牛奶冰室 (杏花新城)

今日喺牛奶冰室买只盐焗鸡外卖,以前都未尝试过喺佢𠮶度买外卖,以后真系怕怕, 大个标题叫人外卖,点知等咗半小时,叫咗两次都系要等,呢间牛奶冰室以往假日堂食,食物都要等等等,点知外卖都系咁,以后都好难再去.另外要一只盐焗鸡居然分咗两盒,咁比客户都冇信心,会唔会将半只加埋一只分两盒,明明系要一只,打开个盒,分明就系两只鸡变成一只,另外鸡嘅肉质颜色好黄,只鸡仲好细只,可能系春鸡,我睇佢真系要检讨吓服务同质素,下次都唔会再帮衬。…ดูเพิ่มเติม

【寻找香港地道早餐🍳 牛奶冰室杏花篇】早晨咁冻，谂住去揾啲地道嘢食暖暖胃🥰 今朝就特登去咗杏花邨嘅牛奶冰室叹返个怀旧港式早餐！即叫即整嘅双拼汤面，上枱𠮶阵仲咕噜咕噜滚紧😋 汤底系用猪骨熬制，香甜可口完全冇罐头味！面底爽口够弹牙，配上火腿片同埋粗长嘅肠仔，绝对系暖笠笠嘅早餐之选👍🏻跟餐都系老香港嘅经典配搭 - 半焗流心双蛋配烟肉，加埋丹麦酥牙包！个蛋黄完全系流心状态，配埋香脆嘅多士，成个早餐组合堪称完美！😍整体嚟讲，呢间冰室嘅出品质素相当有水准，价钱都几亲民，$44蚊食到靓靓早餐🤩 最紧要系份量十足，绝对值得推介畀大家！如果你都想揾返香港地道早餐嘅感觉，记住要嚟杏花邨呢间牛奶冰室试吓啦～ …ดูเพิ่มเติม

牛奶冰室-杏花新城对面有一间意乐，都知道系同一集团，但未食牛奶冰室，所以试吓。净系份量都足够，食到好饱。香煎牛扒早餐🍳                        💰47(+$6 配火腿丝浓汤通粉)香煎牛扒中规中矩，易切唔硬，配左蒜蓉汁。可以拣选项目: 炒蛋及餐肉正常水准，蛋仲有蛋汁，唔食炒蛋可以拣煎蛋，餐肉普通煎过吓。其他固定配菜：配粟米，丹麦酥包粟米切咗做3细份，干身，落咗啲孜然粉几好食。火腿丝浓汤通粉     套餐本来冇包通粉，想早餐丰富啲，加咗火腿丝浓汤通粉。个汤底好淡味，要自己落多少少盐。牛奶冰室每个汤面都有落菜心头菜心叶，感觉同火腿丝通粉格格不入。见到隔篱枱食蕃茄汤底好似会好啲，唔建议加$6。（冻）新鲜冷压柠檬茶  💰冻饮加$3好似呢个集团嘅冻柠茶全部变晒冲剂，其实味道还好，有啲似维他柠檬茶嘅味道。…ดูเพิ่มเติม

昨晚order了一份肉酱意粉，上桌时已发现好干，食落要吐出来，好好好硬，搅到成个口都系胶粒咁，超差。跟住叫个侍应换左一份焗饭，点知等左超过20分钟，个番茄汁重要好酸，超难食，以后不会再去食。…ดูเพิ่มเติม

用 QR code 点餐，常餐里面的炒蛋可以改为 1. 糖心蛋 2. 熟蛋，我哋唔清楚糖心蛋系咪代表太阳蛋，刚好唯一一个男侍应系隔离执枱，我哋就问糖心蛋代表d咩？系咪太阳蛋？点知呢位男侍应话糖心蛋咪就系糖心蛋，糖心蛋即系糖心蛋 (连讲2次)，之后又话你哋唔换咪得啰，我究竟听咗d乜？跟住个男侍应走咗去问另一个女侍应，女侍应又话糖心蛋咪即系糖心蛋啰，点解问得咁好笑？之后另一位女侍应终于系正常回答，糖心蛋即系太阳蛋，真系唔该晒，终于有个系正常态度回覆，讲真唔好成日问点解香港饮食业会步入寒冬，刘德华十几年前都话今时今日咁嘅服务态度系唔够，我都唔系要求要有咩服务啦，只系想问清楚去选择想食嘅，点知得到嘅系咁嘅态度，讲真我哋当然即刻离开，唔通仲比机会你哋加料咩，永远唔会再帮衬…ดูเพิ่มเติม