影片
以上资料只供参考，请与餐厅确认详情
见佢开左咁多分店，但都系第一次试食犀牛犀牛嘅蛋饼今次我叫左韩式酱烧牛五花蛋饼($49)，再(+$40)要mega combo set，包一杯$30以下饮品,炸物，沙律。因为即叫即整嘅关系，都等得有少少耐，但经过15分钟左右拎到返去食都仲keep到热，都算等得值~✨首先就讲韩式酱烧牛五花蛋饼，蛋饼皮咬落酥脆烟韧，张相净系影到个头好似好少料咁，但其实咬第二咬开始已经满满嘅牛肉同洋葱，牛肉味浓多汁，仲要唔韧一咬就咬得开，洋葱生菜索左啲肉汁，每一啖嘅口感都好丰富好好味~💕我仲加左+$6要芝士，不过食落唔多觉有芝士味啦😭跟住就到香香鸡块，因为即炸嘅关系所以个皮好热好脆，佢本身自带少少咸味，所以唔需要点酱都好够味沙律我就拣左鲔鱼生菜沙律，佢本身跟一包丘比嘅沙律酱，鲔鱼比我想像中嘅份量多同好食，一啖鲔鱼一啖生菜都够𩠌，所以我都冇落到酱啦最后饮品我叫左冻黑珍珠厚鲜奶，因为用明治奶，所以都理所当然好饮，但美中不足嘅系珍珠有少少淋，如果可以多少少咬口就好啦~
继续阅读
估唔到呢间台式小店 越开越多分店💓超钟意食呢度嘅蛋饼😍上次拣左比较港式啲嘅吞拿鱼粟米口味🤤蛋饼即叫即煎 煎到好酥脆又带点烟韧咬口~~再加埋内馅嘅吞拿鱼、清甜粟米🌽同咸香肉松 口感味道都好丰富😎
继续阅读
买咗吐司加野饮嘅套餐 味道一般 冇话特别好食亦都冇话难食 啲芋泥同肉松嘅份量少 相对于$35呢个价钱嚟讲唔系好抵🧐当日舖头一开门我就入咗去 我系第一个客人 企喺度等咗30分钟 迟过我落单嘅客人一个又一个咁攞嘢食走 当时问吓个女职员要等几耐 佢好冇礼貌咁串我 仲要啤住我 十分失望 未试过买嘢食要俾人咁对待 以后都唔会帮衬
继续阅读
系app 订左外送，等左60分钟都未送到，打去店铺问，个女店员好似未训醒咁，问佢几时到，d 态度劲差劲垃圾，仲要无答几时送餐就cut线，以后唔会再食尼间垃圾
继续阅读
放工经过去买左杯黑珍珠奶茶。谂住拎返屋企慢慢饮。返去屋企一饮。发现大部分珍珠都系未煮熟。个心都系硬的。杯野价钱都吾平。三十几蚊杯。但系甘既水准真系令人好失望。下次都吾会再试
继续阅读