牛角日本燒肉專門店 (康怡廣場北座)

牛角既牛肉無論係邊個部位都切得很好，厚薄均勻。煎起上嚟，牛肉帶點油聲滋滋作響，而且會散發出牛肉香。如果牛肉點上牛角的醬汁，味道方面會更加好。另外，牛角有自己特製既沙律，不同的蔬菜加上薯蓉及烚蛋，很獨特也很美味。…查看更多

今日下晝姪仔帶我黎食牛角，話說我咁大個人都係第一次食，成日凝住食完個身會好大陣燒烤味，點知係唔會！星期六下午茶時段黎到，唔需要排隊直接可以入去餐廳開餐。顧客自己用QR code落單，見到個餐牌係專比星期六日 4點半前用：我地叫咗兩個$138牛角五品燒肉盛合，有：。盛合有牛豬雞(加圭14件)。2件燒墨魚/牛油帶子。蕃茄沙律：都幾唔開胃...。昆布湯：好清淡。牛角飯：可以加錢轉大碗。汽水：另外加兩蚊檯上都會放齊五樣醬料比客人：其實啲野食好普通，志在燒下燒下，又可以坐低傾下偈，姪仔本身就好鍾意食牛角飯，見佢食得好滋味，燒得又好尊心。另外想讚下呢度的服務，由於我地同隔離檯只係一板之隔，坐梳化的姪仔燒野食時，隻手唔小心碰跌汽水，整污糟左張梳化同隔離檯客人個袋，我地真係好唔好意思。我示意男店員，佢知道後冇黑面，反而即刻拎左一疊紙巾同濕紙巾比兩張檯的客人。之後又幫手拎其他工具黎抹，又拎一條頸巾墊住比姪仔坐，好好人……然後佢又好主動咁話比過一杯汽水姪仔。今時今日呢種服務態度真係好難得，以後一定會再幫襯。…查看更多

👨🏼‍🦳爺爺即興約我們吃晚飯，小朋友話想吃燒肉🥩，便立即打去book「牛角日本燒肉專門店」，訂了5:45可以入坐，餐牌都有些 二人餐／四人套餐，但我們選擇散叫，點自己喜歡的。最後當然要吃抹茶雪糕，這餐燒肉自己燒給自己吃，很豐富又滿足。…查看更多

星期六晏晝小朋友話想去食燒肉，就同佢去屋企附近嘅牛角開餐🥩特選六品燒肉盛合美國上級牛頸脊|牛舌|牛肋肉|熊本豚梅肉|豬頸肉|日本雞腿肉雖然我地唔係叫極上套餐,但呢個餐嘅肉類質素都幾高，牛頸脊肉質軟嫩，牛肋肉牛味濃郁，牛舌比較薄身，豚肉肥瘦適中，豬頸肉肉質厚實，雞腿肉比較薄身，燒嘅時候要好小心先唔會散🍚牛角飯一如以往嘅好食😋🧈塩味牛油帶子帶子比較細隻但食落都幾新鮮🥗前菜牛肉沙律，都幾開胃🥬昆布湯唔算多昆布不過清清地都幾好飲本來想叫雪糕比小朋友食可惜賣晒😢…查看更多

平時食牛角都係夜晚多，今日lunch有同事話想食牛角咁就一齊過嚟啦，仲要啱啱有張買3送1嘅券，都幾抵食啦。午市燒肉係一個個餐咁叫嘅，我就叫左個128嘅餐，8種肉裡面揀5款。有得食上級牛肋肉、上級牛頸脊、厚切牛舌、牛胸腹等等，選擇都多，仲好困難tim😂😂。整體都油脂豐富而且好甘金嫩滑，非常新鮮。除左有燒肉外，仲有碗湯同碟前菜，十分清爽，用嚟平衡一下燒肉嘅邪惡都不錯。去牛角嘅其中一個重點，就係碗牛角飯，厚厚嘅紫菜加埋佢嘅醬汁，呢碗飯真係冇得頂呀。…查看更多

有一日行街行到八九點諗唔到食咩，最後同朋友仔揀左食牛角。門口帶位姐姐溫馨地提醒九點後就會有優惠，作為精明消費者既我地緊係等啦😂🐄上級美國牛 燒肉盛因為想食高質小小既肉同唔想要豬肉，所以揀左最貴既Set C。美國上級牛頸脊賣相夠晒靚仔，肉質偏瘦有肉味，份量夠晒兩個人分享，不過其實宵夜定價248蚊好似又唔係太抵咁🤔🐄香蔥牛舌四片牛舌再配以一大碗香蔥，雖然係薄薄一片，不過都食得出好夾口同有嚼勁，再係燒既過程伴以大量蔥花，令到味道更多元化！🐄牛胸腹呢一碟就比較一般🙈胸腹肉帶太多肥膏，肥瘦唔均勻，入口有些少油膩，食完無乜記憶點，而且就咁睇相都覺得嘛嘛哋吸引。📍牛角日本燒肉專門店 太古康山道1-2號康怡廣場2樓S37-S38號舖…查看更多

🍴 D.自選燒肉定食 $128 (7/10)是日前菜係麻醬青瓜正常，昆布湯冇咩味好淡。要咗牛角上級牛肋肉，美國上級牛頸脊，厚燒牛舌，要咗原味食肉本身嘅味。牛肋肉比較瘦有口感，冇想像中咁軟腍有牛味，相反牛頸脊油脂豐富軟腍有牛味，好食好多，牛舌彈牙爽口有牛味，好食🍴香蔥溫泉玉子飯（大盛360g）+$18 (7/10)必食牛角飯，加蛋多汁多蔥，大盛真係肚餓先叫，女仔食係勁飽😂鹹鹹甜甜加埋玉子同煙銀嘅珍珠米紫，冇得輸🤤🍴茉莉花茶（常溫）正常淡口嘅茶。推薦指數: 7/10肉嘅質素幾好，要左最貴個set，牛頸脊最好食，lunch應該最抵食？不過百幾都算小貴。…查看更多

喺香港食想食燒肉，即刻諗起牛角⭐️燒牛肉⭐️一口牛肉粒同牛肋肉牛肉厚度適中，不會太薄或太厚牛肉味好濃有少少油香味，但又唔會膩👍🏻⭐️日本九州極上黑毛和牛西冷⭐️和牛今次重點😍一上枱就見到雪花紋，好靚將塊西冷放上爐上燒一陣，就聞到和牛既香味，和牛燒到五成熟岩岩好🤤和牛肉質同我想像中一樣鮮嫩多汁，入口即溶☺️好多時食和牛，牛味都比較淡所以我鐘意叫西冷嘅部位，牛肉味會好濃郁⭐️牛角飯⭐️食燒肉一定要配飯日本飯，加上燒肉汁，溫泉蛋同紫菜好美味👍🏻…查看更多

今日放假, 又係時候享受下, 午餐決定去食下燒肉先. 帶埋小朋友去食 ! 康怡牛角, 食完仲可以去行下AEON 入下貨.  book左位去到就可以直入午餐時間都唔太多人，nice ! 叫左兩份牛角極上四品燒肉盛合 - 係美國SRF 安格斯和牛牛板腱  , 肉質爽嫩, 油脂分佈平均, 配香蔥溫泉玉子飯一流. 之後再單點左一份日本國產牛肩胛肉- 呢個日本牛仲更加嫩, 入口即溶.  最後食埋個跟SET 嘅沙律平衡番. 簡簡單單 高質燒肉配玉子飯已經係完美.  …查看更多

餐廳：牛角日本燒肉專門店地點：太古康怡廣場菜式：日式燒肉餐牌：主餐牌有前菜，沙律，燒野菜，水果，素肉，牛肋肉，熟成牛，牛頸脊，牛板腱，牛舌，內臟，燒肉盛合，和牛，豚肉，雞肉，海鮮，麵飯，湯，甜品，飲料。落單用手機落單。SRF美國極黑和牛座布團 $298 另加一上次食過呢個SRF美國極黑和牛座布團，今次要encore。座布團係位於肩里脊肉至肋骨肉之間，因為形狀看似日式座墊而命名。和牛一客13片，圓圓一大碟，油花平均，賣相不俗，一邊加左白芝麻粒，一邊加左蔥花調味。座布團好薄切，唔好燒太熟都唔錯。蔥花好香，芝麻味都好濃，各有所長。燒肉汁味好好味。之後再叫多份，質素都係咁好。特選熟成牛 $92 另加一特選熟成牛一客5塊，都未融哂雪上枱。食落好韌無肉汁，差。石鍋和牛旨味丼 $78 另加一石鍋和牛旨味丼用個木盒裝住一個石鍋熱辣辣上枱，面頭有牛肉粒，都好嫩口。飯入面加夠醬汁，面頭一隻生蛋，仲有洋蔥片同京蔥，食落好惹味，非常好味。而且有少少飯焦。好味道。總括而言，要識揀肉叫，叫錯爛肉真係可以好難食。…查看更多

今日同屋企人去牛角食晚餐 ， 我地今次叫咗不同的主食，石鍋飯上枱熱辣辣，拌完飯之後，仲有啲飯焦係度正👍。 冷面味道酸咪咪幾開胃。蔥油拉麵用石鍋上，睇住佢仲好滾住，好正，勁多蔥😊 。蕃茄牛肉烏冬，蕃茄湯底濃，牛肉粒分量少。 最後緊係叫埋燒肉， 大滿足。 …查看更多

牛角真係lunch set 最抵食！款式都好多，可以選擇嘅套餐，亦都唔少，可以選擇不同肉兩同埋份量。肉量ok ，飯可以無限添加！ 不過服務就麻麻地，成日都見唔到，服務員又嗌唔到佢，而且雖然個飯係無限量，但係成日都好遲先加到俾你，其實個飯都好簡單啫，唔明白點解成日都要15分鐘先出到一碗飯俾你。 …查看更多

昨天買了两個海蜇沙律外賣，全家食完又痾又嘔相信海蜇應是存雪柜太久，已變壞生菌。怕怕!新開張時食四人套餐晚餐，所有食物一次過全部上枱，向服務員投訴後亦無改善，只好急急食完，今次外賣又中招。…查看更多

男友好鍾意食肉，咁岩醒起好耐冇食燒肉，就去左牛角喇！永遠都要排隊，今次我醒喇，用手機禁攞位先！會員既關係，唔想諗食咩，直接叫左個會員餐，方便又簡單！本人就不太食肉既，但男友就話d肉質素好好喎！我都有食少少既，但窮人唔識食貴野咁。但就算係咁，連我都覺得唔錯喎！仲叫男友燒多1，2件俾我d野好唔好食，其實真係要睇新唔新鮮。呢樣牛角就真係有保証！字係寫唔出，直接俾相你地睇下。但最後最後，真係唔好叫牛角飯！(最尾果張) 其實，同甜豉油撈飯冇咩分別!!…查看更多

又係Happy Friday 出黎食 lunch,為免要等好耐位，已經一早喺手機遙距拎定飛結果係未黎到已經叫到過晒號碼,所以又取消又再拎飛既,黎到即刻入得,唔洗等超正,同同事叫左兩個午市既燒肉定食一個叫$49牛肋肉加$49牛舌,另一個叫$49牛肋肉加$49牛肩脊,個餐已包餐湯,沙律同白飯,我地加左錢$21轉玉子飯,佢個玉子飯可以無限添加,我地前後加左兩碗😏三款肉除左個牛肋肉有啲軔之外,整體都好好,肉質好,有牛味野飲方面就叫左活乳酸同我最愛既凍奶茶,佢凍飲如果你唔要飲筒就可以唔洗加兩蚊,所以基本上我都會揀唔要飲筒掛住食唔記得影相,得張單,sorry🙏🏻😆…查看更多