爽爽麵店 (已搬遷) 新店位置

爽爽大大話話我都食咗十幾年，由細食到大以前格日就食，到依家搬咗屋都久唔久都會專登去食， 以前係熟客一坐低佢就會免費送杯自製菊花茶， 我最鍾意將佢所有嘅醉雞汁到碗伊麵到， 最愛佢嘅豉油溝辣椒油好香好夠辣，真係無敵， 通常去食都係食佢最雞久唔久都會食下豬扒， 宜家醉雞就分兩隻冰鮮雞同新鮮雞，我兩隻都食過， 但係其實差別唔太大， 雖然搬咗入去橫行，但係每次食都依然好多人，全場都爆坐滿曬人有陣時仲要等位， 我上次足足等咗成20分鐘， 不過自從佢搬咗入去之後，有一樣嘢我就好唔滿意 唔知點解佢依家要用膠兜堂食全部都係膠嘅食具 對於環保嘅我 其實都幾反感 每日製造咗好多膠嘅垃圾。。。。。呢點好無奈😭😭😭

爽爽雖然冇左間鋪位，但由中學就開始迷上佢嘅我，周不時都會同好多擁躉一樣幫襯下。今日嗌左雞米加水餃。我覺得冰鮮雞都夠好味，冇加錢嗌鮮雞水餃餡有蝦，木耳同豬肉。豬肉有肉汁，配埋木耳嘅爽口，好好味，加埋粒蝦，更豐富！醉雞汁同米粉一齊食，入味，又唔係勁大陣花鵰酒味小店假日成日都大排長龍，閒日黎到，唔洗排隊又支持到小店就最好喇！

其實我想講我好似一個星期最少都要食一次嘅爽爽，真係食嚟食去都唔會厭嘅，林返上嚟我食爽爽多次食仲有兩年或者三年，第一次都有同事介紹我去食嘅，嗰陣時我都枉為喺元朗搵食嘅人，喺元朗打等左10年先發現先呢間麵店，但係一次唔小心食咗之後，就真係鍾意都不得之了，個個星期唔食過好似囉囉攣咁！講返食物先啦，最好咪唔使講咁一定係醉雞啦，另外，呢豬扒都非常之無敵好食嘅（識食一定要食肥豬扒）同埋佢嘅河粉真係好好味嘅。但係爽爽最大嘅缺點就係要等位等好耐，同埋唔太環保囉，因為佢主店冇做之後搬左過隔離，就全部都用即棄嘅碗啦！其實呢一點係最唔鍾意嘅，其他地方就係冇缺點！

男朋友帶我黎第一次食，睇餐牌已經好吸引先要去廚房嗰邊拎籌再等嗌入位，黎到當然試招牌醉雞同豬扒，豬扒可以揀肥/瘦，我自嗌左一個瘦豬扒米同醉冰鮮雞，另外要左杯自家製菊花茶。上檯醉雞另上，豬扒同米粉一齊放，以為細細碗，但份量都幾多醉雞好入味，成個膠兜細細兜但一邊食原來有好多件，要男朋友幫手食，另外用醉雞汁撈米粉更一流睇一睇menu原來冇嗌醉雞雞汁要另外比錢嗌。聽到有其他食客叫雞上脾，下次可以試嗌之餘可以試新鮮雞分別。

被迫第一次寫食評……堂食用晒膠盒唔特止，仲大盒細盒一定有膠蓋冚住上枱！為乜變成咁！！方便丢棄時冚住？我真的嚇了一跳，只覺這小店已變得好自私！以前食過好多次每次都好開心，現在只有反感！我以後唔會再幫襯！每天製造的塑膠垃圾真的好多！至於食物方面，吃龍肉都冇味，況且不是龍肉！！

即慶同朋友一齊食lunch!唔覺意搵到呢間小店，經過見到好多人等緊，所以就決定食呢到！不過都要拎飛等位！望入去時，只見廚房出餐，又唔覺有得堂食，之後再周圍望下，原來有一個隱敞房門，入面就放左幾張枱，原來就是坐在對面的舖。等左陣，被安排到入去坐，點完餐好快就有野食！我地主要食佢招牌既食物！醉雞豬扒撈麵，豬扒水餃河，醉雞魚片河 我地新鮮雞同冰鮮雞都叫，試下分別大唔大。仲有要埋自家製菊花茶食後，果然招牌菜，雞好香酒味，又不會蓋過雞的味道，而且肉質好滑，入面仲要有雞腎，正不過我地食過冰鮮同新鮮之後，老公話其實認真分，係新鮮好味D，不過其實兩款分別不太大！如果唔想加錢食新鮮雞，大可叫冰鮮，因為佢地造得同樣出色.之但係撈麵就令人失望了，可能太多蠔油，成碗麵都好咸。相反個河粉就好好味，個湯好似清雞湯咁既味，再加埋佢既辣油黎食，我下次一定識得點叫。

幫襯咗好多年，每次經過元朗都必定要食吓佢地嘅醉雞，不過由以前大舖到而家轉了入後面細鋪，味道冇變，但價錢就變咗，又轉哂外賣餐盒，極不環保。今日星期日，等位等咗45分鐘，幸好天氣唔熱，一入去要快落單，如果唔係有排等，開檔兩個鐘左右，河粉已1賣哂，冇辦法，唯有食米粉。豬扒米，加個例牌醉1，個醉雞我懷疑佢有半隻咁多，份量太勁，潤都有兩嚿。另外湯底必定要加醉雞汁，必讚。雖然星期日人超多，但仍保持水準，值得一讚。顯外話，聽隔離枱講，冰鮮同新鮮嘅醉雞味道基本一樣，所以我都必揀冰鮮，因為平啲，哈哈。

呢間野好早關, 又好多人, 今次中午來, 等左15分鐘倒LA。叫左醉雞豬扒撈麵。醉雞好香酒味呀, 但又唔會有苦味 (試過有間食肆D 酒濃到帶苦味)。都算多雞肉, 頭頭尾尾5算多, 仲有雞腎@@ 雞唔算滑, 但又唔會鞋GE, 肉質就一般LA。豬扒有瘦/肥揀, 我地無特別講低, 食落係瘦中帶肥, 幾香口, 唔知佢係咪烤過,味道剛好, 唔會太咸。麵係幼麵,但好咸LAW, 無撈蠔油都咸...超怪... 自製菊花茶好香菊花味呀, 甜度適中。睇過MENU, 發現係醉雞果D 先比較貴, 普通粉麵唔使30, 抵!

約左班fd 去元朗摘士多啤梨，咁體力勞動之前緊係要醫醫肚啦!聽聞元朗爽爽醉雞豬扒麵好食，所以就決定去試下😎我自己叫左醉雞(冰鮮)豬扒撈麵，可能醉雞係凍上，所以冰鮮食落比想像中嫩而冇咩雪藏味，而個酒味更加係撈麵一流! 而另一個主角豬扒就有意外驚喜，原本以為會好似出面咁煎到乾乾柴柴，點知食落口又幾彈牙多汁唔鞋口，絕對係水準之作整體性價比四十幾蚊黎講唔錯，兩樣配料分量都多，但係可惜嘅就係個撈麵太淡，唯有配醉雞嘅汁先食得完

🤤🤤🤤🤤🤤🤤🤤🤤🤤🤤放假搵食是常識吧😎😎😎😎😎星期六都預左要排一陣隊既🤨不過🤣美食之神保佑我們😜只係等左20分鐘🤗入去啦😋😋😋😋😋😋識食一定係醉！雞！🤗重可以叫佢比多碗醉雞汁嫁😍😍😍喂呀😋一啖雞汁一啖米粉😊咁先係😊大！滿！足！今次同朋友兩人叫左 雞+豬扒+米粉/面豬扒可以自選要肥定要瘦🤣可以話係真係有得揀先係老闆🤪😋😋😋正呀 雞肉好滑 濃濃既酒香🤤🤤🤤🤤I like it 💌💌💌💌成為$92蚊 😍大愛😍

《爽爽麵店》🔹豬扒醉雞米（冰鮮）$46🔹醉雞米（冰鮮）$33🔹菊花茶 （支裝）$15-🔺豬扒有肥瘦揀 都幾好味 🔺以前唔食醉雞嘅我自從食過爽爽之後有所改觀 係好味嘅一定要加埋辣椒油🤤 蔥又夠多🔺但美中不足嘅係雞腎太硬 咬都咬唔爛🔺自製菊花茶合我口味💕 味道濃 甜度低-byT: 8/10 （instagram: 90sfoodieshare ）#食在元朗#hkig#相機食先#手機食先#hkfoodie#hkfoodblogger#먹방#食貨#吃貨#홍콩#foodpic#igfood#instafood#foodblogger#hkfood#852#food#90s#ufood#hkgirls#eat#好西

2017.11.26 😐【想食新鮮?還是冰鮮醉雞 由我話事】食在元朗說到醉雞 不其然會想到大埔的許記買的不止是人情味😘而且街知巷聞 是又平又正之選小妹之前亦有介紹過這次來到元朗區久聞這裡亦有一間必食醉雞星期日專程前往一試爽爽位於巷子裡頭 幸好有banner指引路線當日所見 小店大概是主打做外賣另一邊亦有一個私隱度極高的包廂供堂食新鮮醉雞米 $48冰鮮醉雞豬排伊麵 $49小店的醉雞分為2款: 新鮮及冰鮮🐓當然新鮮雞是較冰鮮的貴 相差$15相信各位街坊都可能會認為有新鮮的 為何要挑冰鮮?小妹相信各有市場吧🙋兩者比較下 新鮮的醉雞 雞味較為突出濃烈可是冰鮮的醉雞 雞肉的肉質卻較為爽口而爽爽的醉雞汁 酒味超級濃烈小妹伴著米粉食也怕醉掉😂惟雞肉未能充分吸收酒香 有一點可惜爽爽麵店 💌元朗鳳攸北街順豐大廈地下18號舖Mon-Sun: 1100-1845📍 ig: jasmine_laiyee📌 fb:Jasminewithfood📎 blog.ulifestyle: jasminewithfood🍚 openrice: yee6192004🔊 大眾點評: jasmine_laiyee

趁今日入元朗，特登走去附近傳說中嘅神級醉雞麺小店試吓。味道果然係神級之作 ！！酒香特濃，鹹香俱備。但鹹得滯，食完非常非常非常極之口喝！！除此之外，間嘢除咗筷子同匙羹之外，堂食一律使用即棄食物盒再加埋蓋，食物上枱時嘅震撼，令我呆一呆。我只係食醉雞撈粗加雞腳，結果。。。製造咗一個盒、兩個兜、三個蓋嘅大龍鳳。。。為咗減低內疚感，唯有洗返乾淨，再攞過去回收。幾好味都好，絕對不該只顧搵錢而漠視社會責任！幾好味都好，唔會再幫襯多一次。地球你真係慘！完。

同老公差唔多11點去到Yoho 睇早場,點知兜左個圈都冇餐廳開有早餐。咁唯有落街去搵嘢食啦，喺yoho轉落嚟就見到醉雞豬扒麵。入去見到豬肉可選肥或瘦, 梗係要瘦啦。個豬扒好厚身不過好靱，成碗面頭塊豬扒都係冇味道嘅，最後落咗成匙辣椒油都係冇味, 連辣椒油都無味。 菊花茶正常似屋企煲嗰種。雖然係堂食但全部外賣盒, 唔環保囉😑

黎到元朗， 一直都聽聞一間專門食醉雞既名店， 烈日當空下行左15分鐘終於搵到。 坐係鋪頭對面既一個房內， 4張枱到。坐底點左個醉雞豬扒米(冰鮮雞)，冇得配白飯如果可以配飯就無得輸。花雕酒加飯個人認為係絕配! *注意醉雞有分冰鮮雞同埋新鮮雞, 個人就覺得新鮮雞偏貴，第一次食 所以試試冰鮮先。醉雞同埋豬扒米分開上， 醉雞未至於好有味但都夠酒味， 未有令我失望! 豬扒就正常，都軟既但冇咩特別， 下次可以試下個新鮮雞或者叫個例牌+淨米, 同埋希望可以有得跟飯， 熱辣辣既天氣食湯面始終有啲辛苦