牛品台式火鍋

营业中

休息中

今次我哋叫咗牛殿品- 無限時段：由5點到10點半- 無限生啤任飲（1664生啤Free Flow無限量暢飲！）牛殿品可以同朋友過嚟chill 成晚我哋今次要咗蟲草花白玉藏珍鍋做湯底仲有一人一隻新鮮活鮑魚-日本宮崎縣 A5和牛 - 澳洲M9和牛肩胛肉 - 頂級美國肩胛肉 - 加拿大頂級牛板腱 - 精選美國牛胸腹 - 手切美國頂級封門柳 - 美國特級牛小排- 水連菜- 小食 - 台式滷水豬 - 紐西蘭羊卷肉 - 台灣香腸 - 大腸包小腸 - 鮮滑黑魚牛肉質量極高，特別是A5和牛，口感嫩滑！我留意到佢個雪櫃做得好好呀，保持住溫度，而且每一個食物櫃都係滿。最緊要佢有一張甜品枱俾大家自製台式甜品，超開心。仲有一個刨冰機，呢啲都係10分特別。十分推薦大家試食呢個套餐

今日第一次黎銅鑼灣分店打邊爐，之前係佢地尖沙嘴分店食過，覺得ok，見銅鑼灣呢間新開又近近地就試下。佢地嘅服務真係抵讚！由我地攞位嘅時候就感受到佢哋嘅服務態度好好，reception個姐姐好好笑容，佢介紹Menu好詳盡，令我哋好快就睇得明個Menu，仲講埋俾我哋聽做會員有迎新優惠有幾個餐有九折，完全唔hard Sell，我哋最後揀咗父親節餐，個餐係食日本和牛，牛肉質素good，入口夠腍夠滑。佢哋嘅櫻花蝦湯底好正，夠濃夠蝦味，推介大家可以試吓！小食都有好多款式，仲要好食嗰吓先夠抵死，甜品選擇亦都夠多，可以自己DIY芋圓糖水加雪糕，夠好玩！我哋一路食佢哋嘅侍應一路幫我哋收走啲碟，令我哋有多啲空間食嘢，feel到係有服務嘅！最後我哋埋單走嘅時候，reception個姐姐提我哋用恒生嘅卡買單有coupon攞返，仲會問返我地用餐體驗，feel到佢care我哋食得開唔開心，好少喺放題餐廳感受到人情味，仲俾咗個coins我哋夾公仔，好易就夾到。我哋帶住脹卜卜嘅肚仔，同埋夾到嘅牛仔公仔好開心咁返屋企。下次一定會再嚟！

牛品火鍋真係好正呀！🤩有無限時晚市火鍋放題，仲有1664生啤無限量暢飲！🍻日本宮崎縣A5和牛🥩、澳洲M9和牛肩胛肉、美國特級牛小排、美國頂級肩胛肉、花雕醉雞件🐓、海蝦🦐、蜆等等都係任食唔嬲！仲送鮮鮮活鮑魚同毎位一杯指定春陽茶事！🧋湯底我揀咗剝皮辣椒雞鍋🥘，下次要試埋其他總共十款湯底！鐘意食飯嘅朋友都可以試吓佢哋嘅滷肉飯🍚～除咗蔬菜以外其他都可以QR code 落單，有多至二十款台式小食揀，淨係麻辣鴨血🩸都食咗三碟🤣甜品仲有芋圓珍珠自助刨冰🍧，勁多配料揀，我落咗啲我至愛嘅寒天、花奶、軟糖、鮮果🍉、朱古力碎🍫⋯我好滿意呢個組合，食到勁滋味！😋最後仲食咗two scoops haagen dazs雪糕🍦，呢餐勁滿足！👍🏻

今天首試午市火煱，以每人$89而言，性價比算高。食物種類多元，可選豬、牛、雞，還有大量台式小食、飲品、甜品及雪糕，相當飽肚，加上一人一鍋，乾淨衞生。不過，用餐時間只得1小時，相當急趕。侍應哥哥（好似叫Tony)服務態度良好，禮貌待客，不是個個做到。

端午節同朋友食飯，揀左呢間打邊爐，我地揀左第三個level食澳洲m9，前台姐姐好好禮貌，好細心介紹menu,坐底之後位置都算寬敞唔會逼，但係出去自助拎菜嗰個位置真係好窄，人又多，想要拎菜真係夾硬逼入去拎。牛肉質素還好，不過不失叫做對得住個價錢，湯底好食嘅，我地揀左養生鍋，啲湯滾起嘅時候候都有好香嘅藥材味。食物上冇乜大問題，但最想講係佢地服務態度真係唔掂！我地食到差唔多尾聲，朋友想叫埋嗰杯送嘅嘢飲，發現落唔到單先知原來夠鐘前半個鐘就截單，喺我哋食嘢嘅中途完全冇人提過我哋，ok小問題，可能人哋有講我哋冇聽到啦。我哋食得最唔開心嘅位係，當夠鐘嘅時候，有個侍應過嚟趕我哋走，西口西面態度極差，我哋又唔係唔走，睇返張單我哋都冇過鐘，做得服務業但係0服務！對呢間嘢嘅服務體驗真係差，由頭到尾得前台個姐姐係有禮貌，講嘢溫柔聽落舒服，至少應該好似有咁嘅服務態度先係正常，體驗過一次咁差嘅服務就夠，冇下次。

銅鑼灣《牛品》店面積超级大，自幫區有多款美食。首先，講下綿绵冰。因自助火鍋場就去得多，但係，吾係間間有得自助製冰，兼且好好玩，又好味。玩法就係先倒一杯水入製冰機，然後部機會自動造出綿花似嘅冰。再可按自已喜好加入甜食，例如: 啫喱、椰果、愛玉、菠蘿、桃、桃膠等食材。 今次打邊爐嘅湯底係「紅燒一品鍋」，肉味香濃。肉類方面有: 澳洲M9和牛肩胛肉、美國特級牛小排、精選美國牛胸腹、加拿大頂級牛板腱、西班牙穀栗飼豬五花、西班牙粟飼豬梅肉。樣樣肉類都係高質素，鮮嫩無比，吾係 hie 你。而海鮮就有蝦 、青口、蜆 和 魚，十分新鮮。仲有提供雪糕，有四款哈根達斯任你拎。📍銅鑼灣 金朝陽中心一樓

5月17號同女朋友去食晚飯，我係網上訂位。去到既時候早左少少，等到差唔多8點半先入去，服務員都幾好人提早少少比人入去。態度方面：1. 首先坐位既冷氣唔夠，第一次打邊爐可以熱到係咁出汗。有位附近既先生問職員可唔可以大少少冷氣，職員回答調教唔到冷氣既態度有少少差。大約就係「個冷氣教唔到，我都好熱，真係教唔到唔好意思」就另轉頭走左去。2. 一間以合作芋圓為主題既火鍋店，竟然話花奶無哂貨。問個職員仲有無花奶，職員既回答：「冇，冇，冇哂呀，冇哂貨」態度極差，無哂貨都算，唔係咁樣答個客呀？ 3. 單都未截出面啲野食就收哂，可能大家會話人地都要收工，都唔係10點未到就收哂？更何況你間野收11點？4. 啲碟收得都幾慢。得開頭10分鐘收好快。唔止我地，有其他顧客將碟疊到好高都無人收既情況，有啲服務員係無野做緊都係唔收野，服務方面真係一般般。抵食/食物方面：食物黎講都算係新鮮，例如：娃娃菜，生菜，冬瓜等等。但係比較多收費項目，例如：珍奶之類既手搖。所以未算好抵食，但可以值得一試。肉類一碟唔算好多，肉都偏薄。不過落單無冷卻時間，如果唔夠即時再叫就可以，出餐速度都算正常。環境/衛生方面：首要問題都係冷氣唔夠，

10/5 晚上，原本在晚上與家人和太太提早慶祝母親節，但真係非常失望！1. 環境首先，餐廳冷氣不足，我隔離位嘅客人一路吃一路用紙巾抹汗，而取自助食物的地方十分狹窄，不敢想像！2. 食物質素取飲料的時候才知道沒有啤酒類的飲料😢（他們說未有酒牌，我入座之前也不會說一吓，真的好委屈），另外熟食非一般，滷水豬腸和豬耳奉勸大家不要取！另外提供打邊爐的牛舌我真的非常佩服，簡直就是薄如纸張，滾完之後也差一點便發覺不了！3. 服務態度😡我發覺最令人受不了的便是他們的服務態度，我哋們當晚是8:35入席的，用餐時間是兩小時，但是他們10:00便說已經截止下單，我太太便到自助食物區取一些蔬菜及丸類食物，原來他們十時已經把食物收走了😠，10.03及10.05更拿了結脹單催促我們埋單，但他們的營業時間到晚上十一時的，他們說是收銀要埋數，請大家評一評這樣是否合適！香港的飲食業搞成這樣，簡直自作自受！😡

發現雖然飲食業低谷，但台式邊爐任食都繼續好旺場，so far 覺得牛站>牛大人，呢間新賣點係有鮮芋鮮嘅芋圓任攞🤣 食sukiyaki 先有日本A5和牛點。其他嘅係澳洲。所以食sukiyaki. 另外佢仲有無限時餐，貴～兩舊。比起牛站，好啲嘅位係：1. 有sukiyaki. Staff 幫你用牛油開鍋.2. 環境好啲，座位舒服啲，無咁逼無咁嘈。3. 牛質素高啲，切得亦好啲4. 芋圓寒天仙草嗰堆嘢自𢳂係好食啲。有豆腐花自𢳂。5. 有台式小食，部分仲要真係幾好食，例如鹽酥雞。比起牛站，差啲嘅位係：1. 個sukiyaki 佢整第一轉已經放勁多水落去。由頭到尾都係sukiyaki 湯底邊爐。2. 嘢飲選擇少，佢自製的茶淡如水。3. 自己去攞嘅菜&餸選擇較少。水蓮要叫先有。極度孤寒，叫咗幾次一份嘅份量仲細過手指尾。4. 漏單幾次5. 雪糕淨得3隻haagen daz 自𢳂。另外有本地牌嘅細粒雪米滋都幾難食吓。總結：如果重點食牛，又想坐得舒服啲，呢度好啲。牛站就啱要多嘢揀同成班人嘈住黎食。

--牛品台式火鍋終於正式進駐港島銅鑼灣啦❤️❤️之前已經係尖沙咀食過，成日都好想再食，對於少過海既我，知道佢地係港島開分店！點都要支持下架啦！而家新開張仲有好多驚喜，包括送鮮活鮑魚、任食廣島蠔、晚市 85 折，仲要Menu 係全新升級～新湯底、台灣夜市小吃、限時升級鮮芋仙芋圓😛逾100 款菜式極致體驗😌💥新張限定午市 $89 起享一人火鍋套餐👉🏻更可升級無限時任食套餐 2 時後入座 9 折👏-而家有3款期間限定鍋底（只限晚市）🥘藥膳麻辣鍋🥘櫻花蝦濃湯鍋🥘青花椒和牛鍋⚠️螞蟻人都注意！牛品聯乘「鮮芋仙」，甜品區限時升級鮮芋仙芋圓，嚴選上等芋頭，遵循古法製作，細細搓揉、慢火蒸煮，以純手感製作出軟中帶 Q 的芋圓，配上香甜黑糖綿綿冰，一定能滿足你的「甜品胃」！*鮮芋仙芋圓供應時間：2025 年 3 月 31 日至 2025 年 4 月 30 日-新張限定優惠（優惠由即日起至 2025 年 4 月 30 日）🎀登記成為牛品會員並出示學生證（中學及大專生適用），星期一至五於銅鑼灣店用餐即享9 折優惠（優惠僅適用於午市時段）。🎀即日起登記成為牛品會員即可享全單 85 折優惠（優惠僅適用於晚市時段）。🎀惠

人氣火鍋放題「牛品台式火鍋」第二分店登陸了銅鑼灣, 為港島區又增添一間火鍋放題任飲任食新選擇, 入座起計120分鐘任飲任食, 絕對滿足到「吃到飽」。經OpenRice預訂, 晚市可享85折, 更加抵食!!!餐廳供應數款價錢套餐選擇, 今晚揀咗呢款「牛御品吃到飽套餐」一共提供十款湯底選擇, 我地揀咗沙茶海鮮鍋, 上檯時慢慢滾起, 沙茶味極為濃郁, 材料豐富又足料, 湯底中有蝦、蜆、青口等…色香味俱全。食物方面肉類、海鮮、多款台式小食、台式飲品等經QR code自行落單, 至於飲品、丸類、蔬菜類、台式炸物、少量熟食、麵食、甜品設自助區。 我地所選嘅套餐, 每位可享限定一隻鮑魚、春陽茶事一杯, 鮑魚彈滑; 至於春陽茶事系列原本為額外付費飲品, 我揀咗其中一款桂花鮮奶, 口感香滑, 味道清香。至於套餐所包嘅肉類選擇都幾多, 每款肉都新鮮, 色澤嫩紅, 表面沒有雪氣澳洲M9和牛肩押肉: 牛脂分佈集中, 肉味濃郁牛舌心托: 薄切稍為焯幾秒食得, 盡量避免了韌嘅口感。海鮮:  黑魚片: 有驚喜, 魚質超滑, 有如坊間食嘅酸菜魚, 而且無骨啖啖肉, 食得滿足。蝦: 雖然唔係肥美嘅虎蝦, 叫做正常水準。

同朋友見到呢間火鍋店終於入駐銅鑼灣喇~ 揀左佢哋嘅「牛殿品」無限時晚市放題。新開張最正有優惠任食宮崎A5和牛 + 澳洲M9和牛~ 仲有海鮮同台式小食~ 加埋環境新淨，座位闊落，緊係叫幾多個fd 齊齊黎喇🥩 肉類幾樣最正🌟宮崎A5和牛：理石花紋細膩分明~ 油花靚到癲，入口即溶- 澳洲M9和牛肩胛肉：肉味濃得嚟夠腍嫩- 封門柳：牛味最出，肉質鬆化- 牛小排：油脂分布平均，juicy得嚟有咬口- 其他肉類如西班牙栗飼豬、新西蘭羊卷肉都唔錯🦪 海鮮選擇都多- 日本廣島蠔：每人送兩隻，鮮甜飽滿- 台灣墨魚仔：爽口彈牙- 仲有蜆、海蝦、黑魚片等可以任叫🍧 甜品區係亮點：⭐️ Häagen-Dazs任挖🏆 鮮芋仙芋圓 + DIY超多配料：寒天、桃膠、珍珠、西米、寒天等- 仲有豆腐花同黑糖綿綿冰等等，緊有樣啱🍲 湯底揀咗元氣養生鍋藥材味唔會太重，清甜得嚟幾滋補，打邊爐唔會搶咗肉味

之前尖沙咀分店食過兩次，只能說係我食過最高質既台式吃到飽火鍋😋🔥 啲肉好高質👏 銅鑼灣分店環境闊落！🌟去到真係人氣爆棚💪 坐滿曬人🤩 ·今次揀左「牛殿品」晚市吃到飽（無限時）👏試過每一款牛，全部都牛味好濃郁，勁好食😋 套餐主打M9 澳洲和牛肩胛肉、手切頂級封門柳、 仲有日本宮崎縣 A5 和牛🏆 牛花勁靚！入口即融😋 不過自己最鍾意都係M9澳洲和牛！肥瘦比例均衡✅ 另外套餐仲送鮮鮑魚同指定春陽茶事飲品👍·湯底方面揀左青花椒和牛鍋！大推！🎉（都係嗰句，覺得呢間舖好出色，我第一次食青花椒鍋底係台北食青花驕，嗰陣覺得勁正勁好食😭 心唸香港會唔會有呢... 點知呢間舖就出左😭👏）青花椒既鮮麻味好出，建議全部落曬😂 越煮越香麻，味道越出👍 食完一次返唔到轉頭！·甜品方面大把選擇，有芋圓！有豆花！有仙草！有雪花冰！可以揀唔同配料，樣樣出色👍 ·小食唔洗飛台灣都可以食到好多款😭😋 大腸包小腸、鹽酥雞、甜不辣、蘭陽糕渣、鴨血糕等等，真係包羅萬有😯·最後食飽飽仲有得玩夾公仔活動😂 夾左隻牛牛鎖匙扣👏 參與感拉滿💯 食得滿足，又玩得開心👍·人均：$500+·評分🪄 (滿分5🍑)味道：🍑🍑🍑🍑🍑環境：🍑🍑🍑🍑

最近如果任食火鍋嘅話都比較鍾意食台式吃到飽～因為有好多唔同台式小食同飲品選擇，好似冇咁單調😆然後發覺之前食過尖沙咀分店嘅火鍋，而家開咗喺銅鑼灣～新開張有優惠之餘，仲要無限時任食勁吸引！！雖然新開，但係夜晚去到都等咗陣位。今次食牛殿品Level～主打靚牛😆而湯底我揀咗元氣養生鍋🐔裏面雖然雞比較少，但係勁多人蔘，苦苦地好啱近排病病地嘅我😂佢依度同平時台式吃到飽差唔多，都係可以出去拎嘢飲同埋夾小食同丸。比較欣賞佢係台灣小食都幾多選擇！有宜蘭「蘭陽糕渣」、經典的「大腸包小腸」、椒鹽粟米，還原到台灣夜市風味👍🏽我個人鍾意麻辣鴨血，叫咗兩次🤣重頭戲一定係牛肉🐮主打日本宮崎縣A5和牛同埋澳洲M9和牛肩胛肉！淨係計所有牛肉，最後睇返張單我地食咗22碟牛😂 呢個價錢CP值好高，買牛返屋企打邊爐都唔止呢個價😂A5和牛係連續三屆日本和牛奧運會冠軍，油花如大理石紋般細膩，涮3秒就食得！入口即化～如果佢有壽喜燒湯底就更加正🥹而澳洲M9肉質比較緊實帶嚼勁，但牛味濃郁。另外我都好鍾意手切美國頂級封門柳，雖然比較厚，但係一啲都唔韌，煮完有啲似慢煮嘅感覺！另外佢仲可以任食海鮮。廣島蠔好唔錯！蠔肉肥美鮮甜，同埋鮑魚超級新

牛品🍲🐮喺銅鑼灣開咗分店喇！絕對係火鍋控嘅福音🤗，以後過海想打邊爐就唔洗左諗右諗啦yeah～·次次嚟都要玩嘅綿綿冰🍧，配料仲升級咗期間限定聯乘「鮮芋仙」嘅芋圓、番薯圓，正呀😍!! 而宜家凡惠顧晚市「牛御品」、「壽喜燒」或「牛殿品」套餐，並登記成為牛品會員，仲有得夾公仔🐮，分分鐘夾到牛牛鎖匙扣呀～·湯底揀咗沙茶海鮮鍋🍲，沙茶湯頭味道濃郁，裡面有齊海蝦🦐、大蜆、青口等一齊熬煮，好足料。·我地食牛御品套餐又可以瘋狂食牛牛🥓啦!! 個人推薦澳洲M9和牛🐃、美國特級牛小排🐂、美國頂級牛肩胛肉🐮，呢三款牛肉嘅紋理油花都好靚，M9和牛肉味最濃🤤；牛小排一口一塊剛剛好，質感會比較柔軟😚；而牛肩胛肉手掌咁大塊，口感會比較有嚼勁😙。·海鮮任食以下呢幾款已經好夠😋，海蝦🦐、青口、沙白、台灣墨魚仔🦑、黑魚片🐟，我食咗好多片黑魚片，可以自製魚片鍋😙；而台式小食仍然有好多選擇，鹽酥雞、台式甜不辣、炸花枝丸、肉燥飯等；自助區都好有驚喜😻，估唔到有佛跳牆，係真係有鮑魚㗎😍!! 仲有次次去台灣必食嘅黑糖雞蛋布丁🍮，係店家自家製，味道不輸台灣品牌㗎～·📍牛品台式火鍋銅鑼灣登龍街1-29號金朝陽中心二期 - Midtown