牛奶冰室 (喜韻商場)

营业中

休息中

今日下午，我專程嚟咗牛奶冰室嘆下午茶。呢間冰室人氣極高，環境懷舊又有親切嘅香港味道，真係啱晒放鬆心情。我叫咗 *生滾牛肉湯即食伊麵* ，湯底熱辣鮮甜，牛肉滑嫩啱啱好，麵條軟硬適中，食落去暖晒個心。另一款大愛係 *牛乳炒滑蛋配丹麥酥包* ，滑蛋奶香濃郁，炒得嫩滑無比，加埋酥脆香口嘅丹麥包，一啖就知係師傅嘅功力。飲品方面，我嘗咗 *熱齋啡* ，咖啡濃郁得嚟帶少少奶香，好啱暖住個胃。同時，我仲叫咗 *黑松露滑蛋三文治* ，黑松露嘅香氣同滑蛋完美結合，口感豐富，食得好滿足。最後，配埋杯 *新鮮冷壓檸檬茶* ，酸酸甜甜，清新解膩，為整餐畫上咗清爽句號。整體嚟講，牛奶冰室嘅食物真係高質又平民化，服務快手有禮，感覺好窩心。呢個下午茶唔單止係味蕾嘅享受，仲係對日常生活一種簡單而滿足嘅慰藉，絕對會再嚟！#牛奶冰室 #香港下午茶推介

唔知係趕時間定冇心做好，亂包個外賣，將有汁的蒸魚放最頂，下面窄上面濶，上面一紥個結已經變晒型，成個魚盒變晒型翻側晒都照出街，來到時盒魚冇晒汁，成個袋入面全是魚汁，三文治變魚汁三文治，個袋入面笠痴痴，一放低個外賣已經係咁要抹，最後個魚乾晒，完全冇食慾，我成盒掉左，垃圾過垃圾，等左9個字，搞到咁，以後唔會再幫襯，仲要杯飲品都來錯左

今日食得好飽，夜晚都唔知食啲乜嘢？發現屋企附近有間牛奶冰室，於是諗下去買個下午茶。見到啲下午茶好抵食，我買咗一個雪菜肉絲炆米，又有杯熱檸茶，雪菜肉絲炆米唔鹹又有雪菜味，又唔油膩，所以食落去十分舒服。另外有一杯熱檸茶，熱檸茶係無檸檬嘅，但係都好好飲，同有檸檬的檸茶一樣。今晚食咁多都夠飽喇，聽日再嚟食過。

第一次光顧店務員態度比較不主動，問嘢時很敷衍，第二次再光顧，職員都是同樣的態度差，食物質素一般、叫的是雞扒撈麵等待時間都差不多15分鐘到，食的時候不夠熱，非常失望，不會再幫襯這間餐廳。

沙爹牛肉麵真係好正！牛肉煮得剛剛好，軟嫩入味，配上香濃的沙爹醬，味道超級香！麵條滑滑的，吸收了湯底的精華，每一口都好滿足。再來杯凍奶茶，冰冰涼涼，奶香味十足，甜度剛好，真係解渴又開心！一碗牛肉麵加一杯凍奶茶，簡直係完美組合

黎到長沙灣。今日順便都搵下野食下啦行行下見牛奶冰室有位就入去食個午餐啦 ，地方算寬敞一點的不過食物質素就唔太好了，食完之後好耐都仍然好口渴。點了全日常餐，五香肉丁即食伊麵，炒蛋，蒜香牛油多士。五香肉丁麵，食落去口感好普通，沒有特別吸引之味道。份量正常。炒蛋味道正常，牛油多士感覺食個時味道太濃了而且食落去無幾耐已經覺得口渴要飲水了。熱檸檬茶無特別，不過唔鍾意連檸檬都無得篤既檸檬茶。只係食完呢個餐就覺得好口渴，飲水之後都仍然係咁。。。價錢50幾蚊就正常不過呢個食物質素收呢個價就覺得唔太值了。。另外，希望侍應抹台個時小心啲，唔好將枱既食物醉掃到落個客身上。。。相信都未必再食。。。

因為趕時間先再一次幫襯，都係中伏，離曬譜。 食到一肚氣，唔會再幫襯。落單系統，入完主菜就係選擇包，有得剔“走油” - 我選擇唔剔，因為想要白面包加牛油簡單啲。早餐到左，得白面包，於是我客氣問樓面姐姐可唔可以比牛油，佢就話你叫左白面包，然後我話系統我選擇唔走油，咁不如你比少少牛油我？佢話無。。。我真心第一次食早餐無牛油，喊。對唔住講句，唔會再幫襯，最慘就係食個早餐食左一肚氣。最後我唔同呀姐嘈，放棄，食完返工。

一入到鋪無服務，又亂咁帶位，員工都唔應酬人，成間鋪8個人，食物質素差（俾剛剛開張時）,下午茶肉醬意粉，啲肉醬好似清水煮出來 樣，熱咖啡都無咖啡味，應該唔會再有下一次了

呢幾日凍凍地，就想搵個羊腩煲食下，其實呢頭附近一街都有好多餐廳有做羊腩煲，但我舊年都係度食過一次，記憶中都係OK既，加上佢係同區中都應該係最平既羊腩煲，所以今年開始凍我又黎食羊腩煲🙂一坐底樓面姐姐就抹一抹檯同擺底餐牌，哇佢地d抹檯布係冇洗冇消毒，抹完個檯一浸噏味！真係好影響食慾，要出動私伙酒精抹一抹檯先好d既然黎到都叫野食啦，羊腩煲呢就$116，有碟菜跟，兩個人就叫多左份牛肉同響鈴，朋友就叫左杯柚子雪碧特飲，我就叫左coke zero其實叫落單都等左好耐，事關咁大個樓面都係得兩個姐姐，當晚都坐滿客人，又要執檯、落單、上菜、收錢，我冇睇錯好似仲要入埋廚房做野，見到佢地都做到踢晒腳就唯有等一等啦，兩位姐姐都仲好好態度同笑容，都真係非常難得野食黎到就即刻試下d羊腩，其實味道真係唔錯，但當我地一落菜就出事，落左一半，菜碟都有好多水，仲見到好多沙⋯相信d菜係冇洗，係忙到唔得閒洗，定呢度不嬲唔興洗菜就真係唔知⋯見到咁都唔知仲繼唔繼續淥d菜好⋯究竟係舊年食完質素都差不多，係我自己冇印象定係佢真係今年差左咁多呢⋯我就唔知，不過今次應該係最後一次幫襯

首先入到嚟 叫個阿姐抹枱 直接唔理你 直行直過 食物唔好食都算 態度極度差 完全唔優做 見到大家嘅留言，就知道真係唔好食 重點係服務態度超級無敵差 求其搵間茶記都好食過佢 態度都好過佢哋 完全唔明白，點解可以開咁多間分店 簡直就係垃圾中嘅垃圾 會請我都唔會食邊位勇士可以接受黎受氣食嘢嘅可以即管嚟

📍牛奶冰室 (喜韻商場)長沙灣青山道368號喜韻商場地下1號舖冰室的坐位佈局算舒服，感覺光猛乾淨。試過幾次幫襯牛奶冰室的蛋治同炸脾，味道很不錯，蛋有蛋香味，並好滑身，今次試下午餐。犀飛利銀芽肉絲脆麵($63-HKD)，佢個賣相幾得意，個麵炸到圓碌碌，將銀芽肉絲淋上去就係好似肉絲炒麵咁，視乎你喜歡個麵係脆口定淋身。麻酸辣豬炸響鈴米線($51-HKD)，像一般酸辣米線，無乜特別。凍奶茶，跟餐加$3-HKD，合格有茶味。新鮮冷壓檸檬柚子蜜，跟餐加$11-HKD。

自從呢個位轉咗做牛奶冰室之後就未黎過，突然諗起行咗過嚟食lunch🍱除咗茶餐廳嘢食仲有蛋糕賣～🦥酸菜魚湯飯$61叫咗個酸菜魚湯飯配麥華田，食物嘅份量好多，多到食唔灑😆魚肉唔係雪藏魚柳比較有驚喜，呢個價錢食到酸菜魚還好，不夠就點都唔夠酸菜魚專門店好食🤣另外湯底便酸小小，撈飯食都幾開胃，最重要發現入面有萵筍😳飲品選咗麥華田，純屬好奇同普通阿華田有無唔同，原來麥香味濃好多，我覺得好飲過阿華田👍🏻🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 牛奶冰室 (喜韻商場) (長沙灣)長沙灣青山道368號喜韻商場地下1號舖

堂食同外賣的確係有少少分別嘅首先講佢哋嘅速度OK嘅～即係你落單俾錢到去攞其實都唔需要30分鐘但係包裝就令人詫異次次都搞到啲飲品會倒瀉希望會改善啦食物質素係好嘅所以叫完一次都會再叫好方便呀用OpenRice仲可以賺積分又可以用PayMe值得推薦

時間軸自己睇08:35 入餐廳落單, 要餐蛋治走醬走牛油08:39 仍然未落到單, 因為個員工唔識用部機, 訓練不足08:40 經理 (似係)終於落到單, 我出去一陣08:50 返到去, 仍然未有食物, 叫左個唔識用部機既員工幫手追追08:51 原來漏單08:55 經理 (似係) 見到我等得好唔耐煩, 終於問廚房得未08:57 終於拎到野食, 搞到我要跑返公司09:02 返到公司, 由準時變左遲到, 打開個三文治, 冇走醬冇走牛油總結, 冇哂茶記快既優點。杯咖啡OK香既。以後會諗清楚先幫襯。整個餐蛋治要20分鐘。

幾個月前第一次去牛奶冰室光顧， 樓面服務員態度惡劣，但食品質數真的不錯！相比同級茶餐廳高一層，且價格合理！甜品質數非常高！我差不多試食曬所有甜品櫃內嘅甜品！ 冇一樣我覺得係差嘅！至今光顧已經有四五次！但每次去，樓面態度都冇改善，只有兩個樓面係比較有禮貌嘅！我唔知樓面管理層，出現咩問題？大嘅吾識教，樓面員工連基本待客嘅禮貌都冇？可惜…………點解我仲會去光顧， 因為每次都期望樓面有進步，但真係好可惜…………😒 同埋我真係喜歡佢嘅炒粉麵 ，餐蛋治，奶茶小奶，雖然有時水吧都會失手，但係我覺得都係正常嘅！可以接受，甜品就真係值得一讚👍