牛記茶室 (已結業)

星期五晚約左個朋友柴灣食飯，想食小炒，就去左呢間由中環搬過黎老字號牛記試下，聞說生炒排骨好食，果然沒有失望，排骨既比例係好小粉，肉好多，味道既甜度非常適中，送飯非常開胃，另外叫左個豉油王炒蝦，蝦都好彈牙，應該幾新鮮，總括黎講價錢偏貴一點，但佢地用既食材係有質素，所以呢間值得推薦一試!

今日在柴灣經過街市，看見有一間牛記茶室，跟朋友上去試試，整層多個鋪位有不同名的鋪頭，店員說全都是同一間，這是最旺的午市時間，但整個場顧客寥寥可數，餐廳上有午餐，價錢不算太貴，有跟中湯和餐飲，只售$43，價錢相當吸引，有蒸魚飯、蝦醬豆卜蒸腩片肉飯、雞絲炒飯、乾炒鮮尤炒河。最後我們點了A和B，餐湯很快就送上，熱度還可以，但覺得有點咪精和很咸，蒸魚是淡水魚，都很重泥味，份量可以，蝦醬豆卜蒸腩片肉，個人覺得有一陣陣霉味，不值一提。總評：價錢確實影響了質素，不會有下次。

食物好味，老板有時會介紹一下菜色的特色和做法，可感受到他的敬業楽業，和對自家菜色的信心和自豪。雖然新店較之前同區的高威閣環境稍遜，但人情，味道足以搭夠。聽老板說有段時間，市政大樓新店沒設點心茶市，現在已再啓動，以前飲早茶，對他們的牛腸和大包很有印象，都是料和有時式，茶味也都夠。最令我對老板佩服的是他的正直和待客之道，有時我叫多了，他會讓我們了解他們菜色的份量，然後提議我們先選少一，兩個菜，不夠オ再叫，我感到他待客如朋友。😆

自從牛記搬咗嚟街市呢個位之後，一直都淨係食晚巿，今朝經開上嚟望吓會唔會有西式早餐，點知真係有驚喜。一家大細各有喜好，嚟牛記就最啱，有中式點心蒸飯，西式通粉，歐陸扒餐，仲有雲吞麵。今日一家四口嚟到叫咗一個鮑片火腿通粉餐，特式肉燥米線餐，蒸肉餅飯，淨水餃。常餐全日供應，早餐時間有特價，$28。牛油麵包建議烘底，好香口，不過太多牛油。配搭揀咗火腿奄列，不過不失。鮑片值得一讚係好"林"，一啲都唔韌但水餃餡料太鹹。

以往這個店鋪位置屬於泉記，泉記水準不算極高，但肉餅、炒麵一直都做得不錯後來泉記結業，出現了牛記，而牛記又有括號標註（泉記），老闆卻不是同一人，不禁有點耐人尋味，摸不著頭腦不過最重要都是試試食物質素如何吧牛記牆上有介紹玫瑰花皇太后雞，於是就試試吧賣相倒是不錯，然而吃下去味道不過矣矣，雞肉仍有一些未熟透，微滲血水，而且雞肉仍有雪藏味，玫瑰花香味亦欠奉，可謂中伏，價錢記得好像要$200多再叫炒菜試試，四季豆仍然硬身有草腥味，隻鑊火喉不夠，熱力不夠透進豆心，調味也十分差，十足家庭主婦手筆再叫了一個椒鹽魚仔，實為大伏也，魚仔完全淡而無味，反而油溢味甚濃，食一兩條已經唔想食中曬伏越食越心驚，雖然仲有叫其他餸，但連影相都已經唔想影對比以前真正泉記真係一個天一個地柴灣又少一個地方食晚餐

支竹火煵飯($43)身為一個不節不扣嘅男人，每星期都要食下傳說中的佬飯先而不枉此生，淨睇賣相已經相當吸引，食落肚更加飽肚！咁辛苦做人都係想食餐飽肚飯啫，真係唔明某啲餐廳啲份量小到小朋友食量，究竟係睇小我個胃，定係覺得我會食唔哂拍檯叫投降🤢好在呢間茶記比較人性化，比左好多份量我啫。啲火煵皮都幾脆，肉都容易咬。以呢個價錢合格啦！

今天孩子在附近活動 到這裡下午茶 又抵又好味道咸牛肉雞蛋三文治正豬扒炒烏冬食完唔夠喉添我老婆點了燒腩仔麵，燒腩仔真是脆皮的！！另外仲有茶楼點心，可惜我們來到已大晏，下次一定試試腸粉和糯米雞。

今日條街好多人～梗係要上山避人潮啦～行完山出黎就係柴灣~~地鐵站附近果2個商場都無咩好食....都係連鎖店~~~亂行果陣就見到街市大樓~誤打誤撞入左去牛記食~唔怪得D野咁乾淨啦.....原來係新開既但食完先知原來被安排係後巷無計....太多人...滿座了京都豬扒! 正常級數! 但都算多肉! 送飯吃不錯琵琶豆腐呀好味啫啫雞煲...都唔啫既...........揀左西蘭花粉鮮魷...鮮魷幾大舊~都唔錯~ 係d西蘭花硬左少少~總結～餐具超乾淨～上菜超慢～可能太多人～味道中等啦～服務唔錯～好有禮貌～價錢都中等啦～

話說因業主欠債，租客們(包括牛記及惠康)均受到非法滋擾(淋紅油)，牛記雖損失慘重，但亦無奈遷離舊址，移師至泉記地盤，再吸納新客，重振旗鼓。作為舊客，上回聽到老闆的感慨後決定以行動作支持，多些光顧，吃飯後還可順道到街市買菜，其實新店比舊店更方便呢。今趟到來，遇見新店員，賣萌不賣身，卡哇兒呢。歌利亞最愛吃牛記的點心，於是點了春風得意腸和黑椒金錢肚。祖利安則點了時菜牛腩河，大家share 吃。先來的是時菜牛腩河，河粉很有鑊氣，汁多，牛腩又淋又入味，正。跟餐還有例湯一大碗，是日例湯是粟米蘿蔔豬骨湯，湯頭有濃濃的栗米味，喝不出有味精。春風得意腸是用腸粉包著香脆的米網，米網內又充滿清甜的白蘿蔔絲，在白蘿蔔絲之間亦有少量的香芹和蝦米，可謂色香味俱全。黑椒金錢肚，不韌亦不會過淋，有咬口，黑椒汁味道不錯，芋頭亦入味。總的來說，牛記點心的CP 值很高，推介。