爺爺雞煲皇 (已結業)

在觀塘上完堂，約了好朋友聚會，兩個女仔，理應會去那些裝修美美的餐廳dinner，拍下照，呃下Like咁👍👍然而，最近可能食得太多西餐、日本菜，忽然想食雞煲，在Open Rice找到這間，結果👉出奇地好味😋！令我們有點💢喜出望外😆地點，近裕民坊舊區那邊，在街市旁，不是在附近返工或居住的人，應該不會到那邊。我們貪方便，點了$238/位的套餐，有半隻雞煲，也包括海鮮、靚肥牛、菜、小食等。💥💥性價比相當高！！份量頗多，基本上兩個女仔是吃不完的。🐔雞煲好正！😋不太吃辣的我叫了BB辣，味道剛剛好，好香。雞好入味，而且好滑，吃到最後一件都是滑的！🦀🦐海鮮是非常新鮮的！有鮑魚呢😍😍蝦蟹蠔都好鮮甜啊！連平日不太好蟹🦀的我都覺得好食！仲有響鈴👍，應該是他們自己做的，放湯三秒後吃，吸收了湯的精華，入口即溶，好味到呢~姐姐服務貼心💖，是好有人情味那種。這晚是全滿的，我們就是幸運地😇坐了最後一張枱。

好喜歡吃雞煲，但老實說，不是全部都做得好吃，有些調味不合心意，有些雞件不夠滑，最近去了觀塘的「爺爺雞煲皇」，雖然位處街市旁，環境相當地踎，但味道一級棒，絕對可以再來。 陳醋雲耳 柚子蜜炸花枝丸 這晚我們叫了一個「爺爺雞煲海鮮套餐」 ($238/位)，價錢不便宜，不過食物分量很多，除了雞鍋，還有海鮮火鍋料，以及一些熟食。花枝丸很叫我驚喜，味鮮而彈牙，蘸柚子蜜亦是意料之外，好吃。 這雞煲100%合乎心意，香而不辣 (點了BB辣)，洋蔥、芫茜、薑片、秘製醬料等，非常惹味！有半隻雞，雞件夠滑。後來知道這雞煲醬是可以買回家的，於是買了一瓶，且看地獄廚神能否煮出好菜式吧。 最後火鍋海鮮都來了。海鮮是不俗的，蝦大隻，蟹多羔，蠔脹卜卜，鮑魚也鮮味，不過cheap人如我，最喜歡還是用這個湯底煮成的烏冬，盡吸所有精華，好入味！正！

同朋友係觀塘附近玩完，無啦啦有人話想食雞煲上Openrice搵到呢間雞煲餐廳最近就行左過黎，黎到之後點知入面爆哂人，諗住走啦，但點知姐姐話可以係出面食，仲幫我地開左個風扇仲送左我地每人一罐可樂，於是我地就坐低左叫野食Ｄ姐姐真係好招呼，雖然我地坐出面，但都好快點到野食，而且把風扇真係勁涼！涼到唔諗住坐返入去我地叫左半隻雞（少辣），同埋其他小食，Ｄ雞真係幾嫩滑，而且辣味好開胃，呢度價錢唔會太貴，但係份量都幾足，如果行開附近，食雞煲當然搵小店啦～歡迎黎呢度一試。

呢間爺爺雞煲座落喺雜亂嘅瑞和街中間，真喺一個唔留神就會行過咗龍。我地一行六人叫咗半隻小辣招牌雞，雞煲以一個大熱鍋呈上，雞身尚算嫩滑，大小適中平均。特別要讚嘅喺雞煲嘅醬汁相當惹味，小辣嘅辣道並唔強但味道好充足，好香甜並唔喺一味死咸，雞亦都相當入味。配料方面好大方，有大量芫茜同洋蔥，兩者完全索曬汁料嘅香味，尤其洋蔥特別甜，平時我唔喺特別鐘意食呢啲配菜都食咗唔少！依加諗返起覺得半隻雞真喺唔夠食，建議人多嘅不妨叫夠一隻！食完雞煲就加湯食火鍋，可能雞煲平身好好食，加湯後似乎失咗少少色，味道偏淡；配菜選擇都喺大路嘢，睇食評話呢度嘅嚮鈴好出名，但我又覺得唔係咩特別嘢，咪同出名食到嘅差唔多，而且平身嚮鈴不嬲就好好味，所以我推介凍豆腐索曬啲湯先好食！*題外話，呢度嘅侍應好有禮貌，服務又好，未有因為好忙而變得態度差劣！抵讚！

雖然話黎食雞煲但都有叫其他小食嫁，先黎碟刺身有三文魚、帶子、北寄貝、櫻花魷魚、甜蝦，賣相唔錯望落都幾新鮮，厚切三文魚色澤鮮艷紋理清晰，食落so creamy ，北寄貝及櫻花魷魚又夠爽口，夾帶檸檬片既帶子口感唔單只爽身仲好清新，可惜甜蝦太細隻，味道鮮甜但冇咬口雞煲黎啦，我地叫左招牌雞煲，勁多芫茜未食都聞到陣香味，雖然唔係新鮮雞，但惹味又濃郁既醬汁搭夠，雞肉非常入味又夠滑口，食下食下一隻雞咁快就食完食完雞煲我地冇打邊爐既打算，最後再叫左碟小食之一既” 八味金磚脆豆腐”，見到有好幾枱客人都食，加上店員拎住行過既時候偷望到其賣相好吸引。新鮮滾熱辣既豆腐剛炸起就上枱，表面略灑點椒鹽及芝麻，咬落外脆內軟又帶點鹹及芝麻香，非常香口估唔到呢到除左雞煲出色連小食都同樣出色

近年雞煲非常流行，雞煲食肆比比皆是，只算旺角的已經多不勝數。這次相約友人一起試試爺爺雞煲王。點了一個招牌雞煲，辣是夠辣，但味道一般，香料味亦較輕，略遜於我喜歡的豐富口感。吃完雞煲例必來一個火鍋吧！這次點了一份手切肥牛併牛頸脊，很是驚喜！肥牛爽口、鮮甜、味濃；牛頸脊肉質腍軟，牛味更濃！！正呀！！真不好意思，其實我本人不好雞子(噁), 不過同枱人愛吃，沒辦法！喜愛雞子的朋友們，這裡的雞子巧肥美啊~~ 食雞煲，習慣要不喝汽水，要不喝啤酒。今次飲青島，Cheers

由觀塘地鐵站行15分鐘左右，嚟到位於瑞和街街市附近嘅呢間雞煲火鍋店，環觀舖內嘅客人都知道此店係做街坊生意，見到服務員同食客嘅互動特別有人情味。 媽媽最鐘意花雕食品，當然要帶佢嚟試下招牌貨爺爺花雕醉雞鍋$158（半隻雞）。用上了淺而闊嘅鑄鐵鍋，受熱更平均，花雕酒味香濃，雞件嫩滑而入味，最受歡迎嘅係厚切紫洋蔥，煮腍咗味道好鮮甜。啲火鍋料好大份同新鮮，白膳片$88有8-9塊，仲要開邊切夠大片。手切肥牛併牛頸脊（大）$208，呢個價錢食到兩款牛肉個部位真係好抵！肥啲個款係牛頸脊，油花特別多，肉味濃。四式餃$58有11粒餃，真係第二度搵唔到！四寶丸$78推薦墨丸同蝦丸，大粒手打爽滑彈牙。鮮淮山$26，又係厚切大片。稻庭烏冬$22，係我鐘意嗰隻扁身有口感嗰款，出面火鍋店平均都要賣成$40至＄50一個。其他蔬菜類價錢都仲見到2字頭，價錢真係令人感動，如鮮枝竹$26、粟米$26、油麥菜$26、鮮冬菇$28，全部都新鮮而且份量足。回想起平常去嘅火鍋店，心諗有幾多錢其實係俾左落舖租？呢度抵食得嚟完全冇犧牲食物同服務質素，貨真價實，唔賣裝修唔賣fancy嘢，實屬宜家呢個時勢買少見少。誠意推介大家嚟開觀塘就來

夜晚約左一班fd食雞煲，有人提議去呢間，唔算太近地鐵站，有少少難搵。坐都坐得幾逼，叫左個雞煲，味道正常，都夠味。其他配料都新鮮，不過當日有好多丸賣晒。牛肉切得有d厚，難熟d。散叫埋單百七蚊位，都合理既，不過唔係特別好食，未有返轉頭食既衝動。

天寒地凍梗係食雞煲啦。。。。。。今次係open rice搵到呢間又有位，前1日就book左，準時到達後就即刻點一個招牌雞煲，bb辣，唔係咁食得辣ge我地覺得岩岩好，d雞都幾滑，份量ok, 我地2人食，細雞(半隻雞), 都夠食，另外叫左雪花肥牛ok, 響鈴ok無乜特別, 午餐肉。。。。。。。。唔ok, 因為係炸過果隻，我地expect 普通切出黎果隻就算，雲吞唔ok , 好咸同埋蝦有d腥，湯底ok好濃我地重口味覺得唔錯

微涼的一個晚上，單人匹馬去吃雞煲。獨個兒吃雞煲，不用相就其他人，一於要個大辣的！以平底淺鍋上可令每件雞都煮得更香，而雞肉滑滑的，與醬汁一起吃甚為滋味。最喜歡煲內有大量乾蔥，香氣四溢。惟辣勁僅屬一般，麻香搭救。半隻雞的份量剛剛好，小人獨霸亦游刃有餘。

雖然天氣仲未好凍，但係個晚同同事一齊去完土瓜灣海邊，聽人講過路邊窩所以就入黎試下。一開始我地點左個炸豆腐，睇個色就知好味啦！食落果然外脆內滑！我地叫左個番茄鍋底，粟米好甜呀！入面好多配料食！跟住有個鍾意食脆鯇魚。我不嬲麻麻魚，但係個presentation真係好吸引 好fresh喎！切得塊塊都好厚！靚女同事話好正！繼而我個牛魔王同事點會唔鑑賞係牛呀！點左個牛拼盤，好多唔同部位，有d仲切埋牛肉粒！由於太多人，我只負責食所以唔係幾記得咩部位打咩部位。我只記得我猛咁夾深顏色嗰塊牛食！好有牛味 正正！！其他嗌左生腸、牛丸、墨魚丸同花膠。花膠好大條呀！！ 我花膠精食左好多！哈哈 d生腸都好新鮮好正喔！

是晚員工聚會，因為一早約好左食雞煲，但係原本去果間冇得食，時間又唔早，加上又係星期五，唯有上開飯喇睇下有咩選擇啦。我地一行5人分左兩架的士去揀左兩個煲兼打邊爐雞煲啲雞我地揀左鮮雞，話好食啲但不外如是，冇咩特別，係乾蔥特別多，但成個煲唔夠香，可能因為成11點，都做我地生意然後又趕收工的關係，覺得好求其，要中辣但又唔辣嘅。而且肉質同普通雞冇分別另外個魚煲係店員推介。可惜啲魚極不新鮮，而且仲好唔抵食。條魚應該係炸過或煎過嘅，可是都蓋唔到唔新鮮嘅味道。之後我地叫左魚滑，午餐肉，魚卜，響鈴，生根，豆卜，魚片，雞件，牛肉，鳥冬，公仔麵，頸丸，娃娃菜等等野打邊爐最難食係魚卜，又腥又大件又臭，同的地平時食開果啲林嘅，細件嘅好大分別。其實應該要加工下，辟左啲味，收得又唔係平，邊可能比啲咁嘅野人食。煮左一件，咬左一口即掉。只有響鈴最好食，encore左3次。其他配料都係普通啦。呢個價錢有更好選擇，應該冇下次了。

今晚同朋友二人去食，朋友上兩星期食完話好好味，見好多評論都話好好味，可能係我期望太大，不過食嗰陣覺得好失望。半隻雞得好小，細細件，好多都係胸骨位，同埋個中辣完全唔辣。。。好出名嘅即炸響鈴，嚟到係凍嘅，烚幾秒食中間完全唔脆，仲有點韌。不過啲手切手幾好味。本身入黎坐左4人檯，跟住個呀姐話張檯人地訂咗，問我地可唔可以坐大圓檯，不過8點半要交檯。我地都有打嚟訂檯，訂嗰陣又冇講要8半交檯。兩個人坐8人檯。。之後有一檯入，7個人坐6人卡位，啲安排好奇怪。應該唔會有下次。

成日主話啲人為咗份工可以去到幾盡，咁當你係一個老闆，為咗你自嘅生意又可以去到幾盡呢。起初我以為做個老闆係好容易，但原來老闆都唔係甘易做嘅。特別係做餐廳嘅老闆。經營餐廳大家都知道要好早起身，要開工準備材料又要做到好夜先至可以收工。餐廳嘅營業時間大概由早上嘅7點到晚上11，12點，真係完全唔容易。爺爺雞煲由朝早已經做緊點心，再到午市嘅小菜，再到夜晚嘅火鍋，真係可以話由朝做到晚。同d店員講開，原來呢度嘅老闆零晨4.5點起身就開始整拒自家製的秘製醬汁，完全唔經廚師，自己一手一腳製造，唔怪得之甘好味。雞煲有大中小辣味選，平時都食得下辣嘅我，就揀咗中辣，辣味剛剛好。份量有一隻或者半隻揀，我兩個人就揀選咗半隻，但係佢攞出黎嘅份量十分之大，感覺上好似有一隻雞。有成20幾30舊，兩個人食足夠有餘。味道有麻香，鹽味辣味適中，如果你問我用左d咩調味料我真係食唔出，只可以講係好味，好岩我口味。配菜仲有乾葱，蒜頭，仲有好多好多芹菜同莞茜，超正。仲揀咗幾個火鍋配料，自家製嘅蛋黃手打墨魚丸。店家自家製產品，初頭我以為係手打嘅墨魚丸入邊包住一整粒咸蛋黃，原來食落去唔係咁樣係咸蛋黃已經預先切粒撈埋落啲手打墨魚丸度，食落

打邊爐係咪一定要係冬天度打嘅呢？其實我覺得唔係，忽然間心血來潮想打嘅時候就算冇冷氣，又一路打一路流汗，我都OK個喎。係咪覺得我好癡呢哈。呢幾日個天氣比較涼返少少，有幾個朋友都話想去食下雞煲，打邊爐咁。我就問佢哋有咩介紹啦，有個朋友就介紹左係觀塘街市入面呢間雞煲，講真如果唔係真係特別有人介紹係唔會行到上去嘅，不過今次食完之後口肯定我一定會介紹其他人去食。入到去鋪頭唔算話好大，大概有六張枱，有大有細，除咗雞煲火鍋之外佢仲會有小菜，但係我哋今次梗係食雞煲啦！枱面會預先有咗火鍋四寶係枱面，乜嘢係火鍋四寶？咁梗係葱，炸蒜，生蒜同埋辣椒啦，如果冇咗呢幾種調味料就真係失色好多架，呢度可以俾你任打任落超正。好啦主角黎啦！爺爺嚟喇。據說爺爺就即係呢度嘅老闆，呢度嘅雞煲嘅調味料全部都係老闆親自調制，所以係出面食唔到架。呢個雞煲嘅味道我揀咗小辣，食落去就啱啱好，因為辣椒係會越打越辣嘅，所以建議大家都係由慢慢嘅小辣開始，咁樣先至可以食到其他配料嘅真正味道。呢度嘅雞煲味道好濃，食落去除咗有個辣味之外，仲會有個麻香嘅味道，另外最搶黎嘅就係佢嘅配料，除咗有蒜頭同埋洋蔥之外，仲有我最鍾意食嘅芹菜，佢落咗好多芹菜係入面