愛麗絲的秘密花園

营业中

休息中

知道有愛麗絲夢遊仙境既特色cafe, 滿有期待的。門口似戲院poster. 入到去見到個環境比想像中細好多好多，只有大約六七張檯，佈置殘舊，逐一影相再拼圖，還是可以成功呃 like 的。Menu 係一本魔法書，幾得意。餐具都充滿少女味～ White Queen Garden有機豆腐雞肉芝士沙律 $52雞肉死死實實，冇乜味，芝士係茶記貨式。賣相倒呃到人，味道尚可。原本想叫雨衣甘藍沙律🥗但冇。The looking glasses house $142手作 seafood pasta with carbonara sauce 蝦仁🍤又係茶記楊洲炒飯貨式青口細到一毫子size味道卻是正常，份量不多，$148 加一有點貴。不過最難食的在最後！呢個甜品拼盤$128，芝士cake 都唔似係芝士，食cheap buffet 果d 仲好食得多！macaron 又太酸！想影相呃like 既，來一次就夠，食東西就免了！特色餐具，配合Alice 主題勁多少女影相既打卡位～

野食好靚，杯碟叉都好靚，不過唔夠味，雞翼完全無yip無昧，呃like影相個part完全贏曬，全場得3枱客，服務都勁慢，而且態度都唔太好。去一次呃like影相就無回頭

仲有個幾星期先到生日，靚女卡文好有❤️地預早安排曬節目同我慶祝。是日先去City Plaza cinema 睇「無雙」，然後再帶我去發一場童話夢-「愛麗絲的秘密花園」。是晚跟卡文走入了一間樓上cafe，推門而進，才發現呢間cafe比想像中的細小，佈置亦帶點兒殘舊，目測全場只有五、六張枱左右，客人亦唔多。雖然餐廳的的骰骰，但每個角落都放置咗各種得意玩味嘅擺設，加上有童話故事做場景，七拼八湊起來，倒也可以呃呃like的，難怪仍然吸引唔少後生仔女過嚟selfie。食物方面，卡文話揀set dinner啦，反正跟散叫差不多呢，那麼就由她發辦吧⋯⋯Set dinner for two $428/set:-Menu入面啲食物名係改編自童話故事書，十分有趣🤩。 經過細選之後，我哋揀咗一個沙律🥗及一個小食🥪作頭盤。沙律🥗：原本揀了「跟著白免先生」的，殊不知cool 爆女侍應話今晚無得供應，唯有改為「活生生的花園-（娜威煙三文魚沙律配自家黃芥醬）」吧！煙三文魚味道剛好唔會過鹹，沙律菜好多好新鮮，個醬酸酸甜甜，令到成碟沙律好好味😋。小食🥪：我哋加咗6蚊，揀了愛麗絲的茶壺-（黑松露芝士忌廉烤多士）」。多士唔硬

我次黎呢到，地方唔大，但佈置得唔錯，所以見到有食客專登黎影相😂 講起野食方面有點失望，因為好一般，份量同選擇都好細。雞肉芝士沙律.. 同後面既煙三文魚沙律（無影到相） 係勁勁勁細碟lol 同埋完全無特別，落左好多醬..呢個係鏡盒？（忘了～） 真係熱烘烘咁上黎，算係最好食既一碟，紅色麵包同加左唔少芝士，所以唔會差得去邊青口菌飯？（唔好意思，一時忘了寄低菜名）感覺落左唔少芝士，「畢」起D飯時有少少拉絲感覺，成個飯味道較為濃味，算唔錯。甜絲絲～ 其實係加左荔枝（應該只係頂個兩粒）所以完全無甜既味，只有清淡既感覺.藩落蝦意粉～ 普通到無咩好講呢個甜品完全唔推介，只係為影相，味道就係西餅舖買個D$4/$5 既西餅感覺。仲有叫左個雞翼（4隻）有兩隻醬味，普通之餘，最特別到D醬多到可以滲死人咁😑 見到唔會特別想食所以連相都無影。整體黎講，呢幾到真係影下相，飯杯野算..

愛麗絲做主題的餐廳，朋友仔知道之後話即刻要黎打卡影相。由於我地今日有Book位，所以唔係等左好耐，一入到餐廳朋友就“哇哇聲”，因為個裝修好靚。地方就唔係好大，但裝修精致！好似進入左秘密花園，周圍都係影相位。 我地點左一個意粉同一個沙律，味道可以，但是分量偏少。同友人都好快就食曬。不得不提呢間餐廳連碟碟杯杯都係用愛麗絲的主題。感覺我就和愛麗絲一樣享受左一個悠閒的下午茶。十分寫意。如果喜歡愛麗絲的朋友一定要來朝聖，因為真係好靚。

一行五個人，想搵一間cafe 拍下照，幫一位朋友慶祝婚前派對，一班朋友熱鬧一下，Wonder garden Cafe 的佈置正合大家心意。Wonder garden Cafe 的佈置很有心意，不論是食物的擺設，椅枱，menu 等的設計都充滿愛麗斯世界的感覺，讓人好好放鬆一下，能與好友開懷地吃一頓。我地叫咗兩個set for 2 同一個set for 1.Set for 2 的starter 可以從menu 中選擇，我們選了 The Garden of Live Flower 同 White Queen Garden 沙拉，個人覺得這兩個沙拉混合多種醬汁，很開胃，分量都適中。相對之下，set for 1 的是日沙律就比較下去，無咁好味，只有一些橙汁混合沙拉菜。(沒有拍照)這個偉特兄弟雙包胎不在套餐組合中，是另外加的。薯條不會太乾身，兩個小漢堡賣相已加分。輝煌日的空龍，拿破侖汁意大利面，入口清新開胃。這些主菜的分量適中，魚傭人之花，混合三文魚子及三文魚的risotto，很有層次，入口不會太濕不會太乾。每人都叫了一杯飲品，飲品每杯都充滿色彩，拍照一流，我叫的是忌廉溝鮮奶，味道正常，好味道。

網上見到呢間餐廳好靚，愛麗斯主題餐廳，於是捉左男友同我食今日終於來到了，呢到環境真係好靚呀，但地方有d細我地散點，叫左個沙律同意粉，仲有龍蝦湯同甜品，野食名就唔記得了，只記得食物味道同環境白汁意粉其實真係冇咩特別，味道普通，最特別係隻碟，有羅馬數字既食物碟沙律都係一般味道，冇特別龍蝦湯冇咩龍蝦，麻麻地個cake好睇唔好食，條裙同腳都係糖霜，好似食緊糖泥膠咁，只可用來影相呃like， 食就。。個cake我係散叫加$80, 但食後我覺得唔值呢個價餐廳賣點係佈置，愛麗斯主題，如食物方面就。。。只能說這是影相呃like好地方😬

下雨天，上網找找室內的打卡好地方，就找了這裏。大家過來都不是為了食物，而是打卡！不過我覺得施備好像有點舊，地方不算太大，雖然有點點失望，幸好最後還是拍到了好照片，侍應也很好人地幫我們拍了數張即影即有的照片。食物方面，我點了黑松露意大利麵，蔬菜很出色，爽脆，可惜的是我個人覺得黑松露有點膩，最後沒吃完。朋友就叫了一個二人餐，味道都不錯的。飲品方面，我覺得他們有很大改善空間，漸變色還可，但是瓶子外形絕對可以改善，現在的較笨重，我個人喜歡精緻一點的。畢竟要推出多點花款才可以持續吸引客人麻。加上飲品款式不多，友人叫了愛麗絲(但味道不太好)，另一位叫了提子梳打，不伏但普通吧，Cafe之中算是可以點的飲品之一。

“Alice in WonderlandHow do you get to WonderlandOver the hill or underlandOr just behind a tree...”入餐廳前已在心裡哼著這首歌⋯走進童話世界裡與老公嘆個靚靚的下午茶，真是把一個星期的煩囂拋諸腦後！😋它的三層架下午茶餐，顏色好靚！見到十分開心和開胃！🤩由最底層，有好食的鹹點：三文魚批、牛角包、三文治😋第二層的甜點，最好食的是奶凍😋第三層有我最愛的Macaroons ☺️仲有個好靚的Alice腳cup cake🤩不過因爲太甜了所以吃了幾啖而已～另外老公覺得食甜品唔夠飽，再叫多個忌廉意大利飯，這個都幾好食，好香忌廉味！整體來說，環境靚食物質素不錯！好多謝老公成日陪我去我想去的地方！✨😘

小店位置不多，裝潢漂亮，能看到小店的心思佈置，這次與好友預早book位，到餐廳後發現Menu內的食物種類不多，故此我的選擇困難症沒有出現。快速地點了二人套餐，有飲品：選了Rose latte及愛麗斯特飲；前菜：選了兩份不同的沙律（羽衣甘藍及三文魚）；主菜：兩款意粉（海鮮及松露）；甜品是日精選，食物的外觀精緻，味道亦比想像中好吃，可惜的是海鮮的味道很淡，其他食物均ok，特別是甜品，蛋糕及飲品除了外表漂亮，味道亦很好，有驚喜。支持本土小店，值得再到此一吃。

一見到個主題已經好想食，本身驚多人book左枱，點知去到我地只係第2枱客人，明明無人，又無其他人book枱，都要我地坐2人枱，又逼又窄。野食完全一般，明明得我地一枱客叫野食都落錯單，小食個雞翼仲要係翻叮既，仲要叮唔熱，真係得啖笑。2個主菜都係味道一般，個咖啡有個唔關Alice in wonderland 事既拉花，朋友嗌既泡沫咖啡一半都係d好流既泡，基本上個2人set係勁差，除返每人2百幾蚊，唔太值，d員工都係坐係哂係度,decoration 都係d買返黎既擺設，同一個佈景板，氣氛唔夢幻，上餐前會俾本3D故事書你睇，算幾特別但唔推介啊

本身打算同朋友慶祝生日，比個驚喜朋友，本身打算whatsapp訂枱(因為佢話接受whatsapp訂枱)，但隔左一日都唔覆機的，要直接打去先得。咁我就交帶左朋友生日想寫佢個名落甜品到，點知果晚朋友早左收工，想上去坐陣先，我就致電同職員講我朋友會上黎坐低先，言下之意即係叫職員唔好爆左個驚喜出黎。但當我朋友上到去時，職員竟然問佢係咪訂左蛋糕!!但朋友因為唔想我掃興，所以等真係上左蛋糕先同我講返件事。訂枱唔覆機都算，連小小唔應該犯既錯都要做，同埋當時見到職員好得閒，唔明點解唔覆機?呻完一輪，講返啲野食，其實食物質素唔差，個龍蝦湯好夠味，會有啲龍蝦肉係到。秘製紅黑雞翼酸酸甜甜，都幾開胃。野牛肝菌藍青口燴意大利飯，飯既軟硬度岩岩好，成碟飯又唔會太水或者太乾，牛肝菌都好入味、只係青口食落口無乜味道。卡邦尼海鮮意大利麵同凍玫瑰荔枝梳打都唔錯。總括，個人認為一般朋友聚會，普通食餐飯，呢到係唔錯既，但假如慶祝生日，紀念，或者其他要比驚喜既飯局，我就好有保留啦!PS: 因為餐廳燈光比較暗，所以無影過啲食物，淨係影左張擺設

如果去厭左普通嘅樓上cafe 可以試下呢間alice主題嘅樓上cafe 裝修同佈置都充滿童話氣息溫馨提示：冇book位嘅建議早少少去 吾會太多人 如果去到下午茶時間就未必有位講下食物先 每一道菜都有佢地獨有嘅名 我叫左個lunch set1 龍蝦飛舞（香濃蝦肉龍蝦湯）作為餐湯佢鮮味幾濃 吾會太稀 入面真係有蝦肉 幾好飲2 大蘑菇下的生活（黑松露田園野菌義大利麵）聞上去黑松露味係夠嘅 個麵除左有菇外仲有三色椒 健康又搶眼 但個人覺得吾夠creamy 食食下會覺得麵有啲乾 建議可以落多少少忌廉代替油3 愛麗絲（凍 藍忌廉溝鮮奶）賣相好靚 藍白漸變 個杯好大所以一定夠飲 鮮奶味好重吾算太甜 我覺得係吾錯嘅特飲4 是日甜品（伯爵茶蛋糕）有啲失望 個蛋糕好濕 濕到出水 食吾到伯爵茶味 上面cream吾夠soft 😢整體黎講都吾錯嘅 價錢就偏貴🙊

💠Alice in the wonderland🐰💙雖然地方細細，但一入去就好有童話既感覺😚穿過森林feel既玄關，閒日lunch入到去得我地一枱客😹方便哂影相❤️但一到下午茶時間就開始多人啦，如果唔想同人爭影相位，就揀好時間去啦😏其實價錢方便唔算特別平，如果二人餐都要每人二百幾🤔但單點價錢都差唔多，所以都係叫二人餐唔洗煩😹😹前菜有煙三文魚沙律主菜係卡邦尼海鮮意粉同煙三文魚意大利飯🍚平心而論真係無咩味😔幾淡下🙁甜品係朱古力蕉糖蘋果肉軟心蛋糕同Alice 杯子蛋糕🍰反而幾好食😹個杯子蛋糕係幾鬆軟👍🏻飲品都係不過不失👌🏻如果抱住嚟影下相，hea下都可以🍰但主菜真係有待改善👌🏻

之前見朋友post的相很吸引 已經想來這裡吃但那次full house今次和朋友慶祝生日 就預早兩星期訂位去到見到真的很多秘密花園的佈置雖然餐廳細細地 但幾舒服 有影相位仲有道具可以比人拿著影相食物方面 選來選去最後要了一set兩人套餐一份龍蝦湯 都幾多碎碎的龍蝦肉一份最貴的沙律 好多橙🍊肉😋 又多羽衣甘藍 幾好味主菜我選了青口意大利飯朋友選了三文魚蟹籽意大利飯兩樣都ok飲品方面選擇也算多我選了蜜糖鮮奶 好少地方會供應這個朋友好似選了花茶甜品方面因訂位時註明了是慶祝生日不用提也在碟上寫上了happy birthday👍讚唯一有點不高興是之後發現原來可在OpenRice 訂那個二人套餐 有75折咁多架平百多元😤