影片
港铁葵芳站 D/ E 出口
继续阅读
开饭介绍
此涮涮锅放题专门店，主打提供日本进口的优质和牛，肉嫩鲜味，价钱丰俭由人，不论与家人或好友聚餐也合适。
继续阅读
附加资料
无肉餐单详情: 每天午市供应素食放题，其他时间亦有少量素食菜式供应。
以上资料只供参考，请与餐厅确认详情
相关文章
和家人到葵芳新都会广场 食牛涮锅 火锅放题 ，我们等了 两个 小时才有位， 本来 未肚饿的我，都等到肚子都饿了 。我们选了168 set 套餐， 和牛 都算没有令我们失望 ，和牛肉质仍然保持水准 ，豚肉， 鸡肉 都很 新鲜 。还有 粟米 ，饺子 ，芋头， 芝士丸， 芝士肠， 冬菇 ，豆腐 ，生菜和油麦菜 作为火锅 配料 的选择， 最后还有牛奶 雪糕 食 非常 满足。
继续阅读
终于等到今个月出粮喇, 今晚一收工就同同事去新都会既牛涮锅食餐火锅放题。幸好我有预先Book位, 7点去到, 店内已经坐满食客, 门外仲有唔少人等位。呢度有唔同既价钱对应唔同既肉类款式任食, 而我地就拣左 "美国特上牛小排放题" 每位HK$258既餐, 再免费转左呢度新推出既"花见汤"汤底tim...入座起计90分钟内任饮任食, 丸类、蔬菜类、乌冬、混酱都系自助形式, 食物都re-fill得几快, 而且排列得整洁。至于饮品同雪糕就系另一面自己斟, 除左汽水机外, 隔离仲有一部果汁机, 上面说明教食客点去沟果汁梳打~汤底好快就送上台, 面层有好多细细只既虾仔、蔬菜同埋金华火腿, 先饮一啖, 汤底味道其实有点似饮鸡汤, 但咸味比鸡汤为轻, 反而突显出清甜味道...本身担心细细只虾会好似虾米咁, 系煮唔透既情况下会有硬壳出现, 但食落其实又冇咩口感, 可以话食左都唔知~很快地, 肉类已经一并上台, 侍应会将我地所拣既套餐肉类系第一round时整整地送上, 令我地可以食齐咁多款既肉, 如果中意边款, 可以再encorn!本身自己系"牛魔王", 很少系打边炉时食猪肉, 既然都上台了, 所以就试一下, 呢款系鹿儿岛出产既豚肉, 色泽粉红, 薄切豚肉口感很嫩很林, 比起平时系出面食开既中式猪肉片好食得多!!值得我再ENCORN!鸡件肉质很嫩滑, 但味道就较为淡一点.....套餐中既牛肉都有两款, 分别系 美国特上牛小排 同埋 美国牛肉两款牛既肉质鲜红, 美国牛肉为薄切, 而牛小排就较为厚一点点牛小排比美国牛肉咬口重少少, 但亦唔会有很难咬开。美国牛肉容易吸取汤底味道, 所以食落很鲜甜。至于牛小排, 牛味较美国牛肉为重, 但两款牛都是同样美味, 正~加汤底方面, 呢度系会因应客人order左咩汤底而对应加返果款汤底, 所以唔会担心加汤后, 令汤底味道有变/转淡好几年前食牛涮锅都系食完一碟, 先可以向店员order另一碟, 宜家牛涮锅原来转左客人可以用平板电脑order加单、加汤等等服务, 所以90分钟内, 绝对可以系自己控制范围内, order几多碟, 食几多碟, 食都食得有效率!最后我仲系雪糕机支左云呢拿雪糕, 口感香滑, 而且仲有几款配料自助调配tim~~~90分钟内有效率地任饮任食, 只要系食得快, 绝对系可以回本的!!!
继续阅读
同朋友去行行佢话想打边炉，就食牛涮锅，佢个叫野模式电子化咗，个人觉得十分无谓。一开头叫佢加肉，佢话下次禁个部机就得。佢事前又冇介绍过。咁之后计ful汤都禁机，但佢哋又周不时走黎问你要唔要加肉。有2次佢跟啲猪上埋鸡，我哋都唔钟意食！所以觉得呢部机好无聊！佢既雪糕都变咗唔系乳酪，令到食完边炉都冇咩胃口再食雪糕，同埋佢既糖浆for 淋系系雪糕到既都冇了！
继续阅读
每次行葵芳新都会，都总会见到牛涮锅大排长龙。我认识该店老板，我识，我真系识，不是我认识他，但他不认识我的那种，而是真的与他的餐厅倾过合作，我以一个年轻人的身份，胆粗粗与他谈合作，竟然会真的收到回覆，虽然最后生意倾不成，但他那种乐于帮助人的心态已经很值得支持(为此，一个LIKE)，所以，你话我义犬报恩也好，或者义肢报恩都好，我们迳自走了入去牛涮锅。我们即场点了美国进口牛肉放题($158)，话就话放题，吃过牛肉放题的 都知道，每人叫2碟已是极限，正所谓:佢搞得放题，预左你食济。这个套餐还包括了豚鸡，所以来了一碟纯情牛牛及一碟豚鸡，好PURE好TRUE的纯情牛牛经过自动刮牛刀的削薄之后，每一片的厚度几乎一样，脂肪分布平匀，容易入口，而且咬口不韧。对于贪多的我们，自然选择了鸳鸯汤底：辛辣泡菜汤及番茄浓汤，一种选择，两种口味，不同的配料配搭不同的汤底，吃出不同的味道。来吃火锅，自己十下十下，火锅配料讲求的最紧要新鲜，多款选择，已足够达到称为一间火锅的标准，古乳有晕：火锅够新鲜，食到人都癫，其它都不太重要。可能由于地方所限，这间牛涮锅的自助配料不够多(不是不够，只是不够多)，一眼可以睇晒，但是，每样各取几块，已经够饱肚。对于我而言，最好吃的是芝士丸，咬下去有汁流出，新鲜滚热辣，吃完直情可以跳只忘情森巴舞，正所谓：越食越多汁，唔使惊老笠。为了照顾有些朋友的需要，提供配料名单以供参考：丸类:鱼丸，龙虾丸，芝士丸瓜类：翠玉瓜，青葱，红萝卜，粟米，白萝卜，洋葱菜：油麦菜，菠菜，，蕃茄生菜，娃娃菜，滑豆腐淀粉类：乌冬其他种类：芋丝，日本饺子，脆皮肠。唯一令我吃到有些意外的是亲眼目睹隔邻枱的客人要求互调座位的有趣情景，我不禁哑然失笑，他们这样做，目的究竟为何，因为已吃了一半，我唯一想到的是他们座位互调，不同的方位感受到的味道都不一样，亦都有可能他们征求过风水师的意见，认为猴年要多多郁动，才能全面吸收运气，就算连吃东西也不例外。肤浅如我只是听过换位思考，即是能够设身处地，站在对方立场思考问题，从而令自己与对方联系起来，容易理解对方，想不到吃东西也有如此妙用，果然人生有涯学无涯，阿弥陀佛。
继续阅读
今日又到出街觅食日子，因为新都会大装修，我又未谂到食咩好就决定同老公黎食好耐冇食嘅牛涮锅。可能系因为星期五啦，大约730黎到都等左大约45分钟位。拣左168一位嘅set，唔知系我太耐冇黎食定点，佢加左十蚊价，同埋唔知咪系因为巴西冻肉事件佢地冇哂鸡肉供应。汤底我拣左猪骨同新出嘅浓虾汤底。猪骨嘅味道有d似出前一丁嘅猪骨汤味，但就淡少少。浓虾味就完全唔觉有虾味，仲有3粒面粉做嘅花。肉都不错，肥瘦适中，大约12片左右一碟。每次要肉都大约5分钟左右会送到，90分钟入面我地大约食左每样2碟左右。配料就比起其他分店少，丸类有；咖哩鱼丸，芝士鱼饼，芋头丸，鱼板。另外有芝士肠，魔芋，芋丝，菜有娃娃菜，油麦菜，萝卜。菇类有冬菇同金菇，另有乌冬同拉面。芋头丸十分惊喜，中间包住一条芋头，甜甜地。甜品嘅雪糕，其他分店有埋frozen yogurt,但呢间得牛奶雪糕，topping 有：cheerio ,kit Kat 碎，朱古力彩针，糯米滋，同提子干。除左雪糕仲有柠檬蛋糕同云呢拿puff 。90分钟其实好快就过，所以其实要食得快先抵，哈哈。不过呢间嘅牛就算叫最平嘅set都唔会太差。
继续阅读