牛小子麵館 (已結業)

这间茶记在澳牛旁边，我之所以尝试光顾，都系因为之前见到同事食嘅蛋治早餐，个卖相非常吸引。 你冇睇错，只不过系一个蛋治早餐，就可以吸引到我嚟。 呢部份细致位唔讲啦，讲返我本人今次用餐体验。平日下午茶时间，人流较其他茶记少。但佢装修雅致，环境干净，已令我觉得唔错。 （后来问吓啲伙计，先知原来佢哋已经开咗一年多，仍然keep得咁干净，真系好好）我同朋友叫咗两个常餐。 我嘅叉烧通粉，加奶茶。 朋友叫嘅系沙嗲牛米粉，冻零茶。两个常餐都正正常常的好味。义烧不硬。容易咬。通粉亦都唔会太腍。朋友叫了炒旦。炒旦真的值得一赞。因为做得好有传统味道嘅感觉。 另外多士都做得非常好。 我知道只是简单嘅油多士。但现在也不是每间茶记也做得好。我同朋友的多士都焗得都系啱啱好。牛油不多不少。👍临走时，我见到有个客人叫了一个脆猪包加煎蛋火腿。个个茶餐都好吸引。因为翠华之后，我好耐未食过真系好食嘅脆猪包。 所以一定会再来帮衬。 …查看更多

佐敦揾食系列，本来想去澳牛，点知去到落闸先知逢星期四休息😴，去咗隔几间铺既牛小子面馆，堂食但无位，唯有外卖🥡，叫咗牛魔王（$80）粗，有封门柳、牛腩、牛肚、牛𦟌同牛丸，加$6加热啡，外卖🥡9折，不过等15分钟太耐。打开分开面同汤，牛丸喺汤度，牛好丰富，有牛味，牛丸就一般，粗面正，咖啡☕️一般…查看更多

地址：佐敦白加士街41号地舖平时经常去油尖旺区行街，今日早起去尖嘴处理私事后，再行过去佐敦揾下午茶...见到有新开茶记，睇左阵Menu...行左入去试下...左右两边座位设卡位，柜筒已设计好有餐具+餐纸+糖等配件，中间位置座位为正方枱+圆凳，我拣左卡位坐，更舒适！而特别hea到下午茶先去食，此日系星期六，也有下午茶提供，真好！但请留意，跟餐叫冻饮或特饮，都必须另加钱既，无Wi-Fi上网提供！有多种电子付款。下午茶：常餐G>招牌沙爹浓汤猪扒+转通粉+配炒滑蛋+多士+转火腿+另叫热饮热朱古力沙爹汤底有少少辣，唔辣会更好！整体成个餐都整得好味，下次会来帮衬！拣下午茶时段，1个人坐，唔洗搭枱，唔洗排长龙，无限任坐，可以悠闲地煲住剧食下午茶！个厕所地面超滑同湿，应该需要加防滑垫滑板会更好，可避免滑亲客人出入，有2间厕格可供使用！#牛小子面馆 ##佐敦白加士街 …查看更多

下昼2:00食完饭想揾个地方坐，附近餐厅好多都2:30先有下午茶，一间牛小子面馆面馆，2:00就开始下午茶，舖头装修好新，好似唔系开咗好耐，咁啱又有张卡位，可以坐得舒舒服服，就入咗去坐。呢一间牛小子面馆，应该系主打牛三宝牛腩，不过因为头先晏昼食得太饱，所以就试吓佢比较轻盈嘅下午茶，我哋两个人分别叫咗一个芝士蘑菇鸡翼餐，同一个吉列猪扒餐，一个沙律另外一个配薯格，吉列猪扒好大件，另外佢嘅芝士蘑菇鸡又好出色，下午茶时间见到呢间餐厅都keep住坐满枱，味道系唔错嘅，不过几十蚊嘅茶餐厅唔好要求有太多嘅服务，简简单单有个位置坐干净企理就可以了。…查看更多

非常不快嘅经验！！！第一次写食评，皆因食到我一肚火一定要上嚟评吓呢间舖初开张时我食过一次，当时俾我好好印象，男侍应服务好又坐得舒服、牛腩好食。寻晚喺附近上完堂都10点几，4人入座，另有2位迟啲到。入到去啲大枱俾人坐哂，而且系张张大枱都只坐一个客，但侍应冇乜特别表示，净系叫我哋喺细枱坐住先，结果我哋分开2张枱坐。坐低冇耐已经赶客咁话10点半截单，如果唔系因为已行咗好多间都谂唔到食乜，我哋都唔会继续坐🙄🙄🙄睇完餐牌，我想叫定碗汤面俾另外2位嚟紧嘅食，问佢先叫后上得唔得，佢话唔得，话截完单就一定要即时做清洁，我话咁帮我分汤上啦，费事浸到淋哂，点知佢话辛辣面就最好，点浸都唔会淋，碗面嚟到系冇分汤成碗上嘅🙄都算，见佢有餐具放咗喺出面啲柜，我都费事劳烦佢，自己拎嚟装起啲面自行分汤就算，点知佢啲碗只只都油腻到爆，有啲仲要有饭喺只碗度🤢我都唔知用咗几多张纸先抹得干净🙄🙄🙄之后我再睇餐牌，个长发女侍应已经喺我侧边睇实催我快啲落单，问题系我叫乜你哋都话卖哂，咁我当然要再花啲时间睇吓有咩啱食啦，最后叫咗碟牛腩饭，落单后就话唔够牛腩要搭啲牛肚俾我，都唔紧要，碟牛嚟到系牛肚多过腩🙄然后我都未开始食佢就逐张枱埋去收钱，话要截数，okok，我都唔想阻佢收工。张单总数$179，同枱友人食咗$45，我哋摷紧钱俾期间，𠮶位短发四眼女侍应极唔耐烦😒😒😒之后我老公同小朋友到咗，我哋都唔想阻人收工，嗱嗱临食完走，由于我哋住得远，都怕小朋友忍唔到尿，临走前想去个厕所，点知短发女侍应话冇得去，做完清洁就锁咗厕所门，咁我都好好礼貌问佢俾小朋友去一去得唔得？佢就好决绝话唔得锁咗，咁算啦，唔紧要，唯有叫小朋友忍吓先。咁当然我有小朋友唔系大哂，人哋系有自己舖头规矩，但佢啲态度同语气真系好差，尤其是呢位短发四眼女侍应！ 由我哋一入座佢啲语气态度已经非常恶劣，极为赶客！食佢呢餐完全系背脊骨落至于食物质素同我初次去时系有落差，而家咸咗好多🤢 所以我终于明白点解咁多人北上消费，我近来都好少出街食饭，一食之下就有咁不快经验， 呢间咁嘅垃圾店真系冇下次！！！…查看更多