影片
早系北角已食过呢间野, 佢果个38蚊三文鱼饭几好食, 大大旧之余仲有鱼子酱配之后原来系公司附近开左间分店, 就梗系试下佢其他野食平均都系3蚊件, 仲平过吉XX买左三文鱼同烧三文鱼Total 20蚊有找, 唔错先讲讲三文鱼, 味道虽然冇吉XX咁好, D饭仲要系淋既, 但起码旧鱼大件, com食而烧三文鱼就梗加唔错, 食得出果种烧烤味如果以呢个价钱黎讲已经唔错果度仲有栗子, 其他日本野食卖, 总叫选择多如果预算唔够,或粗粗地食一餐当tea,呢间野唔错(下次试埋其他寿司先)
继续阅读
无可否认,我食过几次争鲜,总是觉得不太美味,但亦理解一分钱一分货既道理.所以通常听到要食争鲜,心里都会好烦恼我不爱争鲜的原因,因为剌身类好多款都无味道,所以只挑选三文鱼比较合适.这个三文鱼腩的确肥美,而且富弹性,入口即溶,但鱼味还是不算好浓.比较出色的是那个鳗鱼葱卷,葱花巧妙地把少少的鳗鱼肉味道变得更丰富!葱香十足其他寿司味道真的好一般3蚊件,或者应该要选一些非鱼生类既寿司食,才能正确欣赏
继续阅读
近年争鲜分店愈开愈多,可能港岛区租金较高,以前只会o系九龙及新界开分店,旧年争鲜终于o系港岛区插旗,继北角及炮台山后,四月中o系鲗鱼涌开分店 新店开张头三日有寿司特价,平时卖$3一件寿司,特价$2一件 ,之前网上流传呢间分店几时开张,知道争鲜习惯新开张分店有$2一件寿司优惠,所以新店开张首日放工后,我专程去呢间分店买特价寿司 当晚大约8pm 去到鲗鱼涌分店,见到店外行人路有大约十几人排队,店员会向客人派发胶盒,每人每次最多可买20件特价寿司,其中三文鱼寿司最多可买10件,若果超过20件寿司就要以原价$3一件计算等左大约10分钟,就轮到我入去舖头买寿司 店内相当多人,职员不停添加寿司,可能新店开张关系,部份寿司款式卖晒 ,未必有咁多选择,当晚见到大约有12款寿司选择寿司店冇夹提供,各人都忙碌地用手拣寿司,或者会有少少不卫生 当晚唔见有散装三文鱼寿司出售,店员话呢款寿司一定要买成盒,一盒有10件我就选左一盒三文鱼寿司,另外选多10款寿司去收银处俾钱,收银员会根据顾客买几多寿司去俾自家制作o既豉油及日式芥辣,根据本人经验,愈买得多寿司,店员比例上系会俾多o的客人豉油及日式芥辣架 买完寿司就搭车返屋企开餐 三文鱼寿司o的三文鱼算系合格,唔系好薄一片,好抵食 ,可能成本较高关系,呢款寿司每人只可以用每件$2价钱买10件另外10件寿司我选左沙律寿司,飞鱼籽寿司,希灵鱼寿司,玻璃虾寿司,龙虾沙律寿司,中华沙律寿司,辣味螺肉寿司,芥辣墨鱼寿司,螺肉寿司等款式我觉得比较特别系希灵鱼寿司,希灵鱼几弹牙,或者唔系大路款式,印象中希灵鱼寿司唔系咁多日式餐厅有得食,以前争鲜都唔见有得卖芥辣墨鱼寿司系一款唔洗再点豉油及日式芥辣o既寿司,撕开包装胶纸就可以即食,几好食 整体黎讲争鲜寿司系抵食,新鲜及方便,由于卖得平,自然多人买,食物流量大就会比较新鲜,对于我黎讲,日式芥辣算系够辣,食到有少少攻鼻效果 寿司饭粒唔会太酸,由于寿司由机器制作,饭团系会散散地,紫菜虽然唔脆但唔会淋晒可能成本关系,寿司店冇外卖筷子提供 ,若果大家唔系买返屋企食,就要用手拎住旧寿司点豉油及日式芥辣今次新店优惠卖每件$2,其实就算卖$3一件都应该收货,日后如果再有新店优惠,若果地点方便,我都可能会专程搭车买寿司,因为每件悭$1,买够20件就可以悭$20
继续阅读