爭鮮外帶壽司 (港鐵元朗站)

营业中

休息中

位置喺正西鐵站，收工經過買完駁輕鐵勁方便，仲要都開到幾晏，平時OT完9點先去買都仲有好多選擇👍🏻味道就唔好太大要求喇~ 始終都係爭鮮，收工快食唔想再嗌外賣，快手買完返歸食就算，正常唔腥唔肚痛就水準以內啦🤣OT捱到好夜先有得食，次次都會丼飯再加壽司，飯量夠曬飽，味道都ok👍🏻

10點幾經過仲未閂門～～～忍唔住入去，執咗幾件做宵夜～～～原來佢係開到11pm～～～雖然得返好少選擇～但咁夜都仲買到壽司食都好過冇～～～味道還好～都係正常水準～～～

約咗去朋友屋企玩，在元朗西鐵站集合，因未食午餐，在西鐵站買外賣，壽司店是好選擇，店舖細，兩邊都有雪櫃，壽司選擇多，我唔想逐件揀，買一盒配搭好嘅雜錦壽司食，店員好爽手入袋，八達通比錢方便高級海鮮特盛（$46）首先雖然是「高級」但賣相仍頗平實粗糙，價錢便宜下要接受的，首先要讚透明膠蓋上設計了一個凹槽做豉油碟，不佔位又方便環保，兩件三文魚是偏啞色的，就算沾了芥辣豉油都有腥味，帆立貝軟嫩ok，北寄貝彈牙ok，蝦肉爽都偏腥，赤貝也爽口有咬口（赤貝有微腥）講真只要ok就當對得起價錢！（$46有十件真係唔好太苛求）但有其他選擇嘅唔會再食維生嘅壽司

食完KFC炸雞再食爭鮮壽司，$3一件壽司最抵，每次都會揀，最鍾意食小龍蝦、螺肉同埋紅色八爪魚。見到有新品，就試吓蜜桃海鮮沙律卷。飲品方面，最鍾意多多君，好甜🤤 平日都會買泡芙，不過而家越嚟越貴😢都幾鍾意爭鮮嘅甜品

爭鮮一向出名大件夾抵食 平時食開平壽司多 今日外賣買左大碗飯做晚餐 蒲燒鰻魚飯好大碗 有六至七件鰻魚 份量足 質地偏韌不過個汁幾好味搭夠 配菜有蛋絲同中華沙律 幾豐富 一個人一定食得飽 $42呢個價錢來講算唔錯了

爭鮮位置好方便，係西鐵站附近，落左車買完就可以去轉搭輕鐵。買左個玉子長卷，個蛋甜甜地，都幾好食。不過性價比冇玉子壽司單粒咁高。蟹子壽司就一般般，三文魚壽司、鰻魚壽司都唔錯。

爭鮮既分店好多,遍佈港九新界,總有一間係左近.話說就有日,我係元朗行行下街肚餓,想食小小野,就入去點左我最中意食的花之戀壽司同饅魚壽司醫醫肚.食過爭鮮既人都會同意,佢地既壽司唔可以講得上係天上有地下冇,但質素絕對係對得起個價錢 平,靚,正!!

台灣壽司連銷店爭鮮來港開業經已接近十載，在尖沙咀開設第一家堂座店迴轉壽司後，陸續在港九新界開設多間外賣及迴轉壽司店，在爭鮮官方網頁查找的資料顯示，現在香港共有21家迴轉壽司及49家壽司外賣店，在香港取得空前成功。成功之處何在？龜龜以是次光顧經驗跟大家剖釋一下。食肆門面清潔光猛，客户可以放心光顧。凍櫃內的魚生充滿光澤，龜龜光顧了幾十趟爭鮮，從未見過有色澤暗啞的劣貨在櫃內出現，食物流轉絶對快速是主因，而且爭鮮標榜所有魚生晚上賣不出的會一概丟棄。食物流轉快，無他，取價公道，質素可人，大家細看凍櫃，全部單件壽司一律HK$3.00，而作價較高的，也不過HK$4-8一件，可算平絶港九，能賣得相宜，因為老闆是台灣的海產代理商，能以較市價低很多的價格賣貨予旗下壽司店爭先。下圖一盒作價HK$30的什錦壽司，龜龜最常購買，有齊10款不同口味。本龜認為最好的便是三文魚及希靈魚，金槍魚則較為普通，既多雜筋，肉味一般，應是取自廉價黑鰭金槍。赤貝則水準飄忽，時而鮮爽，有時會帶有異味。無論如何，爭鮮的壽司刺身性價比是極高的，想買點外賣裹腹，絶對不容錯過。

元朗不似住市區方便，西鐵站離又新街食區仍有一段路程。所以今日，系元朗走時候，系西站買了爭鮮吃。3年之前食爭鮮就覺得簡直難吃，今晚再試感覺食物質素有提升到。當然它很難與元氣、板長d刺身壽司來比較。今晚外賣了些三文魚腩、螺肉、稀零魚、花之戀、三文魚手卷、辣味螺肉等等，加埋加埋都系$130。值得一贊：價錢這麼多年仍然沒變。依然是$3元一個件壽司。缺點：之前有賣壽司副產品：醬油、washabi、醋、紫菜、壽司卷席等，但現在都沒有了只有一些甜食，實在可惜。

今日同家姐仔去探堂妹， 11點食完早餐就起行， 因為遲食早餐所以skip 左lunch. 玩到3點走人時發覺開始餓， 古寒既我就諗住買個麵包食， 點知去到麵包鋪， 成10蚊個空氣包， 真係揀唔落手， 最後諗住去平平地買蒸包，幾蚊個，行到蒸包就俾隔離爭鮮吸引左， 因為$3件，仲平。 入到去太多選擇，有單件$3， 鰻魚小卷$14，手卷$7， 揀黎揀去， 點知貪心既我，俾呢盒鴛鴦小丼飯吸引左， 盛惠$22。 見到佢咁多刺身， 實在盲目左， 。 好在都幾新鮮。 唉， 好地地俾幾蚊買個包咪算囉， 而家俾左幾倍錢😂🤣😂

$3 件， 其實真係冇乜奢望， 以佢嘅價錢其實算係好抵食，味道亦唔錯，起碼好過百佳惠康超市嗰啲。至於元朗呢間，我覺得比起之前試過屯門或者荃灣嘅好，因為今次買嘅蟹柳沙律壽司，啲沙律冇以前咁一pat pat ,整得比較精緻。所以通常屋企冇飯食，呢個都係一個選擇，總好過成日食大快活大家樂或者麥當勞。

我成日都去呢間外賣壽司，佢啲壽司都好新鮮，暫時都未有水土不服情況，通常我鍾意食佢啲蝦壽司同三文魚壽司，佢嘅枝豆同泡芙都好好食，但係有一次我個去買外賣嘅時候，見到佢出咗個朱古力mousse蛋糕，咁就買咗嚟試下啦，又出奇地好食woo ，唔知係唔係元朗分店啦，見過一次之後就冇啦，定係每日一早已經俾人買晒尼

元朗西鐵站的爭鮮, 印象中都開業了兩至三年, 這段期間由於我和家人都十分喜歡吃剌身因此我們每個星期都總有兩至三餐是吃外賣爭鮮的。 如果大家熟息元朗, 都會知道前些年沒有爭鮮, 沒有YOHO MALL的時侯, 這個地標商場叫做"新元朗中心" , 元朗大的人更會知道這叫"新元中" , 當時"新元中" 雖然沒有很多購物點, 但有一間"百佳超級廣場" 佔位置於整個商場的最頂層全層, 貨物包羅萬有。其中我們最常到的就是壽司部, 當時我們會去百佳買壽司剌身, 這間百佳提供的三文魚剌身是十分新鮮, 質地一流。   可惜經過時日洗禮, 地產商的發展 , 演變成現時的YOHO MALL , 百佳超級廣場都與新元中一樣消失了, 因此我們現在吃壽司就會到元朗西鐵站下方的爭鮮外賣壽司店了。  眼見很多人都會選擇多件$3壽司,塞飽自己便了事, 但我家人很追求享受, 因此我們買壽司還會加不少剌身, 再配上啤酒, 彷似自己在居酒屋一樣 首先說說, 我們一家人吃爭鮮吃叫的就是花之戀、壽司、剌身及冷盤小吃, 每次吃這些都是必定要有的。花之戀, 因為我最喜歡沙律醬, 爭鮮的沙律醬是與別不同的, 有種

不嬲都有買開爭鮮壽司食，一來貪佢夠平，二來佢地嘅壽司刺身雖然都係大路貨，好似係三文魚、吞拿魚及八爪之類咁，但係就流轉快夠新鮮。今日走左入去元朗西鐵站底下嘅爭鮮，本來都係諗住買翻盒10件裝價值HK$29嘅盒裝壽司，點知俾我見倒樣發夢都冇諗過會喺自助壽司店出現嘅刺身喺個別雪柜........龍蝦刺身(HK$45)係！你冇眼花，真係伊勢海老(龍蝦)，並唔係果啲什麼假冒龍蝦身份嘅螯蝦同有對拑嘅海蝦。問阿姐幾時開始爭鮮有龍蝦刺身賣，佢話今日先有，仲話柜裏面果隻係今日整出嚟嘅第二隻。即刻俾錢，買番屋企試下。隻野其實唔細，連埋未剝嘅殼有成六七兩，以前喺外面食過一隻咁上下大細嘅活龍蝦，品種當然唔一樣，要HK$500過外。剪開啲肉黎食，都算爽甜，淨肉都有二兩！個頭同尾放左入雪柜冰格，留番嚟整法式龍蝦湯，HK$45呢個價錢好抵，揾日Encore 多一隻，多一個龍蝦頭，煲湯會好味啲！

在元朗想快速充飢，迪迪一定推薦朋友吃爭觧 而且還要是買【蟹柳小卷】（HK$10）。這間爭觧外帶壽司位於元朗西鐵站和元朗輕鐵站之間，就在山崎麵包旁邊，凡是乘交通工具外出的人都必會經過，非常方便！❝ 蟹柳小卷雖命名為「小」，卻一點兒也不能輕視啊，多少次在匆忙之際，迪迪就是靠它來醫肚的啊 只花少少的$10就能夠買到12舊蟹柳小卷，湊湊合合也有大半碗飯的啦 絕對是便利快捷又便宜之選啊！❞❝ 要說最重要的味道了哦，蟹柳小卷其實完全不遜色於一般的日式壽司店呢，壽司飯是頗有嚼勁的日本珍珠米，加了適量的醋，味道很好很開胃，而且蟹柳的大小是沒有偷工減料的，與飯的比例可算得上是1:1，粗粗的，雖然誰都知道只是冰觧的，但配上壽司飯和紫菜非常好吃！說到紫菜這點上，因為是一早弄好的，所以每次購買的蟹柳小卷的外皮紫菜都是軟軟的，雖然這問題好難解決，但迪迪也希望有一更能吃到脆脆紫菜邊的蟹柳小卷❞若果不喜歡這款卷物，爭觧也有不同的小卷物可供選擇，同樣也是$10呢，超適合地道香港人的急速生活節奏呢！