牛爸

從來未食過咁差嘅鐵板牛，亦都從來都試過食一餐咁唔愉快嘅晚餐叫左塊4成熟嘅西冷牛扒，睇個樣正正常常，但真係完全大伏:(首先塊鐵板可以完全唔熱🥲勉強只能夠話係暖，然後塊西冷牛扒出到黎都只係暖嘅狀態，感覺係求其煎左兩下就出左黎，雖然我係叫左4成熟，但我相信不至於係切唔開嘅狀態，難以擺入口食。講真，比呢個價錢食啲咁嘅質量嘅野，真係完全係比錢買難受😩就算係food court都好，人哋質量都唔會係咁嘅水準。由於當晚都比較晏過去食晚飯，所以都廢是去更換。…查看更多

尖沙咀K11 Musea Food Court 係香港美食集中地行咗個圈都係呢間港式鐵扒最吸引單係鐵板牛都有唔同部位選擇仲有原隻春雞同雜扒✨鐵板肉眼 ✨鐵板西冷係餐廳最受歡迎嘅鐵板餐原塊西冷．厚切有嚼勁放在鐵板由五成熟加熱至七成口感軟腍．肉汁豐富．牛味濃郁配上粟米雜菜粒粒同意粉可以加配飲品 / 餐湯仲有黑椒汁/ 蒜蓉汁/ 咖哩汁 選擇淋上醬汁．熱辣辣炸炸聲揀咗黑椒汁真係好惹味額外追加司華力腸足料有份量整體味道唔錯，性價比高 👍🏻…查看更多

Musea Food Court好多嘢食，花多眼亂，今次試試呢間港式快餐有精選飯麵、小菜、焗飯、精選煲仔、特色咖啀、常餐都有🥢星洲炒米 $82估唔到food court炒嘢都咁有鑊氣，米粉炒得乾身，都多叉燒、火腿，微辣香口🥢頭抽乾炒牛河 $85牛肉同河粉都炒得入味好食，色澤均勻，炒得幾好，河粉都唔會癡住，口感唔錯🚩牛爸 (尖沙咀) 📍尖沙咀梳士巴利道18號維港文化匯K11 Musea B2樓 @k11musea …查看更多

首先有小朋友的話，不要帶來 ，入邊嘅員工望落去充滿怨氣，員工很沒有禮貌，庭廣眾講粗口，然後食物質素很差，汽水是不冷的，只係幾箱汽水放在枱面自己拿，可能現在興飲唔凍嘅汽水，不過我唔識欣賞。等待嘅時間非常之耐，起碼超過20分鐘，充滿怨氣，看起來負責煎煮牛扒的員工只是學師仔牛扒非常韌，意粉非常硬，完全食唔到，羅宋湯非常之攞命，可以冇味同大苦，唔知點解羅宋湯會係苦嘅，飲咗一啖即刻攞返出嚟！最後餐餐具非常之污糟，講完，不會再幫襯👎🏻…查看更多

今日放咗工悶悶地去咗K11行街，途經K11的food playground 順便食晚餐。food court內選擇眾多，揀咗一間食鐵板餐的， 這裡坐得舒服。鐵板滋味牛柳餐我揀咗蒜蓉汁，配薯條。自己淋汁上鐵板度灑灑聲好有儀式感。 牛柳比較腍身，啖啖肉冇骨，質地嫩滑，牛味出，用料新鮮。而配菜薯條也新鮮炸起，好好味。加了$5配沙律菜，主要有椰菜絲加車厘茄，食完啖啖肉，當然要食返啲菜嚟中和返。總括嚟講，食物質素唔錯，下次會再幫襯。總括嚟講，食物質素唔錯，食肉手之選，下次會再幫襯。…查看更多

今日去咗K11 Musea地庫「牛爸」鋸扒。呢到專賣鐵板牛扒，有T骨扒、肉眼扒同埋西冷扒等等嘅選擇，雖然坐落喺高級商場裏面，但價錢親民。🌟鐵板肉眼一上桌就聽到「滋滋聲」，鐵板熱辣辣，視聽嗅覺全部滿足！肉眼牛扒肉質軟嫩，黑椒汁香濃微辣，淋上牛扒同薯條度簡直絕配！粗身薯條炸得外脆內軟，蘸滿黑椒汁之後更加惹味，邪惡度爆燈！伴碟有三色豆同西蘭花，平衡返罪惡感（笑）～➕$18羅宋湯加配！羅宋湯酸酸地幾開胃，有滿滿蔬菜同牛肉香～簡簡單單又一餐，如果去開海旁又想搵啲親民選擇的話，K11 Musea呢個food playground會係一個好選擇。…查看更多

公司最後一日你尖沙咀幫手，lunch當然去番試左幾日food count 啦，今日食最多人排隊老爸。成大半場都食緊鐵板，似細時老豆帶我去据扒情竟☺️餐牌都有多款推介，有咖喱炆牛肋條，燒春雞，不過我都係鐵情食西冷牛扒。仲加多18蚊要羅宋湯，同5蚊加沙律菜沙律菜：新鮮蔬菜沒有其他配料，可於取餐處淋上沙津汁羅宋湯：酸酸微辣，暖暖的，我就會加入喜愛辣椒仔，味道天凸出🤭鐵板西冷牛扒：即叫即鐵板餐，黑椒汁淋上熱辣辣鐵板上面，sa sa 聲佈滿，本身要薯條，但最後轉上白飯，黑椒吸入精華，有西蘭花，粟米粒為配菜，正。7成西冷，質感岩岩好，入口鮮嫩，充滿牛味。份量又足，食到真正鐵板西餐☺️☺️…查看更多

今日同仔仔去 K11 Musea 行街，行到攰去food court食lunch，環境十分寛敞，有很多間不同款式的餐廳，我哋被哩間牛爸吸引住，決定試試看！牛爸係即叫即製嘅鐵板餐，我哋叫咗個西冷牛扒，可選黑椒汁/蒜蓉汁/咖喱汁，小朋友食唔到辣，所以我選擇咗蒜蓉汁。可以配飯/意粉或者薯條，我哋揀咗意粉，配菜有西蘭花和粟米。將蒜蓉汁淋上熱辣辣鐵板上面，意粉和西冷扒將汁嘅精華吸收晒，入口十分惹味而且充滿牛味，但略嫌牛扒有點柴同有筋位，不夠juicy, 令小朋友難以吞嚥。…查看更多

上次喺尖沙咀K11行到肚餓，去咗佢哋嘅food court食嘢😋見到呢間好多人排隊就試吓佢哋嘅牛扒性價比好高！份量又夠！成個場都係食緊呢個牛扒🥩鐵板嘅字字聲佈滿咗成個food court😋不過可能因為太多人食嘅關係牛扒過熟😖等嘅時間都好長，當日只有一個職員製作真係好忙～都可以理解嘅希望下次食好嘅質素會去返平時咁！但係講佢個肉質係唔差嘅！…查看更多

試左個龍蝦汁炒意粉，一路睇住個廚煮，一路勁落cream，然後佢拋鍋露兩手又跌左幾條意粉落檯面，竟然係執返上鍋繼續炒…睇到都已經唔係好開胃，碟意粉煮完仲要一餅野咁，淨係食到cream，cream同cream！…查看更多

伏到喊$138 西冷牛扒超多筋切到隻手酸曬 又冇味又切唔開 越食越心酸食完只係嗰得我命好苦138可以喺屋企樓下食4餐雙餸飯可以去鼓油西餐食起碼切得開嘅鬆肉粉牛扒仲有餐湯同餐包呢間真係狗也不。。。…查看更多

兩公婆去食晚餐，點了一份牛柳，一份T骨扒，另外再加羅宋湯，及蔬菜沙律。這是我有生之年食過最難食的牛扒。先講羅宋湯，套餐要加$18，係一碗茄汁水加一片西芹及一片椰菜，完全冇味。再講牛扒。點餐時收銀冇問你幾成熟，又乾又嚡，仲要鐵板上，似足食牛肉乾，但係要知道塊鐵板係唔熱的，淋汁落去完全冇咋一聲。成個餐最好味就係個汁，都叫做有少許黑椒味，係少許。價錢都唔平，雖然係food Court，兩份夾埋都要3百多元，如果你哋想食超級牛肉乾嘅牛扒，飲無味嘅羅宋湯，即管去試吓，我就一定冇下次。完….…查看更多

晚上去尖沙咀逛街，首先到這個美食廣場吃個鐵板餐。這個美食廣場提供大量座位，適合一人或多人聚會。這間牛爸提供各種鐵板餐，價錢相宜，即點即製，食物質素很好。鐵板牛柳($138)，上桌時燙熱。鐵板以一張紙圍著，免得油淺出。主食可選白飯、意粉或薯條。醬汁可選黑椒汁、蒜蓉汁或咖喱汁。蒜蓉汁內有不少蒜蓉，非常惹味，在燙熱的鐵板上澆著牛柳倒下去，發出滋滋聲，是吃鐵板必備的聲音。香熱牛柳掛上惹味香郁的蒜蓉汁，提升牛柳的肉香。牛柳軟稔，量多，拌炸得金黃的香脆薯條吃十分合適。一口軟稔蒜蓉牛柳，一口外脆內軟的薯條，再加上一口爽口蔬菜粒，呈現不同的口感，讓人在味蕾上十分滿足。羅宋湯(+$18)，鐵板加配餐湯。羅宋湯用料十足，份量足，微微酸甜。配上鐵板牛肉，是一個正式的鐵板西餐。…查看更多

自小由 #外婆👵🏻 帶大嘅 #小秘書，由細到大都充當舅父仔 #電燈膽💡一角🤭 好多時出去，佢哋都會帶我去食 #鐵板餐🍽️ 每次上菜，服務員都會先將燒汁淋喺鐵板上，se le sa la聲響十分療癒🍃 可能因為咁，舅父仔就係被我呢個戇居居都又興奮嘅樣吸引住啩🤭🤭呢日同朋友仔去 K11 Musea 行街，估唔到居然比我喺呢個五星級嘅food court搵到我嘅 #兒時回憶 🍓 餐廳 Beef Ba 牛爸 裝飾設計幾乎以全紅色為藍本，非常吸睛👀 食材都以鐵板餐為主，仲有廚師推介嘅 #咖喱炆牛肋條、#燒春雞🐣 不過小秘書就對佢哋嘅 #肉眼扒 情有獨鍾，加$18仲有個 #羅宋湯，一於試吓佢😚即叫即製嘅鐵板餐，誠意十足❤️ 將 #黑椒汁 淋上熱辣辣嘅鐵板上面，#意粉🍝 同 #肉眼扒🐮 紛紛將黑椒汁嘅精華吸收晒，入口特別惹味🤤 七成熟嘅肉眼扒，質感啱啱好，入口鮮嫩，充滿牛味🤤 配埋充滿懷舊風味嘅港式羅宋湯，酸酸辣辣嘅口味，令人好開胃🤤用百零蚊就可以食到餐廳嘅質素，而且環境寬敞又唔會有一般food court嘅油膩感！#小秘書encore之選🤤📍 牛爸 (尖沙咀) 梳士巴利道18號維港文化匯K11 Musea B2…查看更多

牛爸尖沙咀K11 Musea 地牢嘅foodcourt 係另一美食集中地，今晚試咗一間鐵板餐店。🥩鐵板肉眼扒餐配扭紋薯望住店員喺鐵板上煎煮肉眼扒發出咝咝聲，非常期待。肉眼扒係今晚嘅主角，肉質鮮嫩多汁，搭配鐵板烹調嘅手法，鎖住肉汁，牛肉味香濃。而肉眼扒嘅油脂分布平均，每一口都入口即融，令人享受回味。整個鐵板餐營養均衡，以西蘭花同彩色雜菜雜豆作為伴菜，帶嚟清新開胃嘅感覺。喺意粉同薯條之間拉鋸一過後，揀咗扭紋薯條，原因係薯條可以充分吸收充滿肉眼扒精華嘅蒜蓉汁！餐湯揀咗羅宋湯，微辣，暖笠笠，令人舒服，充滿滋味。…查看更多