爭鮮外帶壽司 (港鐵奧運站)

早前行過爭鮮外賣店，見到人流唔少，忍唔住入去買幾款壽司同甜品試下。選咗幾款心水：蒲燒海鰻壽司、小帆立貝壽司、芝麻八爪魚、軟殼蟹飯糰，仲有一件藍莓芝士蛋糕作結尾。蒲燒海鰻壽司鹹香有味，鰻魚厚身，飯粒粒分明；小帆立貝壽司鮮甜，入口滑嫩；芝麻八爪魚口感爽彈，配上濃香芝麻醬，味道層次豐富；軟殼蟹飯糰夠酥脆又唔油膩，內餡足料。最驚喜係藍莓芝士蛋糕，芝士味濃郁不過膩，藍莓果醬微酸，平衡到甜度，一件細細地作下午茶啱晒。雖然屬連鎖外賣店，但整體質素保持得唔錯，價格親民，適合快速解饞一餐。…查看更多

第一次幫襯！$45 蚊6舊有三舊花之戀，兩舊三文魚子軍艦，同埋兩舊三文魚壽司味道比我想像中好，唔會太伏。但係食完好似無食過野咁🤣，唔夠飽，返去仲要啪多個杯麵😂。…查看更多

有時候收工就想食下宵夜，番屋企途中，甘岩見到地鐵站間爭鮮做緊8折優惠。一於去望下啦。咦都好多選擇，壽司類就有8折。帆立貝壽司一盒6件，每件都有一粒帆立貝咖。不過就無乜鮮味咖啦海膽壽司:食到有小小腥味，而且都好多海膽，我覺得幾好食。反而大粒魚籽就一般般，係太腥同啲飯好濕。我寧願下次買哂淨海膽壽司。什錦壽司，自己夾左幾件3蚊壽司。中意食芥辣八爪魚🐙，小小哄鼻，八爪魚一粒粒又特別好食！赤貝夠爽都好食！下面果兩件我以爲係星鰻，點知食落先知係燒汁八爪魚😭😭我吾中意☹️☹️不過爭鮮真係窮人恩物，質素其實都吾係好差，當然吾可以同其他食店作比較，但爭鮮都算又多選擇又夠飽！簡簡單單又一餐，吾錯！…查看更多

好耐好耐之前，喺遠古嘅華夏，又可能係高句麗， 有聽聞係大和民族，據說只要食 [鰻魚] 就會有強身健體嘅效用。更有好多不知名，又喺歷史裏面無記載過嘅醫學家講過 食咗 [鰻魚] 就會令男人嘅某種能力增強#數百倍功力# 以上嘅傳說。我係一個好迷信嘅人，而且今晚我正正需要增強男人嘅某種能力，所以我就買一盒鰻魚壽司嚟食。蒲燒鰻魚盛$32一盒蒲燒鰻魚盛就有八件鰻魚壽司，每件壽司都大件又夠多飯，每一件壽司嘅鰻魚都又香又甜又好味，壽司飯有飯嘅味，鰻魚有鰻魚同埋蒲燒汁本身嘅味，每一件鰻魚壽司都好好味。我今晚嘅衝刺就靠曬你，鰻魚壽司。…查看更多

因為我本身系吾食三文魚，又或者刺身個d，所以好少去食日本野，唯一就系會食下爭鮮個d中華沙津sushi，同蟹肉sushi ，同埋青瓜小卷個d，清清淡淡，但好好食，特別系中華沙津sushi，好夠味，又新鮮！…查看更多

位於奧運地鐵站，ok便利店旁邊的爭鮮，平日收工時間很多人會買回家作晚餐。另外也很喜歡三文魚餐盒和鰻魚壽司，性價比高，味道滿意。買了一碗凡立貝丼飯作午餐，這飯的份量比一件件的壽司多，較飽肚。店內更有兩張桌子，供食客立食。凡立貝的份量比以前多了少許，若有4個半一片，而且其他配料如玉子絲、中華沙津、蟹籽和櫻花蝦的份量也很足夠，不怕不夠餸來送飯。通常會平均地加一包至兩包鼓油，再攪拌所有拌料，確保每口飯都是美味的。…查看更多

今天經過見到爭鮮poster新出手卷，問店員話即叫即做，高高興興的買了，試食後極為失望，order了的軟殻蟹手卷，冰凍的放在盒子裏給我，😰店員仲叫我要即食，否則會林晒！結果一咬仲成果卷散晒...味道…查看更多

媽媽唔煮飯屋企得翻我同細妹，就唯有出街買外賣啦。雲雲食肆之中細妹就揀左爭鮮。佢d三文魚都算ok，30蚊盒都唔可以要求太高。蟹籽粒粒爽口卜卜聲，玻璃蝦都係好新鮮，帶子都好稔身。基本上d壽司都係新鮮幾好食。…查看更多

平時放工經過地鐵站，時不時會口淡淡想食帶鮮味嘅野，往往爭鮮外賣壽司係我嘅1st choice。一黎方便，二黎啲野食真心係平靚正。通常我鍾意一口氣買10件壽司，再加一盒花之戀。壽司當然唔少得我心愛嘅三文魚，鰻魚等等。而家我偶爾都會買一，兩盒三文魚刺身 (8片/盒)，因為真心覺得佢啲魚肉好滑，拍得上日本築地刺身。 <--有點誇張。…查看更多

人窮但想吃壽司，只有爭鮮和明將做得到。但明將已經執得七七八八，唯有爭鮮開得成行成市。$3一件，我就不客氣了。我點了鰻魚、中華沙律、螺肉、玉子、三文魚、吞拿魚，再加一件蟹柳手卷，$9。很滿足的午餐！…查看更多

我絕對係壽司控 超中意食壽司～ 之前食元氣成日都成千蚊先出到門口 真係荷包乾硬化😞 自從有左爭鮮之後 我發現左壽司天堂～最中意食帆立貝壽司 好鮮甜又厚肉 而且只係廿幾蚊就有六件😋😋 另多三文魚壽司盒都好正！🍣啲三文魚食得出有一定既質素 唔會係劣質三文魚 上面仲有魚子 令舊壽司更鮮味！其實我覺得啲豉油都係重點 佢啲豉油好鮮 令啲刺身更加好食～真心覺得爭鮮係壽司天堂 好抵食 又多款 我唯一有少少不滿既 就係有時啲豉油俾得太少 想要多啲又要俾錢☹️…查看更多

冇錢又想食壽司，我就會諗起爭鮮。3蚊就有一件壽司，比大部分連鎖店平，但質素也不錯，對得住這價錢。我最愛吃就是鰻魚壽司，配上提供的醬油簡直是一流，這裡的鰻魚不比外面的差。有時會買鰻魚小卷，14蚊有12件，雖然愈來愈貴，但比起外面的食物，還是可接受，吃完這12件，會有飽的感覺。…查看更多

當你夜收工，懶得係屋企煮面， 出街吃又唔想等位/ 太夜餐廳開始收擋時， 位於地鐵站出口的爭鮮呢個時候可以擔當呢個位置： 果腹！ 當然， 幾蚊一舊壽司談不上什麼米芝蓮美食，但係又談不上太差，最鐘意吃佢青魚壽司同埋雜錦壽司飯！ 我比較滿意壽司飯唔會太甜，粒粒分明，其實飯質唔比其他壽司店差 壽司方面都幾多choice,每日都有14-15 款壽司, 三文魚壽司當然係每日都有,而且賣相都新鮮, 唔會因為價錢而飯多過肉LOL而我鐘意的雜錦壽司飯就有三文魚, 魚子, 青瓜,生蝦, 有時仲會有吞拿魚! 以30 元的價錢已算係好好質量!…查看更多

有時一個想食壽司，又唔想一個人走去食，就會買外帶壽司返屋企食。平時都有買爭鮮呢間，今次第一次試下魚生飯。雜綿魚生飯（$38）單睇賣相同價錢真係相當吸引！材料豐富，有三種魚生，仲有八爪，甜蝦，帶子，玉子同青瓜。食材就價錢嚟講其實唔差，雖然非常薄薄一層，但三文魚仲有點甜味。最大問題係米飯！冇用日本米，凍咗成塊餅咁，又硬又鬆散，仲要完全冇飯味，真希望可以改善一下。總結嚟講，因為魚生飯啲米真係強差人意，下次都係外帶壽司比較好…查看更多

食過爭鮮壽司既門市因為真係好平而吸引一試味道平常啦純為醫肚今日經過爭鮮外帶壽司本身唔係想買外賣既但見極其多人就去睇下有咩新鮮貨壽司選擇都幾多有雜錦拼盤同散買都得賣相正路又便宜唔怪得咁多人但我唔肚餓所以只有留意佢其他小食估唔到爭鮮外帶壽司有其他唔關事既小食係壽司堆中有盒藍莓芝士蛋糕都幾搞笑我今次就買左佢兩包零食係甘栗同蓮子栗子既即食牌平時食得多的確係口痕既健康好幫手趕時間食又方便又飽肚今次仲係增量裝一百克大大包都只係８蚊粒粒仲好圓潤又唔乾身好完整啖啖肉質素好好令我有驚喜既係蓮子真係唔知蓮子都會出即食仲要係去左芯加左甜咁多工序都係頡６蚊，好抵呀本身見佢咁平同奇怪都冇咩期望係好奇買黎試下點知原來幾好食佢入而好多粒象牙白色既蓮子真係去哂芯唔會有苦味而且仲有少少既甜唔會係好多糖加工既感覺果種甜係好清新岩岩好的而且好濕潤好易入口真係唔錯！　又另一推介零食…查看更多