道唔錯，超值！呢個價錢真係冇嘢要投訴了！會介紹俾大食嘅朋友

成日一出大圍就見到呢間餐廳好多人等外賣，今次終於試下呢間💖🍚燒鵝拼切雞飯 $64特別推薦燒鵝，個皮脆脆地，油脂香豐富。而且每舊肥瘦平均，每舊都好入味好香。切雞都唔錯，唔柴多肉，雞皮有少少爽口。食得多肉都會濟㗎嘛，每位仲會送餐湯，出奇地幾好飲😋，唔似出面d餐湯係hea你嘅😂

招牌厚切叉燒 ｜ 大大塊豬扒好吃的茶餐廳現在愈來愈難找超好吃的又要大排長龍想吃次美味叉燒的你一定要收藏這家幸運銷魂飯 $65出色的煎太陽蛋厚厚的、半肥瘦叉燒加上美味可口嘅甜豉油，簡直是人間美食咖哩豬扒飯豬扒像臉一樣大咖哩香濃，簡直是白飯的良伴

想感受下咩叫服務差，咩叫慢，你一定要黎呢間想感受咩叫優質服務，就請稍移玉步去隔離紅茶早餐時段去，叫左個肉丁麵跟炒蛋多士，味道正常，但不及紅茶，紅茶衰在冇肉丁但係呢一個人人都爭分奪秒嘅早市時段，啲侍應阿姐個個都未訓醒咁，叫杯水又要叫幾次等左5分鐘，份炒蛋又漏單，其實漏單茶記黎講係好小事，識處理就好快解決，但係呢到啲阿姐個個新入行咁，結果我食完麵飲完野先到總而言之，除非你好多時間，又唔追求食物質素，又或者你早餐係非食叉燒不可，咁你先好黎，如果唔係千其唔好黎

王牌。圍一叉燒 @ 大圍耐唔屎都會想食下燒味飯…同埋一見到'乜寶'飯…我係抗拒唔到'乜寶'呢個terms。因為感覺好有神秘感…唔知師父會剁d乜野俾你吔。(除左其中一款一定係鹹蛋外)今次黎到王牌見到有'四寶'飯就點了…加多個xo醬雞扒飯。四寶飯有叉燒…切雞…紅腸…同鐵腳鹹蛋。叫得自己d叉燒做王牌梗係試你先…叉燒瘦中帶點肥…肉質都幾腍…仲有少少燶邊。係幾好味。切雞肉質幾滑…紅腸就正常發揮。鹹蛋有d漏油唔錯xo醬雞扒飯 一黎到個樣原來咁西化…個滑蛋上放左惹味xo醬…滑蛋都炒得啱啱好…雞扒煎得幾香脆…最正係跟左d,沙律菜。xo醬整得幾好味…微辣…撈飯一流仲有提下個'例水'都幾足料。好飲

經常有人在外面等候，原來都是在等燒味飯外賣.叉燒油雞飯多姜蓉外皮焦脆香甜的叉燒，滋味咸中帶甜，淋上醬汁，成碼白飯吸附咸香夠味，一入口就在嘴裡化開。油雞不會咸又入味，整體不錯。XO醬蝦仁炒蛋飯炒蛋份量都多，加上XO醬味道幾好，可以撈飯

位於大圍站附近的#王牌围一叉烧# 餐廳，給我帶來了一次美味的用餐體驗首先，他們的叉燒燒腩飯讓人驚喜。叉燒皮脆肉嫩，帶有獨特的燒烤香氣，每一口都帶來滿滿的滿足感。腩肉則軟嫩多汁，入口即化，令人回味無窮。配以鮮嫩的白飯和香濃的醬汁，這道菜色香味俱佳，讓人食指大動。另外，他們的沙薑雞飯同樣令人驚艷。雞肉鮮嫩多汁，搭配特製的沙薑醬，帶來一抹微辣的風味。醬汁中的薑與雞肉完美融合，增添了菜品的層次感。搭配飯粒的口感，每一口都充滿了鮮美的口味。地理位置方便 ，一出大圍火車站就見十分便利#叉烧# #广式叉烧# #蜜汁叉烧# #香港特色食物# #烧味# #燒味飯# #大围美食# #大围# #探店# #外卖# #美食打卡# #港式茶餐厅# #粤菜#