牛繁一人燒肉 (屯門市廣場1期)

营业中

休息中

行完屯門AEON，見到「牛繁一人燒肉」即刻入去試！本來想試下午茶餐，但餐牌太吸引，燒肉控完全把持不住😂 ，結果點左牛繁套餐（$155 ），套餐有份量選擇，啱晒唔同胃口！兼北海道原條魷魚（$138），仲加左泰式酸辣醬（$5）試新口味！牛繁套餐有牛胸花、特選肩胛片、薄切牛舌，仲有秘製燒汁同漬物（芽菜菠菜），配飯好滿足！牛胸花燒完仲有汁滴出！薄牛舌係我嘅最愛，入口好嫩！魷魚原條上，彈牙juicy，配泰式酸辣醬真是一個字：讚！夠晒開胃！味道夠特別，推介燒肉或魷魚都點來試！店內環境好有心思，設計仲好貼心，日式風，木質裝潢加燈光，單人位設計岩晒一個人嚟食，一格格有啲似自修室，私隱度高。枱面有個凹位，岩岩好放食物盤，超smart！仲有籃仔放隨身物。調料齊全，有胡椒、鹽、味噌、燒肉汁同辣粉，自己調味超自由！中間有小插曲，店員唔小心上錯菜，但好快發現，主動換返岩嘅俾我哋，服務態度👍 整體價錢合理，套餐有份量選擇。推介俾愛燒肉嘅朋友！

第一次去，一個人去，坐個格仔，都唔係逼，又無好侷促，又無好油煙其實間店嘅牛肉(橫膈膜肉、肩胛片)、醬汁、漬物(芽菜、菠菜)、白飯、薯蓉沙律、味噌湯都係唔錯嘅套餐 250g 一人燒肉份量充足不過喺去之前見到太多好評，可能導致太高期望，um……食落又未至於去到好高質level仲有，我鍾意食牛舌，但係個厚切牛舌，最大感受就係韌，一碟有幾片嘛，第一片係韌，咁下一片我試下燒生啲都係韌，咁下一片我試下燒熟啲都係韌，如此這般，最大感受就係韌

我們已多次造訪牛繁，而最吸引我們的是他們的牛舌套餐。作為牛舌愛好者，這款套餐提供了薄牛舌和厚牛舌。肉品可選擇50克或100克，並附有飯（大、中、小份量可選）、湯和前菜（泡菜或芽菜菠菜）。牛舌套餐還附有一小碗香蔥，將燒烤得恰到好處的牛舌與香蔥結合在一起，味道完美結合。薄牛舌柔軟嫩滑，輕輕兩邊燒烤，以保持其嫩滑的口感。厚牛舌就相對有咀嚼感和有口感。慢慢燒烤至適當的熟度，外脆內嫩。我們還加點了雞頸肉。100克的雞頸肉大約有6塊左右，經過精心燒烤，兩面微脆，散發出誘人的香氣。肉質鮮嫩滑順，帶有一絲軟骨的口感更增添了風味。小總結❤️❤️❤️❤️❤️📌套餐有不同份量選擇

我哋再度回訪啦！餐廳會不定時推出新品優惠💢最近咁啱見到有「蔥鹽檸檬！日本櫻姬雞頸肉」😋即刻點咗嚟試試🥢🌟牛胸花、宮崎豚肉香腸套餐200g🧡🧡🧡🧡（8/10)牛胸花每次都會必食（性價比高）配搭豚肉腸送飯一流👍🌟蔥鹽檸檬！日本櫻姬雞頸肉🧡🧡🧡🧡🧡(9/10)味道方面有些少辣，雞頸肉口感非常掂👍又脆又香口，配合蔥鹽檸檬味感覺新鮮又特別，非常適合夏天很開胃😋欣賞餐廳會不定時有季節限定優惠或新品推出亦是再度回訪的原因❣️

見依家一人燒肉都好多人幫襯 晚市時段，六點幾開始已經有人龍 襯人龍唔係好長就決定試吓呢間餐廳佢個玩法係叫一份定量燒肉（有100 g或者200 g揀），然後會送埋飯同埋湯 飯可以upgrade做紫菜撈飯 我就選擇咗我upgrade我叫咗個牛助肉套餐 肉嘅份量都算夠 🫶🏻因為我覺得燒肉太油膩，其實都食唔到咁多 一碟牛肉已經啱啱好夠飽upgrade咗嘅紫菜撈飯都好好食，有啲牛角飯嘅感覺 🤣🤣價錢都只係$100倒 性價比好高👍👍而且佢有啲位係專比一個人坐嘅 所以一個人去食都唔使同陌生人搭枱 有啲似日本拉麵舖頭個感覺

我哋每次經過都會必食嘅餐廳餐廳主打一人燒肉性價比超高上菜及服務也好有效率個人認為以商場嚟講已相當不錯👍今次除左恆常嘅燒肉餐外仲額外點選了鰻魚試試😋不過沒有想像中那麼好如果原條或半條上會口感較好下次會再試試其他🤟

特選牛繁套餐 250g $178【横隔膜肉・肩胛片 ・厚切牛舌】特選牛繁セット【ハラミと肩ロースと厚切りタン】PREMIUM GYUSHIGE SET【HARAMII, CHUCK SHORT RIB,THICK-CUT BEEF TONGUE】四重奏 350g $165【葱焼牛胸花・汁焼肩胛片・味噌豬五花・柚子胡椒雞腿肉】満腹セット【ネギカルビと肩ロースと味噌豚カルビと柚子胡椒鶏モモ】ASSORTED GYUSHIGE PLATTER【SPRING ONION SHORT PLATE & BARBECUE CHUCK SHORT RIB &MISO PORK BELLY & YUZUPEPPER CHICKEN THIGH】整體好味指數 4/5 🍭🍭🍭🍭{第一次食 選了餐上較高既g 感覺好豐富 有湯 前菜 肉 白飯 除肉可選份量外 白飯都可以選擇多與少 爐既火不大 但都夠熱 肉方面每款都好新鮮 份量都好足 味道很好 餐廳用餐時間只是剛剛好 不可以燒得太慢}

好開心屯市有間一人燒肉店，做尖友出街食飯補充蛋白質既好選擇牙！今次同朋友嚟，但係得番自修室位😁不過自己燒自己個份，無所謂啦。每個set都有自選份量嘅肉、白飯🍚、前菜，我要咗👉🏼特選牛繁套餐$178 250g呢個set有橫膈膜肉、肩胛片、厚切牛舌，我最鐘意橫膈膜肉，切得幾厚身，好有肉既質感，肉味都幾濃。厚燒牛舌，燒到外面少脆口，咬落彈牙，口感非常之正，油份十足，緊係要分舊比隔離食一齊肥朋友叫咗👉🏼四重奏套餐$122 250g 有蔥燒牛胸花、汁燒肩胛片、味增豬五花、柚子胡椒雞腿肉牛胸花、豬五花睇落咁邪惡，我就吾試喇🤣淨係偷咗隔離一舊柚子胡椒雞腿肉，幾好食喎，柚子胡椒調味酸酸地幾開胃，雞髀肉燒完都幾滑

想食燒肉，但係又唔想食放題，呢個係好好嘅選擇 一人份量都好夠飽#薄切牛舌 50G＋鹽醬$ 38呢個小編都幾中意食，價錢平大概有7塊，薄薄地幾爽口，調味都做得唔錯！A10#四重奏套餐 $ 138250G 蔥燒牛胸花，汁燒肩胛片，味增豬五花，柚子胡椒雞腿肉+已配搭醬汁漬物（芽菜，菠菜）小牛繁蛋拌飯+$16+溫泉蛋呢個一set 4個不同部位既肉，有齊晒雞牛豬 唔使再諗食啲咩😝 而且預先調味咗，唔使再加任何醬汁A13 #特選三重奏套餐+150G十勝A5和牛肩胛肉，汁燒牛胸花，味噌豬五花＋已配搭醬汁+泡菜白飯肩胛肉雖然冇乜脂肪，但可能因為和牛嘅關係所以肉質都好軟滑，肉香幾濃郁，但係小編就比較鍾意食牛胸花，脂肪比較豐富食落更加爽，脂肪同肉嘅比例大概七三，食落都唔算好油膩，豬肉有兩塊，不過係厚切，脂肪同肉比例分明係標五花腩！總括而言，分量非常夠一個大男人都夠食！雪碧（罐）+＄9

去完屯門做嘢，我同事搵咗呢一間食下燒肉，呢間店舖嘅職員服務非常好，入到去坐埋位嗰陣佢會問你想要暖水定係凍水，好貼心，而且嘢食嘅選擇都非常之多，而且佢每個餐都可以因應個人需要選擇唔同g數嘅肉，符合晒唔同食量需要嘅人⭐️ A1 餐 牛胸花套餐咁多個餐入面我覺得呢個性價比最高，300g 的牛只需$108，100g只需$48，肉質都非常之新鮮，值得一讚⭐️A13 餐 特選三重奏套餐呢一個餐有三款唔同嘅肉類，包括十勝A5和牛肩胛肉、燒汁牛胸花、味噌豬花五，可以一次過滿足晒三個願望，鍾意試下唔同肉嘅款式嘅朋友，呢個餐對佢嚟講係一個唔錯嘅選擇，而且佢醃料嘅味道都調得好好👍⭐️ 九州雞生蠔肉、中落牛肋骨 另外可以叫唔同嘅肉，而我就再叫咗九州雞生蠔肉同埋中落牛肋骨，雞生蠔肉值得一讚，口感嫩滑得來仲非常彈牙，二牛肋骨味道都好濃，正

澳洲M9里脊肉+橫隔膜肉套餐🐮🥩    $217 + 220g 澳洲M9里脊肉+橫隔膜肉 配月見汁 （+$50）+牛繁蛋拌飯🥚🍚   （+16）+巨蜂提子梳打🍹（500mL) (+16) 肉🤤全部都是肉～～～～秘製燒汁本身已經令肉肉很夠味，所以不用沾燒肉汁也行👌但可以沾月見汁，令肉肉更滑嫩😋 里脊肉肉質嫩滑，但注意不要燒太久，不然會很乾很柴🙈 而橫隔膜肉肉味較濃，不過小妹比較偏向里脊肉🤣 而配菜方面小妹選了漬物，分別是芽菜和菠菜😋 如果喜歡蛋拌飯的朋友一定不要錯過牛繁蛋拌飯🥚🍚 加了生蛋和紫菜真的超下飯🤤A9特選牛繁套餐 🐮🥩 $217 +250g 橫隔膜肉，肩胛片，厚切牛舌🍽（+$50）+牛繁蛋拌飯🥚🍚  （+16）+伊藤園綠茶🍵（500mL) (+12) 這個餐的配菜我們就選了微辣爽口的泡菜解一解膩👍這個餐最不得不提的一定是厚切牛舌😍不得了，真的大推‼️ 外面烤得微微焦脆，但內裡非常柔嫩彈牙，而且肉味濃郁，非常值得encore ‼️如果喜歡吃牛舌的朋友千萬不要錯過😋 總結：餐廳通風很好，沒有甚麼燒肉的油煙味，座位方面有幾人桌，也有自閉位，所以想自己一個人來吃都很合適！！

牛繁提供各款肉類，不只是牛肉，還有雞、豬、蝦、鰻魚等。套餐之多真的很令人懊惱選什麼才好，因為每款都想嚐嚐。經過一番掙扎，最終選了有齊豬牛雞的套餐。店舖的座位空間感十足，即使是一人座位都不怕不夠空間放食物。另外，椅子旁放有置物籃，入座時職員還會問你想喝冷水還是熱水，十分貼心。調味料方面有岩鹽、七味粉、胡椒、味噌醬等。-四重奏套餐(蔥燒牛胸花，汁燒肩胛片，味噌豬五花，柚子胡椒雞腿) $165 配泡菜、牛繁蛋拌飯 +$16每款肉類都醃得入味，亦不會蓋過肉類應有的味道。牛肉和豬肉的油脂比例很好，不會很肥，豬五花吃起來有彈牙口感，雞肉也肉嫩。蛋拌飯除了有溫泉蛋外，還有紫菜和木魚。

一人經濟帶動下多左好多一人燒肉，牛繁就第一次食，整體肉質都不錯，就算叫最平嘅牛胸花都OK。佢每個肉都有醃汁，燒完都唔使沾醬。🍽️A10 四重奏套餐 350G $165✨葱燒牛胸花最平嘅牛肉，普通肥牛咁，唔算太肥，都唔差喎。✨汁燒肩胛片比起牛胸花牛味濃好多，如果只揀一款牛又唔想太貴，一定係呢個，好得👍🏻。✨味增豬五花醃汁咸左啲，要食多啲飯😅，豬五花有咬口。✨柚子胡椒雞腿肉燒肉我都唔好雞，但佢肉質唔梅，醃汁又做得好，眼前一亮，好食👍🏻。✨漬物(芽菜,菠菜)✨白飯(中)🍽️A7 澳洲M9里脊肉+横膈膜肉套餐 220G $185✨澳洲M9里脊肉澳洲M9里脊肉唔使講都知好食，油花剛好，食落冇和牛咁膩，好淋，牛油好香。✨横膈膜肉配月見汁相對有咬口嘅部位，牛味濃，沾上月見汁即刻滑溜可口，蛋香醬油咸，食唔停🤤。✨漬物(芽菜,菠菜)✨白飯(中)💬女生正常份量中白飯夠，男生叫大白飯好啲，整體都唔錯，午市學生仲有50g肉或汽水送，唔怪得咁多學生。

超出預期嘅牛繁一人燒肉（屯門市廣場AEON店入邊）今晚終於食到呢間我等咗好耐嘅一人燒肉！點解叫一人燒肉呢？因為一個人都可以食到，佢有自修室咁樣格局嘅一人枱，亦都有面對面兩人可以一齊食嘅格局。一人份量嘅燒肉，可以按肉類嘅重量揀選唔同嘅價錢。加上$8.8 Blue Monday 系列，最平幾十蚊已經食到一個套餐，可以燒60分鐘！白飯可以揀大中細，中碗白飯已經夠飽。A10 大滿足 $122 （250 G)四重奏【蔥燒牛肉花•汁燒肩胛片•味增豬五花•柚子胡椒雞腿肉】呢個套餐比較抵食，因為有曬豬、牛、雞。呢度啲牛幾好食。鍾意佢用燒汁醃製嘅牛肉，有牛味。柚子胡椒雞有啲柚子香甜味，雞肉比較嫩口。豬五花好好食。A6 韓國風 $78 （100 G）豚肉套餐（豬頸肉、豬五花配生菜•泡菜•蒜片】呢個套餐食出韓國生菜包嘅感覺，我揀咗細分，之後再追加一啲燒肉。欣賞佢啲豬頸肉，豬五花脂肪比例正常，同埋肉質都鮮嫩可口。有種田園清新風味。燒肉追加！蔥鹽檸檬！橫膈膜肉 50G $48呢隻牛肉有檸檬汁，加海鹽嘅感覺，連埋啲蔥一齊燒好惹味。+ FRESH! 燒鮮甜菠蘿 2pcs $15燒烤咗嘅菠蘿保留水份，香甜好食！飲品

[✨屯門牛繁一人燒肉•過江龍燒肉店🔥]#牛繁 #屯門 🥩A7套餐 - 澳洲M9里脊肉＋橫膈膜肉套餐 220g $185M9里脊肉油脂豐滿，好高質重牛味🤤橫膈膜肉肉質軟淋，肉味濃郁醃得又入味，配埋個白飯一齊食，真係完美嘅配搭！無論係水準同份量都好滿足🤩🥩A10套餐 - 四重奏套餐 250G $122一個套餐可以試哂牛豬雞，CP值極高👍四重奏分別有蔥燒牛胸花、汁燒肩胛片、味增豬五花同埋柚子胡椒雞腿肉，其中豬五花真係好出色，肥瘦均勻，燒到微微焦香，唔錯😊————————♡♡♡♡♡♡————————✨總結裝修主打簡潔日本風，通風系統做得好好👍🏻食完都唔會搞到成身油煙味，更加設有一人位及唔少卡位，無論係一個人定三五知己一齊食，都岩哂你唔同嘅需求，加上食物質素同CP值都好高，推薦度⭐⭐⭐⭐⭐*價錢另有加一服務費📍牛繁一人燒肉🏠屯門屯順街1號屯門市廣場1期UG樓AEON內#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkong