牛下真好味 (已結業)

我不是九龍人，想當年，牛頭角下村清拆，抱著「趁熱鬧」的心情，我才第一次踏足這片快將消失的土地。當時試了好幾間特色食店，牛下真好味是其中一間。還記得當年牛下這一架鹵味車嗎？在牛下清拆了的幾年後，這輛鹵味車，原來無聲無息地重生了，不過，地點卻不再是牛下，而是荃灣。從牛下到荃灣，從路邊檔到上鋪，最大的分別，就是不再獨沽一味只賣鹵味。牛下飯餐、撈麵、芝士撈麵、泡飯，款式多，味道也不錯。或許，牛下精神，就是自我增值的打不死吧。一樣的鹵味，一樣的味道，價錢卻不一樣。物價飛升，尤其是租金，上樓的代價，自然是再也吃不到便宜貨了。尤幸我喜歡的生腸和鴨腎味道始終如一，墨魚也沒走樣，或許我已不太記得當年牛下的味道，也或許在街頭風味永遠也是最好的，今天的鹵味雖好，卻總覺得欠了點甚麼。每天的午餐晚餐都有四款，雖和快餐沒兩樣，卻原來誠意十足。牛下公司炒飯，押上公司名號，外表看來卻有點平平無奇，不過味道卻半點不假。雖然不是大牌檔大酒家，但炒飯依然有點鑊氣，腸仔切片爆香，炒得香且帶點微辣。除了腸仔，還有切碎了的鴨腎，以「公司」來說，材料種類雖然不多，不過誠意味道搭救。蛋包丁丁飯是我的誠意推介，像奄列一樣的蛋包，內裡包

之前都聽過呢檔野，今日行過，又餓餓地，又唔想食太多，忍唔住口要試下，唔試由自可，一試永難忘！我自己唔太喜歡食醬，所以只有鼓油only. 沒有調味料既襯托下，總會食得出食物既鮮味！墨魚一入口，爽口無比，好彈牙，唔＂痴＂牙，仲有墨魚既鮮味。個排法唔會拎人有想跌既感覺，老闆特別細心。其他食物未知，但都會想試的。

（8﹣6﹣2013 Sat)男友人NT o黎到我屋企後至發覺帶漏o左o野，要去電腦公司買，橫豎我都要請佢食飯，我同男友三個一齊落去，買完就食，原本想帶佢去森美，佢話好貴同佢o個邊都有；咁希奇啦，佢又話之前都同佢女友特登o黎食過。 男友就話牛下啦，男友真係對佢念念不忘喎。NT又冇所謂，咁好啦。我o地o黎到只有一個客，坐低後，男友負責揀滷味小食，NT要o左$30.00o既豬頸肉鮮茄撈麵，加$5.00飲凍檸茶小甜，我要＄32.00o既雙色豬扒飯(咖哩汁＋芝士汁）晚餐，飲凍檸水。男友原來剔o左好多滷味，有成18串 ，分別係：1. ＄8.00串o既牛下墨魚王3串同上次一樣，大大舊又爽口。2. ＄8.00串o既真好味生腸兩串又係同上次一樣口，不過仍有啲啲腥味。。3. ＄8.00串o既鴨腎兩串又係夠爽口。4. ＄8.00串o既豬膶3串膽固醇超高又超平o既o野竟然要為串=.="，NT完全唔食，我就只食一舊，好粉同有啲甘若囉。5. ＄8.00串o既牛（月展）兩串姐姐仔話冇晒，提議轉豬脷，男友話OK，呢個都係爽口o既。6. ＄6.00串o既豬耳兩串一樣係爽，軟骨有啲脆。7. ＄6.00串o既雞腳3隻NT冇

24-4-2013 (Wed)因爸爸返o左鄉下,我就約放工後男友去荃灣買o野,好快買完o野後,經過呢o度,見到連續幾間都食食o野o既,男友就睇中o左豬大腸,我又見佢有飯食,就決定呢間啦.我o地入去坐低,應該係老闆o既人即刻話畀我o地知咩o野顏色紙係邊類食物,我揀o左$30.00o既芝士撈麵,要豬頸肉,加$5.00要黑豆漿,男友要$30.00o既鮮茄撈麵,要漢堡扒,加$5.00要凍檸水,而小食呢,要o左$9.00o既牛下墨魚王,$8.00o既真好味生腸同$8.00o既豬脷.好快,兩個飲品到o黎,我o既黑豆漿係支庄來貨,飲唔到咩o野豆味,係一個微甜o既飲品,而我因為未入晒所以拎走返屋企飲,返屋企再詳細睇,成份竟然冇豆,而係黑芝麻,攪乜鬼?然後三串小食到o黎,我先食墨魚,墨魚大大舊又爽口,幾好食.到豬脷,豬脷切得幾厚,不過冇味同實o左啲,麻麻.再到真好味生腸,生腸爽口,不過仍有啲啲腥味.而原來芥末同甜醬味道好夾,好好食.之後我食豬頸肉芝士撈麵,豬頸肉煎到邊位好脆口,芝士份量好夠同夠杰身,味道又夠,撈埋啲麵,口感豐厚,好味至極.男友話佢o既鮮茄撈麵都唔弱,味道濃郁,我試吓,都唔錯,不過始終唔及

周六在荃灣商場行來行去，竟然俾我發現當年牛頭角下村的真好味在這兒開店﹗入鋪小店，座位十來個，在門外賣鹵味的依然係老闆娘，仍然是那些年的鹵味車，真係無理由唔入來幫趁﹗猶記得當年一個星期總有一兩天會走到牛下買公仔書，幫趁的就是老闆娘的書報店，每次買完都總忍不住整番串大墨魚及紅腸。也明知老闆娘不記得我，但我也忍不住同佢打聲招呼，說到以前買公仔書的往事，哈﹗老闆娘話而家做報攤十開九死，當然人人上網睇仲有幾多真係會買雜誌報紙？仲記得牛下拆的時候，老闆娘派過咭卡話會東山再起，估不到已搬到荃灣商場入鋪﹗在Facebook發表相片，好多朋友都話好想再去試，我當然樂於為大家提供地址啦﹗大墨魚依舊彈牙好吃，加上甜醬辣醬，入口有著是那些年的感動﹗老闆娘加油啊﹗有機會再到荃灣一定再來幫趁﹗你記得我的﹗

辦完要辦的事,就是要填肚的時候!吃晚飯前,在商場見到一個賣橙色鹵味的攤!現在少出旺角吃肥姐,口癮起就買下一串豬頭肉($6)!切得大舊但好醜樣@.@味道不像肥姐賣的好味,不過不失啦!咬下去還帶有一點爽勁的,不過甜醬做不出提味的效果,最重要是,吃起來豬頭肉是暖的!感覺好奇怪@.@不過有個店給你坐,店的汽水是賣玻璃瓶的,不肯定是故意還是意外,但誠意可嘉,不妨一試!吃完時見到,排隊的人可不少呢!

香港唔多專門賣橙色鹵味的小食店, 不過約左朋友係荃灣, 行過咁岩有D肚餓就試下,我地3個人, 每人叫左兩串試, 我叫左墨魚王同生腸, 每串8蚊,墨魚王都幾有肉彈口, 好新鮮, 生腸唔同出面食既透明而無味, 好有生腸味, 個店員話因為出面多數係用哥士的拿D生腸, 拿到透明同無哂味, 佢地就冇, 所以仲會有生腸原味道, 佢唔講真係唔知...食鹵味一定要加甜醬同黃色芥辣醬, 佢地個黃色芥辣醬唔係好辣, 我本身唔食辣的都接受到, 不過加太多就有D好似WASABI咁攻鼻,食完有D口喝, 我見佢地都有賣野飲, 叫左支樽裝忌廉, 正~

本身是肥媽 (肥姐) 的常客,而因為肥媽 (肥姐)開始食生腸, 墨魚，腎之類的街頭小食.食過肥媽 (肥姐),當然一流吧,如果見到其他小店賣總是想比較一下.偶爾經過商場,寫了牛下40年,當然要嘗下吧.價錢..比起肥媽 (肥姐)貴60%一串,真是有d過份,不過40年的功力可能值得吧.我今次都係買了生腸, 墨魚，腎各一串..(24元了)墨魚 - 爽口ok的, 不過就無鹵水味.只有芥辣甜醬味腎 - 好硬,食唔到生腸 - 一入口..只有一豬羶味，其實就是一陣豬臭味，想深一層，該是清洗不徹底所致.真是估唔到會有臭味,希望老闆娘自己試一下就知道了.

咖喱魚蛋。可能唔係主打食品。所以都無咩特別好味。。口感ＯＫ。咖喱味比較淡。但５元一份。。不多加要求了生腸。墨魚。腎／８元一串。買了各一串回家。。一袋三串的我放在家中的枱上。。不一會兒。我與家人。都聞到陣陣的（壓）味。追查下。發現了是來自生腸。其實都幾難聞。之前都在不同地方食過無數次生腸。。何故就是今次有（壓）味。。我不知道這是不是正常的。若是應有的。就是我沒見識。。若是不應有的。希望能作出改善。不竟我是真心支持非集團式經營的店舖。。說回墨魚。腎。。是容易咬的。。。但醬汁偏淡了少許。。如果咸多ＤＤ。可能會更好。。

自細好少食橙色鹵味, 自從肥姐就愛上咗佢。 鹵味點解係橙色?? 網上只找到少許資料, 統一來說都是用一種染色素來染, 目的是令賣相更好亦使顧客不易從視覺上辨別食材是否新鮮 全店都以橙色為主調, 牆上掛上多幅長鏡子, 以大燈的光線來折射來令店子顯得更光亮；牆上的牛下照片, 能否令你們帶來回憶? 兩人都是默默耕莘的各自做自己的工作, 鮮有見到他們對話。 這兒的橙色鹵味, 味道完全沒有被鹵水蓋掉, 先嚐到輕柔的滷水味, 其後湧出的是它們本身的味道, 真係肝有肝味、腎有腎味、墨魚有鮮味可惜的是豬肝煮得過乾, 硬掘掘 橙色腸仔味道依舊是雞肉腸味, 証明染色素是沒有味道的。

從OR得知以前牛頭角下邨的真好味在荃灣開了店,趁到荃灣一遊時特意去光顧一下,看看會否重遇張太?!從綠楊坊那邊的荃昌中心開始走,通常都被位處路口的大家姐搶去視線,要光顧真好味就要一直向前行,幾乎去到最盡頭那邊的昌寧中心才找到;格局如一般港式快餐店,有簡單座位供堂食用,只是供應的不是豬扒包、腿蛋治、免治牛肉飯,而是染得紅卜卜的鹵水食物。店裡除明碼實價地標誌著各款食品的價格外,還有不少以前牛下風光的照片,當然張太在小檔前的芳容也不缺少! 不過我仍多口一問:"真係牛下張太個間???" 應是主理人的阿哥笑說:"係呀係呀!! 你有幫襯過??"(當然有嚕!!) 以前在牛下吃橙色鹵味只有一張紙及膠袋,現在就以碟子盛載,客人當然吃得方便,只是少了一點掃街風味,不過位處商場裡也別無他法了。鹵水墨魚($8)大大串裡有墨魚身及墨魚鬚,墨魚切得雖大件,魚身爽口冰凍絕不韌皮,還有一點墨魚的鮮味,好味。鹵水鴨腎 ($8)也是爽脆可口,鴨腎的爽脆中有點軟是其他食材沒有的感覺,要不是吃了東西真想每款也來一串呢。兩者也澆上一點鹵水作調味,鹵水不會過鹹,也跟潮州鹵水的濃郁有香料的味道不同,就是這些較淡味港式橙色鹵味那種的口

果日約左朋友係荃灣打羽毛球,打完羽毛球有D肚仔餓,聽講荃昌中心入面都好多好野食,就去左果邊睇下,見到一間好似新開張既小食店, 啱哂, 仲話係牛頭角下村四十年”鹵”字號,睇個樣好似唔錯, 就試一試啦~我地一行4人, 牛下墨魚王, 生腸, 鴨腎, 豬脷, 豬頭肉, 紅腸, 每樣叫左兩串來食(每串只係6蚊至8蚊),另外仲叫左一碟炒麪同炒米粉SHARE, 一碟10蚊咋, 真係好抵, 又幾好食! 仲叫左樽裝汽水飲, 好懷舊FEEL呀~HEHE講返佢地既招牌鹵味先, UM…全部都真係幾正幾好味, 加埋甜醬同特製黃色芥辣醬, 非常配合！唔食辣的朋友都要加D芥辣, 因為隻芥辣唔係好辣, 有少少似WASABI但又冇WASABI咁攻鼻, 好香好正！牛下墨魚王 -- 大隻墨魚, 啖啖肉生腸 -- 好有新鮮生腸味, 本身鍾意食生腸的人一定會好喜歡鴨腎 -- 新鮮, 爽口豬脷 -- 新鮮, 爽口豬頭肉 -- 好特別, 覺得有D似豬耳咁既口感, 幾好食紅腸 -- 普通紅腸, 不過加埋D醬好好食炒麪 -- 有煙肉同椰菜, 足料, 可加甜醬辣醬更好味炒米粉 -- 有火腿同椰菜, 都好足料, 食炒米粉加甜醬辣醬一流而家

今日行荃灣經過呢間舖頭新開張, 發現原來係牛頭角下邨o個間真好味既新店~~本來以為牛頭角下邨close左之後就冇得再食呢~~ 即刻叫幾串試下新店水準如何~我地一行四人叫左- 4串墨魚王- 4串鴨腎- 4串童年腸仔- 2串生腸- 2串豬脷- 4串紅腸- 2串雞腳- 2串豬頭肉我最鐘意係墨魚王,鴨腎同埋紅腸. 墨魚王爽口鮮味~~紅腸就好惹味~~唔知點解d紅腸咁好味....之後又encore左墨魚王同埋紅腸, 本來諗住食兩串點知食到好飽呢....舖頭入面有幾張高枱可以坐低食~~ 環境都幾乾净同埋光猛~~ 我地仲一人叫左一支樽裝汽水飲! 而家已經唔係好多地方冇得賣呢~~ 呢個真係好like!!!!唔記得講佢有隻秘製黃芥辣, 本來我叫唔辣, 個哥哥仔話佢o個d同出面唔同, 放o係一邊叫我試下, 我一試就愛上左啦!!!有少少似日本wasabi咁有d攻鼻, 同埋好香~~ 之後仲去加辣~~ YUMMY~