6
3
4
| 餐厅: | 犀牛犀牛 (巧明工業大廈) |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
营业时间
今日营业
11:15 - 19:30
星期一至五
08:30 - 20:00
星期六至日
11:15 - 19:30
以上资料只供参考，请与餐厅确认详情
。芋泥肉松蛋吐司吐司烘到微脆，时间啱啱好！面包软熟，馅料份量都ok～👍 但芋泥唔系想像中咁「泥」，质地反而似芋头浆🤣味道微甜，不过略略俾肉松抢咗fo，食落嘅存在感不大，如果加啲芋头粒/稠啲会好啲。炸鸡块呢个就真系普通啲……粉浆偏厚，咬落有啲淋，系因为套餐包咗小食先会嗌整体感觉：性价比唔算高，但如果钟意芋泥肉松组合，偶尔食吓都ok
继续阅读
今日系熊猫既犀牛犀牛观塘店叫左个套餐，主食+沙律+炸物+野饮，总共$177（净计餐点，未计平台费及送递）平时系$100左右（视乎叫咩主食同野饮），我冇留意就俾左钱到弹信用卡讯息先见到，但已经取消唔返（系我错🙌🏻）。问熊猫话店自己定价，佢地跟足就冇得退，叫我问下间店；打去间店，开头话系我用左优惠既问题(乜优惠用完贵过原价?)之后店员计返现场买都系$93就话问清楚再覆；到wtsapp覆就开始鬼打墙话退钱要揾熊猫，问佢系唔系会承认多收既钱，又话佢决定唔到。依间店我由将军澳店食到观塘店，现场同外卖平台都买过无数次，我知d食物大概系几多钱。所以我先谂会唔会系㩒入套餐拣$91既主食，打错左做加个个价钱，变左$86+91=177 一个餐；定因为佢地系熊猫做紧够$200减$75，所以真系set到个原价咁高先做优惠，总之我讲左好多次一系退钱，一系答我系唔系依家外卖会贵接近一倍，系就得，我系熊猫同openrice打返清楚个原价同外卖价，费事有人同我一样咁白痴食开冇睇新价钱，但间店就唔肯正面答我。系fb再问，个客服问返我点解平时买开$94会觉得外卖唔系$177？🤯乜野点解我觉得？我咪就系现场/外卖都冇买过咁贵，觉得唔合理，所以先黎问下你🫠总之，兜左几百个圈之后终于肯讲依家熊猫就系会贵咁多，咁okay 呀无问题👌🏻confirm个价钱都可以玩左成日😮💨😮💨😮💨
继续阅读
之前食开早餐个姐姐好好人，到前排有一期无开，以为佢执笠，而家发现应该转左手。上星期见到佢开返即刻买左个早餐食，等得耐都算，出餐个男仔超无礼貌，我嗌个蛋堡set，红茶经历过上次比糖我之后我都remake返唔要糖，到我拎既时候都系有糖，同佢讲仲要劲唔忿气样，我话算，唔洗再冲我拎走算。前前后后我等左四个字，我觉得差咗好多。
继续阅读
唔好饮嘅台式手摇大把，但做到咁难饮你真系第一间。叫咗一杯热芋头条芋圆鲜奶，盛惠44蚊。杯嘢上手已经心知不妙，上面暖下面系冻嘅。无错，系冻。你啲料雪住就咁车落去都算，个奶呢，都系微暖，同热真系差十条街。仲要杯嘢极甜，甜嘅程度好似啲糖唔洗钱咁，成杯嘢芋头味芋圆味奶味乜都无，得个死甜。好明显员工叮暖个奶就直接加啲冻嘅料。其实好普通嘅嘢饮，人哋舖系会将芋泥同奶一齐打热再加料。成个过程得我等嘢饮，唔好赖忙所以失准。咁基础嘅嘢食都冲到屎咁，你真系检讨下啦，仲好意思收44蚊。呢个价钱其他舖头分分仲平，仲好饮好多好多。P.S. 饮咗三啖就掉咗，平时唔好饮都会夹硬饮埋，但呢杯屎水真系吞唔落
继续阅读
外卖自取三个卷饼一杯珍珠奶茶，自取后10分钟内外卖袋已彻底被食物汁液渗透至滴汁，弄污了身上衣物，如果再拎多一阵应该袋都穿。而且漏了汁液也影响了卷饼味道，卖相都好差，一拎出袋就滴汁，见到都冇胃口。珍珠奶茶的珍珠明显未熟，第一次食到口感如此硬的珍珠，明明是主打卷饼及茶饮的外卖店，却连外卖都求其做，现时餐饮业竞争下相信唔使几耐就淘汰。睇返之前原来已有相关食评投诉外卖包装问题，可见店舖根本无意改善，唔会再帮衬，亦会提醒观塘区的邻居同事唔好中伏。
继续阅读
您可能会有兴趣的...