牛舍

营业中

休息中

😨人均百幾蚊就可以食到日本直送嘅和牛壽喜燒⁉️最近一輪壽喜燒熱潮🍲你又試過邊度性價比最高?今次發現呢間旺角新開但係已經逼滿晒人嘅牛舍🐮超級無敵大抵食💰3百幾蚊已經有鹿兒島和牛2人餐🥩如果揀美國肩胛肥牛就更平，只係2百幾咋😱套餐除咗牛肉，亦都包埋前菜、蔬菜拼盤同飯/烏冬🍚所以絕對滿足!食壽喜燒最重要就係牛嘅質素同個壽喜燒汁😎呢度嘅自家調製壽喜燒汁味道剛好，唔會太鹹太甜👌🏻食完都唔會好口渴😌鹿兒島和牛質素就唔洗講啦，酒花分佈均勻，入口滿滿脂香😋最正緊係蘸埋蛋汁再撈飯食😏就算唔夠喉，再追加每份40g和牛都只係$38😳想食就要打去book位啦，因為真係就算平日都好多人🤣walk-in有機會食唔到架！

想用實惠嘅價錢享受壽喜燒？🤩牛舍一定會係你嘅不二之選😁🔆精選牛肉湯鍋二人餐（美國肩胛肥牛300g ）$248今次同朋友試咗呢個二人餐，除咗有基本嘅配菜，例如係皇帝菜同旺菜之外，佢哋亦都有附送沙律蕃茄仔同埋豆腐作為前菜，食完都特別開胃😙而肥牛就不過不失。雖然份量較少，但兩個人都勉強夠食😁日系嘅裝修，座位都尚算闊落，如果想同朋友聚會都係一個唔錯嘅選擇🤓而家關注佢哋嘅社交媒體網站嘅話，入座仲會附送埋牛舌㗎😝

今次同一個朋友去食，點了鹿兒島肩胛和牛，鲜蕃茄牛肉濃湯，加多一份美國肩胛肥牛，兩枝啤酒，湯底夠濃，好味肉類保特水準，但係白飯硬，今次早去食，唔知係咪隔夜飯扣分如果能夠自動自覺加湯就好了會再去食，希望多两款肉選擇。

尋晚朋友生日聚餐，一行六人兩個鍋，又飲又食，唔係我點餐，我唔知D牛點稱呼🤭性價比贏晒，有進步空間，牛肉真係唔好淥太耐，小食可以多D款就好啦👍🏼掛住吹水，唔知有冇甜品食😁

今次壽喜燒比想像中出乎意料之外，原本以為網上推介嘅新餐廳都未必一定好食！但食落口，預期出色！好正！😍佢餐廳得兩人餐，因為我地三個人，所以要多左個半人份量！😍本身仲驚唔夠飽🤣🤣！份量真係岩岩好！😍😍😍而且壽喜燒味道唔錯～ 值得一試 ！價錢仲要150蚊找！好抵喎😍😍😍 雖然鋪頭係細d, 但都算坐得舒服～ 🥰🥰而且服務態度良好，我地一早book左位但佢搵唔到我地預約，即時安排比我地 好彩都唔算等左好耐，服務態度都可以接受！😇

價錢唔貴 啲牛好靚 肉質嫩滑 油脂分布勁好 sukiyaki唔會太甜 另外試埋牛乳湯好好飲 有用心地方唔算大但環境好舒服(歌單&燈光etc) 見到好多人想walkin 但全晚都好爆 好彩有預早book

仨人行，叫了一份美國精選肩胛肥牛壽喜燒二人餐，加一份鹿兒島肩胛和牛和一份牛脷芯。牛脷芯的肉質煙煙韌韌，鹿兒島肩胛和牛的牛味又比美國精選肩胛肥牛濃厚，但其實大家都好味。我們五點半便到，只有我們一枱，現場環境較細，但樓底高，侍應招呼有禮，後來還有一位負責人為我們講解牛肉部位的分別。總的來說感覺食得舒服，牛肉好味，價格不貴。

暫時喺香港食過最難食嘅壽喜燒，叫左$328兩人和牛套餐，碗白飯食過人生中最硬嘅白飯，仲有啲和牛，品質好差 ，好似係美國肥牛（勁肥嗰種），問職員拎咗水，我哋兩個人，佢淨係比一杯水，仲要睇住佢喺水喉度斟杯水過黎，好彩睇住佢斟，即刻唔飲，樓面得兩個人，雖然唔係好忙，但係都好似搞唔掂，絕對唔會有下一次