牛公館牛骨湯粉專門店

今日去完医院探朋友，落车去到荃湾一个人都唔知食乜好，行到呢间舖头见到里面有位，环境都ok，好想快啲走入去叹下冷气，唔使等位就啱晒我，就试下啦！叫咗个招牌崩沙腩饭（$72)本身呢个饭包餐汤和饮品，崩沙腩好淋，有牛味，瘦得黎唔黐牙，除餐附送一碗牛骨汤，有药材味，饭份量亦不少㖞，我都食唔晒总结：呢个价钱嚟讲，虽然唔算系平，但系份量都足，味道好，侍应服务友善，上菜超快，环境舒服，最啱我一支公晚餐，我觉得值得一试…查看更多

从来未食过咁膻咁油的牛腩哩个位置之前开一间鸡窝，一阵就执，哩间吾同时间行过，通常无乜人，伙计都经常系门口拉客，味道崩沙腩河($62)2分-卖相真系几好，睇落系好靓的位置，食落质感的确系普通牛腩不能比较-河粉亦比较滑-可惜系   -一攞埋来已经闻到劲膻味，自问对羊的膻味是越膻越喜欢，但哩个真系好难顶，有一定好像牛肠的味道。   -超油腻，一口油。油菜($15)2分-蚝油比较咸环境(4分)-以主打粉面铺算系吾错服务(2分)-无乜客但等个牛腩河都要8分钟，太慢。后面果台亦追问点解薯条等左15分钟都未来。抵食(1分)-同一个街口的潮州粉面铺，收费低佢好多，吾系贪新鲜，一定吾来…查看更多

@牛公馆牛骨汤粉专门店今日响荃湾揾食,行过呢间畀出面𠮶啲牛腩图片吸引,入面格局有似茶餐厅,望下个招牌写住牛骨汤,即管入去试试啦,order后大约三分钟就上枱📌招牌崩沙腩饭牛腩好有牛味,牛腩系偏瘦嘅,不过好啱我口味,因为我唔钟意食肥,除餐附上一碗带dd药材味嘅牛骨汤,唔系非一般嘅例汤,我自己本人钟意饭𩠌分开,可以自己调节𩠌汁嘅多少📌热柚子蜜(+$3)一般嘅份量,柚子味唔系太多,价钱有少少贵,侍应服务友善,总结:味道嚟讲我觉得呢个系不过不失的,价钱合理,侍应服务友善,绝对适合一个人开餐,不妨一试呵…查看更多

其实同一日我试过另外一间 崩沙腩，食完之后觉得伏伏地， 因为想买啲返屋企畀家人所以见附近又有一间牛公馆，虽然未 试过 咁咪入去 牺牲下 做个实验啰....都算唔错㖞食饭时间都畀我咁好彩揾到卡位， 可能我个样唔够靓仔所以好多新入嚟嘅客人佢哋都唔敢同我搭枱( 对唔住各位 followers , 我自会检讨一下) 我当然叫崩沙腩但系难得原来佢有牛沙瓜( 最近唔系好多粉面店有)， 咁咪叫个双拼啰。服务员其实虽然 窝窝(raw)地但系都好有礼貌咁问我 要唔要加饮品( 因为之前 我睇过其他食评话佢哋最失败嘅系职员嘅礼貌)， 我亦都好有礼貌问佢冲奶茶系唔系用植脂奶定黑白奶，佢哋话用『植脂奶』咁我梗系打死都唔会 饮奶茶啦， 终于加咗12蚊叫咗个柠檬梳打。崩沙腩嚟到 其实 个样真系唔算靓仔等你食落去 好有牛肉味㖞，以咁嘅价钱真系算好唔错； 相反牛沙瓜睇落去真系个样系“掂”㗎，但系食落去呢就普普通通稍为 咸咗少少， 不过都收货㗎。𠮶杯饮品就真系普普通通啲柠檬唔够味所以 两样加埋冲撞之下 都唔算太好饮临走我都买咗个 牛沙瓜 + 墨鱼丸 汤河，再加一个崩沙腩 + 坑腩 汤河....回到家后家人觉得味道可以牛腩都算出色。…查看更多

落单𠮶阵已经指住个图表明要牛坑腩 最后员工都系落咗崩沙腩 初头以为只系入电脑𠮶阵落错 点知后边就有个员工讲话可以试吓牛坑眼系最出名嘅，不过要过几日先有货！第一 如果呢一刻系无货 咁其实你想我试咩呢？第二 落单想要个样嘢如果系无 系咪应该讲返声呢？点解可以直接帮个客转另一种呢？ 定系啲员工唔识分？？重点系个崩沙腩 可以完全无牛味 韧到一仲点！落个菜 「通菜淋啲」都可以落错 最系岀嚟系一碟生到无朋友嘅菜心！其实呢个价钱 应该就系想做到同普通牛杂粉面舖头系有啲出入 但系真心同一条街啲牛杂粉面仲好食过呢一间，至少啲员工唔会主菜同小食都落错晒先啰一定无下次…查看更多