影片
有时一个人食lunch唔知食咩好, 都会黎到呢间王将蒸点, 呢d点心店好就好在可以食到新鲜点心之余, 仲有唔同款既蒸饭, 唔洗下下去酒楼饮茶呀嘛! 一个人都轻松食到好味点心!👍🏾今日好肚饿, 所以叫左1个饭同埋3个点心, 等左15分钟就有得食, 见到有位坐, 所以直接食埋先走人。个蒸鸡饭好有诚意, 有荷叶垫底, 鸡肉滑身, 加埋甜豉油真系好好送饭! 另外叫左鲜虾脆皮肠, 山竹牛肉, 同埋牛肚。特别推介鲜虾脆皮肠, 因为真系即整先有呢个脆卜卜口感!🤤 山竹牛肉卖相好靓成个福袋咁, 口感弹牙, 相当唔错架!平时已经好少见到罗白丝酥饼, 所以食完就买左一个外卖做下午茶, 估唔到放左几个钟仲系脆身, 无出油, 入面罗白丝好多, 好正㖞!!😍
继续阅读
喺油麻地地铁站口好方便，放工去上堂之前经过就买黎试一试。虽然细细间，但系五脏俱全，隔离仲有一啲位俾大家坐低食选择都有几多，唔输蚀比酒楼架，有包，点心，饭等等。仲有一啲新式嘅饮品，好似杨枝甘露咁。夜晚好肚饿，所以叫咗一个蒸饭同埋几个点心，等左20分钟左右就有得食，因为系即叫即蒸，所以都要俾啲耐性㗎。腊肠蒸鸡饭好大份， 好足料，蒸鸡都好滑，好正！另外推介嘅就系流沙包同埋炸两肠粉，流沙包真系好流沙，果然系主打，炸两肠入边嘅油炸鬼好脆好新鲜！
继续阅读
某连锁店既店心已经食到好厌，外卖点店真系好少，而呢间位于油麻地地铁站口旁既点心店除左可以堂食之外，仲可以外卖！够晒方便，而全部点心、蒸饭都系即叫即蒸，能确保新鲜👍🏻《猪唛包拼啜啜包》$25/2黎之前一心想嗌呢一款，太可爱！猪唛包内饀系叉烧，份量好多，仲系流质状添，好惹味！啜啜包系流沙包，流沙效果一流！稍微一咬开就汹涌而出，超正！食既时候要小心。《山竹牛肉粿》$18呢个同平时食既唔同，外面有一块厚身既腐皮包住，样貌可爱得黎又好食。牛肉粿入面有好多马蹄粒，多汁爽口！《萝卜丝酥饼》$18呢个相对较一般，外皮较厚，酥脆度一般，可能我唔系即食既原因～不过入面既馅好多，仲有虾米👍🏻。《蟹籽鲜虾脆皮肠》$30呢个好好食！一定要试👍🏻肠粉皮好薄滑，包住超香脆既油炸鬼同虾胶，面头既蟹籽更提升味道层次，一啖过唔点豉油都好惹味！ 呢度既点心好有gimmick，选择又多，整体味道十分唔错，一定会再帮衬！
继续阅读
早几天见到同事带个粉红色猪仔包做早餐，个样Q到爆，乜咁早就去酒楼食点心打埋包，佢话冇咁嘅事，只不过系返工路过买咗份外卖，原来同事住油麻地，粉红猪仔包就系喺 碧街地铁口嘅［王将精点］ 度买嘅。今日去开𠮶边预咗一试，果然一出A1 地铁口 就见到间舖，门面设计好古装下，粉红猪仔正名系粉豚猪唛包，实质系叉烧包来的，落左单原来系即叫即蒸，Counter旁边仲有悠闲吧枱座，可以好casual 咁食下点心又几好啊🥰除咗粉豚猪唛包，我仲点左蟹子鲜虾脆皮肠，哗，绝对可以话系一试难忘，通透嘅肠粉皮内包着层层薄脆，仲食得出系好似网丝咁，逐渐爆开，再嚟鲜甜虾仁，粒粒蟹籽霹雳啪喇，好好食呀👍👍👍讲番只粉豚猪唛、热呼呼个样成只猪八戒咁好得意，我一口咬开，义烧酱汁好似火山岩咁泻出来，蜜汁馅料甜甜地，唔肥唔瘦，兜住个包一啖啖咁驳住食，唔系夸张，味道系超级咁正 ⭐️⭐️⭐️⭐️⭐️睇下睇下点解两只猪唛唔同样🤪，原来西化啲果只叫啜啜流沙包，又好正咁，呢间［王将精点］高质非凡，真系后悔❤️爱得太迟👑👑👑
继续阅读
星期日，周为都系人，想同女朋友饮茶，又好难等到位，向油麻地行行下见到有一间食点心既餐厅，餐厅外观好靓，而且重提无堂食坐位，咁岩无咩人坐，个个都买外卖😂😂我地坐底左就攞张餐牌慢慢睇，佢地啲点心好有特色，不但卖相吸引，改既名重好有创意。从餐厅既设计同菜色名字卖相，我可以肯定老板系好有心做点心，真心钟意点心。呢个就系将工作睇成事业既结果👍🏻👍🏻睇得出老板既心思😂我地叫左几样野食，有一啲出面真系食吾到，一阵大介绍埋比大家。👍🏻👍🏻我地点左玄米茶同埋铁观音，热辣辣一大杯，正。茶用茶包装好，等客人易饮啲，有心👍🏻食物方面，我地第一样叫左棒棒拉芝长春卷。好香脆，咬落去，芝士既香味冲晒出黎，重要有芝士丝连住口同春卷，好好味。第二样野食，我地叫左啜啜流沙包，如果你用筷子刺穿猪鼻，你会发现当你咬落去或者按落去果时，啲奶皇会从猪鼻流出黎，好cute又好味。😂😂同女朋友系咁玩只猪同埋影相，极力推介。第三样野，我地叫左牛肉球，佢地用腐皮包住牛肉黎蒸，卖相好吸引，而且味道都吾差。第4 样食物，我地叫左蟹子鲜虾脆皮肠。佢地用鴡粉包住油炸鬼，但个油炸鬼系脆嫁，吾系淋嫁👍🏻👍🏻👍🏻，重要向上面加入蟹子，真系好好味，呢一个点心出面都系食吾到😀，所以一定要试。最后一个𩠌，系今餐既重点，就系疾战龙虾笼仔饭。为左食呢个饭先黎，但数量有限，卖完即止，因为个龙虾系即时㓥嫁，食吾食到都要睇彩数😂😂😂，今次幸运地食到。个龙虾饭好香荷叶味，重有龙虾味，加埋佢个汁，一流，好好味。大家真系要试下呢个龙虾饭。吾驶次次饮茶都凤爪排骨饭，哈哈😄食左咁多野，都吾驶二百蚊，饮茶黎讲，重有龙虾食，真系好抵，下次要再去食埋其他特式野👍🏻👍🏻
继续阅读