牛摩 (新都城中心二期)

营业中

休息中

因路過寶琳 , 今日又同朋友去咗 新都城二期嘅牛摩 食晚市火鍋放題餐廳環境 開揚整潔 , 座位亦見寬敞, 2人被安排左4人卡位搶在6PM到達, 貪D人未開始晚飯唔駛等位 , 自選湯底多樣 , 亦好鐘意佢地係一人一鍋唔駛爭QR CODE自助落單一目了然揀了蕃茄薯仔湯 及 蟲草花雞白湯 , 前者好入味茄味滿溢 , 後者 很清很潤 , 令我未食火鍋先飲了幾啖湯底有LV1至LV6揀 , 豐儉由人 , 而今次揀選了LV4 特級牛小排 $288/位 , 所以LV1 - LV4 都可任叫自助區有壽司冷面沙律等 , 自助火鍋料如圖有豆卜 雞脾菇冬菇金菇魚蛋龍蝦丸等丸類 以至蔬菜 架上仲有玉子豆腐及面類等飲品區有汽水橙汁等 , 推介即磨咖啡機的泡沬咖啡及拿鐵 超好渴甜品方面有蛋糕, 啫喱, 泡芙等, 首推泡芙要試作為牛肉鬼見愁的我 , 當然瘋狂encore牛小排 , 厚切並且大大片 , 唔鞋口又肉質軟腍 , 肉汁四溢火鍋牛肉 , 豈能不配搭溫泉蛋咁食呢?LV1 星級牛肌腹 - 有咬口 , 雪花油脂密密分佈 入口嫩滑多肉汁LV2 精選牛肩胛 - 肉質細嫩LV3 阿古豚梅肉 - 朋友盛讚沒有肉筋 , 既爽口

食得多外賣都悶所以就同男朋友一齊落去樓下搵嘢食見好耐冇打邊爐就入咗呢一間食我哋揀咗Lv 3 阿古豚梅肉 $258可以揀兩個湯底我哋揀咗博多豚骨濃湯同埋麻辣鴨血湯豚骨濃湯用嚟烚菜一流唔會油膩麻辣湯底同牛肉豬肉勁夾 夠晒香一坐低已經俾定阿古豚梅肉同埋牛肩胛我哋出面自助吧有唔同嘅蔬菜丸類可以選擇仲有一個小型沙律吧同埋壽司丸類入面我最推介係墨汁墨魚丸同埋潮汕牛丸，仲有胡椒豬肉丸墨汁墨魚丸，真係成粒黑媽媽咁，但係好鮮味潮汕牛丸好香牛味仲勁彈牙胡椒豬肉丸勁重胡椒味，令我諗起胡椒豬肚湯肉嘅話一定要食星級牛肌腹！比起牛肩胛好味阿古豚梅肉都好夠肉味！啲蔬菜望落都洗得幾乾淨，都幾新鮮選擇唔算好多，但係夠食出面仲有得飲品雪糕自助都有好幾款雪糕配料，啱晒小朋友除咗自助吧，其實仲可以手機app落單一啲小食但我哋當日就冇乜點叫我同男朋友食量都算大250幾蚊一位任食邊爐對我哋嚟講都算幾抵仲要啲牛肉豚肉都幾高質！

行過見到午市任食，剛剛好五時前入席可以當午市，叫咗$158任食，真係性價比高，D肉都唔錯，唔會好肥，甜品仲有我最爱的軟雪榚，侍應都非常好，現在真係好少會遇到，一次愉快的晚餐😋👍

特級牛小排餐$288/位 限時90分鐘任飲任食餐廳座位闊落，服務很殷勤，有咩唔明都會盡情解答，同埋收碟速度都好快，完全唔會放喺枱面唔理你，上菜速度都好快！同埋唔會漏單！食物都算多，丸類、蔬菜類、菇類都有好多選擇，餐前可以食d沙律開下胃，醬料自己調配，沙律旁邊仲有甜品櫃。湯底我哋嗌咗鴛鴦鍋特濃沙爹湯，非常推薦濃郁沙嗲味，偏甜有花生香幾惹味，沙嗲嘅香氣同牛肉嘅鮮味完美融合！食牛我完全唔使點任何醬汁，好食！壽喜燒 關東風（附鮮雞蛋一隻）嗰餐包括有牛小排，牛肌腹，牛肩胛牛小排質素最高，又滑又有肉味！順帶一提，如果唔夠喉，仲可以自己加$59（期間限定）A5鹿兒島黑毛和牛不過我覺得牛小排已經好好味，所以冇加，下次會試吓！

今日天氣又突然轉冷 撞岩星期日 又係一家人打邊爐既時光呢間位於新都城二期既牛摩最近推出安格斯保樂肩90分鐘火鍋放題 湯底：壽喜燒及豬骨濃湯食牛肉火鍋配壽喜燒湯底真係無得頂每一口都是甜甜的鐘意食牛既我 之前都未聽過咩係保樂肩保樂肩原來係牛肩胛上的肉 肉質較硬 肉味濃郁保樂肩肉雪花花紋豐富 用來做火鍋岩晒數一碟已經有好多塊 都好足夠二人份 其他肉類可以掃QR code落單除左牛保樂肩肉有牛舌/豚肉/雞肉/羊卷肉個人最愛牛舌薄切 入口爽口彈牙 另外仲有好多小食可以叫温泉蛋牛摩飯係必點温泉蛋加上紫菜飯素連埋牛肉一起食 口感一流 另外炸物也很出色麥樂雞同炸餃子熱辣辣 口感夠脆口 另外自取區有蔬菜、菇菌類、各款丸、蕎麥麵、公仔麵甜品仲有牛奶乳酪軟雪糕/泡芙/西式糕點食到好滿足咁離開

呢日黎到呢間係新都城既牛摩~ 呢度都坐得幾舒服, 店員仲問我地想要一人一鍋定share鍋添~ 我地就揀左share鍋底既鴛鴦鍋, 我地要左個保樂肩餐. 湯底就要左沙嗲同埋昆布, 沙嗲夠惹味, 昆布就清清地! Perfect! 跟住呢個set仲可以食埋炸物, 佢既炸物好出色, 炸到熱辣辣, 好中意佢既炸蠔同炸香蕉, 麥樂雞同埋餃子都好好食~ 講番D 牛肉, 保樂肩牛都唔錯~ 肥瘦相干秤, 佢既雞肉都唔錯, 冇骨夠哂啖啖肉, 出面就有菜丸任拎, 仲有烏冬同麵個類拎, 呢度仲有乳酪雪糕! 真係好開心! 正! 凍凍地打邊爐真係一流!

每次想打邊爐食牛都會去牛魔。佢嘅任食90分鐘平靚正，湯底有麻辣、蕃茄、豬骨、昆布雞白湯、壽喜燒，或者加$10長嘢蘋果湯、麻辣鴨血湯等等。我地揀左麻辣鴨血湯：夠晒惹味，長嘢蘋果湯：好清甜嘅味道，放蔬菜落去會索晒啲蘋果味，清甜滋味。自助區有唔少食物種類，有壽司，前菜，冷麵，螺肉、亦有不同蔬菜同丸。我哋揀咗牛肌腹同安格施保樂肩，另外仲可以免費追加豚肉、牛舌、雞肉、羊卷肉同海鮮（青口、魷魚圈、扇貝），海鮮都好鮮甜，仲有小食炸蠔炸蟹鉗等肉類切得好薄，好快熟，食落去唔會鞋口，嫩滑多汁，牛味都好濃郁甜品有啫喱、蛋糕、泡芙，仲可以自己吱雪糕整體嚟講食物非常豐富，超滿足

放題邊爐🫕 $248/人一人一鍋/鴛鴦鍋博多豚骨濃湯拼港式特濃沙嗲湯底豚骨相對清啲就算食到最後都唔會好油沙嗲湯底有唔少花生粒粒味道夠濃唔會好鹹包安格斯保樂肩/牛肌腹/豚肉/雞肉/羊卷肉/牛舌牛肉薄切得黎都好重牛味唔算好騷牛舌好淋, 牛肌腹同保樂肩脂肪瘦肉比例各一半食落唔膩亦唔會太乾海鮮就有青口/魷魚/帆立貝試左帆立貝都幾鮮甜唔老👍🏻炸雞塊係以前學校小賣部嘅麥樂雞味道炸餃子係韭菜餃子好好食😋脆皮香蕉同蟹鉗都唔錯可以試下！自助櫃多款蔬菜都好新鮮仲有龍蝦蟹籽丸, 豆卜, 芋絲, 獅子狗唔同丸類沙律, 雪糕, 麵, 烏冬, 薯粉都有～汽水選擇都唔少沙冰都有😆最後食埋北海道乳酪雪糕幾有驚喜✨酸酸地冰感唔重幾滑👍🏻如果有會員有折更加抵食！

約左朋友係新都城食飯，經過見到有間火鍋店做緊90分鐘放題，低至$178就可以任食，今晚同朋友食靚啲，揀左level 4特級牛小排套餐，除左肉類、海鮮同炸物可以點餐，自選放題區仲有多種蔬菜、丸類、麵類、飲品同甜品湯底揀左昆布鰹魚清湯 + 博多豚骨濃湯 昆布鰹魚清湯清甜，湯底帶有淡淡嘅昆布香味，食材煮完後更加突出原味博多豚骨濃湯味道香濃，豬骨味道濃郁但不油膩， 兩款湯底一清一濃，啱晒唔同口味需求肉類 牛小排肉質細膩，油花分佈均勻，煮後鮮嫩多汁，入口即化牛肌腹肉帶有嚼勁，肉味濃郁牛舌切得薄身，涮完之後柔軟有彈性羊肉冇膻味，油脂比例適中，煮完軟嫩唔柴阿古梅豚肉油花豐富，肉質柔嫩細緻炸物 雞皮餃子外皮香脆，雞皮嘅油香十足，一口咬落外脆內嫩，層次分明日本一口芝士芝士餡香濃幼滑，炸衣酥脆日式炸餃子餃子皮香脆而薄，內餡豐富，帶有輕微嘅蒜香同肉香味。 甜品 即唧軟雪糕奶香濃郁，甜度適中可以配埋脆脆嘅穀物增加咗豐富嘅口感啫喱口感Q彈清爽，充滿童年回憶芒果糯米糍外層糯米皮軟糯彈芝麻紅豆大福外皮柔軟帶有芝麻香氣，內餡紅豆甜而不膩

之前食過<牛摩>買1送1 A5和牛放題，對<牛摩> 印象好好👍🏻是日放假周圍去，6點令就去食放題😝今次食Lv4 特級牛小排放題😍 麻辣鴨血湯底(大) (+$18) 依舊係不二之選，有鴨血食，湯底用真香料熬製，令人欲罷不能😋 另揀昆布鰹魚清湯底🍢 一邊辛辣刺激，另一邊清淡飄香😜第二次食<牛摩>，等我分享吓嘆<牛摩>小秘技😎🌟溫泉蛋任叫任食，隨意將食物先蘸溫泉蛋再放入口，增添蛋香🌟特級牛小排牛味濃，蘸麻醬最可口🌟星級牛肌腹油脂豐厚，淥兩淥就咁食，盡享原汁原味🥳🌟主打牛肉嘅餐廳，估唔到阿古豚梅肉都咁出色🤩 豚肉片味好香，脂肪更係香得嚟脆卜卜，成塊肉食落好爽口，大讚🫶🏻🌟牛舌油脂好香，質感爽口，開始咗食就停唔到口，我一啖食一盤牛舌架🤭意外發現鮮炸小食都好正😱腐皮蝦寶好香脆同易入口，感覺要嚟做睇戲小食都好啱😆日本一口芝士咸香好獨特，熱辣辣得嚟好 creamy，令人印象深刻😍今餐我至愛甜品係自助唧朱古力雪糕，朱古力香濃高質🤎 另外，北海道牛乳乳酪凍冰冰，酸酸甜甜，食到㷫恰恰時降降溫，refresh 吓二訪<牛摩>，每碟

今日放假約左朋友黎到寶琳行街，夜晚嘅時候朋友提出想打邊爐🍲跟著我地即刻上Openrice搵下有邊間餐廳打邊爐，咁岩見到牛摩啦🤭我同朋友都好中意食豬肉，所以簡左Level3 阿古豚梅肉 $258🐷，先講下湯底先，有成9款可以選擇，我地簡左長野蘋果湯🍎同埋蟲草花雞白湯，蘋果湯好驚喜，甜甜地好重蘋果味🩷蟲草雞白湯都好濃郁，好好飲😆自助吧重有各款醬汁、食物、飲品同甜品比客人自己拎，當中都有好多種類可以選擇👍👍如果大家好餓，而d食物未熟嘅話，絕對先建議大家重可以掃QR code order住d熟食先🤭熟食都有多款選擇，例如章魚小丸子、炸雞軟骨、枝豆等。。。肉類方面，牛肩胛同牛腹肌肥瘦均勻，唔會好薄，而且食落重好有牛味， 阿古豚豬肉每片係大大片，個人認為加落蘋果湯度甜甜地，幾好食🤭🤭食到尾聲一定要食個甜品作結，甜品櫃有啫喱、泡芙、大福等等選擇，不過我十分推薦大家食北海道乳酪雪糕🍦，因為好重乳酪味🥛，好好食😍總括嚟講，餐廳環境舒適，服務員有禮貌👍食物上菜速度快😍冬天真係好適合打邊爐🍲牛摩絕對係一個好選擇😎😎下次有機會一定會再去😆😆

每逢諗唔到食咩，但又好肚餓既時候，打邊爐都係不二之選仲要咁岩同屋企人行下街，見到唔使book 可以walk in仲要咁岩有幾日優惠套餐🍽️九州黑毛和牛90分鐘火煱放題 $299雖然唔係好高級數既和牛但絕對對得住價錢💲我諗我地兩個人，encore 左7-8碟添👅同埋每碟質素唔會差太遠，唔錯屋企人係食肉獸，不停食肉，呢種放題就真係岩哂佢果度仲有自助區拎其他打邊爐食物，或者QR code 點海鮮/熱食雖然款式唔算太多，但可以walk in , 滿足即興既邊爐癮，確係好唔錯湯底：選左博多美人骨膠原啫喱雞白湯+港式特濃沙嗲湯我就覺得好普通，味道唔太突出港式特濃沙嗲湯+ $30 追加飲品甜品自助放題呢個我有加，因為⋯點都要飲野既仲可以+$10 追加飽魚我地唔好飽魚，所以就冇加啦

被M7餐牌張相所吸引而入左去食叫左4碟所謂既M7碟碟都無乜油花愈上愈瘦最尾個碟牛小排一點油花都無柴皮一樣2人$612極度失望湯底無乜特別唔會再幫襯，咁既質素，衰過去食牛肉飯環境麻麻，張梳化坐落去是濕漉漉的，個廚房門口勁臭

話說都有好一段日子冇打過邊爐🫕，於是就同朋友隨意咁揀咗呢間日式邊爐食食佢！·本身自己同朋友都算係食得少嘅人，所以我哋都好少話食放題嘅邊爐⋯ 不過今日見到呢間嘢價錢唔貴，覺得都可以入去食吓嘅～我哋就揀咗Lv.2嘅牛肩胛，感覺就係中價位嘅肉～ 肉質我覺得都OK嘅食落唔韌，同埋都好重牛味。·至於湯底我哋就揀咗蟲草花雞白湯，同埋佐賀蘋果湯～ 蟲草雞湯底又真係有蟲草同雞喺裏面，感覺係幾咁足料⋯ 而蘋果湯底又真係有蘋果片喺裏面，食落都係好清新嘅～ 值得一讚嘅係佢哋真係會落返本身相應嘅湯底去幫我哋加湯，唔只得其他打邊爐嘅地方只會幫你加清雞湯⋯ （無論你嗌咩湯底都好⋯🤭）·食物種類都多，你見我喺出面夾得咁開心就知道咩事啦～～～😂😂😂

昨晚跟友人去屋企商場揾食, 商場有落下promo既牛摩新開冇耐，所以就去左試下了，最後決定左食lv3, 阿古豚梅肉90分鐘放題。首先講下湯底，佢哋有8種(都算好多選擇)，最後自己揀咗豬骨濃湯和骨膠原雞白湯。骨膠原雞湯湯底味道濃郁，單飲已經好滿足，配合阿古豚梅肉簡直係濃上加濃，一流。醬料種類都ok，同台式火鍋店差不多，蒜蓉,辣椒芝麻醬樣樣齊，可以按自己喜好調配。丸類，菜同麵類都係自取，有趣係有玉子豆腐同soba出現，感覺都唔錯。蔬菜方面選擇都尚好，幾款菜、雞脾菇類同粟米，健康人仕都可以應有盡有😂甜品方面都唔太差架，例如布甸同小蛋糕，puff 都有得簡。飲品就有基本選擇e.g.汽水,茶。童年回億既沙冰呢度都有😃另外，都有品份食物係用手機點，有幾個可以highlight 下:溫泉蛋蛋黃軟綿，加埋熱辣辣既肉類一齊食大滿足牛舌完全係一個驚喜，味道濃郁，咬落去唔韌，我覺得係今次邊爐大發現雞皮餃子，油香脆炸，餐前餐後都好適合傾計食用既小品整體嚟講，環境幾舒服(人流未算太多)，佢哋會免費升級至130分鐘，比足夠時間我哋慢慢享受。推薦俾鍾意食放題嘅朋友仔😋