140
27
12
开饭介绍
主打任饮任食涮涮锅及寿喜烧，汤底有数十款选择。任食配菜款式多，更有各类熟食和自助甜品区供应乳酪雪糕。
继续阅读
营业时间
今日营业
11:30 - 02:00
星期一至日
11:30 - 02:00
有关奖赏计划
食家推介
相关文章
有人话识食一定系食牛气晚市，因为呢度三文鱼好正喎！唔系间间边炉都有食。我本来都唔信，心谂实好唔新鲜啦，点知今次有惊喜呢度既三文鱼刺身原来唔系摊晒出黎，系要落单叫既，每次份量都适中，切得比较厚身，睇落好新鲜，唔似虹鳟扮，品质拍得住高档超市嘅刺身！另外一个会再食番既原因，就系因为呢度配料选择多应有尽有！牛肉靓，新鲜，油脂唔太多，碟碟黎亲既都无令人失望。海鲜任食当中，大虾爽口，带子鲜甜，好令人满意！可以既话一定要狂食啊！其他食物当中，响铃、油扬油豆腐最好味！😂响铃虽然系边炉常物，但唔系间间日式边炉放题都有得大量食同refill！顺带一提，呢晚既葡挞，劲抢手，手慢真系搞到无得食⋯牛气甜品入面焦糖炖蛋最好味估唔到竟然有棉花糖机，好玩又好吃
继续阅读
同同事放松一下劳碌生活去任食系好选择我们三个女仔选左最平个套餐，都够食，基本上肉类食两碟已顶肚，有好多菜同丸，都有啲熟食！牛虽则唔系贵牛但咁既价钱系接受既好好好抵系加$20任饮啤酒服务接受唔难受
继续阅读
今日星期日但午市时间人少 完全唔使等位，立即入座90分钟放题仲要做紧每位减$40👍🏻之前试过昆布汤同猪骨浓汤，昆布汤非常清，猪骨浓汤就有少少似出前一丁猪骨味今次试吓蕃茄汤底有试过第二间嘅蕃茄汤底非常浓食完之後劲口渴但呢间个汤一啲都唔味精，我哋再自己额外加咗蕃茄食落啱啱好👍🏻我哋拣咗最平嘅牛肩肉套餐，连埋+1每人埋单$168左右啲肉都新鲜，放题建议拣返基本肉类就可以，我哋之前试过叫贵啲肉既餐，食落反而冇咩大分别🤑配菜虽然都系啲要塞饱你嘅嘢但以款式来讲比起其他餐厅都多，我哋觉得以呢个价钱来讲几满意佢哋仲有寿司，冷盘头盘咖喱饭同汤甜品有蛋糕啫喱雪糕机雪糕窝夫仲有部棉花糖机可以自己整棉花糖大人细路都有野啱食总括来讲，以$168嘅价钱来讲真系非常抵食肚饿嘅时候一定会再嚟帮衬😁😁😁
继续阅读
当日非常之肚饿见到呢间餐厅要排队之後谂住去睇吓附近仲有冇其他选择 最後见等位都有櫈坐就决定一试入座之前Staff问想食边个set本身我谂住食最平嗰个180几 不过见咁肚饿就试吓佢建议嘅优惠价320几嗰个餐一入到去已经好开心 因为我一个人去食 佢俾咗个好好嘅自闭位我 唔使担心同其他人坐得太近会好尴尬 我几乎全程都背对着所有人 讲返食物 其实一路以来我食其他放题都冇试过真系食和牛 第一次食呢个严选澳洲和牛加海鲜放题 真系有惊喜 啲牛肉就咁放喺度个样已经好靓仔 切得一啲都唔薄 仲要好大碟 相比之下一开头比嘅猪肉同埋鸡肉质素就麻麻 後尾我再添牛肉嘅时候 点知原来都系咁大碟 我仲以为好似平时咁第一转之後就变样 搞到我差啲食唔晒另一个重点系挪威三文鱼刺身 超级肥美 系三文鱼腩 因为我好少帮衬又有火锅又有放题嘅餐厅 所以本身都唔知到底刺身系得一客定系可以refill 店员哥哥仔好好咁话冇问题 上大份啲比我 (最後我食咗4份 其实刺身都几饱肚)其他要煮熟嘅海鲜 一开始都会每样比一份试吓 海虾唔错 青口一般 带子一般 石斑我煮咗好耐都系超级腥其他项目例如饮品同蔬菜 都属於正常水平 种类唔算好多 不过份量同质素都OK 汤底我嗰日唔知点解拣咗四川麻辣 都唔错 去到後期都拍得住中式火锅嘅辣到 顺带一提系酱料 指天椒好有水准 真系够辣 其实都好重要不过令到我写食评嘅原因系店员真系好Nice 我当日负责我嗰区嘅各位店员系一个发鬓有啲长嘅哥哥仔 反应好快 我叫refill 好好态度 冇漏单 所有职员都好忙 见到佢哋开咗120%咁做嘢 所以咁样都冇漏单真系难得
继续阅读
我喜欢一个人打边炉，一般火锅店，很难招呼一个人。其他火锅店只是汤底都$100，肥牛又$200，好难预钱。牛气，有一个人餐，正合一个人之意。平时夜晚，90分钟放题，最平餐$178，美国牛肩肉、美国豚腩肉、巴西鸡腿肉，份量足一个人吃不完。丸的选择不多但足够，鱼蛋、鱼饼、贡丸、麻吉烧、沙拉丸、香菇烧；菜，有四五款；除了有面、乌冬，还有粥粉面饭、粟米羹；饮品、甜品、雪糕任食。晚上营业至02：00，工作至深夜，一个人打边炉，我会来牛气。
继续阅读
您可能会有兴趣的...