牛角日本燒肉專門店 (Mikiki)

营业中

休息中

好耐冇食牛角今次入去前門口個職員話我嗌個餐有塊牛送，問我要唔要咁就梗係試下la,佢li個黑毛和牛真係好好食我咁鐘意食牛角嘅原因，因為佢有明太子醬嘅前菜每次都要嗌返幾round先夠喉🤤

今日母親節，黎到Mikiki食牛角，叫咗個放題Set C。平時都食開Set B ，好少食到有海鮮同和牛咁，所以今日就一於集中叫啲Set C先有嘅嘢。首先係牛，有安格斯和牛、安格斯一口牛，同埋和牛赤身。啲牛的確比之前set B既好，唔會太韌，多啲脂肪，香口啲。三款嚟講一口牛比較難熟，亦都會有筋，但整體都真係好食過之前啲牛。前菜試咗牛角明太子沙律，好好食，啲沙律加咗啲醋，再配埋明太子嗰種鹹鹹地，想食完又食，佢仲會有少少薯仔喺面，最後encore左一碗。海鮮方面有蝦，廣島蠔，同埋帶子。啲蝦醃咗啲鹽，燒完之後，有啲鹹香，再加燶燶哋幾好食。帶子加左牛油一齊燒，都唔錯，不過最後嗰啲唔知點解好鹹。最正係廣島蠔，佢加左牛油連埋個錫紙一齊燒，啲壕都幾大隻，幾有鮮味又有汁，最後應該每人食咗八九隻。最後食完仲會有一人一杯Movenpick 雪糕，不過可惜得雲呢拿同士多啤梨兩隻口味，冇得任食。我哋有會員卡，埋單每人$448。

連鎖日式燒肉嚟講，牛角絕對香港數一數二好食同保持水準。平時牛角好多人排隊，拎完飛都要等起碼半個鐘先有得食，難得是日閒日唔使等就揀咗食佢😂和牛二品 ＆三品燒肉盛合 $242日本九州極上黑毛和牛牛肋肉日本九州極上黒毛和牛一口牛美國上級牛頸脊，牛肋肉，肩脊肉重點當然係和牛，充滿牛味同油分，和牛牛肋肉比一口牛更吸引，因為比較容易自己燒。下次應該會重點單點😋配前菜沙律，湯同牛角飯牛角極上四品燒肉盛合 $185美國上級牛頸脊，特選熟成牛，上級牛肋肉，網燒一口牛配前菜沙律，湯同牛角飯和牛set 珠玉在前，呢個四品燒肉被比下去了。不過其實都唔錯，而且較經濟。石鍋辛奇豆腐海鮮湯配牛角飯 $107好普通，性價比低😐牛角都係食返燒肉好啲

由於臨時屋企人先決定去牛角食，用apps book枱已經full左，唯有去禁飛😢7點鐘禁等左兩個鐘先有位，小朋友都等到發脾氣🙈呢間有放題，不過我地今次係散叫，小朋友食放題回唔到本😅入坐即刻叫左個溫泉蛋牛角飯調和佢嘅心情，仲叫左石鍋泡菜海鮮湯（估唔到有韓式食物），石鍋蔥拉面，呢d唔洗燒上枱即刻可以食，醫住個肚先海鮮湯辣度適中，豆腐好嫩滑，海鮮有帶子，硯， 墨魚桶，配料豐富燒物方面叫左牛角十品燒肉盛合，牛油蝦，雞泡魚干......肉質質素唔錯，唔會好鞋好韌，黑毛和牛牛肋肉油脂比較多，食一塊已經夠🤣

我為左滿足愛吃燒牛肉的好閨蜜，次次選用餐地點既時，必定先以「肉」字行頭，今日來到新蒲崗mikiki，就已經有一間出色既燒肉專門店。其實牛角係香港都有唔少分店，仲越開越多，受歡迎程度有增無減，所以 一定有佢嘅個人之處，今次就試咗兩個午市套餐。石鍋辛奇牛肉飯+熱柚子蜜一上菜已經聞到熱辣辣嘅牛肉香味，撈埋啲燒肉汁，真係食到舐舐脷， 而且份量都少，呢款真係抵食夾大件。牛角豚、雞六品燒肉盛合 +橙汁嚟到牛角， 梗係要試下自己親手燒肉嘅樂趣，有齊六款雞同牛既燒肉， 款款都口感一流， 色香味俱全，我朋友就最開心。

我媽咪話想食牛角，但今日我哋唔係好想食咁多，所以冇揀放題，揀咗兩個lunch set當日係平日下半3:30左右，所以好靜，全場得三幾枱客人。我哋點咗兩客和牛二品&三品燒肉盛合個餐除左牛肉，仲有沙律、昆布湯同一杯飲品今次牛肉錯手揀咗鹽味，上邊有啲蔥嘅，一放上爐燒就好易燶，而且肉質冇原味鮮，下次都係揀原味再點鹽醬好味好多，呢個set有5種牛，每款兩片，當中有兩款係和牛：-九州極上黑毛和牛牛肋肉-美國SRF安格斯黃牛牛板腱全碟最好味係九州極尚黑毛和牛，肉味濃，油脂甘香其餘牛肉嘅都係普通貨色，真係單點剩係食九州和牛好過跟餐個湯清到水咁，飲落淡而無味，如果唔係見到有幾片細細嘅昆布，仲以為飲緊清水牛角飯加$11有溫泉蛋，撈飯食唔錯牛角雪糕加$12/位，揀左抹茶味，好難食，味道古怪，好似食緊擦膠咁，冇下次下午茶時段75折，埋單$450，如果正價食真係唔抵

平時晚晚行過見牛角都好多人等位，難得星期日放假行過，見到唔駛排隊就去食下啦！我地見左假日lunch set都幾抵食。每位百幾蚊至二百蚊，啱晒又想食下燒肉但又食量唔大嘅吃貨😋我地叫左 Set B & Set C，前菜係胡麻沙律，昆布湯比較淡，仲有野飲都算豐富。Set C大部分嘅肉嘅質素都ok啦，而Set B嘅牛舌、豬頸肉、份量都唔少，仲可以加錢配牛油金菇、燒𧐢、帶子等。我男友最愛嘅香蔥溫泉玉子飯，最後食唔夠喉要加多份燒肉拼盤😂

Mikiki 午市牛角walk-in 唔使等直入，今次就冇揀到食放題，試吓食套餐。質素都唔錯，服務態度非常好。牛四品 $168 連飯同飲品。 牛肉肉味濃林身，肥瘦均衡唔油膩。新鮮肉唔會好似出面未溶晒雪。第一眼睇會以為份量少，其實食落十舊一人份量係好夠。因為想食牛舌揀左自選三盛，一樣高質。牛舌燒三十秒兩邊。口感一流，其餘兩選牛四品都有。牛六品 除咗牛肉之外仲有雞肉同豬腩肉。 第一次見雞肉切到長條形，外觀係幾好但好難燒得燒最後都係要剪碎燒。加左錢要牛角必食嘅紫菜溫泉蛋飯。 推薦會員仲送雞泡魚乾。

同事想食好啲慶祝，就嚟咗牛角食燒肉。新蒲崗呢間有燒肉放題，都有散叫嘅定食。呢次就揀咗最平嘅定食：$125，有沙律、昆布湯、飲品一杯、任添嘅牛角飯，同埋一碟肉。肉就有六款：雞髀肉、雞軟骨、雞翼、豬頸肉、豚五花同埋另一款豬肉，每款有2-3舊。想大讚佢嘅牛角飯，加咗紫菜同葱，仲有啲及汁，配搭埋軟熟嘅飯，勁好食。淨係食牛角飯已經好滿足。佢加埋啲燒肉，就更加正！我一共食咗2碗呢！佢嘅肉嘅質素都高，唔係Hea肉！朋友俾貴啲嗌埋有牛肉嘅餐，評價都好高。價錢係貴，但性價比係值得的。推薦想食好啲慶祝下可以嚟食！

有日收工突然想食下燒肉放縱一下甘岩系Mikiki商場見到呢間牛角，平時少食燒肉既，因為我比較細胃口食唔到甘多但係呢餐我都食咗好多嘢一開頭俾咗幾樣唔同肉類，每樣兩件啦，都幾好食！跟住就用電話掃code落單，每樣都叫下一份試吓，諗住睇吓邊樣好食，so far我最鍾意食五花腩，同埋嗰隻薄嘅牛肉，好快燒得熟又好食，反而個牛肉粒唔知係咪唔識燒，都係比較難咬。小食嗰個豆腐都好好味！佢嗰個鹽醬真係特別，啲人話出面都冇得買，不過點少少好啦因為點太多會好鹹既。總體來講都好食

鍾意咒術迴戰嘅朋友可以嚟牛角打打卡，牆上有唔同角色嘅海報。餐單上亦有期間限定嘅菜式，不過我哋今日決定簡簡單單食返個午餐就算。唔知係咪因為抽風系統麻麻哋，定係餐廳內比較多人燒肉，環境比較煙霧離漫，空氣侷促咗少少。牛角豚、雞六品燒肉盛盒$149- 最鍾意食燒菠蘿，香甜多汁！推介！成個套餐有飯有沙律有燒肉，份量好多，同朋友一齊share嚟食啱啱好！雞翼燒完充滿肉汁，好味！雜菌白汁鮭魚烏冬$109- 平時覺得食燒肉好熱氣嘅朋友，用燒肉配烏冬一齊食都唔錯㗎，白汁比較淡味，不過唔會覺得濟，有海蜇沙律一齊食增加口感。P. S. 飲品我叫熱烏龍茶，飲落去同一開始俾我哋嘅茶味道一模一樣，只不過係用玻璃杯上，感覺上叫烏龍茶蝕底咗啲。

❤️黎個l日式🐂燒肉放題🥳全日提供多個燒肉級別選擇🤤，同各種日本嘅食材，俾我哋無限追加🥰ipad點菜 超方便飯痴朋友必追加珍珠飯🤭有🐂澳洲、美國和牛，wow 好正，😻高質 完全滿足燒肉控既我真係好耐冇食過喇🤭🤭🤭真係好食😋帶子必叫 口感好正😻牛角烏冬值得推介❤️🤭要整埋紫菜飯完滿😎要排隊都要食🤤🤤🤤環境 😻😻😻食物 ❤️❤️😋❤️舒適 😎😎😎服務 💗💗💗抵食🥳🥳🥳🥳

今日午餐新蒲崗mikiki食牛角，set lunch. 唔係放題。••••••••••••••••••••••••••••••我地一行3人，各自叫左3個set lunch. 有自選牛肉，又有拼盤餐，最最最重要係加錢任食日本蛋牛角飯。燒牛肉已經好食，點知大家都認同，日本蛋牛角飯先係主角中既主角。蛋汁加紫菜同蔥，成件事真係oh my god. 我地一人食左2碗，滿足。另外，會員優惠食滿$400仲送個牛肉雞肉拼盤，正呀喂！••••••••••••••••••••••••••••••

本生呢間唔係放題分店，但最近呢間出左90分鐘放題～佢地分左A-C類別我揀左B類別豪華款 $268😍因為係平日午市都唔係等左好耐位，好快就入座！！雖然都好多人食，服務員服務都唔錯不過我地個牛舌催左好多次都仲未比我地直至到臨埋單先比我地，真係好無奈牙😀😅我會用生菜夾住豬肉片食，但係啲生菜🥬好老，真係望到都唔開胃…🤢不過呢間有鮮雞蛋可以點，其他分店都無！可以點鮮牛肉真係一流😋😋仲有呢間有泡菜點，可以好似食韓燒甘夾住泡菜同肉！

今日下午去食牛角放題，豪一豪佢！早鳥優惠$338，和牛套餐C。近年美國SRF和牛👍🏻👍🏻非常出名，周圍都見到，絕對係日本和牛以外唔錯既選擇。牛脂比例完美，解凍得岩岩好，肉味豐富，唔會話得油脂味。第二轉👌🏻開始啲牛解凍有啲未夠，油脂分布比第一轉差，不過都盡量理解，佢地12點開門，我地12點30就係咁落單，店舖可以注意下。另外要推介雞泡魚乾同埋王樣牛👍🏻，夠特別，好好食。******************************👍🏻好食 | 👌🏻可以 | 😔 難食評分 : 8/10簡評 : 價錢親民既和牛，需要注意解凍時間