当我发现呢间蒸锅私房菜无限时，即时好想试试。首先要预定套餐同埋缴交按金。我拣咗呢个$398。大门口唔系写住《燕味馆》首先蒸大连鲍鱼，底下系什锦瓜菜。跟住蒸蚬(每人有两只)。蟹就每人得一只，无乜肉。
波士顿龙虾每人半只。(但系左右螯差别很大)
蒸鱼。(蒸锅蒸法，条鱼不过不失啦！)安格斯牛肉有点过熟。:(松茸杞子嘉美鸡，都系无乜肉食。梅菜蒸菜心，未试过咁整法，味道几特别。呢个元贝粥底加埋之前所有蒸过嘅𩠌汁，味道一流。
甜品。…查看更多
, 今次拣咗398。我净系留意到第一行系steam steam, 当时完全唔知原来全程都系steam steam, 哈哈, 未食过蒸气锅, 大乡里出城
其实间私房菜唔难揾, 如果你蒲开大埔又识去广福道既话。去到广福道, 揾号码会比较难, 未去过既可以揾呢个门口, 大埔镖会x溢恒语言中心, 中间有条小楼梯行上去。(我谂因为好多私房菜都系有人去过, 一个带一个咁介绍, 好少未去过就撞上去, 所以未必会系大街大巷有大招牌, 呢间食肆我就好似无见到个招牌, 见到一定selfie啦, 仲洗讲咩)上去到一楼一梯两伙, 右边先见到𠮶个唔系, 对面(即左边)个门先系。系呢个门口喇, 㩒钟啦!!地下入口、楼梯同门口都系旧楼嚟, 其貌不扬, 所以话佢系隐世呢, 估你唔到佢入面好鬼靓, 好时尚、简约、舒适同好warm㗎(最钟意系个厕所同个宝丽来wall
)系咪好trendy呢? 坐系入面好舒服, 细路仔都有空间周围走, 玩得好开心。今次专登p咗图先upload, 因为人家影得太靓太pro, 我呢啲摄影二逼, 只好玩吓p图抢吓镜, 借写食评机会乘机练吓P先
到主菜喇, 首先系见到个元贝粥底系大圆枱既中间, 上面放咗第一味菜式, 有椰菜花垫底, 西兰花同粟米围边, 上面舖半瞉鲍鱼。食材好新鲜, 听老板娘讲系每日9点去街市买既, 鲍鱼好味唔在讲, 粟米仲超级甜, 我仔仔食咗2旧, 叫晒 yummy第二味系叫刀贝蚬, 系外国货㖞, 都几大只, 一啖一只啖啖肉
, 好鲜甜, 完全可以唔点酱料。讲开酱料, 唔记得讲佢既酱料添, 简简单单几款任你沟, 个卖相都好得, 要比赞
左起系辣椒粒、葱花、蒜蓉同辣椒酱。仲有jar酱油的无影到。呢个蒸蟹好多羔又好多肉㗎, 唔系好识拆蟹, 虽然老板娘有准备无数咁多把较剪同钳, 但系我都唔识用, 最后要班救兵, 请隔离朋友仔帮我拆
鱼肚都吸咗味, 好好味。呢只仲茜利, 啲羔同肉多到呢, 老板娘仲教大家点分公乸。呢条朋友仔话叫呢2条叫沙巴龙趸, 我唔识㗎, 净系知几鲜甜几好食啰。跟住到红肉喇, 顺序唔系好记得, 唔知系牛、鸡、菜边样先。小牛排就咁蒸, 蒸牛排?? 好玄啊~~ 仲有桥妙㗎, 金菇垫底就梗系唔少得啦, 最重要系, 嗱, 有无睇到牛下面的小图, 有手磨器㗎, 要落玫瑰盐同胡椒食㗎, 未试过用手自己磨, 感觉超正, 估唔到咁好食
。哎呀, 讲咗咁耐, 唔记得讲饮品添, 𠮶度有饮品发售㗎, 不过今次我哋无饮一般嘢, 变咗去品酒。系𠮶度尝咗5支酒, 4支系专家朋友仔带去既手工啤, 我完全唔识佢哋, 朋友讲完我都系一头雾水, 学另一位朋友仔话斋, 个口感系酸、苦、啡、黑
(大𠮶支开始顺序数) 唔系唔好饮, 每款既味道都好独特, 唔同风味唔同味道, 系完全四种唔同感觉嚟㗎, 系我个脑记唔到呢啲咁专业既野。(my favourite is the 3rd one, coffee taste
) 啤酒送海鲜的感觉唔错 
我哋仲开咗支呢间店里的香槟, 我暂且叫佢橙色银河啦, 我都唔知系咩, 好靓, 都几好饮, 好易入口, 似桃味汽水。嘉美鸡系乜?? 我唔记得问, 食到呢度其实都已经8.9成 full, 所以食唔多, 松茸同鸡都试咗少少, 鸡好滑同好入味:)。哎呀, 呢味我无食到噃, 挂住去同阿仔换片, 哈哈~~
最正既梗系要系最好啦, 个粥呀, 吸晒所有海鲜、牛排同菜既天地日月精华, 正到呢~~~~~~ 重要既嘢要讲三次
仲有呀, 仲有个糖水呀, 超钟意食甜既我梗系唔执输啦, 仲食咗2碗添, 下次试自己整先得。第1次食桃胶, 朋友解释话系树胶、树脂之类的东西, 我第一直觉系, 风化千几年同亿多年后应该会变琥珀同蜜蜡, 哎呀, 比人话职业病添。唔系咩? 都系树脂啫。总括今次的晚饭 
系超开心、超好食、超轻松、超好玩, 今次试咗398, 但系我想食陈村粉㖞, 下次一定要再encore, 叫老公开团试个498大满足先得
…查看更多
蒸气锅最紧要食材新鲜，这里都俾到我上至龙虾下至南瓜都非常新鲜，最后粥底非常好味，吸收晒精华仲有私房菜除了食品外最紧要服务，服务非常好小朋友10岁以下仲不收费仲有糖水食yummy
…查看更多
