牛摩 (屯門時代廣場南翼)

营业中

休息中

天氣凍又想去打邊爐，去左牛摩食一人一邊爐，湯底可以一人揀一款口味，所以可以一次過試2款味道。今次揀左Lv. 3 阿古豚梅肉餐 $258可以一次過食豬肉同牛肉，湯底揀左豚骨濃湯同沙爹湯。阿古豚梅肉因為切成薄片，所以好快就煮熟食得！豬肉片吾鞋，而且都食到肉味。牛肩胛紋理同顏色都好靚，以任食黎講質素都算吾錯，合格！牛肌腹相對牛肩胛，呢款厚身少少，紋理無咁多，但都吾會覺得肥。蟹籽墨魚滑幾好食，有啲墨魚粒，幾有咬口。魷魚圈比較硬身左啲，個人覺得一般。帆立貝比想像中大粒，encore左好幾次！另外出面有自助區，可以拎蔬菜、丸、餃子等等既火鍋食材，款式都多，大約有20款。除左火鍋，仲有少量熟食炸物，例如炸餃子、魷魚圈、小丸子等等。最後甜品方面有啫喱、泡芙、雪糕等等。

*終於又開始轉涼啦，打邊爐真係啱曬～～今次我地去左食連鎖日式放題火鍋店- 👹牛摩，宜家佢都有好多間分店，想食嗰陣非常方便啊！今次我哋去咗屯門時代廣場分店，而家幫襯仲可以玩轉盤抽獎，隨時可以升級你嘅套餐嘎～***我地嗌左兩個LV1星級牛肌腹套餐，除左牛肌腹之外，仲可以自助下單選擇豚肉 /雞肉 / 溫泉蛋 /牛摩飯 / 溫泉蛋牛摩飯～***至於放題部份，🥬有蔬菜&丸子區、🍿小食區、甜品區、冷料理區、飲品區。各款蔬菜肉丸、爆谷、🍣壽司、炸物、泡芙、🍦雪糕，樣樣都齊啊！打邊爐中途休息食呢啲就啱曬啦^^！大家仲可以調配自己鍾意嘅醬料添～～［ 蟲草花雞白湯 ］🐓🤍如果唔鍾意湯底太濃味，搶咗食材鮮味嘅朋友，呢個湯底就啱曬你啦！清淡白色雞湯再配上藥材蟲草花，簡直係養生之選～［ 博多豚骨濃湯 ］🐖🤍豬骨湯係呢度嘅人氣大熱，同不同嘅食材一齊煮都非常百搭，男女老少都鍾意啊❤️～🥬食材方面，套餐嘅主角牛肌腹👹肉色紅白分明，肥瘦均勻，唔會柴～ 牛味都非常重啊，鍾意食得清爽d呢個就啱曬啦！至於🐓雞肉，佢係連皮嘅，煮熟後肉質都非常鮮嫩～ 🐖 粉紅色嘅豚肉非常靚，片片都好嫩滑～*我地玩完抽獎🎟️中左三獎- 極尚牛小排❤️😭

牛摩屯門屯合街2號屯門時代廣場南翼L3樓21號舖入去打邊爐之前可以喺門口 轉個圈抽獎Lv4 極尚牛小扒套餐 1人1鍋 自己揀鍾意嘅湯底口味 湯底選擇五花八門 主流主流嘅湯底都有 坐低QR Code落單 趁嘢食未到之前 參觀吓 甜品雪糕 有仙氣嘅火鍋配料凍櫃 火鍋調味料多到用唔哂海蝦 腐皮蝦寶 阿古豚梅肉蟹籽墨魚滑/日式章魚燒/芝士牛肉貢丸/雞皮餃子/炸雞軟骨粒/日本一口芝士 /紫金地瓜丸精選牛肩胛 羊卷肉/牛/半殼青口/帆立貝/魷魚圈/鴨血/枝豆/味噌青瓜/迷你甜薯/洋蔥圈/炸日式餃子/炸雞塊 星級牛肌腹 豚肉/雞肉/溫泉蛋/牛摩飯/溫泉蛋牛摩飯

諗起任食既牛肉火鍋～其中一間一定係牛摩！出名牛肉選擇多～價錢亦相宜😋今次同男朋友去食～揀左中等價位既晚市極尚牛小排set～每位$278+一入到餐廳比個自助區嚇親😂超多選擇除左蔬菜同麵類都係自取之外～仲有甜品、乳酪、爆谷、壽司、沙律！！望到都覺興奮！！醬料區都係自助既除左一般火鍋店常見既豉油、辣椒、蒜、蔥花之外～最驚喜既係無限任添芝麻醬🤩用黎點牛肉食真係無得輸入返正題先😆湯底我地揀左沙嗲同蟲草膠原雞湯～一坐低店員已經會上黎啲牛比你☺️超貼心可以邊碌邊繼續落單揀野食～唔怕餓親🫶🏻牛肉食落好香牛肉味～望到啲紋路已經知高質！！真係賞心悅目🩷雖然牛肉係招牌～但其他肉類都唔會揸流攤😋唔想食咁多紅肉都可以order雞肉～啖啖鮮味👍🏻響鈴絕對係打邊爐既最佳拍擋🙌🏻另外推介魷魚圈～芝士牛肉丸～墨魚滑全部都好好味😋除左邊爐既生料之外都可以點下炸物過下口癮😎腐皮卷脆卜卜好正仲有紫菜飯配溫泉蛋🥹炸雞軟骨同雞皮餃子都係無限飲添🥳最後淥咗個拉麵作為完美終結～加啲蔥花同炸蒜超惹味😛今餐真係食得好開心冇諗過有咁多種類既野食🥳真係分分鐘可以食到回本！！一定要再黎🖖🏻

食放題有限時的話，我會專攻只食牛和豚肉的簡單類別，牛摩的特選美國牛肩胛就啱晒我啦，因為除咗牛肉、豚肉、羊卷肉、雞肉和牛摩飯可以在手機點餐之外，店內仲設有多款不同蔬菜、菇丸類及壽司泡菜等食材，以及多款不同飲品，已經足夠填滿我的胃，最重要係價錢只需$199，抵食呀！湯底揀咗沙嗲湯和壽喜燒，會附送一隻生雞蛋，壽喜燒最適合配牛肉，首先會送上一碟牛肉和一碟豚肉，其他的自行在手機下單，上肉的速度都好快，唔會有漏單的情況，牛肉和豚肉都不錯，牛摩飯味道一般，最後食埋北海道低脂乳酪，乳酪配料非常多，總有一款合心意，我就加埋新鮮爆谷、彩針和朱古力醬，時間剛剛好，夠晒滿足！。

每次行過都聞到好香嘅邊爐味，今次終於可以試下啦～我同朋友都揀咗PRIME美國頂級牛肩任食放題($268)，湯底都幾多款，我哋就揀咗壽喜燒及麻辣鴨血湯湯底，鴨血都幾大舊～不得不說頂級牛肩肉食落都幾重牛香味👍🏻，牛肩胛、羊卷肉、極上黑豚肉都推介👍🏻預食試咗炸雞塊同炸日式餃子，質素都可以飲品選擇眾多大路，總有一款啱你心水😆 有沙律、壽司、泡菜等等嘅選擇🤩🤩最尾有爆谷、乳酪、甜品作結尾，爆谷係焦糖味，都幾好食😋

屯門嘅牛摩火鍋，真係一間好抵食嘅好地方，長期排隊，難怪高人氣。佢哋提供嘅Lv 1到Lv 6套餐，滿足唔同預算同口味需要。我哋今次揀咗Lv 2嘅精選牛肩胛，每人198蚊，價錢真係好合理。講到湯底，牛摩就更加出色。佢哋有好多款湯底選擇，包括傳統嘅博多豚骨濃湯、港式蕃茄薯仔湯、特濃沙嗲湯，同埋更加清新嘅昆布鰹魚清湯同關東風壽喜燒，甚至仲有滋補嘅蟲草花雞白湯。想轉個口味嘅話，可以加錢揀長野蘋果湯、麻辣鴨血湯，或者博多美人骨膠原啫喱雞白湯，每款湯底都各有特色，可以根據自己嘅喜好選擇。一人一鍋，我地今次揀咗「博多豚骨濃湯」& 「關東風壽喜燒」，湯底好夠味，肉放喺2個唔同湯底個味真係差好遠，豬骨咸，壽喜燒甜，各有特色，個人中意壽喜燒多d, 配埋生蛋好正😋小tips 好免費追加溫泉蛋，繼續點肉，正😋😋至於食材，除咗精選牛肩胛，仲有好多其他選擇。例如羊肉卷質地重味，牛舌味道薄有口感，半殼青口同帆立貝都新鮮得嚟好味。魷魚圈彈牙，鴨血滑嫩，每樣食材都處理得好好。另外，佢哋仲提供好多小食，例如枝豆、味噌青瓜、迷你甜薯、洋蔥圈、炸日式餃子同炸雞塊，這些小食都非常適合同火鍋一齊食，增加食慾。牛摩火鍋嘅服務態度都好

今日lunch time諗問到食乜，決定凍凍地去打邊爐，牛摩裝修完都未食過，一於食呢間🫶🏻我地平平地叫左特選美國牛肩胛（139HKD一位）雖然佢好平，但啲牛肉質素都非常OKAY，本來以為只有豬牛雞，點知睇隻Apps仲提供埋羊肉！！！139HKD黎講都可以叫做物超所值湯底我哋叫咗：博多美人骨膠原啫喱雞白湯：有個牛摩公仔頭，超級可愛！侍應又好體貼咁睇我哋，開咗火就會慢慢溶化昆布鰹魚清湯：呢個湯係最食到食物嘅原味同鮮味牛肉：肥瘦適中，紋路very good！焯5秒左右，點醬汁嚟食非常滑口羊肉又冇臊味！因為keto關係配菜主要食菜！好surprise佢有供應沙律，佢沙漠個新鮮度比得上食西餐嘅餐廳！而且仲有勁多吞拿魚可以加😍其他蔬菜同埋丸類，驟眼係係更換得好快，而且非常新鮮又有甜品同其他爆谷供應，食物種類都多元化行231，lunchtime or teatime食個打邊爐，我第日仲輕左！好開心🫶🏻

牛摩環境舒適，岩晒同朋友家人一齊享受火鍋嘅樂趣。佢嘅SRF美國牛肉任食，牛肉好重口味 薄薄一片，淥一淥就食得。仲提供多款肉類任你盡情享受。你可以揀選嫩滑嘅豬肉片、多汁嘅雞肉片、海鮮方面就有蝦同帶子。每一款都係鮮美滋味！唔止肉類同海鮮，牛摩仲有各式各樣嘅蔬菜同豆腐等配料供你選擇。有新鮮嘅時蔬、口感豐富嘅豆腐甜品區有有芒果布甸﹑雪糕等等之外，仲有爆谷食 質素同喺戲院食ge 一樣，絕對係完美總括而言，牛摩係一個絕對讓你食得盡興嘅火鍋店。無論係牛肉、海鮮、肉類定係配料，佢都絕對有你想食嘅選擇。快啲嚟牛摩一試la

今日陪媽咪去市廣場配眼鏡，順道食埋晚飯！天氣涼涼地，大家都想食火鍋，諗起之前朋友介紹過”牛摩”就去試試！睇完餐牌，揀左💰$239 美國IBP牛板腱餐原來平日夜晚7點前入坐仲減$10😬先點牛板腱及牛肩胛兩款脂肪比例平均，牛肉味濃。牛板腱肉質較結實，牛肩胛較嫩口再來牛舌及豚肉牛舌富有嚼勁，媽咪都話正豚肉有驚喜，肉嫩帶甜除左餐入面主食任點，出面仲有好多食物可以任拎，種類仲好多有蔬菜、丸類、瓜類菇類、麵食大量款式飲品醬料區乾淨、企理試左幾款丸、粟米🌽、菜、響鈴薯粉、九菜、腐皮、蓮藕、翠玉瓜、菇仲有甜品區架小朋友至愛爆谷、雪糕我地試左泡夫、日式菓子總結：地點方便，環境舒適，抽氣很好，難得無論配菜區、甜品區、飲品區或醬料區都保持乾淨企理、員工在上菜或收碟亦跟得很足，食物新鮮。這個任食價錢絕對值得一試！

正呀喂！朋友仔話一齊去任食打邊爐，食牛摩喎！好，坐低睇下要咩餐先。原來呢度一人一鍋，我地可以互試兩個湯底，叫左港式特濃沙嗲湯和麻辣鴨血湯。我比較喜歡沙嗲湯，因為個沙嗲味真係超濃郁。岀去行一圈，冷盤、壽司丸類好多選擇，仲有爆谷添呀！SRF美國和牛餐，已經好豐富，淨係牛都有4款，啲牛紅潤光澤，任食黎講質素真係唔錯。雞肉啖啖肉，烚完都仲係好滑溜，肉質食落都結實彈滑。炸物都炸得幾靚仔，尤其個雞軟骨咬落索索聲。食到太飽飽，但都要食少少甜品埋尾。

屯門牛摩主打一人任食邊爐，可以去治治邊爐癮簡左特選美國牛肩胛套餐，肉類都夠，有豬、牛、羊菜、丸、麵類都係自己自取🥢港式蕃茄薯仔湯味道鮮甜而濃郁，蕃茄的酸甜與薯仔的濃郁口感相互融合🥢蟲草花雞白湯湯底清潤鮮美，湯底清亮，仲有絲絲既蟲草係湯到，飲到雞肉的鮮美和蟲草花的滋味🥢特選美國牛肩胛牛肉質鮮嫩多汁，每一片牛肉都帶著濃郁的牛肉香氣，咀嚼時能感受到肉質的細軟鮮美豚肉肉質嫩滑細膩，吸收了湯汁的香氣和風味，保持著肉質的嫩滑和鮮嫩的口感 🥢牛摩飯米飯香潤而口感綿密，蓋上一層紫菜同牛肉，搭配上牛肉的鮮美，肉質濕潤，咸中略帶甜味，口感一流呢到有好多唔同既甜品，除左甜品櫃，仲有爆谷、雞蛋仔同乳酪🥢焦糖爆谷外層酥脆，內裡鬆軟，焦糖裹滿焦糖，好香口!🥢北海道乳酪口感濃郁滑順，乳酪的香氣和質地細膩，有唔同配料可以自由配搭飲品任飲，罐裝汽水同支裝茶都應有盡有

餐廳環境：呢間餐廳裝潢日式風格，燈光明亮，環境整潔，座位舒適，唔會擠迫。我幾鍾意佢個留意版同埋啲赤鬼真係好得意，所以再加分。醬汁同飲品：醬汁方面，有好多選擇，唔單止有傳統嘅港式三寶：碎蔥、辣椒同蒜茸，仲有芝麻醬同柚子醬等日式醬料。如果湯底冇揀壽喜燒，而又想撈蛋汁食嘅話，可以自己叫個蛋撈。至於飲品，選擇都幾標準，有汽水同茶，我最推薦冬瓜茶，甜而不膩。仲有果汁可以揀，可惜唔可以加冰，略嫌唔夠凍。火鍋：美國和牛質感同色澤好吸引，入口鮮嫩，色澤鮮豔。豬肉嫩而唔油膩，羊肉都幾唔錯，冇咩怪味。至於海鮮，我哋揀咗蝦同青口，非常新鮮同甜美。蔬菜方面，可以自己揀，我揀咗娃娃菜，味道普通，唔會過黃或者老。最出色嘅係沙嗲湯底，真係忍唔住飲咗兩碗，非常濃郁。用嚟配拉麵簡直係perfect match。甜品：有雪糕同爆谷，我揀咗雪糕，非常啱做refreshing，口感唔算太重，啱啱食過咁多肉可以降降火。Brownies 亦都好好食，有啲咬口但唔會太硬，好啱配埋雪糕。店員服務：店員會主動問你需唔需要加湯，亦會及時收走唔需要嘅碟。加湯嘅時候仲會用手擋住，唔會彈到湯係你身上，好貼心。

久不久就想打邊爐，不論春夏秋冬都想。晏晝食放題就最好，有大把時間消化。鐘意一人一鍋，湯底揀左蟲草花雞白湯，港式特濃沙嗲湯。今日揀左經濟嘅$139特選美國牛肩胛，除左牛仲有雞肉，豚肉，羊肉卷。牛切得好薄，但都有牛味；雞肉唔好煮太耐都滑；豚肉正常厚度，唔錯；羊肉卷就太酥和肥，麻麻地。蔬菜區選擇不算好多，一個櫃，但新鮮補充快。丸類都係大同小異，主力都係食牛肩胛，只試左幾粒。呢間嘅雪糕好食，有朱古力味同乳酪味，仲有爆谷機，爆谷係焦糖味，放係雪糕面或淨食都好脆。蛋糕都係日式口味，可以嘅，都係一口泡芙好食啲。可惜枱比較細，想放多啲野都冇位。

好似第2次食牛摩，正正常常冇咩特別🫣當普通打餐邊爐食晚餐都ok的～不過自助區都豐富，有壽司食👍🏻同埋有爆谷🍿️食都幾正😂😂-我地嗌左美國🇺🇸和牛餐，但覺得其他牛好似好食d😳牛頸脊牛味重，係我比較中意既一隻其他就都冇咩特別🙈真係中規中矩～～-配料方面都冇太特別，都係一般打邊爐有既配料😋勝在大部分都可以自己出去拎，唔洗等人比&份量可以自己控制👍🏻-雪糕好值得讚🍧！朱古力味十分濃郁，而且自助配料好多選擇，好滿足😌