更多
2020-11-25
1530 浏览
放假去咗荃湾行街，顺路食放题做晚餐，但其实「牛之锅」并非一般嘅任食，因为呢度同时有得打边炉㗎🍲。餐厅喺悦来坊入面，面积大兼多位，坐得舒服😌。收费方面，星期一至四晚正常时段成人每位$228，早啲埋单或者迟啲食就会平啲。我哋坐低第一时间梗系叫一转嘢食先啦😆，食物种类繁多，包括火锅配料、寿司刺身、沙律、一品料理、天妇罗、烧物同即制甜品等 火锅汤底有十款拣，双并加$18，我哋要咗寿喜烧汤并🍅蕃茄薯仔牛粒汤，前者浓味啲，我比较锺意，後者就微酸。我哋枱系一大个鸳鸯锅，不过隔离枱好似系一人一锅，唔知点解呢，但无影响👌。我认为全晚净食牛肉都够饱够回本🙈，完全冇谂过放题嘅火锅牛肉会咁高质。肉类有四款，包括两款牛肉、一款羊肉同一款豚肉，呢几款肉有得拣份量，大碟或细碟。我哋谂住得两条友就叫细啦，点知嚟到发现细碟都劲大碟，起码有十大片😍，正。美国牛肉同美国特上牛肉我哋都有叫，两款肉嘅纹理唔同，但都无出现黑蚊蚊或者有肥冇肉嘅情况🥩。睇名会以为特上牛肉应该正啲，但食落我哋一致觉得另一款普通美国牛肉更啱味蕾，🐮因为牛味浓啲，而且每片大大块兼够厚，口感更佳。你睇下真系超大块㗎‼️，由於份量多，又要食其他嘢，我哋最终只能
放假去咗荃湾行街，顺路食放题做晚餐，但其实「牛之锅」并非一般嘅任食，因为呢度同时有得打边炉㗎🍲。
餐厅喺悦来坊入面，面积大兼多位，坐得舒服😌。收费方面，星期一至四晚正常时段成人每位$228，早啲埋单或者迟啲食就会平啲。
我哋坐低第一时间梗系叫一转嘢食先啦😆，食物种类繁多，包括火锅配料、寿司刺身、沙律、一品料理、天妇罗、烧物同即制甜品等 
火锅汤底有十款拣，双并加$18，我哋要咗寿喜烧汤并🍅蕃茄薯仔牛粒汤，前者浓味啲，我比较锺意，後者就微酸。我哋枱系一大个鸳鸯锅，不过隔离枱好似系一人一锅，唔知点解呢，但无影响👌。
我认为全晚净食牛肉都够饱够回本🙈，完全冇谂过放题嘅火锅牛肉会咁高质。肉类有四款，包括两款牛肉、一款羊肉同一款豚肉，呢几款肉有得拣份量，大碟或细碟。我哋谂住得两条友就叫细啦，点知嚟到发现细碟都劲大碟，起码有十大片😍，正。
美国牛肉
3 浏览
0 赞好
0 留言
美国特上牛肉
1 浏览
0 赞好
0 留言
你睇下真系超大块㗎‼️，由於份量多，又要食其他嘢，我哋最终只能够食多一碟美国牛肉，哈哈。
火锅配料仲有唔少选择，🥦蔬菜类就喺出边拎，🍡而丸类同面食等就可以用点餐纸嗌。
火锅以外，呢度同放题无异，刺身熟食都有。先讲刺身寿司类🍣，我朋友有叫刺身，佢话正正常常啦。而我点嘅火炙芝士虾寿司同花之恋非常好啵，前者够哂多芝士🧀，而後者并唔系其他放题店有得食。虽然芝麻八爪鱼🐙系入货，但有得食都开心。
烧物方面，我哋要咗芝士烧蟹盖、🍍烧菠萝同🦴串烧日本鸡软骨，两样都系我锺意食嘅嘢。份量唔多，但啱食可以疯狂再叫。炸物方面，我哋要咗🦑黄金墨鱼饼同🍤大虾天妇罗，味道比较平庸，而且有啲油。
一品料理方面，我要咗酱汁牛舌👅同黑松露牛油粟米🌽。份量小小的，唔会塞饱你个肚。
甜品方面，选择非常多，所有甜品都系经点餐纸嗌，有别於其他放题店放哂喺雪柜。除咗普遍嘅细杯装甜品外，呢度仲有提供中式糖水、绵绵冰同榴槤班戟等。斋讲诚意已经攞满分💯！我哋要咗芒果绵绵冰同日式抹茶芭菲🍨。
餐厅有好大个饮品柜🥤。
总括嚟讲，虽然餐厅嘅日式料理食物质素未必令你非常难忘，但火锅牛肉出色，亦冇出现漏单嘅情况，加上店员们超级有礼貌👍，整个用餐过程真系食得好开心。我仲见唔少街坊喺九点半後帮衬添！
张贴
