狸小路北海道涮涮鍋、壽喜燒、和牛專門店

营业中

休息中

我哋今次去銅鑼灣呢間狸小路北海道涮涮鍋同壽喜燒專門店，真係幾特別。呢間店位置唔算大，但一人一鍋都幾得意，價錢又抵。朋友推介我哋試海膽湯底，話日本一啲地方最少都要四百幾蚊港幣先可以食到，但喺呢度，200幾蚊就已經可以食到! 抵丫!餐廳有好多套餐，包左一份肉、前菜、蔬菜、主食同埋甜品，我地揀左：頂級西冷A5 $298霜降A4和牛 $248而湯底分別揀左壽喜燒湯同北海道海膽高湯!我自己就好中意用北海道十勝出產嘅A5和牛西冷，肉質好細膩好有咬口，肉味都好濃。沾埋個北海道蛋液，口感更加柔滑，真係超好食!而女朋友就中意霜降A4和牛，貪佢夠油夠香! 唔怕油香感太重真係推介食呢個!另外，個海膽湯底真係有海膽喺入面, 又真係幾真材實料喎! 將D牛肉浸係海膽湯底入面，鮮甜到不得了! 為左個海膽湯底, 我願意encore!咁仲有D烏冬同野菜拼盤都好抵食, 食左全日肉都要搵D澱粉質同蔬菜平衡番!最後仲有個甜品, 食完真係心滿意足。

位於銅鑼灣的壽喜燒和牛專門店。好吃的壽喜燒通常都不便宜，但朋友推薦的這間小店，經營簡約的一人一鍋模式，價格非常划算；而且更有海膽湯底可以選擇。要知道同樣的海膽湯底在日本當地至少收費四百多港幣起吧，但在這裡，才200多元就能嚐到，真是超值！(不過，外國的月亮始終比較圓… ).餐廳提供多款套餐，每款都包含一款肉類、前菜、蔬菜拼盤、主食和甜品；更令人驚喜的是，這裡不設加一，先值一讚。點餐時先選湯底，而話明是壽喜燒專門店，自然要選最經典的壽喜燒湯底；而另一款則選了一心衝著而來的海膽高湯了。⋆_____ 北海道十勝產黑毛和牛套餐 ______⋆✿ 頂級西冷ᴀ5 190ɢ $298  ⧐ 壽喜燒湯底選用北海道十勝產的ᴀ5和牛，配上香甜濃郁的自製壽喜燒汁，肉質細膩緊實，咀嚼時肉香四溢；蘸上北海道雞蛋後，口感更顯柔滑，層次豐富。.✿ 霜降ᴀ4 190ɢ $248⧐ 北海道海膽高湯霜降ᴀ4和牛油脂分佈細緻，油香豐腴，肉質鮮嫩多汁，入口即化，是我最鍾愛的牛部位。頂級和牛配上真材實料的海膽湯底，湯頭濃郁鮮甜，只需輕輕涮煮，牛肉的醇厚與海膽的鮮味超夾，果然真的是奢華的享受呢。

原來銅鑼灣禮頓道都有唔少隱世餐廳，呢晚到訪一間主打食日式涮涮鍋及壽喜燒嘅小店。餐廳面積唔算太大，但佈局簡約精緻。餐牌有牛肉及豚肉提供，亦有唔同質素及份量可供選擇，價錢大約由百幾至二百幾蚊，相當合理。我哋兩個人，點咗霜降A4牛（$248）同頂級西冷A5（$298）各一，湯底則揀咗北海道昆布茶魚湯及北海道海膽高湯。除咗肉類之外，套餐除咗有雜菜提供，更可選擇米飯、拉麵及烏冬。霜降牛同西冷各有特色，油脂分布平均，質素相當不錯，入口充滿濃濃嘅牛味。如果喜歡油脂重啲嘅朋友，則可以揀西冷A5，入口更加軟滑。海膽湯底味道濃郁，更有唔少海膽喺入邊，點做呢個湯底，基本上需要再點調味料都已經非常好味。最後加埋個烏冬落去，吸收晒海膽嘅精華，簡直係一個海膽沾麵。佢嘅海膽湯只需要另加$58 ，喺日本食圍返都要四百幾蚊，所以絕對係超值，鍾意食海膽嘅朋友真係不容錯過。套餐包埋抹茶蛋糕作為甜品，味道唔錯。

越嚟越接近5/7 ，唯有靜看預言。當然希望唔好實現，小編就可以快啲快啲快啲安心去日本！！不過留喺香港，我都發現咗一間小店，質素媲美日本水準架！✨霜降A4(190g)套餐揀每款牛肉之前都可以仔細睇睇佢嘅簡短描述，根據個人嘅口味去選擇！今日小編就揀咗霜降A4(190g)油花分布比較平均，同時又能夠品嚐到牛肉嘅香氣～湯底亦都有六款可以選擇，根據眾多嘅食評，小編揀選咗海膽湯底！湯底濃郁而不腥臭，更加有啖啖海膽係鍋底，完全估唔到牛肉同海膽高湯嘅配搭都幾夾～而烏冬亦都慢慢渲染成金黃色，shu入口好入味！✨赤身(190g)套餐赤身紋理好靚，食落去更加感受到牛肉嘅香味，湯底就揀咗壽喜燒，甜絲絲濃郁既牛肉沾上蛋汁絕對係最佳配搭～由於湯底相對濃郁，所以就揀咗米飯嘅配搭，食完真係大滿足！額外亦都加咗50g 嘅西冷A5，油花感再重身啲，滿腔牛脂～飲品方面叫咗焙茶拿鐵，中和一下牛肉所帶嚟嘅油花感，甜度適中！講緊喺日本呢個價錢都食唔到呢個水準，但香港嘅呢一間小店真心有性價比。每個套餐都跟配前菜、蔬菜拼盤、主食、甜品！

星期日去銅鑼灣行街，雖然天氣有d熱，想食靚肉，見 Paul con附近有間靚肉邊邊。咪入去試下。 睇下餐牌，fit晒時間尚早，可以一set set咁叫，有A4既赤身，A4既霜降，A5既西冷，仲有分大細，啱晒女性。豬有豚肩同豚五花。每個set,跟餐，有份蔬菜，同埋飯，拉麵，烏冬。都幾ok。我鬼咁大食，緊係要加啦，可以add on,可其他肉呀蔬菜咁。照顧周到。 咁我同朋友最後揀左一份大霜降同豚五花，再加d肉同野飲。湯底都有好幾個選擇，有壽喜燒，昆布魚湯，咖哩，蠔，海胆，牛乳。我見到用蠔做湯底啱晒我，友人必選海膽。 蠔湯底：又真係有蠔响度，都有蠔味，不過唔好既人應該會麻麻，好蠔既人應該要試 海膽湯底：撈上黎又真係有海胆响底，足料架，唔係講笑。我見食到最後個湯都好杰身，用黎撈飯應該好好食。 A5霜降：睇落油脂都幾豐富，快手撈起，乜都唔好點，豉油麻醬乜都唔落，油香牛味，原汁原味，正。 豚五花：食五花就係要有肥肉，睇到肥瘦相間，相當靚仔，無浸豬羶，見到舊肥肉，食慾大振。 唔夠喉加多份西冷同豬肩，都非常唔錯，同價錢相宜。仲有飯後甜品，蛋糕一件。都係個句，香港人對甜品既最高評價，唔係太甜。

各位識食嘅朋友仔，今次我帶大家嚟到銅鑼灣利園附近，捐窿捐罅搵到呢間充滿日本風情嘅和牛火鍋專門店 —「狸小路」。呢度主打一人一鍋，就算一個人想食好西都完全無問題！今次我就係睇中佢哋高質嘅A4和牛，專程嚟試下佢哋嘅實力。壽喜燒 (Sukiyaki):呢個係經典中嘅經典，狸小路嘅壽喜燒湯底甜鹹度調校得啱啱好，唔會死甜死鹹。將和牛輕輕涮幾下，牛肉嘅油脂甘香同壽喜燒汁嘅醬油甜味完美結合，互相輝映，更能帶出和牛獨有嘅風味。霜降 A4+ (Shimofuri):睇下呢個霜降和牛，油花分佈均勻到好似雪花咁，真係未食已經流口水！ 我哋點咗190g嘅套餐再追加50g，份量十足。輕輕喺湯底涮5秒，牛肉變成嫩粉紅色就即刻拎起，放入口中，嗰種入口即溶嘅感覺真係無得輸！ 牛油香氣喺口入面爆發，肉質嫩滑到一個點，幸福感滿瀉！一個好嘅套餐，配角都好重要。每個餐都跟埋前菜同烏冬，仲有個非常豐富嘅野菜盤。前菜係啲開胃小食，可以清一清味蕾。野菜盤有齊冬菇、金菇、娃娃菜、豆腐、粟米等等，全部都好新鮮。將啲蔬菜放入吸收晒和牛精華嘅湯底度煮，每一啖都索晒湯汁嘅甜味，超正！最後，將滑溜溜嘅烏冬放入充滿肉汁同蔬菜精華嘅湯底煮，作為呢

成日心思思想食靚和牛，但一睇餐牌個價錢就即刻縮沙？今次我就喺銅鑼灣搵到間寶藏級小店「狸小路」，專門拯救我哋呢啲又想食好西又唔想荷包乾硬化嘅為食鬼！佢哋主打一人前A4和牛火鍋，今次我同朋友兩個人，叫到成枱都係嘢，埋單六百幾蚊，就可以嘆到入口即溶嘅A4和牛，究竟係咩玩法？即刻帶大家睇真啲！湯底篇：火鍋嘅靈魂所在 🍲一間好嘅火鍋店，湯底絕對係靈魂。北海道海膽高湯 (Hokkaido Uni Broth):我加咗$58升級做北海道海膽高湯，呢個決定絕對無錯！ 湯底一上枱就聞到淡淡嘅海膽鮮味，飲一啖，成個口腔都充滿住海洋嘅甘甜同umami。用呢個湯底嚟涮和牛，每一啖肉都掛住一層淡淡嘅海膽鮮甜，令牛肉嘅層次感即時昇華，奢華感十足！主角登場：A4和牛盛宴 🥩今次嘅主角，當然係日本直送嘅A4和牛！我呢次食咗「赤身」。赤身 A4+ (Akami):如果你怕霜降太油膩，赤身就係你嘅最佳選擇。赤身嘅油花相對較少，但千祈唔好以為佢會韌。作為A4級數，佢嘅肉質依然非常軟腍，而且牛味比霜降更加濃郁突出。 食落啖啖肉，可以細味到純粹嘅牛肉鮮味，口感同味道都係頂級享受。綠葉扶持，鮮味昇華 🥬✨食肉獸都要講求平衡！套餐

最近去咗銅鑼灣一間日式涮涮鍋專門店，主打壽喜燒及Shabu Shabu,一人一鍋- *北海道十勝產黑毛和牛（和牛套餐）* ： 涮涮鍋套餐包含前菜、蔬菜拼盤、北海道米飯或拉麵，甜品- 壽喜燒套餐則搭配北海道蛋，讓牛肉在蛋液中蘸沾後更添濃郁滑順口感。 - *頂級A5西冷* ：肉質細膩，脂肪分佈如大理石紋，燙煮後仍保持嫩滑，牛味濃厚，絕對係愛牛人士的夢幻之選。 - *霜降A4+* ：帶輕盈油花，肉質柔嫩但不過膩，涮煮後肉汁鎖住，每口都鮮甜多汁，- *北海道海膽高湯 Shabu Shabu* ：湯底濃郁，海膽鮮甜味滲透湯汁，與和牛搭配更顯層次。呢款高湯性價比爆棚！

好耐冇去日本好掛住佢嘅壽喜燒🇯🇵最近新開咗一間壽喜燒同涮涮鍋嘅專門店🔥一人一鍋裝修有種簡約感🪵意外嘅係肉質真係好有水準用上北海道十勝產黑毛和牛🖤好有日本風味而且用料高質😚而且仲有特色嘅海膽湯底🐚200幾蚊就食到好抵整體值得一試呢⭐️ 壽喜燒 🍳⭐️ 霜降A4+❄️⭐️ 赤身A4+ ❤️霜降和牛嘅肥瘦比例啱啱好🐮保持肉質嫩度且充滿牛味😊配上無菌蛋更加嫩滑🥚 壽喜燒汁配上焦糖化嘅洋蔥口味好正宗🧅追加了赤身相對較瘦但係同樣牛味濃郁🥹⭐️ 頂級西冷A5 🥩⭐️ 北海道特選3.6牛乳湯 🥛⭐️ 豚肩 🐷西冷嘅油花分布真係好完美有種半溶既口感非常邪惡👿 湯底真材實料用左3.6牛奶🍼奶味香濃特別Creamy🤍 豚肩同樣軟淋但唔會過肥🥓

最近發現這間新開的涮涮鍋壽喜燒專門店選擇不少，湯底有傳統的壽喜燒也有其他新派湯底。例如在東京比較名貴的海膽湯底在這裏只要大概$200就食到。今天一試其他湯底同和牛感覺水準不錯。選擇了壽喜燒以及北海道牛乳湯底壽喜燒的醬汁甜中帶鹹，牛肉在鍋中輕輕涮煮，肉質鮮嫩，與新鮮的蔬菜相結合，每一口都散發著濃郁的風味。北海道牛奶湯濃郁而順滑，奶香四溢，令人心曠神怡。配搭上北海道十勝黑毛和牛肉質細膩，油脂分布均勻，入口即溶。獨特的香氣和豐富的肉味恰到好處，無疑是肉食者的夢幻之選。

狸小路既賣點就係北海道涮涮鍋同壽喜燒，和牛，集色香味於一身，大家可以係同一個地方，品嘗到吾同風格日式美食，餐廳裝修以簡約木系為主，感覺放鬆😚頂級西冷A5 190g・前菜・烏冬｜壽喜燒❤️❤️❤️❤️❤️$298主角係頂級西冷，份量為190G，部位為頂級北海道十勝黑毛和牛西冷稀有部位，口感方面當然係入口即溶🥰而前菜方面，鮮甜而開胃，而烏冬嘅煙靭口感亦大大增加口感，哩款頂級西冷配上壽喜燒，加上可食用生雞蛋作醬汁配搭，簡直係完美組合😍霜降 A4 130g・前菜・拉麵❤️❤️❤️❤️❤️$218套餐以霜降 A4 牛為主角，哩個部位係油花分佈比較平均，呈霜降花紋😆落口感非常適中，而拉麵彈牙口感亦大大增加咬勁，最後北海道海膽高湯，入面既海膽味道完全融入湯底，大大增加海鮮鮮味，而前菜部份，即為蔬菜拼盤，口感非常鮮甜😆北海道海膽高湯❤️❤️❤️❤️❤️+$58海膽湯如果係日本食都要8000円一個人，成即係都$4xx ，呢到$2xx就食到😆當然要試下，味道夠哂鮮甜🥰赤身 A4 + 50g ❤️❤️❤️❤️$45赤身為油花比較少的部位，亦都比較瘦，牛味會比較濃，食起上嚟，比較冇負擔😆霜降 A4 + 50g ❤️❤️❤️❤️$55霜降A4部位即係上面所

今日去咗「狸小路」試佢哋嘅頂級北海道十勝黑毛和牛西冷稀有部位😊涮涮鍋套餐，真係正到爆！蔬菜拼盤新鮮爽脆，仲有雞髀菇同香菇，湯底我選了一個北海道牡蠾高湯，完全帶出和牛嘅油脂香。 主角黑毛和牛西冷稀有部位，油花靚到好似藝術品，輕輕涮幾秒就食得，入口即溶，牛味濃郁得嚟又唔膩，仲有陣陣甜味！仲有嗰碗北海道烏冬吸晒濃郁嘅湯底而且好彈牙。我還叫了一杯可爾必思梳打，這款日本經典的乳酸飲料混合氣泡水，一入口就能感受到它**酸甜平衡、清爽爆棚**的魔力，簡直是炎熱天氣裡的救贖啊～ 最後還有一個精緻甜品做一個完美收場🥳餐廳方面環境舒服，服務細心，雖然價錢唔平，但係質素絕對對得住！和牛控必試～

日式火鍋店「狸小路」主打日本北海道十勝產黑毛和牛，平民價錢食到高質食材。湯底推介1. **海膽湯**：日本食都要8000円一個人，呢度$200幾就飲到，鮮甜到飲完喉嚨回甘10秒⏳ 2. **北海道牡蠣高湯含一隻牡蠣**：原隻肥蠔沉底🍴一咬爆鮮汁！涮菜都變海鮮盛宴～，喺呢度最平嗰餐二百幾蚊就可以食到。另一款湯底推介是，味道鮮甜無比。牛肉有三款給你選擇由頂級西冷A5 ，霜降A4及赤身，份量有130 g及190 g選擇。****A5西冷**：油脂控首選！入口即溶似「牛肉棉花糖」🍬 配海膽湯減膩 **A4霜降**：性價比之王✨油花靚又唔會太漏，蘸柚子醋超夾！ **赤身**：不喜歡油脂多我食赤身，重牛味。如果不喜歡食牛，都有北海道米豚肉選擇。每一個餐包括有前菜，蔬菜，另外有拉麵/烏冬/白飯，任擇其一，仲有甜品。

作為壽喜燒狂熱分子，終於喺香港搵到間性價比高過深圳嘅關西風專門店！銅鑼灣新開嘅「狸小路」主打北海道涮涮鍋同壽喜燒🔥，重點係用$300左右就食到A5和牛set，即刻同朋友衝去試！💨🔥 關西壽喜燒 vs 北海道涮涮鍋 終極對決 1️⃣ 霜降 A4+ 壽喜燒套餐 (190g) - 關西魂爆發：店員即場用肥牛脂熱鑊🔥，煎香A4和牛！ - 醬汁秘訣：自家調製壽喜燒汁甜鹹平衡，唔會死鹹，蘸朝一卵雞蛋更滑溜🥚！ - 隱藏食法：食完牛肉留汁煮烏冬🍜，吸盡油香精華，再加$追加霜降A4+ 50g，變身豪華雜炊！🍚 2️⃣ 頂級西冷 A5 涮涮鍋套餐 (190g) - 湯底驚艷：北海道海膽熬製金黃湯底🐚，鮮甜到似飲緊海味濃湯，涮A5和牛3秒即起，肉質嫩到犯規！😋 - 油脂藝術：西冷雪花紋靚過大理石，入口即溶帶奶香🥛，點柚子醋吊鮮一流～ - 必加攻略：追加西冷A5 50g，油脂更豐富！✨ 佢地海膽湯如果係日本食都要8000円一個人，依家最平二百幾就食到🍱 套餐細節拆解 - 前菜：漬物爽脆！🥒 - 烏冬：讚岐系超彈牙，壽喜燒汁版索味，海膽湯版鮮甜，兩食都唔可以放！🍜

朋友嘅極力推介銅鑼灣呢間「狸小路」日式火鍋，話性價比高過連鎖店，一試果然無介紹錯！鋪頭細細但日本風十足，一人一鍋設計幾貼心，座位雖然唔算闊落，但坐得都幾舒服。今次專登試佢個海膽湯底（+$58），一上枱就聞到淡淡鮮甜味，唔會腥，仲有幾粒海膽肉，涮和牛仲帶多層海膽味，原來都幾夾。主角$248嘅190g霜降A4和牛真心正，油脂花紋靚到似藝術品，輕輕一灼就入口即溶，濃郁牛香。套餐跟嘅蔬菜籃夠新鮮，娃娃菜同雞髀菇索晒湯底精華，日式拉麵最後落鍋煮，吸盡精華仲正過即食麵！ 仲嗌咗一杯海鹽白桃梳打，又消暑又解渴。埋單三百幾，喺銅鑼灣食到咁高質和牛鍋，下次一定會encore！