爭鮮外帶壽司 (富興大廈)

营业中

休息中

天氣熱有時真係無胃口唔知食乜好，爭鮮外帶壽司真係幫到我！平平地一盒飯其實已經可以係好豐富好滿足既一餐！爭鮮外帶壽司有好幾款飯 $36 - $55，包括：三文魚帶子丼飯、三文魚丼飯、鴛鴦大丼飯、三文魚沙律拌飯、幸福鰻遊丼、鯖魚丼飯同三文魚親子丼。$48 鴛鴦大丼飯係我個人既首選，有三文魚同油甘魚，三文魚同油甘魚既質素無因為係丼飯既關係而覺得差左，同平時刺身無乜太大既分別，仲有 4 種唔同既配料撈飯，蜜汁蝦酥、中華沙律、蒜味螺肉同埋雞蛋絲，又魚生又配料成個丼飯都唔會無餸撈飯，性價比真係超級無敵高！

好耐冇食爭鮮，因為之前有過不好的經歷但過了3年，我在朋友鼓勵下決定再試一次有驚喜，進步了，好味咗，係因為太耐冇食所以覺得好食左嗎？但次次比太太太太多豉油和𝒘𝒂𝒔𝒂𝒃𝒊了有點浪費一定用唔晒唯有留起佢 下次叫姐姐唔好再比應該嚟緊好多次都要叫佢唔好再比先可能有機會用得晒🥲

今晚要食自己，行經爭鮮壽司，諗住是但買幾件壽司填肚就算！最終買了自選壽司12件，包括山葵八爪魚、象拔蚌、黃金魷魚、中華沙律及魷魚，另外番石榴汁正在做優惠，所以亦買了一支試試！之前食過山葵八爪魚，覺得八爪魚咬落煙韌，又有少少辣，味道還不錯，但今次反而覺得八爪魚好腍，沒有了之前的口感，味道一般；反而象拔蚌、黃金魷魚及魷魚味道可以，食落煙韌爽脆；中華沙律味道正常，不過不失；番石榴汁亦不算太甜，味道不錯！如果對壽司無要求，純粹只是貪方便及便宜的話，爭鮮絕對係快食之選！

最近很懶，沒有煮飯。所以常常去買爭鮮壽司。我買了雜錦三文魚壽司盒和火焰雜錦壽司盒，裏面有生蝦和三文魚。$38一個壽司盒要求實在不可以太高，他的魚生味道不是很濃，填飽肚子就滿足了。加$12也可以有兩支椰子水，這個是我必買的！我們一家人也很喜歡喝！另外也買了熟蛋卷給兒子吃，因為裏面有魚子，他好像也不太喜歡。以前我很欣賞他的熟三文魚脆卷，但是已經沒有賣了，很可惜！他的種類也好像少了，看似也沒有什麼可以揀。

對於一個人食嘅晚餐，要平又要飽肚，又想有啲異國feel，壽司就最啱了，最緊要有米落肚呀麻。位於元朗青山公路這間爭鮮不失為一個好選擇。選擇都還算多，而且價錢便宜，3蚊就有一件，需然體積小，但變左可以試多幾個口味，晤會食兩三舊就飽食唔到其他口味。也可以選擇飯定食，或者配好的。咁我今次就簡簡單單買左三文魚壽司和軟腳蟹手卷。三文魚有腩位，食落去都唔錯，當然和外面幾百蚊一餐無很比，但咁嘅價錢食到咁嘅壽司都算係咁了。這個卷物要自己卷的。都係果句，性價比高，又可以食到日本野，間唔中可以試下。

每一晚的八點半後都特別多人，因為元朗的爭先分店會有八折😉如果夜一點去壽司的選擇巳不多，給顧客買清了，我現在買了$72元正價，八折後$57.6。爭先店內選擇壽司款式很多，我覺得最好吃的是象拔蚌壽司，很爽！帶子壽司又很鮮甜，當晚的帶子壽司是最後的兩件了已被我買了，太幸運😂