王子火鍋店 (已結業)

之前6月寫過食評極讚..是因為那是第一次買佢既團購..真的很新鮮又好食...但當我8月第二次去時....海鮮船裡面條魚生份量明顯少了好多....最近...朋友再去幫襯團購海鮮船時...有事先預約, 但佢竟然話唔夠蟹...俾4隻蝦頂替....嘩....無理由喎..4隻蝦既價錢和份量同1隻蟹既無得比...最後朋友仔要求換4隻桶蠔才了結...…查看更多

本來懶得留食評,不過見之前幾位既comment好唔公平,所以就參與下.:)我總共去過三次王子火煱,頭兩次都係用團購$188牛魔王拼盤和$268至尊海鮮船,第一次3個人(2女1男)食牛魔王拼盤和至尊海鮮船,另外加咗花膠,豆腐,菜,仲有幾樣嘢食,埋單連埋團購總共$7XX蚊,我個FD(佢第一次食團購)話勁抵食,我話差唔多啦,佢話佢同女朋友兩個人係第二啲地方,咁樣食呢種質素要成仟蚊呀.第二次就我同另一個FD(2個人)食,都係牛魔王拼盤和至尊海鮮船,另加少量嘢食,埋單總共$600.我呢個FD都話好抵食.:)點解我同我幾個朋友都覺得好抵食既時候,有部份人覺得好唔抵食呢?!我試下解構下...1.牛魔王拼盤: 每款牛肉都真係好靚,好好味,係真係有牛味,又唔會韌.呢個份量3個人應該岩岩好.2.至尊海鮮船: 份量係唔夠4個人食飽,我買團購既時候睇價錢同張相都估到,所以無咩失望,不過嗰條魚刺身我又覺得幾好食喎,其他海鮮我亦覺得新鮮好食,如果呢種質素每樣海鮮單嗌肯定唔止呢個價,所以我係好滿意.呢個份量2-3個人都係岩岩好到第三次去係因為之前團購既時侯送咗兩張$100現金卷(滿$400可以用一張),所以再去幫襯,3個人今次食咗花甲海鮮煱,牛肉拼盤,花膠,桂花蚌,桶蠔,魚咀,魚頭,田雞,豆腐,金姑,菜,炸腐皮,所有食物(除咗金姑)都係中上貨色,幾好食,埋單$1100,減咗$200現金卷,即係$900,每人$300,講唔上好抵,但係我認為可以再食.我同我既朋友覺得抵食係因為啲牛肉,海鮮同其他食材都好新鮮&好好味,所以$300一個人頭,我地係覺得係好抵食,但係如果閣下係食慣$100-$150任食嗰啲,我勸你唔好去王子火煱,因為根本係唔係你杯茶,我咁耐都只係去過2-3次任食火煱,好似好平,但係任食既質素全部係劣質嘢,下價貨,我實在唔會花幾個鐘食呢類嘢食.唔同人有唔同食法,我係寧願俾貴少少,食好少少,所以如果接受到$300或以上一位食好味既火煱,我係絕對推薦王子既!!!…查看更多

見到團購賣 $188 享用牛魔王拼盤 (原價 $438) 或以$268享用至尊海鮮船, 覺得好耐無打邊爐, 就諗住試下, 結果.............一入到去就鋪位唔算好大, 但都唔叫逼,坐得OK舒服, 但冷氣就涷到得人驚, 小朋友真係涷到手腳呀面呀都青埋, 大人都要即刻著褸坐咗一輪都無人理我地, 而且係人都唔見多個, 起硬20分鐘先有人問我地揀咩湯底................團購海鮮船, 每樣有4件, 蠔好肥, 扇貝大粒, 但竟然全部無咩味, 神奇條魚都新鮮, 但overall份量真係好少, 而且部分魚肉切片後, 成個魚身俾我, 我都唔知點淥好再叫一碟牛, 一碟牛脷, 一碟牛骨髓, 一碟牛栢葉, 一碟韮菜餃, 一碟墨魚滑, 一個芝士墨魚麵牛: 普通, 無咩牛味, 份量OK, 幾大塊牛脷: 完全無牛味, 份量OK牛骨髓: 完全無味,奇怪點解會完全無味, 份量OK牛栢葉: 完全無味,奇怪點解會完全無味, 份量OK, 同行友人形容同3M地毯無分別韮菜餃: 呢個仲神奇. 食佐都唔覺有食到味, 得8粒墨魚滑: 幾好味. 但好少芝士墨魚麵: 最好食呢個, 份量正常呢篇食評我寫完都覺得怪, 成個火鍋, 連埋湯都係無味, 都唔知食緊咩上面所有嘢加埋團購海鮮船, 咁就差唔多1000蚊, 要9XX埋單一行人五大一細, 係兩男二女就咁餓住埋單, 之後仲要去食M記先夠飽.我肯定一定無下次!個人意見, 鍾意食牛可以去試下荃灣金總統, 一定好過呢度 …查看更多

好耐冇寫食評,以免有人再中招我是在團購網見到此廣告,被圖片精美及寫住4人份量而吸引購了2張coupon,1) $188 享用牛魔王拼盤，送$100現金劵+ 鮮果盤+ 自選湯底或飲品. (原價 $438) 或以2) $268享用至尊海鮮船，送$100現金劵+ 鮮果盤+ 自選湯底或飲品. 至尊海鮮船,嘩!份量好少, (全部都唔係新鮮,一坐低就拎來,一早整定,成三舊水比d咁野人食????) 扇貝4隻 : 好多沙又洗唔乾淨 海蝦4隻 : 好細隻:( 桶蠔4隻 : 正常size 紅蟹1隻 : 超迷你:( 立魚1條 : 唔新鮮,魚肉變晒色,肉質梅梅地牛魔王拼盤(每款少量): 牛肉粒: 超un:( 牛脷: 洗唔洗咁薄?薄過張紙:(:( 美國肥牛:正常好味 還有兩款牛肉: 還ok的,但沒有介紹是什麼牛 環境: 尚可啦,咁嘅價錢,咁嘅食物當然國慶都唔洗等位啦服務: 我沒有好似之前位人兄比侍應煩一輪,反而覺得無咩人理我地我地3個唔大食的女仕去食,去到只是加了一碟娃娃菜,都成$582,其實都唔飽,不過我地唔想再叫食物蝕比佢我奉勸大家買之前考慮清楚. 團購有時都未必係著數,就算唔著數都唔好比d唔新鮮的海鮮客人食,做壞自己招牌…查看更多

上次見到團購賣 $188 享用牛魔王拼盤 (原價 $438) 或以$268享用至尊海鮮船，送$100現金劵+ 鮮果盤+ 自選湯底或飲品. 今日開團購睇又見到有, 覺得有需要上黎同大家分享下. 以免再有人中招.首先係食物, 我覺得 ok 既. 新鮮美味.環境, 尚可啦. 唔洗等位. 亦唔算坐得太迫.服務, 正如下面位小姐所言, 係幾煩既. 我地 4 個人食左大約一個鐘, 有位類似侍應, 但又唔多做野既人兄, 不斷o係度 "hard sell". 話佢 d 野點抵食, 點新鮮. 幾乎講足一個鐘. 攪到原本想坐下傾下計, 都比佢煩到想走.最最最令我不滿既, 係佢話個餐係 4 人食, 但其實一d 都唔飽 (除非你食完飯先去). 一定要加野. 結果我地 4 個人 (3 大人 1 細路), 要成 600 幾蚊賣單, 仲要係唔係好飽.我奉勸大家買之前考慮清楚. 團購有時都未必係著數. :(…查看更多

琴晚同友人以團購劵幫襯早幾晚訂位時接線生都好nice本來感覺良好但琴晚食完就覺得以後唔會再幫襯一坐低我已經話我訂左海鮮船等左五分鐘左右就黎左牛魔王我話我訂左海鮮船唔係牛魔王伙記拎住我張團購coupon去check發現自己搞錯先轉番但呢一等又等左差唔多二十分鐘ok, 又等等等下無啦啦有伙記拎黎一個蔬菜同菇既拼盤黎我記憶中無叫過, 個coupon又唔包於是問下佢佢先拎番走話係隔離檯既ok終於等到海鮮船雖然樣樣都好新鮮, 亦都幾好味有帶子, 蝦,蠔,蟹同立魚刺身立魚都係一貫清清地無乜味道好在無乜腥味其實海鮮之中最好味係帶子夠鮮味但坦白講除左每樣有四件外我真係唔覺得係四人份量既海鮮船好彩我地兩個人黎額外再加左羊肉片,魚麵(每樣52元, 但份量偏少, 味道都新鮮既, 但價錢同份量唔多成正比! )同埋再椒鹽左個立魚骨先叫做飽計埋加一, 醬料每位15蚊結果自己再要俾二百幾蚊先落到樓計埋團購個海鮮船既268元呢餐飯差唔多五百蚊仲要兩個人都唔太飽肚不過至令我覺得煩既係.........同一句說話要講幾次首先, 一餐火鍋食左唔夠一個鐘但d伙記就不斷黎話換碟我食左一隻蝦就話要換拿拿臨換左第一次碟到後黎我地都關晒火臨住食埋兩啖都走人又第二次黎話換碟友人已經話左唔駛換過左唔夠五分鐘又有第二個人黎話換碟我真係忍唔住話佢聽"我已經一早講左再唔駛換碟!"其次, 伙記見我地清得d食物差唔多時已經問過駛唔駛再加食物我已經話左唔駛點知過左唔夠五分鐘另一個人又黎問相同問題你試諗下, 一餐飯食左一個鐘左右個口除左食野外就係不斷重複答問題令我不禁覺得殷勤到人地好煩! 加上個團購,明明二人份量講到四人份量 我諗我一定無下次! …查看更多

上星期去試佐敦王子火煱店,食材好新鮮,聲稱全部選用深海食材,d生蠔超大隻又爽.成半個碗大, 魚骨去做椒鹽. 好味:)四個人去,再叫一碟肥牛,駝鳥肉, 四寶丸,響玲及菜籃. 剛剛好老闆說, 每盆海鮮盆是落單即場做的, 所以條深海活魚, 送來時, 條魚還會'動', 睇都好興奮 故此做出來d魚生好新鮮.菜籃是好用幾種疏菜做成的. 在這裡找不到一片菜葉是爛的, 有誠意 但那四寶丸就麻麻地:(…查看更多

曾經睇過雜誌報張推介呢間店既魚鮮, 早前剛見團購網有優惠, 問過佢不用湊足四人就可以吃... 便毫不猶豫地買了一張四人海鮮船 $288尋晚便與同事一行三人來吃...除了海鮮船外, 還叫了肥牛, 水餃, 菇, 皇帝菜..海鮮船份量唔少, 有"魚立"魚刺身, 扇貝, 桶蠔, 蝦各4件, 加1隻花蟹 及 鮮果拼盤另加了 $30 "魚立"魚骨拿去做椒鹽, 這個超級無敵正, 食落無油..仲很香脆..唯一不足是太熱氣吧了!肥牛 – 好新鮮..好好味.. 後悔無買另一個團購抵食優惠…$188 牛拼盤. . .水餃 – 每隻水餃包住兩隻大大隻既鮮蝦…好好味!侍應..服務好好, 好有禮貌地推介其他食物...無嫌我地3個奄尖客專食啲平靚正野...又成日幫我地換碟同添茶. . . 今時今日呢啲服務態度真係很少有的..:)讚!讚!讚!除團購$288外..其他火鍋料有八折, 埋單$304...即加埋約$600.. 如果唔係有團購..淨係海鮮船.都要成千蚊... 我地呢啲窮人真的無錢食靚野..所以今次真的o岩晒我地 …查看更多

今晚去左王子火鍋同朋友慶祝生日. 拿拿林出食評.呢間王子係我食過咁多火鍋店 最滿意一間, 因為材料真係好新鮮上乘(或者價錢不算便宜啦,所以不敢馬虎 ) . 湯底 ; 川芎魚頭, 魚頭新鮮 , 藥材味濃"桶蠔"新鮮大隻洗得干干淨淨 " 9菜餃"----- 9菜新鮮好嫩唔老, 9菜多肉少--- 正,3條友居然最早清晒(之前order , 一定食剩三二隻)本地肥牛---- 超嫩 , 大$168 抵食.豆苗 ------ 超嫩 好新鮮.蝦滑 ----好重蝦味, 口感唔錯講左好野, 都要講下麻麻地火鍋配料 :炸腐皮卷 魚腐 --似魚片頭, 唔好食環境,服務都好滿意, 唯價錢稍貴...hehe !…查看更多

慶祝朋友生日, 想打邊爐, 王子火煱星期五晚都唔駛限時交枱, 真好...:)9:30後好多火煱配料都有6折, 不過我地7:30到, 當然沒有啦!!正價偏貴, 味道亦非常一般...金牌手切肥牛(大) - $168味道一般, 沒有油甘味....牛柳粒 - $118這個好一點, 烚耐左都唔覺得鞋或UN, 仲有D甘香添...牛脷托(細) - $98都OK大碟, 味道一般, 正常咁啦...四寶丸 - $88好細粒, 味道雖然不是不新鮮, 但唔覺好味囉...脆腐皮 - $38全枱最平0既一碟, 但比平時食0既脆腐皮薄好多, 只有8條, 有幾條仲要超油, NO GOOD!!年糕袋 - $58第一次响火煱店食呢樣野, 我地一致認為係全晚最好味0既, 唔駛6好耐就食得, YUMMY!!竹蔗水 - $38貴, 但冇味, 咩事?三個唔大食0既女仔都食左$800, 非常唔扺, 應該冇下次0刺...講埋service先, 問個男侍應有冇野飲0既牌, 佢企响我隔離, 我問左佢兩次, 佢都唔專心聽, 跟住又做左其他野, 請問呢d係咩態度??要求攞張椅放袋, 冇埃pan椅都唔緊要, 圓登都冇, 佢叫我地放响可以推得0個個茶機度, 都冇所謂0刺, 點知, 當我地食到咁上下, 佢居然將個茶機推去比人, 我地d袋都仲响個機仔度架!! 離譜!!…查看更多

我們一行5人, 其中: 本地手切肥牛,牛味比外國入口的牛肉濃郁得多店內的另一必吃配料是秘製水餃王，一隻足足有半個拳頭大小，內有真的數隻大蝦，每啖也相當彈牙,相當好味刺身拼盤,好新鮮啊~: 再加一個聖子王~嘩嘩!!!!真係超正~~仲有紅瓜子斑,呢個又是推介之一,一灼即食~wow~wow~回味中~冬蔭功湯底，好味,酸甜適中也帶點椰奶香~…查看更多

今日成條TEAM 一齊想搵地方食餐TEAM DINNER~~~同事介紹~~~呢間OK....不過價錢會貴少少~~我地決定一試~~~ 湯底 >> 冬陰公~~好夠味~~值得一讚~~~(個人好喜歡食冬陰公)~:) >> 清湯都OK~~~~ 服務..埋埋好一般.....可能多人....叫極冇人理.....…查看更多

一看店內滿佈魚缸便知這兒以海鮮為主打, 環顧四周也見不少人吃著魚生船和各式海鮮, 而可能是新開張閞係, 晚上五時至十時火鍋配料一律八折, 有優惠下沒理由和荷包作對, 就吃了幾個八折火鍋料來試試銀杏枝竹胡椒豬肚鍋($78) - 平常的鹹酸菜換上枝竹, 湯味上明顯味道過於輕清, 胡椒下得不多味未夠剌激, 而豬肚質地彈牙, 但略嫌未夠入味花膠筒($46) - 比起一般的火鍋店, 這裡的火膠筒已算厚身, 沒腥味, 口感足四寶丸($62) - 打滾火鍋店多年都未曾見過如此的骰過, 碰上小茶匙四粒加上才一樣的長度, 實在太細小所以吃不出彈牙爽口, 失望之作大魚頭($46) - 這裡魚頭確實新鮮, 魚雲也比一般的滑豬天梯($30) - 來到賣相精緻, 每條天梯也界了花, 但吃下卻有點不對辦, 欠了應有的爽脆, 而變了質感韌實, 和朋友要花點力氣才能分解吃下肚雪花羊肉片($38) - 每片羊肉真的有雪花的相間著, 入口嫩滑鮮鵝粉腸($38) - 落單時伙伴再三細問是否要這個, 經確認後才落單, 但來得才發覺不是心想的鵝腸, 而是粉腸, 怪不得伙計會有此一問, 但來到又是自己冒失關係就沒所謂. 粉腸處理得來沒什麼異味, 淥熟了出來黏著的東西有點像鵝肝, 味甘香但總覺有點肥膩…查看更多

佐敦道的火鍋店多不勝數，朋友介紹，聖地牙哥酒店對面新開了間王子火鍋，食物好有水準，上星期四約了班朋友聚舊，順道一試，發覺真係超好食。當日我們一行六人，叫了兩個湯底，一個是龍蝦湯底，另一個是泰式冬陰功，冬陰功唔辣，但香料味好勁，幾特別，龍蝦湯底好足料，雖然要112蚊，有點貴，但真是啖啖肉，食到尾，蕃茄同薯仔煲到又諗又融，口湯吸收其他肉味的精華後，同龍蝦產生奇妙的化學反應，鮮味到難以形容，真是貴一點都值得。肥牛是火鍋店的靈魂，乘著人多勢眾之利，一次過試勻手切本地牛、雪花肥牛。本地牛好有牛味，有咬口，至於雪花肥牛，切得夠薄，脂肪正如傳說中的大理石花紋均勻分佈，肉質好滑，冇筋，好少食到咁靚的肥牛，本來已經叫咗2碟本地牛，1碟雪花肥牛，但轉個頭，已經掃清光，於是再加多隻船，大家一致認為，呢度的肥牛係會食到人上癮。:)火鍋店門口有個大魚缸，養了魚呀、象拔蚌咁，侍應猛落嘴頭，話全部都是海魚，象拔蚌是加拿大貨，一報價，不得了，一條海班(唔記得個名)計落要成千蚊，象拔蚌都係。算吧，新年流流，食好些，要了一條海立和象拔蚌，象拔蚌夠鮮，海立兩食，先來一個刺身，好驚，雖然條立魚已經骨肉分離，但魚尾仲微微發抖。撇除呢一點，肉質幾彈口，醮酸汁一流，魚骨用椒鹽炸過，又香又脆，送酒一流。其他配料都好好味，四寶丸鮮味彈牙，侍應話全部都是手打，炸芋片好香，炸腐皮夠脆，放湯是另一種食法，拖一拖即起，混和湯汁，yummy!那裡的水餃皇一定要試，珍寶size，大大隻蝦，非常足料，又爽口，水餃皮夠薄，88蚊得6隻，都係那句，一分錢一分貨，要便宜，不如去彌敦道食88蚊任食火鍋。食到尾聲，叫了兩碟皇帝菜，侍應話來自有機農場，有機？真唔真架？anyway，菜好嫩綠，完全冇渣，最奇怪是，個碟細細，但食極都有，amazing!!連酒水小費，埋單計數，每人平均300蚊，算貴，不過食物有85分，OK啦，十點後有85折，抵喎。不過上菜時間真係要改善，see，依家唔係食法國菜。…查看更多

我們一行8人到達，外觀OK，入到裏面新舖果然整齊，佈置當好光猛，仲有2部大電視，另外仲有一間房。因為朋友有優惠券，凡5-10人則送2碟 "美國雪花肥牛"，不過，賣相及色澤極不美觀。果然，一分錢一分貨。首先，待應不斷SELL今天的唔知咩野魚好新鮮，可以一味兩食之外，其餘時間招呼都好好。不時幫我們加湯，有時又幫我吔放魚滑。湯底：湯底就無折啦，由$48-$128都由，我們只叫了2個湯，冬瓜瑤柱、沙嗲同皮蛋芫茜。其中一個湯底送嚟時，朋友發現有張單在沙嗲湯內。待應都好好話可以換過，但我吔諗諗吓換咗都係一樣啫，都係算罷啦。待應見狀，就送我們一渣庶汁。哈，都得喎!食物方面：真吸引，事緣他們新開張，很多都六折優惠，我們叫了花膠、帶子、魚麵，手打蝦滑、手打墨魚滑、手打四色丸(非常正，唔似其他食肆咁像個乒乓波)、生菜、唐生菜全都很翠綠。外觀都很靚。竹苼、生根、玉子豆腐、普通豆腐、牛肉粒、特級肥牛..................等等,總之，材料非常新鮮。不經不覺，,我們原來由7點坐到11點幾。原來仲有生果同甜品送，SO GOOD!不過，最搞笑的是生果盆的份量全部都按人頭配給，8件西瓜,8件蜜瓜,8件椰汁馬豆糕。食多件都無。結賑時，才發現我們叫了差不多25碟火鍋料，埋單總計$1309。算OK啦。(但唯一不足的是暫時只收現金，不收咭)…查看更多