牛氣冲天 (已搬遷) 新店位置

一路聽人呢問野啲牛腩好正！今次終於去到！個牛湯好正，雖然牛腩已經賣哂，廚師慢工出細活，但好多人寧願等一陣，都要食到！芹菜，葱，同魚露又有得任加，好貼心！下次會再黎，希望食到牛坑腩！

牛湯真係讚👍🏻好香牛味🐂平時我唔食牛腩河既都食 真係好好味😜叫左牛3寶河同4寶河😍3寶有牛腩 金錢肚 牛柏葉🍗4寶有牛腩 牛丸 豬肉丸 豬粉腸🍖牛腩一定要食😝其次我最鐘意食豬肉丸🍡牛柏葉比較韌🥺環境比較熱 沒有冷氣 我食到身水身汗😂最後叫左杯紅豆冰😅不過野食未黎冰都融哂🤣

之前想去食牛腩麵， 但冷氣壞了， 天氣炎熱所以沒有去， 適逢今天落雨， 天氣稍涼 佢叫了一碗牛腩河吃。先喝一啖湯， 清湯帶有濃濃的牛骨味， 不太鹹， 走味精，河粉沒有特別， 再試一試牛腩， 口感唔錯， 嫩滑， 軟硬適中， 沒有什麼調味醃製， 但有勁新鮮的味道和濃烈的牛腩味， 在香港我未曾吃過這麼新鮮的牛腩， 雖然口味跟平時吃開的不同， 沒有用牛腩汁煮製， 但那新鮮的味道及牛腩原味， 又是另一種的味道， 雖然價錢比一般港式牛腩可貴 ， 但那高質素的牛腩 ， 絕對配得上這個價錢 ，值得推薦。

係食物媒體介紹下，先知本環呢間牛氣沖天😜係門口已經注意到提示話冷氣壞左😓 歡迎外賣，兩後天氣稍涼後，勇敢一試🔥等咗15分鐘左右，可以入蒸籠喇🌫️舖頭同一般粉麵舖差唔多，位痴得埋，大約有廿零三十個位💺 坐低就feel 到有少少燥熱，但未至於焗，起碼佢有足夠風扇通風，但越入面就越熱🥵餐牌都係圍繞牛🐮 同少許豬🐽 既粉麵，製作好明顯需時，無耐火屬性🔥 同緩慢抗性⌚ 請自行考慮攻略之可能清湯腩河伊底加牛肚，識食唔該叫伊底，因為佢個清澈湯底有近乎犯規式既濃味😵係老火湯再加重鹽既水平🤯我有一度懷疑係咪有味精，但事後無口渴感😬 伊麵既空心結構令佢吸晒啲濃湯，每啖咬落去都［必］啲汁出黎🤤去番主角牛腩🐂 係好夠咬口既牛筋腩，肉汁係湯麵度都保持到，但可能濃湯底太搶，略顯失色至於牛肚🐮同牛筋丸🐃，反而同濃湯底夾到👯‍♂️👯‍♀️ 牛肚凹凸既表面藏起湯汁，而牛筋丸好juicy, 不過就唔夠彈牙😜兩碗麵加個降溫coke zero 就113蚊，唔太貴，但到底冷氣幾時先整😂😂 湯底牛氣沖天就贏晒🏅論牛腩我鍾意元朗學記，論牛丸就勝利，但只要天氣轉涼或佢整番冷氣我一定番兜😎😎 提醒番，麵市做到6點左右，晚市係做串燒🍢

近排想食啲濃味野，夜晚行行下竟然比我聞到好香既味道，原來呢度夜晚係食串燒嘅膽粗粗同男朋友衝左入去食真係有意外驚喜特別係啲海鮮，可能自己本身中意食個花甲不得了，條茄子特大，好抵食不過冇諗過佢個牛丸咁不得了，好爆汁價錢都偏高，但都OK，值得一試。

今晚約好朋友黎到元朗牛氣沖天食串燒，時間尚早的關係，唔需要等位鋪面做得幾好，幾吸引到人初頭以為只做夜晚生意，但原來午餐係做牛腩河等等串串燒的內容都比較多，價錢中上我地一坐底都點左比較多野食牛氣燒粉腸（$28/5條）口感唔錯，值得一試燒茄子（$36）一份又係值得推介不過唯一美中不足係佢切開左一舊舊，另人無左一條過的樂趣😂前菜 雞泡魚乾（$38）一份配上沙拉醬，做前菜一流另外燒海鮮就生蠔唔差，都係可以一試但等待燒既時候就真係太長

放假就是＂師奶＂上身，忙完一輪家頭細務，仲要落街格價一輪為買屋企日用品！終於可以坐低食下嘢抖一抖～～今日一條友唔想食茶記外賣，就去搵下有咩好食～聽同事講我樓下新開了間專賣新鮮牛腩的粉麵店——牛氣冲天，評語不錯！趁今日有時間就入去試試～～小店就係鳯攸南街順豐站行前少少我點了牛三寶$50有五件牛腩，兩件金錢肚及牛柏葉金錢肚咬落爽彈好吃至於主打新鮮牛腩，牛腩咬落係爽韌的，味道係偏淡，湯底清淡喝完不覺得口喝～但牛腩唔覺得同一般粉麵店有咩唔同，而且食完牛腩成個牙縫都係肉絲⋯⋯感覺都幾麻煩⋯⋯我欣賞佢的湯底沒有加多餘味精合成！但我覺得俾$50 碗的價錢應該會與其他店有點與眾不同～牛腩應該更出色才對！期待下一次有更大進步！近近地的街坊可以一試～

又來鳳攸南街找食~牛氣沖天個名好有霸氣,唔知以為火鍋店~原來系好出名食牛既粉麵店,走進餐廳真的充滿陣陣牛氣,感覺有像在火鍋店內,正常的粉麵店大約有20多個坐位~樓面,煮麵切牛腩的員工有7-8位,各有各忙。3點前去到,食到一半牛根已賣哂了除左牛腩緊系想試埋其他野~牛三寶(牛腩,金錢肚,牛柏葉)$原汁原味既牛腩湯,肉味重更有淡淡的粟米味很清甜,金錢肚,牛柏葉厚身爽口夠入味,牛腩牛味非常重!!但纖維較粗,有d較難嚼爛～下次要試下牛根丸無咁勁纖維岩我d

呢間係聽人介紹既 因為6點之後入坐 所以食清湯牛腩麵就平少少 (由52蚊變46蚊) 雖然都仲係有D貴 不過都為數唔少既牛腩 仲要每舊Size都唔算太細 腩肉連住既白色筋膜好有咬口 所以我覺得都算唔錯

工作中午餐向來趕急，今日只有3個人快食！搵粉麵就最好，去到餐廳門口有位泊車，唔使等位，已有張4人圓枱，地方唔大，木桌椅簡單！乾淨企理！近門口一個淥麵區！餐牌食物選擇唔多，好快落好單！食物好快上菜！清湯牛腩牛根河（$54）呢個真係失望，份量細（我女人都唔夠飽）牛腩切角，咬落好韌，纖維又粗，我食一件痴到牙縫全都是纖維，牛味雖然夠但肉質唔得！牛筋仲衰，已經喇到無彈性，平時牛筋會有啲稔口，呢度好似食截膠咁，完全無晒牛筋嘅口感！河粉正常！唯一令我覺得好啲嘅係啖肉湯，清甜唔假！油菜生菜（$14）啲蠔油好似龜岭膏咁啫喱咁彈！味道好味精！生菜落油落得太勁，全部油光閃亮，點蠔油都壓唔到油膩味道！點解明明生菜新鮮爽脆都可以本到難食？同事食：清湯牛腩魚片頭河（$54）清湯牛腩魚丸麵（$54）汽水（$8）店員勤快，唔多廢話一間以牛為招牌嘅粉麵店！咁嘅水準不能接受！以咁嘅份量價錢偏貴！

呢一間係位於元朗嘅店舖，我感覺上店舖其實唔算好大，店入面只係有少量嘅枱，所以有陣時下午我都會見到有人龍排隊等。個人比較好奇，所以就搵一個傍晚，較為少人嘅時間去試下。當我叫左一碗牛腩墨丸河之後，過左一陣就已經話牛腩賣哂，可想言之係有幾多人食呢度嘅牛腩。個人試左一舊，感覺呢度牛腩真係有唔同嘅地方，食物嘅質素非常之好。雖然我覺得呢度算細舖，但係牛腩就做得好好，肉質唔會過硬而且亦都好滑。入口感覺非常好。至於墨丸，都幾彈牙下。但相比起招牌嘅牛腩黎講，當然牛腩會更勝一籌。呢一度我覺得都算偏僻左小小，但依然咁有吸引力，食物質素明顯作為一個重要嘅因素。

元朗食肆去到百花齊放的境地, 估不到於"清湯腩"的派別中, 最近又多添一成員 - 牛氣沖天。能否於這既有市場上分一杯羹? 於是星期日中午去探個究竟。偏離主要的食街, 藏身於不起眼, 人流較少的鳳攸南街上, 正值午飯時間, 竟然引來等候的食客排隊, 更令我引頸以待。 門面以大熱的水泥加紅黑招牌, 有別於傳統粉麵店裝潢, 內裡不算大, 格局有點像食車仔麵。麵檔, 水吧設於門口隔離, 運作及衛生程度一目了然。繁忙時間, 搭檯是必然吧。 原來食店非專賣清湯腩, 還有魚蛋、雲吞、牛丸等粉麵供應, 今時今日獨沽一味, 相信應是較難面對租金問題吧! 既然標榜"日日新鮮清湯腩", 吃出牛的原味, 當然要"挑戰"一下。餐牌內只寫著清湯腩, 識食的都會像說暗號般說出要指定的部位, 但並非個個都吃得刁鑽, 搭檯的"門外漢"不明就裡, 什麼爽腩、坑腩、崩沙腩覺得很神秘, 店員都耐心講解。 近來愛上用肥仔水 - 可樂伴美食, 玻璃樽裝可樂只是$8, 合理的定價。 崩沙腩河 $46要求要崩沙腩都不需要額外付出, 這點是不錯! 筋膜較多一點連帶少少肉, 煙韌中帶嚼口, 香軟爽滑, 與清湯配合。店員說是用上本地黃

不少朋友大讚這裡的牛腩好味，終於有時間來品嚐一下， 真是沒有失望。這裡食物選擇不多，連牛筋也沒有， 只好選擇唯一的牛腩。紅豆冰做得不錯，紅豆煮得夠甜夠淋。清湯牛腩得煮得入味，入口啖啖香濃，清湯湯底非常鮮甜。相信湯底一定十分足料。另外有指天椒的辣椒，勁度十足，必定要試。