牛奶冰室 (黃大仙中心北館)

营业中

休息中

早上7:17落單，蛋同麵包太約十分鐘有得食可接受，但番茄通粉要我追三次單，7:50先出到通粉比我，今日早上唔係好多人食嘢，真係追到😡先處理？啲員工一啲反應都冇，黑面攞碗通粉比我就算，到底咩服務，我好少寫食評，今次😡要寫

明明無食物盒，但都收$2盒錢，好似搶錢咁。午餐一盒飯一杯嘢飲收$2都ok，早餐無盒都收$2就太過了，第日未必再幫襯外賣早餐，佢本身早餐都唔係平，外賣仲要濫收費，咁大間集團，唔使咁卦......

早餐叫乜冇乜，請佢取消張單，我自己再入過，竟然走去喺 walkie 同同事講我態度差，之後再喺啲熟客面前講一次。而家啲服務態度真係唔得。我即刻執袋起身走人，無下次！

今年犯太歲，星期六嘅早上去拜太歲，黃大仙廟太歲殿犯太歲者可以免費入場，參拜完成後帶住老豆去隔離商場食早餐。一入嚟就見到牛奶冰室，好多人喺度排隊，全場full House，所以我哋都等咗十分鐘先有位。為咗唔使老豆企喺度等，見到隔離餐廳未開，就叫佢坐住喺啲櫈度等。等到有位嘅時候，我再接佢喺旁邊入返餐廳，剛剛好有一台客準備離開，店員就話不如你坐呢度啦，方便咗行動不便嘅老人家，服務太好喇。牛奶冰室早餐選擇多，㨂都㨂左八分十分鐘。我哋點左兩個一齊分享食。餐肉滑蛋三文治，厚切餐肉煎香，熱辣辣嘅滑蛋夾係烘到金黃色嘅方包入面，就快好似爆瀉出來。佢已經切好左一半，一人食一半剛剛好。鮮奶炒滑蛋吉列魚柳，成條魚柳有隻碟咁大，分左一半比老豆，烤粟米，有四份一條。滑蛋是炒到剛剛熟，上碟嘅時候仲有啲蛋液未熟透。丹麥麵包，滿滿牛油香味，細細塊，已經好夠食。食緊早餐時，見到佢地有用機械人送麵包。機械人穿梭繁忙嘅店鋪，從容不迫地把麵包送到前台，面帶笑容， 這樣科技與日常運作結合都係一件好事，可以減輕店員工作量。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9

去完黃大仙，四點幾過來黃大仙中心穩地方醫肚，想話快快手手食個下午茶餐，點知下午茶餐等超耐，一個雞球蔥油撈麵等左40分鐘，前前後後催左五次，好D嘅就幫你係對講機度講一聲就算，差D嘅黑口黑面「哦」一聲就行開，最後幾乎要自己拿住張單行埋廚房去催先有得食。隔離好幾檯食客都係要催單先上，管理真心一片混亂，味道一般，價錢唔係平，態度又差。等到火起睇下open rice先見到咁多劣評，真係伏中之伏。幫襯就絕對冇下次，勸奉大家唔想勞氣都係食第二間。

用咗OpenRice點餐30分鐘後可以取餐所以落咗order點知收到訊息話可以取餐，我已經到咗餐廳攞外賣。當我去到時問職員我個餐有味，佢叫我去嗰張枱度睇吓有冇冇就即係未出要再等多陣我等完10分鐘後再問職員點解我餐仲未有佢用對講機問廚房仲係覆我出緊餐，等多陣再等10分鐘後都係未見我個餐我就即刻同另一個職員講叫佢快啲再跟進我已經等咗50分鐘佢幫我再問就話我個餐已經出咗個職員仲話你個餐已經出咗啦你未攞咩？我心諗攞咗我唔會企喺度問你哋我個餐喺邊之後職員話咁可能俾人攞咗依家重新再幫你整過叫一個肉醬意粉要等一個鐘頭15分鐘我叫佢經理出嚟佢經理就唔好意思依家重新整過俾你作為一個店長或經理係應該管理好所有事情竟然可以任何人經過都可以攞到個餐不需要證明咁係咪經過肚餓？有外賣就可以攞？又唔使錢？

推介指數 Recommendation Level : 🔥🔥🔥這間餐廳早前被揭發使用預製飯，但卻無損餐廳的人氣。雖然是大集團的連鎖店，但食物價格定於中等水平，由於質素比普通快餐店高，而且食品選擇又十分多元化，所以吸引不少居於附近的人光顧。This restaurant was recently revealed to use pre-made rice; however, this has not diminished its popularity. Although it is part of a larger chain, the pricing of the food is set at a moderate level. The quality is superior to that of ordinary fast food outlets, and the diverse selection of dishes attracts many local residents.銀芽肉絲炒麵 ($65)Bean Sprout and Pork Stir-Fried Noodles麵

我2:35 落單餐肉滑蛋三文治，到3:10都未得，大佬早知咁耐就唔Q嗌🙃話cancel order 就話你等多陣。真係好無效率，企足半個鐘，浪費我時間。 半個鐘都夠我食一餐飯😅😅 絕對冇下次

去完黃大仙祠，順道過來之前被水浸過的牛奶冰室，食物賣相可以，但濃湯娃娃菜，味道太過濃味、鹹，燉蛋西多士太甜，喜歡濃味的人可試一試，個人覺得味道一般，應該不會有下一次

之前一直係銅鑼灣分店食開佢哋嘅早餐蛋治，今日口痕見到又想食就買咗份蛋治返屋企食發現入面得半份蛋，其他分店嘅蛋治都係滿到流出嚟，但係竟然黃大仙北館分店只係薄薄一層，其他分店都可以飛邊，但係呢間竟然同我講話無，以後都唔係呢間買早餐啦

晚上9點去吃晚飯，點了一個酸辣牛肉米粉，加6塊要一杯熱檸檬茶，那一杯檸檬茶，跟24味差不多苦，想跟他換一杯，他說我們的檸檬茶就是那麼苦，就是提前預好的，檸檬是提前調好的，我放了三包糖，還是苦的要命，叫他們給我個碗仔，他叫我自己取，食品還可以，等他們的服務質量， 有待改善，但他的飲料真心的很難喝，牛奶冰室，他的飲料應該要很好，奶茶不好喝，咖啡也不好喝，他的飲料真的真的太不好，他們的茶檔是要換人布丁的任何餐廳飲品都比他好，但真心說他的食品量挺大的，也挺好吃，衹要他改善飲品就好了

叫左兩個早餐外賣自取，過左等候時間近三十分鐘都未有得拎，而不停出後過我落order嘅單。見到出餐次序唔合理，於是向職員查詢，結果只叫我繼續等，冇幫手檢查係咪漏單。到終於整好，職員就催促我拎走自己個餐，我甚至都未有機會檢查清楚個餐係咪自己嘅，佢已經開始不停呼喝，態度惡劣。返到屋企發現果然有出錯，原本我叫熱朱古力，餐廳就比左熱華田，而杯蓋已經寫明左一個田字，如果職員有對過單，根本唔會出錯。亦有可能係餐廳冇晒朱古力，所以冇問過客人就擅自比華田，想瞞天過海。食物質素就正正常常，扒餐唔好食亦都唔難食。我仲加左個通粉，覺得個湯有好多茶餐廳都會比佢整得出色。整體而言，唔推薦。

黃大仙北館的牛奶冰室經常排長龍，幸好今午2時來到，雖然全場滿座，但也不用等位。呢間牛奶冰室唔同上次銅鑼灣，九龍灣，荃灣嗰間，上次有扒食。餐廳門口有賣麵包和牛奶樽飲品的地方。酸菜魚，條魚好新鮮，魚質夠滑身，湯底呈奶白色，好鮮味，可惜辣咗少少。有酸菜、芽菜、萵菜和紅辣椒等配料，份量亦不少。厚切豬扒勁香蔥油飯，豬扒夠厚切大塊，外脆內嫩，肉質鬆軟，蔥油非常惹味，配上香蔥和白飯真的很好吃，極力推介。香口脆奶卷炸得很脆，味道香甜，外皮很香酥，但又不會油膩。星洲炒米材料豐富，有蝦、叉燒、火腿、蛋、青椒、紅椒等，米粉夠彈牙，又夠鑊氣，口感不錯。

4月20號黃大仙中心分店晚上，叫了一個咖喱雞扒飯，八點下訂單，15分鐘後，食物還未上到，我的家人已經差不多吃完了，然後問了相關職員，他說幫我跟進，我以為他已經跟進了， 8:30的時候，再找負責人，因為已經過了半小時，附近的枱已經轉了一兩次，還未有職員跟進到，直至到再叫第三個同事，他到廚房問，才知是沒有咖喱汁，但當時已經過了40分鐘，上次到這裡吃下午茶，又是等半小時，原來漏單，上到來的薯條已經冰凍，今次又是這樣，一間餐廳，這樣的效率，這樣的服務態度，完全是垃圾服務級別，帶住一肚氣取消訂單離開，以後都不會再來

新式的茶餐廳特別多，這家是在商場內的，特色可以說是他的面包款式多，而且面包的款式還包括傳統的面包和甜圈圈之類的西式面包。吃飯的話，當然午飯有茶餐廳的特色午餐，常餐等。價格吧！比街頭的茶餐廳一定貴些。咖喱雞扒飯，咖喱味道還可以，雞扒炸得又脆又香，切開好幾塊，味道全進雞扒，這咖喱雞扒飯算是合格了。另外的叉燒飯最特別是蔥油特別多，飯的名字的確可以改为蔥油叉燒，味道也不錯。香港人喜歡吃燒味加薑蔥，沒有的話，相信會令人十分不滿。