影片
好耐冇嚟帮衬，上次试过西瓜芝芝觉得好好味，今日过嚟试吓新嘢。我叫咗杯新春限定嘅柚子金芒芝芝；佢哋嘅芝士奶盖正正系我钟意嘅𠮶种…咸咸地，冇奶毡味，少少杰杰地；柚子肉劲多唔孤寒；重点系所有嘅味道都唔会盖过茶嘅香味😌如果钟意芝士奶盖嘅人一定钟意饮🤭
继续阅读
7.1.2024好耐冇入嚟长洲啦，今次趁得闲同朋友入嚟，天气都好好，不过行到咁上下，行到热热哋就想买杯嘢饮，坐低唞下(*^ω^*)其实一直都有留意呢一间饮品店，因为好多狗仔嘅装饰，门面都好靓～加上有狗仔做招牌，今次就特登黎到试下！一去到就见到有一只狗仔好热情咁样擒上嚟，店员都好好，欢迎我哋摸佢，但系当然唔可以有太大动作，以免狗仔唔舒服，不过真系完全唔怕人，路边啲人见到佢都好开心。今次叫咗一杯水果茶同埋布蕾奶茶，因为突然之间都好想饮甜嘢，等咗冇耐之后店员就攞个木盘装住那杯嘢饮送上嚟俾我哋。杯奶茶唔会好甜，入边有好多布丁酱，好滑，分量都超多，感觉饮完啲茶都未食晒啲酱😂😂水果茶酸酸地，非常之清新，饮完真系好解渴(*´꒳`*)所以如果大家行到攰嘅话，可以入嚟呢度坐下，环境都几舒服，热饮冻饮都有，价钱都合理，仲可以同狗仔影相添！
继续阅读
入开长洲行到热热地 见到依间内里满日系感既茶饮店 又冇乜人 就入去买杯野饮解解渴门口有间狗屋 相信就系传闻既哥基店长所住地 不过没有狗狗在里面。 但狗屋入面摆左副狗狗骷髅（当然系假） 唔知系咪指狗狗已经离世左？ 详情冇细问老板娘🤔茶饮店似乎主打卖生果饮品 因为都比较多系属于生果类别既饮品。 最后简左芝芝哈密瓜（$42） 等待期间 系内里打卡感既装饰先打打卡🤣 好多只「哥基」呀等左阵 野饮到手， 单单望到杯野都感觉系真材实料。饮落去 哈密瓜味重 唔似系色素咁求其。 仲有啲果粒系入面。 因为叫左少甜 所以味道都偏真·水果甜味。 芝士奶盖味几重芝士味。
继续阅读
得闲整返杯废水系一件赏心乐事仲有咁多只哥基狗狗🐶陪我一齐饮实在太可爱啦呢件事😘清清地整杯芝芝桂花乌龙淡淡茶香带微甜奶香芝士入口细滑丰富是次消费：$35 HKD 整体感觉：🌕🌕🌕🌕🌗犬茶走日系风格，整个樱花树布景俾人打卡胜在撞正今日平日长洲嘅宾客人数唔太多可以静静地chill下几relax！
继续阅读
我知依家几出名 ，谂住饮杯嘢hea下先。原本坐近出边个位，但因为好热 所以就转左位坐入啲。落完order坐低时候疑似老板娘竟然话熄灯定还是熄冷气，我不以为然以为冇乜特别，因为舖头系平日计埋我地得两枱客(隔篱枱爸爸同个女饮嘢，因为佢哋喺度自己叉电打机之后再剪指甲(普通话)。系有两枱客嘅情况下 (佢都选择熄冷气赶客)未知系咪熄冷气，只系就客观感觉得出(舖位唔大原本我眼见风口位有冷气出，佢揿完之后静咗同埋冇冷气出)我地饮完杯嘢就急着走
继续阅读