牛一燒肉處 (已結業)

由於有 coupon的關係, 便叫honey 陪我試試 牛一燒肉處…….滿心期望, 可是最後都 是 失望…..吃日式燒肉的話 還是 盛八 the best!!!厚切牛 吞(5片/碟) ~ 牛 吞 比黑毛和牛 香口肥美….可是的們第一次 燒 牛 吞, 掌握不到 火侯, 5片之中 只有 1片 燒得好吃. 我們 覺得 燒耐一點 更加 爽口, 否則會有點靭 哦.黑毛和牛(5片/碟) ~ 黑毛和牛 的肉質感較靭 ,不算是什麼高級數的和牛???而且牛肉也不是嫩滑無渣, 沒有吃到和牛鮮味 好失望。大蝦 沙律 石頭鍋飯，不用食客自己撈，有waiter埋來幫手撈勻窩飯, 炒呀炒呀~ 好有趣! 石窩飯是熱辣辣的，配料的大蝦 十分爽口，沙律醬汁好清新開胃~ 是當晚最美味之菜色 (可是 我們不是要 來 燒肉店 吃 美味之 “ 燒肉” 哦??!)事實上 餐廳 晚上的 入座率偏低, 可能是 食物 並不是平宜 , 份量好少, 味道一般, 並不是物有所值?!但是餐廳 的 環境 和 整體氣氛感覺良好.以燒肉的 品質來比較的話, 可算是水準之下.......不會再試了.

男友生日，專登上網搵野食，最終揀左呢間。結果希望愈大，失望愈大……一入到去，一陣油煙味。但環境真係幾好，安排左窗邊卡位。叫左幾樣野大路野，逐一講下：(d名唔係咁記得，大約係咁)1. 芥未蜜糖和牛：ok，但唔係咁食到牛味，可能調味太嗆2.厚切牛舌：呢個叫最好，但黑椒味都較重3.牛一骨：勁咸，真係好咸。搞到食唔到牛味4.帆立貝：普普通通5.石頭鍋飯：飯太淋，個辣醬唔得但最差係d service，開頭要叫至有人加水。食牛一骨時，waiter話轉頭會俾鉸剪，結果都係燒完晒，要叫至有。食石頭鍋飯，要自己撈，企晒起身至有人埋來幫手，結果對方撈到一枱都係。埋單時問DBS係咪有85折，waiter哥哥話400至有，我地要叫多少少野至夠，提議我地叫d乜。開頭都覺得ok, 佢都係好心提我地，結果我地order多左杯野飲。飲完杯野之後再叫埋單，因為今次係另一位waiter幫我地埋單，結果佢話我地冇85折。計埋杯野飲都仲欠少少，又話係要未計加一之前要過400蚊。我地都明白好多餐廳計優惠，係要計未加一前個價。但問題係，之前個waiter係提議我地咁叫，就能夠享受優惠。而家我地叫左，又話冇。埋單個waiter，仲

是日本想吃海鮮站，可惜紅假無開(編輯可更改一下此店資料, 紅假應是不開的)早料可能不開, 於是轉戰牛一。各位最關心的多數都是價格吧。set lunch 由5x - 230 (2人set) 不等。$80 下的全是定食類. 燒肉set 有3款供選擇. 看來2人set 最可取，因可試齊多款肉類(見圖)。有前菜、刺身、天婦羅、燒肉*2(見圖)、味噌湯、白飯、雪糕。以燒肉的肉質來比較的話, 伊呂波應該較佳，但這裡則坐得比較好, 服務也較伊呂波(tst 店)好. 價錢方面大家都是差不多. 衛生方面可改進, 因有些小蚊子在飛來飛去.現在惠顧還有85折, 是值得一試的。

從朋友口中得知此餐廳, 見openrice 內有不俗口啤,於是和3位好朋友提議 一試,順道慶祝"食神friend" 牛一大喜日子.晚上7:30一進入餐廳,瞥見全店只坐滿一成,即刻心中暗叫不妙,因心感入座率應同水準成正比.但是現正值海嘯期間,再加上星期一, 此店又始終不是街坊價,客少亦不難理解.雖然整晚入座率偏低,但是整體氣氛感覺極美好. 食物好,物有所值,服務非常好: 侍應不會太殷勤,但是對每種食物的燒法亦會細心講解.看見我們燒法錯誤亦會主動糾正. 飯局尾聲還主動拿出相機幫我們拍照,手法東瀛!總括而言,整晚4人均十分盡興,很久沒試過幫襯完一間食肆會覺得這般開心! 極力推介!

八月十八‧晴第一次是自己來的，覺得不錯，就搞個烤肉午宴。本來是一個私人小局，但食友一呼百應，最後也一圍人出席，好不熱鬧。坐進了店子後方的一張長檯，長檯成S型的，卻只得兩個烤爐，都幾得意，看來大家只有發揮合作精神，互相補位的去烤肉了。 很動盪的一天，要二時就坐定定開會，無暇去烤肉了，就要了個石窩飯，坐埋一邊快快吃完回公司。石窩飯熱辣辣的，應該是原窩燒的，幾認真。配料有泡菜及牛肉，上面蓋了一隻煎蛋，賣相不錯。用兩隻木匙去撈勻窩飯，滋滋聲的，聞起上來香噴噴的，幾對辦。泡菜及牛肉是很對味的食物，是日的泡菜不夠辣，而牛肉品質還不錯，吃起來幾軟熟的。飯煮得比較濕，石窩飯也要乾身的較美味，而吃到底，也可以吃到飯焦的。這個石窩飯只賣58蚊，還包味噌湯、漬物及豆腐雪糕，幾經濟； 食友們當然是吃燒肉了，上次吃了牛肉及雞肉，是次只想再試試豚肉。不算鬆化，較為實淨，用上了牛一汁去醃，吃起來是甜甜的。比較起來，似乎還是牛肉或雞肉更好。 上次一人來吃也一身油煙，是次一圍人在吃，情況更嚴重，四周也是煙矇矇的，食友皆笑說，似去了的士高。當然走的時候，我不是坐在「燒肉檯」，也一身油煙味的，更遑論坐在那邊的食友。 侍應服

小弟很喜歡吃日式燒肉，特別是在寒冬之下，一大伙人圍在電爐邊享受甘香肥美的牛肉，再吃一口日式米飯送之，真箇是人生一大樂事今天午飯沒有一大伙人同往，只是一支公坐在四人卡座上，邊打着NDS邊等吃，孤獨等緊一時半，正值午飯的高峰時間，身旁的OL們叫的儘是湯烏冬或石頭飯等的速食套餐。小弟有的是時間，來這兒不吃燒肉，怎對得起自己 ?燒肉套餐有多款配料選擇。自己一向最愛吃牛舌，自然就是在必揀之列了。見又有和牛可選，就來個雙併好了....套餐除了燒肉之外，還有前菜好kimchi、木魚碎豆腐及tempura。以一個百多大洋的set來說，實在蠻抵吃的....Kimchi味很甜，辣度欠奉，是日式的做法。吃慣傳統韓式的可能覺得不是味兒，小弟倒覺得不錯，甜甜的用來伴飯也挺合胃口的；豆腐很滑，但豆味欠奉，不過味淡的豆腐配上帶點鹹的木魚碎卻很夾味，也是伴飯之選；天婦羅的油份太多，看看那張吸油tissue便知了，吃進口是膩膩的....這兒用的號稱是黑毛和牛，當然午飯時候吃到的都不會算是什麼高級數的，不過看見那牛肉脂肪分佈得挺均勻，吃進口甜汁流出，肉也是嫩滑無渣。雖然不及上次在和宴吃到的，但也可算是有水準....牛舌片

男友生日去尖沙咀牛一食飯.有名你叫牛一, 牛一去食飯緊係有優惠.生日月份去食有九拆, 正日去的話酒係任飲.正因為咁, 今次去呢間o野有d失望.因為我同男朋友兩個人坐o既卡位, 前後都有酒醉大聲講o野o既人. 好X@#?X嘈!!!無晒MOOD.講番食物:SALAD都OK.蜜餞/糖黑毛和牛就一般. 因為汁還汁, 肉還肉. 一放上去燒, D汁都漏晒落個火爐度.食落口都無乜蜜糖味.最好食係牛一窩, D牛"葉"到o岩o岩好, 好好味. 而且有D蔬菜(相可以refer番我上次既食評).之前新開食滿三百蚊有多一蝶黑毛和牛送(我十月都仲有), 今次無o左.8PM同10PM每人送一杯ASAHI既優惠都仲有.我BOOK8PM, 遲左10分鐘到, 想唔free比我地. 不過我一問就話好啦照比我, 不過都好有禮貌o既. 有一位waiter好識o野，四周圍教點燒好d食物． 今次人客多o左, 好忙, 所以無太多時間係我地呢台介紹, 所以好似真係燒得無上次咁好食.另外今次人多左, 食完一頭油煙!因為我男友好怕人嘈, 所以無乜胃口, 食得少. 埋單9折後$350.

座位很舒適, 被安排坐卡位望窗口, set lunch 有多款選擇, order 了黑毛和牛套餐, 選了和牛及牛舌 ($108) 及天婦羅烏冬$68, 跟沙律, 麵豉湯, 三文魚刺身, 日本白飯, 天婦羅, 甜品, 另備三款點燒肉的黑椒, 鹽及醬汁沙律有車厘茄, 生菜, 粟米配日式芝麻沙律醬, 天婦羅有蝦, 茄子, 青椒及蕃薯, 不算油利, 天婦羅烏冬用瓦煲上, 可惜隻蝦浸淋了, 但湯底好出色, 有隻蛋拌蟹柳及金菇, ok主菜黑毛和牛有5片洒上蔥花, 有白色紋理, 味道一流, 咀嚼著肉的肥美很甘香,牛舌太薄, 像紙一樣, 最後是黑芝麻雪糕, 埋單$160, 他們正offer 85折

朋友介紹+幫我慶祝生日.服務好好, 服務員好有心機介紹不同食物o既不同燒法.而且8pm & 10pm送每人一杯asahi!! 正!環境control得好好, 唔會燒到一頭煙. 好坐好傾計.

一直係盛八既 fans今次唔食盛八試下呢間比較新既牛一兩個人坐卡位menu 冇圖, 有d 失分食物味道方面都唔錯, 尤魚幾good, 牛都一流, 豬就怪怪地不過我地個爐極有問題, 一邊勁猛火, 另一邊好似就斷氣咁經理 (?) 話個個爐都係咁, 因為係舊款喎!!!! 我心諗: 你間野好似係新開架喎????朋友先後叫左兩杯生啤但第二杯來到無耐, 有個侍應走埋來話而家九點有半價/ 免費啤酒...真係吹脹...可能我期望過高啦...

最近都幾hit的日式燒肉店，早前趕唔切跟大隊吃午餐，突然想吃宵夜，又看看錶，還趕得及免費送一round生啤時段，就拉了摯友來。記得這裡從前是柚月，因抽風系統麻麻，結業了，現在是牛一。晚市餐牌收正價，比較起午市感覺貴了一節，若非晚市有生啤送再加上吃滿三百贈送返一碟七十八元的澳洲和牛，可能會到附近的利久庵吃燒物、和式煮物去了。昏暗環境加上二人包場，未開爐前都幾舒適的，她要吃熟食，嚇左嚇就叫了大蝦凱撒沙律應酬下，卻估唔到幾隻中海蝦份量足又夠新鮮，雜沙律菜乾爽清甜，配起「酸咪咪」略帶蛋香醬汁來吃，很快已清碟。以三百元做定位，叫下了美國牛舌、原條魷魚、壺漬牛肋肉、元貝及牛肝，又順手叫些野菜燒一燒。解凍功夫做得好，長身厚切牛舌看樣子極吸引，同食友午市影下的靚相無異，同樣價錢但就無跟飯同前菜，看來都是午市吸引，自問是「慢食」主義者，但對著豐腴牛舌，也忍不住瞬吞幾件，加碗軟熟珍珠米飯配免費送贈的澳洲西冷位，有油甘又有肉香，確是人間美食！比起牛舌及和牛，壺漬的牛肋肉雖然份量十足，肉質亦豐腴，但口感略為單薄了一點，加上大量醬漬下「肉性」大減，但以壺漬做法計，又做到幾入味的，收六十左右亦吃得過，壺內的日本大

個日去到尖沙咀橫風橫雨..諗住係D大廈避避雨..點知比我同我男友找到呢間不起眼的餐廳..呢間餐廳唔係地鋪..要行樓梯OR搭LIFT到2樓..入去前見到個MENU入面既野食就想試下..因為香港真係比較小有D咁樣專食牛既日本爐燒店面黎到同男友點左幾樣牛..大家諗住豪一豪去...其中叫左A5和牛食..不過自己控制D生熟程度就真係易呀~不過又真係幾好食..Waiter recommand左個扇貝..又都幾好食..叫埋支sake..值得讃既就係..佢地為左唔好成支酒,放係台面暖哂/用就個中間放冰但又掂唔到酒既冰杯盛住..幾好飲呀..個扇貝我地要左個蟹味既..成隻燒都幾考技巧..同埋d 3色雞都好正式最值得評既係佢地既service..我地個爐面都比我地換左3次..佢地話燒和牛時..為免個底黑哂..整個新既比我地呢..我地怕燒唔好d和牛,佢地又好耐心咁教我地點燒先好.. 大家記住..係放左件牛上去..生個面出油就反得..又有3樣野點..果然好好味呢..個環境個個都有個廉都幾有私人空間,係台與座位之間略謙小左d..住得唔係咁comfortable

記得牛一燒肉處係openrice口碑唔錯, 同老婆2pm照樣上去食lunch, 是日有幾個lunch set, 有日式漢堡扒, 石頭煱飯等, 全部都係$48-$78, 唔算好貴我地一場來到梗係食佢地出名燒肉套餐, 中午只有黑毛和牛或鹿兒島黑豚套餐, 兩個都配雞肉, 沙律, 麵豉湯, 白飯, 刺身或天婦羅, 甜品, 我地兩個都要黑毛和牛套餐配天婦羅, 但我選牛一汁雞肉, 老婆則選辣汁雞肉, 侍應先奉上點燒肉的黑椒, 鹽同牛一汁先上沙律, 有車厘茄, 生菜, 粟米, 配上酸汁, 味道ok但食得出好新鮮麵豉湯就係一般貨色, 無甚特別跟住上天婦羅, 估唔到呢個都幾豐富同出色, 有蝦, 茄子, 南瓜同蕃薯各一, 炸得唔太油, 蝦爽口, 茄子亦好多汁, 熱辣辣好好味主菜黑毛和牛有5片, 油脂雖然分佈唔平均, 但都有著充足的紋理, 算係交足功課, 燒出來的效果幾好, 有牛肉味之餘亦夠油份, 伴日本米飯食, 真係好滿足, 我最後都忍唔住要添飯, 而雞肉則一般, 但唔知點解辣的雞燒出來好似印度的Tandoori chicken最後奉上甜品芝麻或綠茶雪糕以$98的價錢享受到紋理分明的和牛肉, 仲有水準唔錯

It’s gf’s b’day so we went to this new place in TST. The Chinese name of the restaurant matched with the occasion! We thought it would be a bit busy cos the waiter mentioned they only reserve the table for 10mins when making the confirmation. In fact, there were only four tables with customers while we were dining there. We ordered:- Asahi beer x 2: free of charge - Wagu beef with house sauce: free of charge; tasted good- House special wagu beef (diaphragm portion) HKD188: it was supposed to be

新開張不久, 朋友之前試過覺不錯就介紹我來, 座位差不多全是卡座, 很有私隱. 一坐下便放下朝日生啤, 說是新開張優惠. 看餐牌多是肉類, 想點選其他的選擇也不多, 但黑毛和牛類卻有荔枝, 蜂蜜等味, 怕味道怪怪的還是不要選. 可點的調味有三種, 分別是黑椒, 鹽和牛一汁, 試了後, 還是喜歡輕點黑椒和鹽, 那比較可吃到食材原味黑毛和牛胸腹肉($73) - 要了岩鹽, 簡單的在食物上灑上鹽, 牛味重, 油份亦足, 個人最欣賞這個鹿兒島黑豚五花肉($58) - 侍應推介自家調製的牛一汁, 燒香後肉質甘香, 很不錯厚燒牛舌($78) - 帶爽口, 厚切口感亦足豬肝($42) - 要了大辣蒜味, 但味道卻不辣也沒什麼蒜味, 燒後外脆肉裡卻軟腍帶粉, 也不差黑毛和牛 - 落單滿三百元就免費奉上, 肉質很軟腍, 同行友人最欣賞這個帆立貝($52) - 火力不太穩定, 所以由細火轉到大火肉質也變韌枝豆 - 之後用來送酒燒雞泡魚乾 - 肉腍腍的, 用來送酒也不錯爐頭火力不穩, 放上肉後很快就有膿味, 侍應也很主動去換, 結果整晚換了三次爐. 侍應每樣食物送來也會講上名稱, 和會講解怎樣燒, 服務