影片
港铁彩虹站 C2 出口, 步行约2分钟
继续阅读
附加资料
餐厅由泰国厨师主理，口味、风味地道，而且价格十分合理，值得一试是店内的厚切蒜容多士及自家制龙眼冰。
营业时间
星期一至日
11:00 - 22:00
以上资料只供参考，请与餐厅确认详情
一入去系有啲茶记feel，不过整体感觉都唔差，跟住食物比我更大好感，个咖喱炒蟹一食就知好新鲜，肉质相当鲜甜，咖喱配法包，好味得不得了，讲真系区内真系无乜好食，尼间野真系比其他餐厅好架㖞，同啲店员倾开知道个厨房系由正宗泰国人主理，味道好正宗，好地道，真系值得食下。
继续阅读
第一个post, 因为呢间食店而登记openrice, 可想而知有几不愉快.住咗牛池湾接近20年, 一直以嚟, 牛池湾食嚟食去都系茶记茶楼车仔面牛腩面或者大快乐, 从来无谂过/奢望过会有一间比较有"主题"嘅餐厅, 六月尾开张嘅呢间泰国餐厅为这区带来了新气象.有室内外, 大热天时当然人人都坐冷气房啦环境因为新开张所以唔错, 系张凳唔太好坐, 因为背部太斜.老板唔系泰国人, 但厨房个师傅就真系泰国人不过, 食咗两次就知道唔可以再食啦.71回归日, 谂住落楼下食个晏, 然后就去铜记 (你懂的)经过见到铺面几靓就入咗去, 三个人叫咗:1) 泰式炒金边粉 @$50 送 梅子茶喺牛池湾嚟讲呢个价钱真系几贵, 同区$40-45 已经有一碟好味嘅炒粉面饭+热饮, 点知一坐底见到餐牌最底𠮶行"送茶/啡"已经被黑线涂掉, 睇嚟系因为生意好就开始调整价格,唔紧要, 都送一杯热梅子茶, 冻梅子冰就加$2, 其他饮品好似冻茶/啡/柠茶𠮶D就要加$5, 都尚算合理嘅点知碟粉一嚟到就知道弊啦, 得只碟大, D粉大概得一个饭碗咁多,食落去个味道就系无乜味, 带少少酸甜, 但就好似两头唔到岸我心谂, 哗你呢个价钱, 俾咁嘅味道, 我不如去九龙城食泰式嘢好过啦 结果唔够食, 被迫要叫多一个餐2) 黄咖哩海鲜饭 @$3X-$4X (唔记得exactly几钱 $38(?)) 送 梅子茶个咖哩味少少淡, 但可接受, 话系海鲜饭但就只有虾两只,佢个咖哩加咗蛋白, 食落去都几滑, 好在无加茨汁, 份量都够食嘅3) 自选两𩠌汤粉(可配清汤底/冬荫功汤底) X2 @$26 送 梅子茶望价钱拣食物, 点知出乎意料系三样之中最似样嘅两𩠌选择有鱼旦, 牛丸, 鸡翼, 猪颈肉等 (大概有6-7款左右)识食一定食鸡翼+猪颈肉+金边粉+冬荫功汤底个碗系翠华食鱼蛋粉𠮶款, 好似仲大少少, 份量好够冬荫功汤底几好食, 鸡翼虽然仲有少少血, 但味道OK, 猪颈肉就无乜味 (可能系因为被冬荫功味盖过咗送嘅𠮶杯梅子茶味道见仁见智, 个人就觉得麻麻, 太浓------------------------------上次食过OK 之后就隔日(3/7)就去食第二次,今次就两个人食, 都系食晏, 识食一定再食自选两𩠌汤粉点知..........点知只系隔咗日已经无得送任何餐饮!!!!!!!!!!!连梅子茶都唔送, 梅子冰加$5, 其他饮品竟然加$12 好似茶记另外叫咁,系就系多咗红豆冰/椰汁冰/青柠冰等选择, 但想饮呢D特色饮品都要加$10........坐地起价...都唔紧要, 之后先弊 我就继续食鸡翼+猪颈肉+金边粉+冬荫功汤底, 加罐$5 7up (好彩八卦问汽水几钱 ),点知嚟到变咗清汤+河粉 =.=咁个waitress 都好好有帮我换汤底, 但就被迫食河粉... 其实食河粉我都OK, 所以无出声, 废事浪费食物...但竟然俾我见到佢喺厨房倒一「包」冬荫功汤料落去, 而唔系不一勺冬荫功汤 OMG虽然我唔可以好肯定话佢D 冬荫功汤一定唔系自己煮嘅, 但见到呢一幕已经扣咗唔少分... 同行嘅朋友就食鸡翼+牛丸+河粉+冬荫功汤底, 加$10 青柠冰,点知𠮶两粒牛丸嘅size 同便利店D 鱼蛋有得fight, (具体D 嚟讲, 大概系粒直径2cm 的球体)粒牛丸太硬, 而河粉嘅分量只有第一次的60-70%, 好, $26 呢个quality我忍.最最最最令人惊讶嘅系杯青柠冰, 第一次饮青柠冰系连青柠都见唔到,望落去就完完全全系杯加咗梳打粉嘅冰水, 饮落去就系盐水, 得个咸字, 半滴青柠味都无!!!!!!!!!!!!!!!!!!!!!!!问个waitress 呢杯咩嚟, EE erer 咗一阵先知系青柠冰... 佢话佢地系人手渣D 青柠汁, 然后再加水 mix 埋㖞...$10 饮杯咁嘅嘢真系..... 坐隔离个师奶带住个初中仔嚟, 一望餐牌就话: 哗乜咁贵嘅之后望咗我𠮶碗粉就叫鱼蛋+猪颈肉+河粉+清汤底,点知嚟到就变金边粉, 话无晒河粉㖞...佢一咬粒鱼蛋, 就吐咗出嚟, 话: 哗缩咗嘅?!佢好心同个waitress讲声, 叫佢地唔好卖鱼蛋住,老细就行埋去讲唔好意思, 想换过碗俾佢, 个师奶就话唔使之后有无继续卖鱼蛋我就唔知啦师奶个仔就食海南鸡饭, 好似系$45 (?)嗯, 就系白切鸡(无去骨)饭啰, 无特别嘅酱油/调味尖沙咀间文华好食十倍, 价钱都系差唔多生意之道, 唔系见到有生意就不停加价, 你客源未稳就乱咁加价, 等同赶客.再讲, 其实咁嘅价钱无论喺牛池湾定其他地段都系比较贵, 最衰系佢无咩质素可言."抵食"𠮶一项俾一分, 系因为价钱同质素唔成正比.有得拣, 宁愿去附近茶记正正经经炒翻碟星洲炒米或者食车仔面.相信呢间餐厅顶多都系呃到D去西贡嘅游客, 区内人应该唔会点食.要食泰国嘢, 都系去九龙城最正.
继续阅读
牛池湾街市本身得d茶餐厅,车仔面档,茶楼仔,依加竟然有间泰国餐厅,即刻试一试。中午时间都full full地,餐厅冷气充足,夏天唔惊热!不过原来下午时段只有粉面饭叫,所以我地叫左冬荫公汤猪颈肉鸡翼河粉,猪肉奄列湿炒河,青柠冰,梅子冰冬荫公汤猪颈肉鸡翼河粉:汤底唔算辣,偏向酸,少少椰汁味,所以岩晒我。都几大碗,食唔晒!猪肉奄列湿炒河: 比我想像中既奄列好大出入,似炒蛋多d,味道其实ok ge,但好奇怪d河粉点解可以咁阔.....食得有d辛苦青柠冰,梅子冰 2杯都偏酸,所以唔钟意酸既就唔好叫啦!我就觉得2杯都好饮听讲夜晚会开,迟d再试下真正泰国菜。
继续阅读