影片
今天拜完山，一家人去饮下午茶先回家，路过这间王厨，有位，入去坐低，柜面女士木无表情望住我们，但女待位就招呼我地。早知食到一肚气，当时就走啦！！真系店如其名，店主如皇上，我们如奴才般一边食一边俾佢闹，有位自称店主的阿叔一路睇报派一话我吔唔叫嘢食，但明明张单己经超过210元！我哋见唯一女侍应走来走去，就自己转身取一只筷子，自称店主的阿叔就闹我地唔睇店内规则，吓！吃嘢前要先睇完全店的规条！未听过！这间店子有平面的地方都贴有样样条款㖞！例如要俾钱先可以要杯水洗筷子、套歺饮品后上要加5元服务费，规定每人一杯饭品、叫碟饭代替又唔得，仲要鬼食泥话唔做我哋生意，点解我哋一家想食吓嘢，会俾人闹！我想我哋唯一的错误是唔睇Openrice食评就行入去。食完走喇，那位阿叔仲拉着我家77岁老人家继续闹，那位柜面女士竟说他们讲咗今天体息，我哋仲要入去帮衬！！！佢哋都无讲过，究竟边个思觉失调？女侍应又招呼又落单，又话有意粉冇面包....茶餐厅点会下午5点半就休息？！！可能我哋睇唔到店主其主要规条： 这店不欢迎顾客，不要再来帮衬。
继续阅读
星期日想响新城巿食个TEA 确系一件极艰难既事, 唯有转移去排头村, 对正大街间茶餐厅劲多人, 侧边净番王厨同埋另一间冇开, 即系冇得拣, 入左王厨... 内里有6-7张枱, 只有1枱客, 我地2个人就系第2枱客, 我地拣左最埋面近厨房既2人枱, 结果赖左野.... 佢呢度既摆设已经封晒尘, 朋友仲介绍我饮呢度既特式咖啡, 好彩侍应话部咖啡机坏左, 因为我等野食既时候见到部咖啡机系好污糟既.. 当等野食既时候, 收银既老伯突然响我后面攞住个咖啡罐, 然后数左几张拜神用既奚钱, 我心谂唔系响度烧奚银呀?????? 吓死我! 好彩佢系拎出门口烧, 但响佢我张枱上面封晒尘既野度攞左D 野先去烧, 好彩当时未有野食, D尘冇跌落D 野食度..................我地点左2杯冻柠茶 + 1碗餐旦出前一丁面, 冻柠茶黎到既时候已经冇乜冰, 而且味道很淡... 呢度有告示纸贴住, 如果是奉送的餐饮要同食物一齐上, 如果要求分开上要另加 $5... 咁我如果真系一个要食完野先可以饮野既人, 又想悭果$5, 我系一定要饮一杯溶晒冰既冻野, 或者摊冻晒既热饮... 好唔顾客人既感受... 这个餐旦出前一丁面, 我觉得好好吃, 可能系我太耐冇食出前一丁啦, 同埋我可以拣太阳蛋.. 正!但之后, 恶梦就开始喇.........................当我食到一半既时候, 突然有一个带住黑色胶手套既男人响我朋友后面推住一架人咁高既绿色既垃圾车要行出黎, OH! MY GOD !!!! 点解会响有客人既时间倒厨房垃圾呢? 仲要我朋友特登起身让位比佢, 都算喇! 佢竟然用那对湿到滴紧水既手套, 推我朋友既椅背... 点呀? 我马上递纸巾比朋友.... 即时反晒胃啦!! 当我朋友坐番好既时候, 佢同我讲, 本来见我食得咁滋味, 佢都想整番碗, 但垃圾车令佢立即改变主意, 唔叫野食喇, 因为佢话头先我碗面就系推垃圾车果个男人煮架..... 我真系打冷震! 但无奈, 当时我已经差唔多食完碗面喇! 一个用湿既手套推客人既椅背既厨师, 有几卫生, 真系不敢想像.... 当我冲冲想饮埋2啖已经溶晒既冻柠茶既时候, 绿色垃圾车又番黎喇.....再一次要让位比佢入番厨房! 真系谷鬼气!!! 呢间店真系太自我喇!!!!
继续阅读
成日路经呢度但都未食过..次次见到都几多人,,以为唔错, 点知错晒!!!今日又经过..决定一试入到去见到餐牌, 即刻觉得入错嚟, 都系啲炒粉面同客饭, 不是我杯茶最后我地叫左个菠萝鸡粒炒饭+炒贵刁+2杯热啡等左一阵, 热啡先到, 蒸馏咖啡淡如水过多一阵..炒饭到左, 啲饭都未炒散, 但味道正常我地食完, 贵刁都未到, 追左一次单, 侍应话煮紧继续等....另一位侍应想收起我地既餐具, 我地话未用完, 仲有野未到, 再追一次单但眼见邻座比我地迟来既客人点既食物都已经到左, 我地觉得无理由继续等我地要求取消贵刁...侍应只是一味话煮紧我地离座去cashier..连收钱都冇人收, 又等左阵侍应仲叫我地唔好要佢地难做......我地只系想食个lunch啫, 应该系你地唔好为难我地吧?!
继续阅读
记得N年前超喜欢CAFE 的朋友带我去这间餐厅, 当时服务一流, 老板还会跟客人聊天, 但事隔多年再光顾, 餐厅一定易主, 服务超恶劣...... 大家行过唔好比间野门面光鲜, 装修似CAFE被呃到入去食饭, 只会食到一肚气....... 话说今日有事经开排头村, 所以再去光顾一下, 食个LUNCH, 入去首见到一大堆"RULES"..........2个人最后叫左个肉丝炒面, 热菜蜜, 热咖啡....食物我地冇食到, 质素唔知, 饮品劲差, 菜蜜超甜, 咖啡入口系酸........ 服务方面, 只怪去前冇CHECK食评, 又见有位先入去, 又唔记得句金句 "有人排队都未必好食, 冇人排队一定唔好食" 今日SUNDAY 去到都知人多, 都预左要等下先有得食, 但我冇谂过个等字系要等超过30分钟, 等左半个钟都仲出紧我地嚟之前D 单, 咪叫佢追下单啰, 第一次追单, 佢应左就算, 第二次追, 个伙记话冇入到单, 净系落左水吧张单, 咁我话唔要LA, 坐系我地隔离枱同一时间入嚟对男女都因为冇野食冇野饮就走左,同场加影, 左手边枱有个女仔, 叫左个碟头饭, 叫佢唔要蛋, 但食食下, 发现中间有蛋系度, 咪叫个待应姐姐同佢换返LA, 但侍应姐姐姐系左去厨房间口, 好大声, 好串, 态度更差咁同个厨房讲"乜太, 你出嚟吖, 出面X号枱有个"靓女"揾你㖞" 洗唔洗咁呀, 人地叫你走蛋, 你落左蛋整错左都唔洗咁呀....... THEN 个厨房同佢转过碟, 果位女仔话想转外卖, 赶住要走, 同一位待应姐姐用更差既语气"大叫"入厨房 "乜太, 果个"靓女" 而家话要转外卖㖞" 到个靓女走左, 我地D 野仲未到, 到我地话唔要佢先即刻煮我地D 野, 我地因为等佢野食到, 等到杯野都冻左 (坐低等左5分钟杯野饮就到左), 咁要求佢转过杯, 因为系佢自己贴张NOTICE 写话野食同野饮系同时上, 如果要后上又要加钱, 咁我地都预期你个主食唔会等太耐LA, 个事头婆已经系度发脾气, 门口个老细转个头过嚟问咩事, 我地心谂老板出面应该会好D, 点知个老板, 闹返我地转头 "我间餐厅咁多人嚟食都有人投䜣, 系得你地投䜣咋, 收声LA" 到卖单比钱, 坐门口个老细仲系度 "DUM" 我地D 钱出街.......如果一开始落单有同我地讲话要今日人多等耐D, 我地追单有同我地跟, 我都冇咁兴啰, 最好笑个事头婆话大家体谅下LA, 我都等左成30分钟先追你单LA, 但而我地入嚟食饭, 你漏单迟单, 到我去追单系我地既错, 而家我比钱你嚟食饭呀, 唔系唔洗钱呀, 洗唔洗入去厨房帮你煮呀, 你自己唔安排人手做唔切, 个事头婆比人叫佢要煮过, 将D 脾气发落我地度, 有冇病呀...... 最爆都系个老细仲要"DUM"钱, 真心讲, 大家唔去LEE 间餐厅食饭唔会系你损失......
继续阅读
今日一家人路经排头村，于是就喺条街到揾咗间最揾间门面较佳嘅餐厅医下肚啦，入到去已经发现门上贴了几张字条意思大概是：﹣﹣如落单时不一并叫餐饮，则视为特别服务，需另加＄5（第一次见）﹣不收一元以下硬币及十元硬币（唔收＄10银都系第一次见）﹣不要带外来食物（都OK）﹣每人最低消费一杯饮品（都OK）﹣上午唔收＄500 纸币（都OK）食物方面，餐牌只有碟头饭及小菜，冇乜选择和持别，落单时间大概下午2时多，我们一家4口叫了一碟干炒牛河、蕃茄牛肉饭及咖喱牛腩饭，个侍应尚算有礼貌地同我哋讲呢度有最低消费，她建议我哋多叫一杯饮品，妈咪就问有冇下午茶餐，个侍应表示茶餐要2点半，于是我哋咪话之后叫多个茶餐啰，于是个侍应即刻黑面行开咗。到第一碟炒河嚟到，于是我哋叫佢俾啲餐具及碗仔俾我哋啦，真系唔知咁啱定有意，她只给我们餐具无攞碗仔俾我哋，咁我哋咪叫第二个人俾我哋啰，食落去碟牛河好似炒定咁，一啲都唔热。其他食物好似水一酒楼上菜咁，食完一碟仲要等多阵先上第二碟，到全部食物上齐，我原本叫𠮶杯热奶茶都已经变咗冻奶茶，真系好连加＄2冻饮钱都铿返，既然已经过咗2点半，咁我哋咪问侍应攞下午茶餐牌啰，但佢哋话而家好忙做唔到下午茶餐，咁你就唔好将大大个下午茶餐牌攞响门口啦，于是我哋唯有加多碟饭啰，等食嘅时间咪上 openrice 睇下呢间餐乜料啰，原来呢间餐厅啲服务态度真系出晒名咖，睇完之后我真后悔点解唔做 research 就去食饭！今日冇俾人赠送一句“你唔好喺度食”已经算万幸喇！总括嚟讲，呢间餐厅食物质素一般，唔难食，但我都系食餐饭啫，唔洗受你气呀，仲要守埋咁多规矩，你当我返学定返工呀？食物又一般，自己又唔去管好自已嘅食物水平，走去管埋客人咁多嘢，你估你系米芝莲评级，明知受气都要帮衬呀？！呢间咁嘅餐，唔洗钱我都唔会再帮衬啰
继续阅读