牛奶冰室 (大埔超級城C區)

呢間舖頭一開業嘅時候好多人排隊嗰陣時都試左一次但係覺得質素麻麻而家見佢餐牌多咗好多嘢食即刻去試吓個意粉好好食面質軟硬度適中而且個面勁多芝士好啱芝士控西多士亦都炸得非常之好炸得剛剛好入面嘅醬料唔會太多亦唔會太少而且跟餐就可以加購個炸雞翼就係跟碗米線本身諗住雞翼係配米線應該唔會好食得去邊點知隻雞翼勁好食炸到脆卜卜醃得勁入味個米線不會太辣飲品我哋嗌咗凍檸茶佢杯凍檸茶係用檸檬汁撇除咗有檸檬核嘅煩惱總括嚟講呢餐我同屋企人都好滿足下次都會再嚟食…查看更多

睇咗幾個食評講食咗肚屙都抱住忐忑嘅心情去試吓啦，點知！食完真係肚屙🥲…已經屙咗兩日…其實嘢食味道ok, 啲啊姐又禮貌幫到手，真係需要認真對待食物乾淨嘅問題啦🥲…查看更多

食物係好食，但係真係等得超級耐等咗成半個鐘我9:43落單，最後到10:20先嚟齊所有食物只不過係食個早餐，冇諗過要等成30分鐘其實真係好過分希望真係會改善吓（重點：平時都要等，但係今次30分鐘真係太誇張）…查看更多

尋日同朋友一齊係大埔既牛奶冰室食飯，我揀左常餐瑞士雞翼撈蔥油即食伊麵，我既朋友揀左一口豚肉撈蔥油即食伊麵，重點係我地兩個食完之後都肚痛，各自肚屙起碼屙左三次，因為哩餐係我地唯一一餐一齊食，所以都幾肯定係食完呢間餐廳之後搞成咁！！👎🏼😵😵😵一個咁普通嘅常餐都會搞成咁，真係得呢間餐廳先至可以做到👎🏼👎🏼 檸檬茶都係假，一片檸檬都冇，大埔既街坊要睇路！！😵‍💫👎🏼 如果大家想體驗難忘既肚痛體驗 （係痛足成晚最終要第二朝去睇醫生👎🏼)就記得去幫襯哩間伏餐廳！！…查看更多

午餐選擇幾多，今次揀咗焗黑松露汁一口雞球飯🥘熱奶茶☕️好快上菜，飯面有拉絲芝士，飯底浸滿白汁，松露味唔算濃。飯底用咗珍珠米，粒粒分明同有咬口。雞球份量好多，啖啖肉，味道就正常啦，肉下面仲收埋咗少少蔬菜。整體味道唔錯，白汁芝士松露同飯配搭好夾，整個飯好濕潤。但芝士白汁就係會有啲膩，加上份量好多，最後要打包拎走。奶茶方面：冇港式奶茶嗰種濃茶底同奶滑，唔推薦。…查看更多

中午十二時入座，即刻電子落單！等咗5分鐘飲品先到達。食品只是炒飯基本嘢。等咗15分鐘之後唔對路，問咗一次之後叫我再等，旁邊遲過我哋嚟嘅人都已經有嘢食，等到25分鐘之後行去廚房前邊，先開始炒飯。呢間嘢只顧做外賣！最後喺12點30分，乜都冇食到，一肚火走了！…查看更多

平時上班時會叫外賣”牛奶冰室”，在眾多間外賣餐廳中，這間的食物份量和質素還算不錯。這次經過大埔超級城，看見牛奶冰室，便第一次進去實體餐廳吃下午茶。我們點了兩個下午茶餐：西多士下午茶西多士份量算OK，裏面有花生醬，已經預先幫你倒了糖漿和加了牛油。西多士味道不算太甜，美中不足的是不能自己控制糖漿和牛油的份量，所以甜度不能隨意調校。另外，$4x只有一塊西多士，覺得略嫌有點貴。炸雞翼配薯條這個下午茶餐有四隻雞翼和薯條，薯條可以選擇配粟米，因為平時吃早餐經常吃這家的粟米，所以這次選擇了薯條。薯條不過不失，熱辣辣是不錯的，但是沒有很脆的感覺。反而雞翼炸得不錯，外脆、裏面多汁，亦沒有雪藏雞翼的味道。熱檸檬水這家的檸檬水是我最欣賞的，他們是用檸檬汁再加熱水，所以不用自己督檸檬。他家的檸檬汁也很香。但是壞處就是檸檬的酸味不能滿足全部人，像我就不喜歡太酸的檸檬水呢。餐廳裏面空間不算很寬敞，但是坐着也不會覺得太狹窄。沒人的時候過去吃還可以，如果要排很久的隊才能夠吃的話我會考慮其他餐廳。…查看更多

位於大埔區中心地帶，鄰近大型商場，地理位置超級方便。喺附近睇完戲行咗陣，攰攰地又餓餓地當然即刻搵食啦！今日嚟到牛奶冰室，店內環境光猛舒適，坐低快快脆叫咗set一口豚肉意粉配凍新鮮冷壓檸檬茶。香濃蕃茄汁配意粉簡直係最佳拍檔，再加上一口豚肉肉質鮮嫩，唔會柴皮，好滿足啊！個人喜歡飲佢嘅新鮮冷壓檸檬茶，除咗適合我啲懶人唔使篤檸檬🤭入口酸甜味道適中，仲唔會有苦澀味添。填飽肚仔充滿力量💪繼續shopping啦喂！…查看更多

焗黑松露汁一口雞球飯焗出來芝士鋪滿整個雞球和飯上面，芝士香濃、雞球都算好味，午餐來說合格。新鮮冷壓檸檬茶，喜歡這樣沖出來會飲一啖都有檸檬碎很有口感。:)可能午市時間繁，服務有待改善，環境乾淨搭夠。…查看更多

我外賣速遞咗個焗黑松露汁一口雞球飯打開個飯只係暖暖地 都算喇 啲飯係硬嘅 未食過咁難食嘅焗飯..成個飯食左兩啖就冇食雞球仲有雪味..唔明白點解成日咁多人等位食………..…查看更多

平時行過見多人排隊，今早（周六）十點行過，未算人多，所以試試。等左十多分鐘就入座。門外冇menu，發覺食評唔多，所以寫篇食評，加埋早餐menu，希望方便大家。早餐叫左扒餐，有粟米，都幾特別。扒有落碎香草，都幾香。牛扒正常，但雞扒有點乾，其他野有少少偏鹹。奶茶大杯，茶味較重。另外，半焗流心蛋可轉熟蛋。…查看更多

個五色健康蔬菜七成都係紫色嘅，仲要炸咗嘅矮瓜，好唔健康，其餘顏色蔬菜寥寥可數，都幾失望。另外個三色藜麥飯啲藜麥數埋都唔知有冇20粒，下面全部都係白飯，好心就咪鬼比人轉。不過值得讚吓佢個蛋蝦仁炒蛋都幾滑幾好食，但係個蔬菜真係有待改善，希望下次唔係再為咗慳時間快快脆將啲矮瓜攞去半煎炸，真係好油…上一次黎食咗個雜扒餐，佢個蒜蓉多士係凍既，個鐵板餐上面啲嘢只係微微暖，早啲執落去完全冇一聲，好失望😞希望呢間公司正視呢個問題，如果食物連基本最簡單要求亦都做唔到真係好失敗☹️…查看更多

過年前都超級忙碌，搞到要開夜車，大家都鬼咁肚餓，同事叫我求其買個意粉比佢，去到牛奶冰室，排隊的人很多，但好彩冰室有個單人雅座，不需要排隊。坐低之後，店員示意可以用qr code 落單，我點錯６點前既餐單，但照出到單，有位哥仔非常友善，同我解釋一輪，其實我最後都唔係好明白。大概意思係改唔到單但又無得賣，話唔好意思，麻煩我重新睇下想食咩，幫我手寫改單。揚州炒飯用左珍珠米，米飯粒粒分明，配菜的搭配同賣相非常好，味道也不錯，份量唔太大份，但足夠。肉醬意粉煮得軟硬適中，彈牙有嚼勁，面有層芝士，焗既火侯剛好，好香，醬汁濃郁而味道豐富。除了食物美味外，價格也非常合理。服務也到位，尢其是那位既哥仔。…查看更多

今日朝早同老公媽咪去牛奶食早餐，老公叫番茄肉碎公仔麵，我同媽咪叫榨菜肉絲公仔麵，老公無肚屙，我同媽咪兩個都屙左四五次，肚絞痛。榨菜同肉絲都唔新鮮，以後唔會再幫襯。打電話比餐廳反應亦都無咩講。大埔街坊小心。…查看更多

難得去牛奶冰室，叫左銀牙肉紙炒麵，本來好有期望食到正野，份量都多， 但是啲肉汁咸到唔想食晒碟餸。希望啲師傅唔好再咁重手， 用心調較同試味。否則，真是唔會再有第2次幫襯。…查看更多