玉桃軒酒家 (鱷魚恤中心)

营业中

休息中

食飯時間同父母相處下, 最好既活動緊係輕輕鬆鬆飲個下午茶黎到鱷魚恤中心上面既玉桃軒酒家, 見到座無虛席心知不妙, 好彩啱啱有人食飽走人有位😍星期一至五既下午茶比較抵, 假日就午市下午茶同價有點心有炒野有湯米有小食🤤仲有份full set menu 燒賣絕對係港人最愛之一, 蟹籽, 冬菇, 鮮蝦, 少少肥豬肉, 缺一不可除左燒賣, 傳統去飲茶都會叫埋蝦餃, 皮唔會太厚太硬, 剛剛好包住晒d 鮮蝦汁同蝦😍潮洲蒸粉果個水晶皮一樣夠薄, 包實晒d 餡, 一咬開d 餡唔會話即刻散晒叉燒腸, 略嫌太多莞茜, 影響左本身白滑腸粉同叉燒既香味,整體黎講係好滑既👍豉汁蒸排骨, 排骨蒸得好稔好入味蒜蓉蝦春卷, 即炸炸得好香脆, 一上枱都聞到陣香味馬拉糕蒸得很鬆軟👍味道不會過甜迷你火鴨絲炆米, 雖然話係迷你size, 但絕對夠2個人食架, 仲勁有鑊氣添😍米粉又很乾爽, 不會黏埋一舊👍

之前約o左女友人LL同DC尋 (19-5-2018 Sat)晚, 食晚飯同男友人LKH慶生,同行有我老公,LL老公同LKH太太共7人.我o地book o左位o既,呢晚都好full,誇張到連電梯大堂都坐o左3枱客,幸好我o地唔係其中一張.由LL發辦,叫o左:1. $108.00o既欖菜肉碎四季豆鹹淡同口感適中,唔錯o既. 味道: 5分2. $248.00一隻o既波士頓龍蝦,加$48.00烏冬底龍蝦鮮甜肉質係彈牙,烏冬都唔會太腍,亦ok.味道: 5分3. $138.00o既 帶子賽螃蟹蛋白滑,西蘭花同帶子口感o岩o岩好.味道: 4分4-5. $318.00o既晚飯孖寶,有清蒸海斑仔同醬油金蒜脆皮雞半隻清蒸海斑仔蒸得o岩o岩好,肉滑. 味道: 5分醬油金蒜脆皮雞,皮真係好脆,肉質嫩滑,佢o既醬油金蒜味道好特甜,係甜豉油加金蒜. 味道: 5分味道係唔差,但份量真係唔使咁少啊?價錢唔平個喎.服務:落完單,上菜速度超快,我o地只用o左一個鐘就食完走人.都幾有禮貌o既.價錢:唔知茶錢同兩碟前菜幾錢,但我o地俾錢o既就要俾$200.00一人.1.75分其他:其實我o地開頭唔係叫第4-5樣,而係叫$21

週末放假，當然要約朋友相聚下。朋友提議不如一齊去飲茶。但鱷魚恤中心有這麼多間茶樓，我都十五十六，不知如何選擇好。朋友就提議去她之前飲過的這間茶樓。我們已很肚子餓，心裡多麼希望不會有很多人排隊就好了。幸好，我和朋友到達後，服務員很快已為我們安排好座位。我們馬上點了以下幾款食物醫肚。見到餐牌推薦必食脆皮燒腩仔，就一於試下。皮脆，肥瘦肉夾雜，肉質分佈平均，肉滑，切割齊整。果然沒點錯。蜜汁叉燒腸粉料足。皮薄但不會易爛和散。多汁。玉桃蝦餃皇隻隻蝦餃都好飽滿，啖啖原隻蝦肉，好滿足。薑汁燉鮮奶吃入口不會感一陣鮮奶羶味。我會用香，白，滑來形容它。蝦籽燒賣皇燒賣不會一夾就散，能把原隻燒賣放入口慢慢品嚐。肉質嫩滑。平日生活節奏急速，難得可以和朋友飲着茶慢慢品嚐，又可以談下天，簡直人生一大樂事。

今晚約了家人食中餐，整幢大廈有許多酒樓，此酒樓價格相對合乎預算，所以選擇了在此酒樓食晚餐。六個人，最適合食半圍，又不用左思右想，又可以應有盡有，什麼都試下。乳豬細細隻，每人都可以食到兩至三塊，皮香脆。竹笙魚翅都幾足料，每人一碗剛剛好。龍蝦伊麵的汁有點多，但伊麵亦不會太濕太腍。米網海鮮卷與平時食的有點不同，比較脆口。醬油雞顏色雖深，但不會很鹹。沙巴龍躉比較合我口味，肉厚不腥。雀巢海中寶賣相幾好。炒飯稍微乾身。除了橙汁，還有甜品呢！

就快母親節,又係要BOOK枱同親戚做節嘅日子, 但係因為親戚們都好少食新餐廳, 所以咁多年都係食個幾間。今日我就決定要黎依間之前冇食過嘅酒家試吓菜, 如果好味的話以後食飯都多個選擇啦難得今日唔洗OT, 7點前已經入座, 可以唔洗等位, 而且餐廳面積好大, 枱與枱之間嘅距離夠大, 可以舒舒服服咁坐, 相當唔錯睇食評見到依度嘅燒味好似唔錯, 所以就叫咗個燒味併盆$168, 金銀蒜蝦乾蒸茄子$98, 同埋秘製粉絲虎蝦煲$148, 加咗一個白飯我地兩個女仔share食。跟茶仲有個酸茶, 幾開胃。燒味併盆- 叉燒唔肥但又好嫩, 而且甜甜地。唔錯。燒肉不過不失, 反而雞就最驚喜, 非常滑好下飯。金銀蒜蝦乾蒸茄子 - 本身諗住是但叫個蔬菜食吓, 但係反而依個味道最岩我地胃口, 首先好足料, 落咗好多蝦乾同蒜, 岩晒我地兩個都係鐘意食蒜嘅人。而且味道清淡得黎調味得岩岩好, 無味精, 淨係蝦乾嘅鮮甜同埋同蒜黎提味, 非常好味秘製粉絲虎蝦煲 - 秘製汁真係好好味, 好惹味! 而且虎蝦好大隻, 仲有四隻咁多而且粉絲煮得岩岩好, 唔會太乾, 索晒啲秘製汁, 又係勁下飯埋單$521, 人均$260。 價錢合理之

早前家姐訂了台，係母親節正日黎呢度食飯，訂了半席母親節餐。對於酒樓指定既母親節餐單，我地都唔會有好高期望，只希望上菜時間唔好太慢。今次有乳豬、西蘭花炒帶子珊瑚蚌、炸蟹鉗、蒸魚、翅、荷葉飯、壽包......除了壽包既皮稍為硬d乾身d外，我地全家一致認為食物算有水準，不會過鹹過於濃味。

You make me cry, make me smile, Make me feel the love is true 謝謝你的關顧　與及無償的愛護 年月漫漫　多艱苦　你也永遠優先擔心我喜惡 唯恐我並未得到　最貼身保護 Oh I love you!一年一度的母親節就相約在玉桃軒，店內環境開揚，枱與枱之間濶落，令人坐得非常舒適。而且上菜速度不太快，啱晒我哋想坐得耐，一路食一路傾計的人。既然一場來到，大家又想食龍蝦同翅，所以就叫了龍蝦晚飯全包宴半席。鴻運乳豬全體皮脆內嫩，唔油膩，而且無豬騷味，推介。上湯波士頓龍蝦伊麵，龍蝦爽口彈牙，而且啖啖肉；伊麵份量十足，而且夾起來是一條條，不是淋Pat pat，抵讚。米網海鮮卷，炸得香脆，內裏有帶子，蝦等海鮮。竹笙海皇燴魚翅，味道可口，估唔到入面仲有蝦同花膠，都好足料。大沙巴龍躉兩味 - 菌皇炒龍躉球及古法蒸頭腩，魚新鮮無腥味，爽滑美味。炒龍躉球啖啖肉，正。雀巢海中寶，內裏有帶子，蝦，蚌及西芹。帶子，蝦及蚌鮮美；雀巢脆卜卜；西芹無渣。金脆醬油雞，皮脆肉滑，都唔錯。廚神炒飯，飯炒得唔油膩，粒粒乾身。最後仲精美糕點桂花糕，清甜味美。

今日約了朋友們出來敘敍舊，她們提議到觀塘鱷魚恤大廈六樓的玉桃軒。 香港區的玉桃軒就有去過，今次都是第一次來觀塘這邊的分店。 朋友提早到去攞了枱， 發覺這邊分店的點心供應和香港區是有分別， 觀塘區早茶優惠點心選擇比較多， 今次我們選擇了叉燒腸粉， 叉燒酥， 馬拉糕， 鮮竹卷， 香煎涼瓜餅， 雜菌餃， 棉花雞， 還有優惠孖寶銀魚肉餅飯配搭小籠包。 因為大家非常肚餓同時看見點心紙上優惠價非常吸引， 所以毫不猶豫叫了一枱點心， 點心即叫即蒸質素水準都好， 下次又多一個嘆茶好地方。

星期六的早上, 難得瞓一個懶覺, 起身已是11點, 無特別節目, 就同屋企人來到觀塘鰐魚恤大廈內的玉桃軒飲茶, 第一次到這間酒樓飲茶, 一出電梯就入到酒樓,樓底相當高, 座得又寬鬆唔怕逼, 環境非常舒適, 座低慢慢飲下茶, 嘆下點心, 感覺非常輕鬆寫意.點心全部都是即叫即蒸的, 上枱的點心熱辣辣, 尤其是馬拉糕, 上枱時仲有蒸氣, 趁熱食了一舊, 哇, 非常鬆軟, 仲聞到濃郁的傳統馬拉糕的香味, 食啖糕再飲啖茶, 好美味! 好舒適!蝦餃, 燒賣是我們飲茶必叫的, 晶瑩通透的蝦餃好鮮甜, 蝦仁爽口彈牙, 燒賣啖啖肉, 熱辣辣, 傳統的點心係超乎意料的好食哦! 除咗傳統點心, 我們都叫了些新式小食, 有燒茄子, 一整條茄子上面釀了些魚肉, 煎熟之後淋了些汁在茄子上面, 茄子索晒的汁再加上鯪魚肉, 軟林香口, 這新式小食燒茄子做得認真唔錯! 我都估唔到這間玉桃軒飲茶有咁多款點心, 大江南北小食,連口水雞都有, 仲有南乳排骨, 口水雞看上很多紅油,但食起上來不是太辣, 而且的雞肉嫩滑, 仲有花椒及辣椒香, 這味著名的川菜在這間飲茶都有得食, 真是好多選擇, 正!一個舒適的星期六就在這間玉桃軒唔

今日過泥觀塘行街，見到鱷魚恤中心成幢都係酒樓。上open rice就見到呢間好多就一於試下！我地2個1點50分上到去，都有十幾個人等緊位，不過好準時2點下午茶就可以入去坐啦！入面裝修算好靚，座位舒服！點食物！星期日都有下午茶，價錢都平民化！我地點左以下點心：排骨粥：呢個無味精，食完吾口乾，都算綿綿粥，好食馬拉糕：呢個好好食！又香又軟熟！叉燒腸：好食，好滑餡料夠鹵水豆腐：呢個就普通無特別，男朋友話要食咋。。。牛肉球：好食。夠圠實又大粒燒賣：必食！粒粒脹卜卜咖！好好食鴨腳札：入面有芋頭，肉，芋頭夠粉，鴨腳好食吾鹹入味呢間果然好食有質素！食物夠熱，座得舒服！員工做野好快手！讚！

今日去左觀塘飲茶，我同男朋友首選玉桃軒。觀塘酒樓好多，早早之前食過一次之後就好回味玉桃軒。燒賣。豬肉餡料豐富彈牙，入口唔會太油膩，即叫即蒸夠熱！口水雞。辣度夠味道濃郁，雞肉嫩滑唔會乾，雞皮好香唔會油膩，雞油早早切走！武當山炒河。賣相精緻炒河粉。兩種味道夠特別。我好鐘意豉椒味，夠滋味味道夠濃夠香，肉片香嫩唔會太鞋口。蘿蔔糕。好耐無食今日回味一下！馬拉糕是男朋友最愛，黑糖味清唔會太甜，鬆軟夠香！叉燒腸粉，皮薄唔會太厚米漿，餡料夠多！

今晚去左樓上鋪持網購野,跟住就同朋友去左玉桃軒酒家食晚飯入去坐低叫返個鐵觀音飲下先,口乾到一個點,飲啖茶真係一流睇下食咩先,就叫左蜜汁叉燒皇,黑白胡椒粒炒肉蟹個環境都幾好,靜靜地岩傾計黎個小食先,雲耳都幾爽口幾好味黑白胡椒粒炒肉蟹--黑白胡椒少少辣令到好開胃,肉蟹實肉好味,這個配合真係好夾蜜汁叉燒皇--燒得幾好,唔太燶之外又香口,夠晒淋,連埋D蜜汁真係好正食白飯係必須的因為D野食真係送飯一流,連埋黑白胡椒粒炒肉蟹黎食,辣辣地送飯,連蔥都咁正

雖然唔係咩大件事，但點都要上黎講番既原因係「我地係特登上open rice 睇完食評先決定係呢間食」只能說人地既食評真係寫我好好😂話說婆婆鐘意食片皮鴨加埋婆婆生日就搵間酒樓食餐飯，亦都預先book左位，十幾人同行。我地落單時候，位白白地頭髮經理問有冇訂皮片鴨，我地話無，打電話黎book位個時，有問到你同事，而佢既答覆係：唔洗嫁喇，到時黎到就有。經理就話我地要預訂。姐點？你同事話唔洗，黎到又話要訂。重點係我地特登過黎食片皮鴨🙄。我地洗碗洗杯，想搵人拎個碗裝洗碗水，點知個經理見到扮睇唔到走左去，利申：個時係6點15左右，個場無咩客。唔會睇我地唔到，你忙既我都會理解。但唔係囉！之後咪自己去拎囉！中肯講，野食ok既～但服務就唔得囉！餐布就有d痴立立既野，洗手間就沖唔到廁！完。

今晚朋友約左我食晚，順便傾下大家近況，朋友中意食中菜，所以我地去酒樓食晚飯，又可以坐耐少少我地開左台後侍應就拎左個木耳小食俾我地幾爽口我好耐無食叉燒，所以我就點左叉燒！朋友就點左脆皮雞，再叫左通菜煲叉燒份量多，而且味道適中唔會過咸，食落去好軟身，底下面有黃豆，吸左d叉燒汁好食！叉燒肥瘦好均勻，好好食脆皮雞好滑，雞皮好脆，而且唔肥！上到台時仲好熱，好似即叫即整咁，好食！馬拉盞炒通菜，望落去好似好清，但味道絕不簡單，好野味好香！通菜食落去仲係好爽身，正！，

點心紙寫明有特價，埋單卻說如用一般點心紙入單，收正價。酒樓鼓勵食客用兩張纸入單，做法不環保我向職員查詢為何同一時段，兩個收費，職員還鼓勵我向消委會投訴，服務態度有待改善