影片
以上资料只供参考，请与餐厅确认详情
汤底十分重胡椒味 少少辣 很香口 而且食完唔会好颈渴米线不会太淋 几有咬口 不过份量略少 大食的人可能不够饱配料我选择黑椒牛丸同埋烟鸭胸 同一份炸鸡翼两样配料都好好食 小店环境 当天去只有一位女士作楼面工作和一位男士做厨房 等候食物时间大约10分钟 喜欢食米线又不想成日都食麻辣或鱼汤汤底既朋友可以一试 宜家天气转凉 迟下再冻d 呢个汤底就更吸引了建议增加饮品选择 如冻柠茶冻奶茶等等 以及更换一批新的碗碟 因现时使用的碗碟可能已用了一段时间 有明显残旧的渍
继续阅读
平时行过呢间铺见都有人企门外等位，就决定试下啦！一入到去，姨姨都好好招呼好好礼貌。叫左个胡椒汤米线小辣，加咸菜，瑞士汁鸡翼同韭菜饺。外卖满$30仲有纸包饮品送。开头仲谂住佢个鸡翼如果唔分开放咪会影响个汤底，但原来佢用个纸袋仔装住啲鸡翼，好贴心，值得一赞！个鸡翼唔算超入味，但系唔似出面食𠮶啲咁干咁hea。似系屋企整嘅感觉，都唔错。个胡椒汤底都香，以我平时唔食辣黎讲，小辣（20%胡椒汤）都食到。米线比出面食嘅软滑，反而呢个令我有啲意想不到。最后个韭菜饺，入面应该得韭菜冇肉，但系都好食好够味。
继续阅读
自从独当一面转手之后都未食过，今日终于按捺不住。叫左个微辣胡椒猪肚鸡脚猪骨汤上海扁面，跟墨丸同鸡翼，汤底真系好饮，面有小小痴埋一注，墨丸弹牙，鸡翼入味，总括来说，保持到水准！可返转头
继续阅读
作为胡椒猪肚汤的忠粉，独当一面的汤底绝对没有令我失望，食过几次了，家住沙田都要专登走入元朗食一个字！正！胡椒猪肚汤底全名「胡椒猪肚鸡脚猪骨汤」，绝对是名副其实的，因为每碗也非常足料，所有配料都会有齐，你亦可以凭个人喜好剔走某些配料。辣度方面可选微辣至大辣，我个人偏好中辣，每次食完都会头皮发热兼冒汗。如果唔太食辣的朋友建议由微辣开始尝试。汤底胡椒味非常香浓，但又不过抢过猪骨汤的清甜，应该是真材实料熬制而成，值得支持！面底属正常份量，食量较大的朋友可能需要加底。跟汤配料索晒胡椒味，每一啖都好够味；猪肚又有𡁻口！大赞！由于我为了汤底而来，我通常只会点汤底+面已经够食。最后讲吓店内环境，店内小小的座位比较逼，带住小朋友其实不太适合。但我实在太钟意个汤，抱住女儿都要食，仲影咗张猪脚仔配汤面的相😂小店要继续努力！
继续阅读
其实元朗真系有好多有质素的食店经朋友仔介绍 冒雨去试食「独当一面」我本人本身系好钟意饮胡椒猪肚汤的 店舖好细 大约只有20个坐位 试食当日时间尚早 我哋系第一台客人 所以坐得好舒服 如果坐满人都应该几迫 😅主打系胡椒汤底 随汤有鸡脚 猪骨 猪肚 可以另外再加𩠌的 不过我想试原味 所以系原味跟米线 朋友就拣咗上海扁面 汤底可以拣不同辣度 即系胡椒汤占的百分比 我拣咗小辣试下先 （即20%系胡椒汤80%系猪骨汤）面一到 闻到好香胡椒味 汤底系奶白色的 梗系要立即试饮个汤先啦 淡淡的胡椒味加上真材实料的猪骨汤好味道 成个汤一滴不漏咁比我清晒 🤣我下次要试最辣 即系100%系胡椒汤底 应该会更过瘾 😋😋钟意饮胡椒猪肚汤嘅大家 真心推介比你哋
继续阅读