影片
附加资料
全新放题:日本料理、火锅、即制甜品，超过200款美食二小时任饮任食
营业时间
今日营业
12:00 - 23:00
星期一至日
12:00 - 23:00
以上资料只供参考，请与餐厅确认详情
优惠
81折
[C餐] 晚市无限时任饮任食火锅放题(成人)(19:30前结帐离座)*铜锣湾店
$298
$368
88折
[B餐] 晚市无限时任饮任食火锅放题(成人)(19:30前结帐离座)*铜锣湾店
$244
$278
相关文章
今日嚟到铜锣湾一间火锅放题，拣咗B餐，火锅串烧甜品刺身任食仲有啤酒任饮。黎到首先拣咗个汤底先，可以选择一人一锅又或者大锅，今次终于唔使陪个朋友食辣啦，我拣咗一个蕃茄浓汤，朋友拣咗麻辣鸡煲。鸡煲上到枱系七成熟，记得唔好咁心急即刻食，鸡肉嫩滑又入味，食完鸡煲可以选择加汤又或者转过第二个汤底。蕃茄浓汤味道鲜甜足料。决定转左个麻辣汤底。等紧个煲滚嘅时候就梗系食咗刺身先啦，刺身选择好多，三文鱼肥美，虾大大只，好新鲜。火锅配料都有好多选择，B餐有美国极尚牛肉，美国肥牛肉，澳洲洋肩肉等等，牛味浓郁薄切，肥瘦适中。仲有任食嘅海鲜，有鲍鱼扇贝蚬鲩鱼片，样样都好新鲜。任食区都有好多蔬菜同埋丸类嘅选择，整体感觉都干净企理。仲有串烧食，正食饱饱之后梗系要食埋甜品啦。甜品有好多选择，甜品柜可以任取，亦都有啲即场点，例如芭菲等等，实在太饱，所以我哋净系叫咗木瓜炖雪耳同埋雪燕流连忘返，两款甜品都好足料，好滋润。今次嚟到都几多人嚟食，但系环境都唔系好逼夹，干净清洁，侍应亦都好快手主动清理枱面。
继续阅读
总结： 牛之锅晚市放题B餐提供多元化选择，由鸡煲、刺身、火锅、串烧到甜品一应俱全，整体味道尚可，部分菜式表现不俗。虽然价钱偏高，食材水准参差，但若想一次过试多款料理，且时间充裕，仍可考虑一试。叫左嘅食物有：鸡煲（评分：7.5分）- 味道香浓，鸡肉炆得入味，辣度适中，作为开场菜式相当不错。刺身（评分：7.3分）- 鱼生新鲜度尚可，切件大小均匀，三文鱼、帆立贝等款式齐全，整体属中上水准。火锅（椰子鸡汤底，评分：6.5分）- 汤底清甜，椰香突出，但火锅食材如牛肉、海鲜等质素一般，未见惊喜。串烧（评分：7.6分）- 鸡肾同鸡心特别出色，外脆内嫩，调味得宜；其他串烧如豚肉、蔬菜亦有不俗表现。甜品（评分：7.9分）- 焦糖炖蛋滑溜香甜，焦糖层微脆，甜度适中，为整餐划上完美句号。其他体验：- 上菜速度： 流畅，漏单情况少，加分位。- 环境： 坐位宽敞但装潢较旧，整体简约，卫生尚可。- 服务： 正常水准，无特别惊喜但亦无失礼。价钱： HK$656（加一后）; 人均 HK$328进食时段： 晚餐时间评分： 7.3/10详细评分解释： 综合食物（味道与卖相）、环境（气氛、空间、卫生）、服务、性价比四方面作整体评估。比分偏重食物与饮品部分。- 1‐5分： 不推荐- 5‐6.9分： 普通，低机会回访- 7‐8分： 都可以，会考虑回访- 8.1‐9分： 相当不错，大机会回访- 9.1‐10： 各方面都好好，一定会回访整体而言，牛之锅适合想一次过试多款料理嘅食客，特别系串烧同甜品表现较佳。如对食材质素有较高要求，或希望性价比更高，可考虑其他选择。
继续阅读
#mochicouple_hk铜锣湾揾食团₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ 1️⃣ 🥥汤底：鲜甜椰子鸡汤🍲拣咗香甜又清新「椰子鸡汤底」🥥🐓～入面有大块椰子肉同红枣，椰香温润，饮落唔会好甜腻，而系带淡淡天然椰香✨！重点系有一份新鲜生鸡肉比我哋落汤慢慢涮，肉质滑嫩得嚟带微微椰香😍，入口超嫩滑，完全唔干柴～2️⃣ Set C 阵容超强💥：美国见岛和牛、雪花牛小排、本地新鲜骟牯牛！和牛油花分布匀称，色泽鲜明，涮5秒就已经完美熟度☺️入口即溶，肉汁同椰香完美融合，齿颊留香。牛小排肉味浓郁，咬口十足，唔使调味都已经好出色。本地骟牯牛新鲜到不得了，肉质嫩滑，令人一片接一片，完全停唔到～配椰子鸡汤底更加鲜甜，牛香＋椰香双重享受，好幸福🫶！3️⃣🦐海鲜区 +刺身任食Set C 包原只鲍鱼🦪＋其间限定乳山生蚝！鲍鱼弹牙度极高，煮后保持鲜甜；生蚝可以原只打边炉或香烤蒜蓉，蒜香味浓郁惹味🤩！海鲜区仲有连壳青口、珍宝赤虾、北寄贝等，样样新鲜！刺身任食更系重点：三文鱼、希灵鱼、带子、赤贝、北寄贝、饱片～全部每日新到，食落超鲜甜💛！🍢4️⃣串烧＋自家甜品任食串烧款式多到拣唔切🔥：烧牛舌、烧鸡心、烧鲍鱼、白烧鳗鱼等，调味香浓超惹味！玉子烧最特别，上面有脆脆焦糖层，好似甜品咁新奇😋～甜品方面有宇治抹茶芭菲、榴梿芭菲、心太软配雪糕🍧！心太软朱古力流心软滑浓郁，蛋糕壳薄得黎香脆，配香草雪糕完美平衡✨！仲有 Crème brûlée 焦糖脆皮，好香蛋香～甜品胃超满足💛！⸝⸝⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚🌟想知道更多美食🤪记得follow@mochicouple_hk啦😍🎉📸📍 铜锣湾坚拿道西10号，冠景楼2楼A舖🚇 港铁铜锣湾站B站出口，步行约5分钟🕒 Mon-Sun:12:00-23:00#铜锣湾美食 #椰子鸡汤 #火锅放题 #牛肉拼盘 #刺身放题 #串烧控 #甜品放题 #铜锣湾美食 #香港火锅 #任食无限 #美国和牛 #本地骟牯牛 #海鲜控 #三文鱼刺身 #鲍鱼串烧 #宇治抹茶 #心太软 #CrèmeBrûlée #香港美食 #必食推介 #聚会好去处 #打卡热点 #美食日记 #食好西 #高质火锅 #新鲜直送 #铜锣湾火锅#甜品控
继续阅读
与家人在铜锣湾牛之锅用晚餐，选了晚市套餐（每位$298）。餐厅采用一人一锅设计，家人可自选汤底，试了椰子鸡汤与三鲜豚肉汤，前者带淡淡椰香，后者汤入面比较重海鲜味道，适合不同口味偏好。唔一定要一齐打边炉。肉类选择包括美国肥牛、澳洲羊肉等，质素中规中矩，轻涮后口感尚可。海鲜区备有青口及连壳鲍鱼，新鲜度合格，鲍鱼弹牙感较突出。另设串烧及刺身区，建议先取海鲜类食材。另外我哋都几钟意啲刺身叫咗好多三文鱼食，刺身都算新鲜。呢度嘅串烧都几得意，我哋都叫咗少少，一开始以为佢𠮶个盒仔系可以烧嘢食嘅，点知佢话用嚟保温。最特别系个玉子烧系有啲焦糖喺上面嘅，其他嘅蔬菜系有啲胡椒同埋椒盐喺上面。甜品种类较丰富，杨枝甘露甜度适中，焦糖炖蛋滑顺，芝麻糯米糍即场制作。由于佢系无限时任食火锅放题，整体用餐时间充裕，适合与家人轻松聚餐，建议预留空间品尝甜品。仲有呢度比较特色嘅系榴梿忘返燕窝甜品，仲有就系榴梿同埋绿茶嘅雪糕，仲要即叫即整卖相都唔错！
继续阅读
听朋友介绍，铜锣湾有间超级抵食嘅打边炉，仲要有刺身同串烧都系任食，无限时，即刻夜晚去试下。餐厅环境干净，座位阔落，地下干爽。设计有少少日本风。我地拣左B餐，当中出左火锅，仲有刺身同串烧任食。火锅汤底有多款选择，仲可以一人一锅，店员推介我地可以拣重庆鸡煲，食完鸡煲之后仲可以转其他汤底打边炉，就可以试到唔同口味。最后拣左重庆鸡煲同埋椰子鸡煲，食完重庆鸡煲之后，转寿喜烧汤打边炉。肉类方面有美国极尚牛肉、美国肥牛肉、澳洲羊肩肉，特选豚肉。推介大家一定要试极尚牛肉，非常有牛味，入口口感极佳。刺身方面都可以任食，打边炉嘅餐厅连刺身都可以任食好少见，款式都几多，仲要好新鲜，有：珍宝赤虾、泰式生虾、三文鱼、希灵鱼、带子、赤贝、北寄贝、饱片。串烧方面选择更多，全部都好惹味，当中：烧牛舌、烧鲍鱼、烧鸡心、烧四季豆好值得食。打边炉食物方面，有多款海鲜选择，有济州蚝肉、生猛海虾、鲍鱼、大扇贝、大白蚬，另外牛柏叶及八爪墨鱼滑亦值得食。自助吧亦有打边炉配料选择。前菜方面嘅海蜇沙律同泰式凤爪沙律一定要嗌，好好味。饮品方面除左多款罐装及盒装饮品外，仲有樽仔饮品：多肉葡萄、手打柠檬茶、白桃乌龙茶。多款自家制甜品都可以任食，完全可以满足女人嘅甜品胃。当中最吸睛一定系宇治抹茶芭菲同榴梿芭菲，一样可以任食。总括而言，性价比极高，一个价钱可以食到多款食物，物超所值，系三五知己聚会好去处。
继续阅读