貓店街 (已結業)

每位消費$68 一個鐘包一杯嘢飲，地理位置方便，貓貓可愛爆棚，雖然有啲懶，但係唔會好似其他貓Cafe咁不停消費佢哋，比佢哋自己休息，純粹比客人近距離接觸佢哋。雖然地方唔大，但係好闊落。而且唔似其他貓Cafe咁嘈，呢度俾我一個好chill 同埋放鬆嘅感覺而且比我感覺，呢間貓Cafe比其他Cafe更加注重貓貓嘅感受同健康，唔會因為做生意而不停消費貓貓，例如買零食比佢哋做小食。另外，嘢食方面，價錢合理，食物正常，推薦芝士千層焗薯 滿分！重點 佢哋係良心小店💛 極度推薦大家！💛💛唯一缺點就係如果客人着裙就有機會唔方便，因為佢哋啲座位係坐地下，比較日式

見到openrice咁多差評冇好評就知呢間舖冇買坊間啲打手套餐，咁多負評，我就去一睹盧山真面目。去之前要打聽下佢執笠未，上社交平台見到仲有出post，就whatsapp問下幾錢一位。復活節假期最後一日，仲未有晚市堂食，所以6點後冇嘢食，可以淨玩貓同埋去坐下，優惠價$48。平時$68/小時（包一飲品），續鐘$38又係包野食/飲品。 唔算貴，我哋住喺附近，就決定直接過去。店內實況地方唔大，但唔會好似出面小店咁將啲枱擺到密質質，呢度仲有好多地方俾貓貓瞓、玩、滾地沙。 貓貓一般都瞓緊覺㗎喇，我屋企嗰隻都係咁，瞓飽食醉緊係瞓到大天光，其實代表主人照顧得佢哋好好，食得好住得好，唔使好似其他貓cafe咁要接客咁辛苦。（其他貓cafe仲會賣零食俾客去餵俾自己店嘅貓咪.......簡直係做生意嘅勁人，又賺錢，同時又餵飽自己啲貓，所以啲貓勁熱情咁接客）貓貓呢度啲貓貓都係超溫純同超懶，但同時都係超乾淨，一啲味都冇。瞓到成隻豬咁。呢隻喺兩個鐘內都冇醒過。呢隻好鍾意摸摸，一停咗就起身要人再摸。呢隻係八掛妹，周圍睇人做緊咩。呢隻係百厭仔，又試圖越獄又玩到反晒肚，又衝嚟衝去，佢仲成日嚇親，彈起咗幾次。 嘢食 我嚟呢

每人最低消費68蚊，包一杯飲品，若每人叫兩樣野送多一個鍾, 如此類推...店細，約9張細枱，貓少大概5/6隻，感覺店內不太干淨，洗手間在店外，不太方便。基本上所有的貓都聚在收銀機前面，貓都不太喜歡同客人玩，大部分不也不太喜歡被客人摸，沒有逗貓棒，也沒有食物餵貓，職員不會教客人與貓貓玩或互動 ...結果是，坐低半個鍾後開始覺得悶，各枱客人都吾系篤電話就是玩扑克，所以我地本來有2個鍾的時間，結果坐了一個鍾就埋單走了。建議，若行街太攰想抖下，就無乜問題。但若似我地咁，想去摸貓或玩下貓，就吾建議去了。

好耐冇去貓cafe好隨機咁搵左呢間幾寧靜 唔多人入面有5隻貓但咁啱都訓緊教😂每位$68一小時，包一杯野飲去到中途有幾隻貓貓終於訓醒左幫貓貓影左好多相全部都好可愛🥰🥰但係OpenRice 最多放12張相所以分享唔到🙈總括而言 貓奴一定要去👍🏼

貓貓好得意 老闆話6-7歲貓 唔願玩架咁岩去到有隻新貓1歲半 不過仲未出得黎要慢慢適應其他貓貓坐定定點摸都得😂肥唔係我地叫 呢d叫肥壯😂我地閒日下晝去 唔多人靜靜地碌電話 間唔中行出去吸下貓 好寫意68蚊包1杯野飲叫野食比其他貓cafe好d會送加時去過旺角另外一間食埋野都係1個鐘有d趕而且個間d貓貓有d油 邊間就唔講😂呢邊d貓貓打理得好好老闆應該好錫佢地叫左個熱玫瑰蜜坐左一個鐘就走左 野飲ok休息下一流 會再去（btw iphone openrice app好似無位po相 定係我搵唔到）

店內極細，較舊，貓少，得五六只，廚房和收銀在門口位置，d貓大多數只係係門口位置，不會靠近客人，客人坐低距就會走開，一個鐘68包一杯飲品，不過製作時間起碼半小時或以上，如果只係打算stay一個鐘，就要飲快d，飲品容易沾到貓毛，仲有廁所不在店內，行過去，一來一回著鞋除鞋，起碼需時五分鐘或以上，洗手間又舊又邋遢，個人認為不值得去，好多質數高的貓cafe都係哩個價，而且又大又舒服又多貓，唯一優點，地理位置

這裡的貓咪很多都是眼瞓貓貓 非常安心地睡覺 就算是有人摸也不會睜開眼睛 可愛呢呢～ 當然都有活潑的貓咪 例如巧克力和豆腐花。而栗子和菠蘿包則是當觀眾吃花生看巧克力和豆腐花玩。

雖然未係一個貓奴，但因為鐘意貓所以都幾成日去。 今次呢個真心推介，第一因為佢真係好乾淨，無味道！ 睇得出老闆好錫啲貓， 我地讚無貓味個時，佢猛話貓本身好鐘意乾淨所以唔會有貓味，仲乘機抱起左一隻黎吸兩下再話無味😂 （客人係唔可以隨便抱起啲貓既）比起一般貓cafe，貓店街俾我感覺係貓貓唔係商品，個到真係佢地既屋企，所以會見到好多飲水機，貓抓板， 貓窩咁樣。 個晚我地上到去初時大部份貓貓都瞓緊，後來陸續醒， 雖然貓貓們唔係好痴人，但都算係任摸既。😂 因為最近旺角TG 放題左好幾次， 老闆仲找左幾部空氣清新機返黎。 老闆真係好錫啲貓！ 老闆知道我地有心想養貓仲好好咁答我地一堆問題，我覺得想養貓/新手貓奴都會有得著！ 最後，食物同飲品既部分， 飲品算好大一杯，我地飲既熱柚子蜜。食物係選擇唔多，但味道算中上，份量望落唔多，但食完都係夠飽既。 我係會再去架！

第一次去貓貓cafe，除鞋同清潔雙手之後就可以入去。店主友善，同我地講天氣凍，貓貓食少左野又會訓多左。我地叫左Pizza、台灣腸、抹茶千層蛋糕、奇異果花茶同Mocha咖啡，二人同行送左薯角，埋單三百蚊，食物質素幾好，又夠熱，pizza係脆既，而且份量唔少，蛋糕唔會太甜，朋友唔好甜食都ok，我飲花茶唔會太甜，味道幾好。貓貓友善，肯比人摸，乾淨無異味。推薦比係旺角想靜靜地同朋友聚下，又想睇下貓貓既人。我有時間都想再去！

設最低消費$68位～包一杯野飲 @一個鐘！野食另外可以叫pizza。。甜品。。今次閒日晏就上去。一個人都無😂貓唔多。。應該有六隻。。雖然唔太活躍但都好可愛！有兩隻仲係上過雜誌。。廣告（其中一隻叫雞蛋仔😂）另外好多board game玩。。可以好好消磨一個下午Latte 幾好飲～我平時唔飲咖啡但今次竟然成杯飲曬！😂😂另外花茶都好香好好飲！同場加影：隻黑貓真係超為食。係咁想偷食個心太軟～咁我地當然唔比啦😂😂

轉晒同之前唔同左喎 而家都係一位計一個鐘68包一杯野飲不過沙冰要加錢其他花茶 蜜類 都唔使加Menu收費都轉晒 同去開tw同cwb差不多不過好就好在食野有加坐多一個鐘貓貓就都差不多最大個隻6歲 都成年貓了摺耳貓黎 手仔都彎彎地店主都有提佢抵抗力好差花左好多時間睇醫生餵藥沖藥水涼有提別提人小心d摸佢 應該手仔痛唔鐘意人摸太多佢就係摺耳貓蛋黃 睇下隻手係邊😂環境都轉晒 同貓貓close左而家要除鞋以前唔使乾淨d對貓貓好場地唔大 地方細細 靜靜地好岩上黎坐下玩下貓睇下書

餐廳有最低消費$98餐廳有最低消費$98餐廳有最低消費$98好重要！所以要講！飲品太貴啦！普通一杯茶都要$68蚊，所以係要叫多碟食物！而食物係非常細碟！絕對唔會飽嘅食品！雖然明碼實價，不過真係太貴！食物味道都唔錯～然而CP太低！覺得有d俾人屈嘅感覺....我理解貓都要養...倒不如明碼實價寫明玩貓貓幾錢消費...好過轉嫁成本到食物到！咁樣消費 法，就好似被人按著打劫咁！坐左三個鐘...D貓基本上都係訓覺...我同d fd基本上都係玩board game.. 好失望啊！去樓上咖啡都唔洗咁貴，而且好多人，所以可以摸到幾下貓 已經算係咁...btw 冷氣好凍...唔會再黎！

第一次黎依D貓cafe, 就預左唔會好平，畢竟並不是以食物為賣點，但兩個人平均$80，發現價錢上還可以接受。由於係平日去，所以冇乜人，環境幾乾淨，冇成地貓毛或有好濃既貓既排泄物味，我同朋友亦可以坐低靜靜傾計同時撩貓 雖然D貓唔係好理人，不過可能因為自己屋企隻貓都係一樣，所以並冇好大既失望。睇得出店主好用心照顧D貓，而且有介紹每一隻貓既特性，亦有講一D照顧貓要注意既事，完全感受到店主既誠意，愛貓人士絕對會樂而忘返！

專登上網揾呢類型貓店帶個女去體驗，不過間野唔係甘掂，全部懶貓，啲野食偏貴兼麻麻，店家又唔將啲貓抱出來玩，一共7隻貓，有一隻見左一眼之後全程呢係貓架度瞓覺，有一隻由頭到尾無蒲過頭，到我地準備走開餐先出來，好悶嘅地方，唔會再幫襯！……

我今次已經係第三次嚟呢間貓cafe, 因為好鍾意呢度嘅貓貓，隻隻都好好肉地，又肥又可愛！值得一提係佢地有隻“UA廣告貓“ “雞蛋仔“，佢原來好嗲人，仲會錫錫㖭，而“朱古力“就係呢度嘅大隻仔，職員話佢最高鋒時有20磅，未見過貓cafe 都可以養到D貓貓肥肥白白，証明佢地真係食得好住得好，店主良心經營係班主子嘅福氣！呢個係我不斷番嚟幫襯嘅原因！呢度D 蛋糕都幾好味，特濃黑朱古力係我每次必定order嘅drink，以貓貓生活質素，環境，食物質素，價錢收費合理！