王家沙．花樣年華 (黃埔天地享膳坊)

营业中

休息中

朋友話今日想食炒鱔糊，仲一定要銀芽炒，就搵左王家沙，好多年前都食過王家沙，幾唔錯。 今次去黃埔呢間，入到去裝修好雅緻，2個人坐張4人枱，好舒服，咁大張枱俾我，當然要叫多D餸食啦…先黎左個三絲粉皮～有微量的雞絲，幼身火腿，青瓜絲，成碗最出色係個醬，調控得好好食，係食個汁醬。招牌蟹粉小籠包～5粒～ 個皮厚左少少，咬左啖見到有黃色蟹粉，但唔夠蟹味同爆汁，都係點返個醋有返個味道出黎。炸黑毛豬扒擔擔麵～湯同豬扒是分開上的，睇個名同餐牌張相，好似好好食咁，點知，一食個麵同個湯底係無味用清水煮，應該鹽都無落，可以較個雞粉湯底會有些味道較好，個炸豬扒話就話炸黑毛豬，面嗰層個炸粉，餐牌張相係麵包糠做炸粉，但出品，祗係輕輕有麵粉喺面囉…食落仲要無豬味，同無味。叫左4個餸最期待係黑毛豬，點知咁失望。黑松露清炒蝦仁～ 炒蝦仁係最好食，炒得好好, 晶瑩通透，又有黑松露味道，唔會太咸或無味，個芡汁炒落個蝦仁唔會黐埋一齊，係粒粒分明，呢個好食。韮王炒鱔糊～雖然無銀芽炒，但呢個炒鱔糊都好食，個醬汁都較得好 好，望落個鱔糊都夠色香，但食落唔會太咸，好食。因為叫左個麵，所以，無叫到個飯黎撈飯食，兩個人，食唔到咁多。總括都

首先，經openrice 訂座可有九折。食物質素好，價錢算合理。最讚的是服務。平日晚上人流很少，可以坐到收舖才離開。理解舖頭經營也有難處，但店員在可行的情況下可讓顧客久坐一點，也沒有表示不滿(至少沒有展示給客人)，實在值得表揚。

哈囉大家，今晚係咁嘅，我嘆完咗一餐咁正嘅飯，撐到我嘅心都暖笠笠！先嚟張食講住，我喺一間叫 "嘗靚角落" 嘅店舖叫咗一餐。嗱！就講下我啲即時反應啦。首先，個嫩雞煨麵啲雞好似BB咁滑，食落咁過癮，湯底鮮得嚟都唔油膩，真心話絲毫唔誇張！跟住我又夾咗啲酸菜魚，好家下，勁正呀！酸辣平衡得宜，魚肉又嫩滑，個湯雖然唔多晒，但每一啖都充滿驚喜，一啲都唔齷齪。最後啲小籠包，哎吔，真係皮薄餡多，嗲到一個唔得了，每隻都肉汁四溢，簡直口口彈牙，平凡中帶點驚艷。雖然外賣賣相未必掂晒，不過滋味完全冇打折。食咗呢一餐，心情同胃都開心到爆炸！落雨天，都算幾好過！🍜🐔🌶️

喜歡吃上海菜，因為有些食材要在蘇杭地區才能找到，例如馬蘭頭，有些人嫌有點羶味，但其獨特的味道是其他蔬菜找不到的。王家沙 · 花樣年華師以白葉做卷，一口一啖，不單可以把切碎的馬蘭頭包裹著，有點造型。蘇式鮮肉小籠包略嫌包皮有點厚，但厚也有厚的作用，夾起來時不易穿。紅燒獅子頭烤菜味濃，獅子頭功夫十足，非常入味。家鄉炒年糕有一貫的水準，不油膩，用料也十足。甜品方面，今天點了高力豆沙球及奶黃小麻球，對於高力豆沙球有點失望，一碟有四個，因為今天有六人共餐，所以叫餐廳把豆沙球切開兩份，卻發現裏面的豆沙少得可憐，但包球用料多所以較實，可能是彌補豆沙不足之處。總體來說，不過不失，也值得嘗試。

今年生日飯局，心思思想食擔擔麵同小籠包，所以book左王家沙，來食之前睇過食評話已經質素下滑，本身都有d 擔心。個日去唔算爆場，晚餐時間都有空枱多出嚟。講返食物，擔擔麵味道好多，夠香，但湯少左。酸辣湯，真係下滑左，好酸同料少。但佢個炒年糕又炒得幾好，唔會似漿糊黐在一齊或太硬，口感幾好。小籠包係皮薄，但一夾就穿囉。

外國返來的朋友想換口味食上海菜，我唔熟黃埔，係openrice搵到呢間，結果全枱人都食到好開心！6個人先嚟前菜蒜蓉拍黃瓜、蒜泥白肉，點心叫了招牌小籠包同鮮肉鍋貼，小菜揀咗黑松露河蝦仁，主食是炸黑毛豬扒擔擔麵、紅燒牛腩湯麵、家鄉金腿炒飯，最後食埋甜品蓮蓉壽桃包，全部質素都幾好，只係河蝦仁咸咗少少，不過紅燒牛腩湯麵好足料，牛腩有筋有肉，稔得嚟入味，值得讃！價錢合理，計埋openrice訂位有九折，全部人食得滿足，都只係－千蚊有找，相當抵食！

鍾意食上海菜，不過有好多菜式都係水平以下， 例如佢嘅午餐，雖然有肉絲炒麵，但係佢個面炸到好厚根本咬唔落。佢嘅擔擔面都唔係真係好似擔擔面嘅湯底，佢嘅餸唔係好多但係價錢就好似出邊嘅水平價。可以改進一下。

晚上預訂了 預備補祝生日飯 點知餐廳 服務態度不友善， 點了8個餸， 生煎包完全無汁 很硬，松子魚味道似變壞，連魚旁菠蘿都有酸縮味，水煮牛完全無味，牛肉似用咗大量鬆肉粉醃製，咬落完全無味，好硬。獅子頭好咸，奶油津白啲汁 食落似變壞的油。對今次晚飯非常失望 要我地食到一半埋單去對面再食，叫經理來處理變壞食物，佢態度都係淡淡然，好似已經習慣咗。其實當初是想試試呢間餐廳，因為之前都喺又一城見過，但無諗過黃埔店係咁難食。佢難食嘅味道唔止難食，係似一堆變壞食材。下次一定唔會再光顧，簡直是超差的晚飯經驗。

絕對可以black list ，叫咗四樣嘢，冇一樣嘢好食，可以保持哩種水平確係唔容易！真係好難挑戰諗住食小籠包最穩陣，點知塊皮成吋厚，舊肉好韌，根本咬到咬唔開😩仲要上到枱嘅時候已經唔熱最離譜，係個嫩雞煨麵，談到好似冇落鹽咁，啲雞又鞋，成浸雪藏味☹️$108一碟娃娃菜，又乾又冇味，啲菜唔新鮮，懶有氣氛咁放個蠟燭，完全多舊魚..入得嚟食，你預咗大部份嘅錢就係買佢嘅裝修，冇一樣嘢好食，拜拜永久bad list

📌 王家沙．花樣年華 - 紅磡黃埔天地享膳坊(第4期)地下G16號舖🗓(22/3) 星期三 ⏰ 晚上7點左右 💈特式：對上一次食王家沙已經係多年前，印象中佢價錢雖然唔平，但質素都有返咁上下，今日過開嚟黃埔又想食上海野，所以就揀左佢。🥩🍔🌭🌮🥗🥯🥘🍲🍝🍣🥟🍤🍱食物：餐廳主力做上海菜，所以我都係叫返幾樣上海菜既代表嚟試，包括韭黃炒鱔糊/招牌蟹粉小籠包/炸黑毛豬扒擔擔麵，而家等我同大家講下味道先。韭黃炒鱔糊 - 呢個份量都正常，但價錢賣$138就有少少唔值，因為鱔肉同韭黃嘅份量，大約只有2:8比，淨係得個面見到鱔肉，個底全部都係韭黃，不過味道係ok的，韭黃炒得好香又無渣，係鱔肉就偏韌唔夠爽口。招牌蟹粉小籠包 - 上海菜又點少得小籠包，叫左呢個蟹粉小籠包，$78有5粒，呢個價錢合理，小籠包size都唔細，皮亦做得夠薄，但頂位d皮有少少蒸未透，有少少硬，湯汁亦略嫌不夠多。炸黑毛豬扒擔擔麵 - 呢個擔擔麵賣$138，反而我覺得佢算抵食，因為麵量真係有好多，夠2個人食有多，不過質素就一般。首先上枱時個湯唔夠熱，；此外，麵量係多，亦都係用上海麵底，但煮得太淋，淋到d麵都痴埋一餅；炸豬扒味

Lunch 時間唔知食乜好，就去左試下呢間，午餐時間都算多人，坐左7成點都估唔到體驗係咁樣叫左酸辣湯麵，價錢唔係平，但個湯同粉既比例係湯3麵7 勁少湯，d麵又成餅野咁，食左幾啖麵已經冇晒d湯，變左齋麵咁樣，但係個味道唔係差既，係真係太少湯。小籠包不過不失，個皮感覺有d 厚，但個味道唔錯，都有汁水既涼伴青瓜$48 都算幾貴，好食都算，食完覺得早知唔叫.......................侍應幾nice

openrice落自取訂單，一分鐘內系統顯示已經接受，30分鐘後可取餐。我過左27分鐘，到店內等待時，可能分店同事應該先發現未入單（因為知後見到佢入機張單係我到店的時間，並唔係接單的時間）。結果我等多左約15分鐘先有，全程無人主動update, 亦無同事表示歉意。十分失望。分店嗰時唔多客，同事都好得閒，但門口無人睇住，企係門口時，無同事見到前來招呼，我等左幾分鐘無人話我知什麼情況，再入去先見到張單係剛入機，應該就係第一個同事見到我要來自取的時間。

食物ok，我全家都喜歡上海嘢，尤其係我奶奶，但service非常差，由入門口帶位嘅阿姐已經西口西面無水洗面，入到去丟低本menu就走人，真係丟低，唔係放低。一路都忍住，因為有小朋友係度，到最後有一個甜品遲遲未到，我叫店員幫手check下，過左十分鐘，拎上黎嘅唔係我嘅酒釀丸子，而係帳單….大佬，我叫嘅嘢都未上齊，你俾張單我做咩呢。最後真係忍唔住要搵經理投訴，我非常歡迎佢地如果有cctv，可以返睇返班員工嘅服務水準

前幾日黎黃埔王家沙食飯 間餐廳係完全冇冷氣 冇冷氣 人流又多 空氣係好焗 唔知以為開左暖氣氣添 問親就話係中央冷氣 我可以感受到全場係熱到食個飯都不停不停咁滴汗💦 從來未試過去餐廳係咁既 真係處理好冷氣問題！！！！ 還有就係啲食物同以前差天共地 依家啲食物簡直係難食到呢 酸辣湯完全係水 啲送同鹹魚冇兩分別喇 完全係求其煮服務態度都唔錯。

服務極差，上菜侍應可能以前喺荔園返工，長年餵食動物動物，未曾接受服務客戶訓練。請佢將餸菜擺好，竟然惡言相向。全場員工扮聾扮啞，只有見佢地傾計八卦，談天說地。由上菜到埋單，同客人零交流。