影片
疫情期间饮茶，其实都真系搏一搏不过家中长者强烈要求要去饮茶，都冇办法啦！比起平时，都系少人，枱与枱之间嘅距离都算疏，枱与枱中间较近嘅，都有间板！早茶有特价，有点心孖宝。星期六早茶咁少人，都真系好少见…..希望疫情快啲过去，快啲回复正常啦。银鱼仔肉饼饭，都几好味鸡包仔鸳鸯烧卖，好欣赏佢呢个配搭！依家二人一台，等人两样都可以食到。赞！粟米鱼肚粥不过想讲讲，呢度啲碗碟真系洗得唔系太干净，希望管理人士反映一下，谢谢。
继续阅读
年终无休咁开，成日都咁好生意，海鲜平过自己煮，真系抵食，每人几十蚊，龙虾两煮晏昼食，几豪，无法啦，冇晚市，唯有早啲食，侍应话依家冇落埸，4:00 已经开始晚市，早午晚三餐可以一齐食🤣
继续阅读
冬至食饭，迟咗订位，订唔到同商场嘅海港，唯有食呢间……点知出事……嗌左个四人餐，加多个片皮鸭。因为有小朋友，所以嗌多两个寿桃包。甚少见酒楼系会先上炒饭同伊面，上菜次序有d奇怪，不过都无乜所谓……寿桃包一落单已叫侍应可即上，但最后都系差不多食晒所有嘢先到。一搣开个包，见到入面原本应该橙黄色嘅咸蛋黄比平常暗淡，有d似莲蓉嘅颜色，本来都无为意，但一食落去……不得了🥶🥶🥶有咸鱼味！！！🤮差d呕……搣开另一个……未至于有咸鱼味，但都明显唔太新鲜🤢呢间嘢真系绝无下次……吓死人🤮🤮🤮🤮
继续阅读
从未试过食饭食得咁唔开心😡😡😡😡如果有10个劣，一定比足10个劣😥😥😥搅笑嘅C区，讲好用晒安心出行，可以6个人一张台，我12个人应该喺分两张6人台，点知6人台喺4个人之后有间板再加2个！都无办法！我打电话订台时间咗喺咪有片皮鸭餐，可唔可以订，听电话果果话我地有好多款片皮鸭餐，您到时嚟到再拣啦！我问有无得订，佢话无！到攞台点菜竟然话片皮鸭卖晒，职员话今日好好生意卖咗10几只，咁大间酒楼每晚卖得10几只片皮鸭😱😱都坐底咗，唯有叫其他餐，我点咗个4人龙虾餐同小菜孖宝餐，点菜纸交比个姐姐，我仲同佢讲两台一样咁落！点知格离台食到第3个菜我地都有菜上，我就问职员，佢话我点2个餐，谂住我喺两边分！我问佢唔知喺点头先个姐姐听嘢喺咪有问题！我比张点菜纸佢时讲得好清楚，两张台一样咁落！小菜同楼下金记无分别，分别就喺佢价钱贵好多，味道一般！龙虾伊面，龙虾无肉，得壳，好奇怪连龙虾脚入面都可以无肉🤔🤔到10点左右，见到有人推只片皮鸭出嚟！咁啱终于见到个经理就问，点解仲有片皮鸭，经理话客人订咗！我话点解我寻日打嚟订台话无得订，叫我嚟到再拣😡😡大家要注意店铺收10:30，但9点就开始赶客！埋单时无问我地要唔要泊车单！到埋完单问佢我要3张泊车单！1个回覆好！转头攞比您，当时佢喺攞住我张单同钱！等咗一阵再唔见攞泊车单比我，我再追，第二个就话，您地一齐埋单分唔到两张单！我话咁您帮我分返两张单啰！再嚟一个职员话要攞泊车单一定要比信用咭，咁我话好！您攞返D钱嚟，我比咭，佢又话佢地埋咗数！我真喺未见过一间咁嘅酒楼服务，大排档不如，我平时去食晚饭，人地行埋嚟埋单时已经问需唔需要泊车单？如果要电子消费先至做到免费泊车，人地已经即时讲！总括一包：唔洗钱都唔会再去嘅酒楼！
继续阅读
呢日训到好晏先起身, 就决定去太古城叹返个下午茶。我地之前去过铜锣湾间玉桃轩酒家饮茶, 感觉唔差既, 今次就试下太古城既分店。高汤海皇灌汤饺– 馅料满满, 用料十足, 大大只, 配埋高汤同食, 好味道。 蟹籽蒸烧卖皇 - 烧卖大大粒, 猪肉弹牙, 够鲜味。 玉桃晶莹虾饺皇– 虾肉满满, 皮够薄, 唔错。松脆鲜蛋挞仔 – 可能我地太迟黎, 蛋挞明显已冻, 唔好食。班头腩炒面 – 炒面底煎到脆卜卜, 班头腩啖啖肉, 镬气十足, 唔错。玉桃轩酒家(康怡广场) 太古康山道1-2号康怡广场北座M楼M1号舖港铁太古站A出口
继续阅读